क्यों?

kyon?  

Ank ke aur Lekh | Sambandhit Lekh | Views : 1501 |  
prashna: surya ko aghrya kyon? uttara: sadharan manyata hai ki surya ko aghrya dene se pap nash ho jate hain. skandpuran men likha hai- surya ko aghrya diye bina bhojan karna pap khane ke saman hai. ved ghoshna karte hain- ath sandhyaya yadpah prayukte ta viprusho vajriyutva asuran paghnanti.. -shadvinsh 4/5 arthat sandhya men jo jal ka prayog kiya jata hai, ve jalakan vajra banakar asuron ka nash karte hain. surya kirnon dvara asuron ka nash ek alankarik bhasha hai. manav jati ke liye ye asur hain- taifaid, rajyakshma, firang, nimoniya jinka vinash surya kirnon ki divya samathrya se hota hai. enthreks ke spar jo kai varshon ke shushkikaran se nahin marte, surya prakash se dedh ghante men mar jate hain. isi prakar haija, nimoniya, chechak, tapedik, firang rog adi ke ghatak kitanu, garam jal men khub ubalne par bhi nasht nahin hote. par pratah kalin surya ki jal men pratiflit hui altravaylet kirnon se shighra nasht ho jate hain. suryaghrya men sadhak, jalpurit anjli lekar suryabhimukh khada hokar jab jal ko bhumi par girata hai to navodit surya ki sidhi padti hui kirnon se anubiddh vah jalrashi, mastak se lekar panv paryant sadhak ke sharir ke saman sutra men girti hui, surya kirnon se uttapt rangon ke prabhav ko upar se niche tak samast sharir men pravahit kar deti hai. isliye vedshastranusar pratah purvabhimukh, ugte huye surya ke samne aur sayan pashchimabhimukh chupte hue surya ke samne khade hokar suryaghrya dene ka vidhan hai. surya ko jal dena netra-tej vardhaka: pratah kal ki vela men surya ke pratibinb ko talon tatha nadiyon men dekhna pashchimi deshon men labhaprad mana gaya hai. vahan ke vaigyanik kahte hain ki aisa karne se netron ko motiyabind adi anek rogon se bachaya ja sakta hai. bhartiya granthon men iske liye surya ko jal dene ka vidhan adikal se chalta a raha hai. iska kram is prakar hai- suryoday ke thode hi samay bad lote ko jal se bharakar surya ki or mukh karke khade ho jaen. lote ki sthiti chati ke bich men rahni chahiye. ab dhire-dhire jal ki dhara chodna praranbh karen. lote ke ubhre kinare par drishtipat karne se ap surya ke pratibanb ko bindurup men dekhenge. us bindu rup pratibinb men dhyanpurvak dekhne se apko saptavarn valay (nyutan rang) dekhne ko milenge. lote ka kinara uttal (kanvaiksa) hone se surya ko lote se jal dena uchit mana gaya hai. jal dene ke patra ka kinara avatal (kankev) hone par surya brihat rup men dikhai dega, aisi avastha men hamare netra saur kirnon ko sahan nahin kar payenge. lota elyuminiyam, chandi adi chamkdar dhatu ka n hokar tanbe, pital adi ka hone se hi uttam rahega, uske uttal kinare par saptavarn valay adhik svachch dikhai denge. is prakar tej vardhak tatha netron ko labhanvit karne vali shital saumya rashmiyon ka sevan karne ka maharshiyon ne yah ek saral kram pradan kiya hai.
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.