संकल्प, विनियोग,न्यास ध्यानादि का महत्व

sankalp, viniyog,nyas dhyanadi ka mahatva  

Ank ke aur Lekh | Sambandhit Lekh | Views : 9321 |  
kisi bhi dharmik kritya, puja-path v mantra adi ke jap se purva hone vali sukshm kriyaon sankalp, viniyog, nyas v dhyan adi se am jan samanyatah anbhigya hota hai. islie is alekh men in avashyak kriyaon ke mahatva par prakash dalne ka prayas kiya gaya hai sankalp sankalp men har prakar ka vivaran hota hai jaise ki kisi baink ke khate men hota hai yani ap kis prakar ka khata kholna chahte hain (seving, rekring adi). ap investament karna chahte hain ya tarm dipojit karna chahte hain arthat ap karna kya chahte hain? ismen taim, ples, det adi sabhi baten menshan ki jati hain. ap jo bhi karna chahte hain vah apko spesifai karna padega. agar ap spesifai nahin karte to apke sabhi projekts dol-drams men hain. jab tak ap spesifai nahin karenge ap ka koi bhi projekt nahin chalega. apko apne faerm men sabhi vivaran bharna nitant avashyak hoga. isi prakar yadi ap puja karya ke arambh men sankalp nahin karenge to ap ki puja nirarthak ho jaegi kyonki use koi adhar hi nahin mil sakega. sankalp mansik n hokar vachik hoga to apke shabd brahmand men nad-brahm ke kenavas par rikaerd ho jayenge jo amit honge aur apke upar prabhavi honge aur falasvarup apka avedan svikar ho jaega arthat apki puja ko adhar mil jaega. viniyog viniyog ka abhipray namankit hone ki prakriya se hai. viniyog men mantra ke rishi devta aur chand ka ullekh kiya jata hai. aisa kiye bina thik vaise hi hota hai jaise baink men paisa jama karne vala vyakti apna nam evan vivaran darj n kare. aisi sthiti men aise vyakti ki mrityu ke uprant uska dhan sarkari kosh men chala jata hai. viniyog ke bina ki gai puja ka fal thik isi prakar brahmand ki viratta men sama jata hai aur puja karne vale ko iska koi fal nahin mil pata. nyas nyas dvara mantra ya path ke tukdon ko sharir ke antarik aur bahya angon men aropit kiya jata hai jisse sadhak mantra v iske devta ke sath ekakar ho sake aur usmen shiv bhav ka uday ho. jiv aur parmatma men abhed sthapit karne ka updesh ved aur upnishdon men diya gaya hai. isi uddeshya ki purti hetu nyas kiya jata hai. yah nyas ki prakriya tatvamsi hone ka vyavharik rup hai. nyas kie jane par isht mantra ke devta sadhak ki kavach ki tarah sarvarupen raksha karte hain. aisa karne se mantra ki bhi raksha hoti hai aur jap mala ki puja karna bhi isi vidhan ka ang hai. is prakar nyas karne se ap devamay ho jaenge. nyas ka mul abhipray hai devta banakar devta ki puja karna. mantra, devta aur sadhak men nyas dvara abhed sthapit hone ki sthiti banti hai aur falasvarup yadi puja karya men koi truti rah jae to sadhak ko iska dosh nahin lagega. udaharanasvarup yadi ap raja ki anupasthiti men raja ka dayitva nibhane ko badhya ho jaen to aisi sthiti men yadi ap apne man ke andar yah kalpana karen ki ap amuk raja hain to kathinai ke samay ap nishchit rup se vastavik raja ki tarah hi nirnay lene men saksham ho sakenge aur truti rahne ki sambhavnaen lagabhag samapt ho jati hain. dhyan nyas purn hone par man ko sab or se hatana saral hone lagta hai. man ko purnataya ekagra sthiti men lane ke lie dhyan ka mantra islie sahayak hota hai kyonki ishtadev ke rup ki kalpana puja karya arambh karne par hi hone lag jati hai aur nyas purn hone tak sadhak nishchit rup se isht devta ke dhyan men gahrai mahsus karne lagta hai. mantra ka nirantar abhyas karne par upanshu jap arambh ho jata hai aur sadhak ka man bina prayas ke svatah hi apne isht ke sath tadrup ho jata hai. is prakar se puja karne se dhire-dhire man par niyantran hone lagta hai kyonki sankalp, viniyog, nyas, dhyan v puja upcharon ka prapanch apko ekagrata se karya karne ke lie badhya kar deta hai. in sabhi prakriyaon men dhyan ke idhar udhar ho jane par puri puja ka kram idhr-udhar ho jata hai islie sadhak ekagrata banae rakhne ke lie majbur ho jata hai. jab yah majburi adat banne lag jati hai to puja karya ka kushlta se sanpadan karna purnataya saral hone lagta hai. puja ka vastavik uddeshya hai man par kabu pakar man ko ishvaronmukh karke unki kripa ka patra banna.
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.