वास्तु की नजर में गया एवं बोध् गया

vastu ki najar men gaya evan bodh gaya  

Ank ke aur Lekh | Sambandhit Lekh | Views : 1755 |  
kisi bhi shahar ke suvyavasthit vastu par us shahar ka samriddhi evan vikas nirbhar karta hai. atah shahar vastu ke anurup ho, to us shahar ka vikas charmotkarsh par hota hai. jahan tak bodh gaya evan gaya ka saval hai, yah ek prachin, dharmik evan aitihasik shahar hai, jiski itihas kafi purana hai. gaya men prachin mandiron ka akshya bhandar hai, jo ki apni prachinta, dharmikta ke karan vishva men vikhyat hai. yahi vah jagah hai, jahan bhagvan buddh ko gyan prapt hua tha. bihar pradesh ke gaya relve steshan se 11 ki. mi. dakshin bauddhon ka sarvashresht tirth sthal bodh gaya sthit hai, jo ki bhaugolik drishtikon se 24.41.45 akshans evan 85.2.4 rekhansh par sthit hai. bhagvan buddh ki gyan prapt karne ke purva yah sthan ukhel athva uruvela ke nam se prasiddh tha. parantu bad men yah bauddhi mandap ke pan se prasiddh hua. rajkumar siddharth ke gyan prapt karne ke uprant bodh gaya ke nam se jana jata hai. bodh gaya bharatavarsh ka vah dharmik evan aitihasik sthal hai, jis gaurav bhagvan buddh ke samay se aj tak akshunya bana hua hai, jiska pramukh karan vastu ke drishti men vastu ke anurup bana hua hai. jo iski kriti, gaurav evan iski utkrishtata ko vishva vikhyat banaye hue hain. bodh gaya ka sabse mahattvapurn smarak mahabodhi mandir hai, jo bodh gaya ke dakshin-purva disha men sthit hai. is mandir ka akar vargakar hai. mandir ke charon or kafi khuli hui jagah hai. halanki vartaman samay men mandir ka garbhagrih mukhya sarak se kafi niche ho gaya hai, jo ki vastu ke anurup nahin hai. sarak se mandir men pravesh karne ke lie ishan kon se rasta hai aur mandir ke garbh men bhagvan buddh ki sone jaise chamkdar ek murti hai, jo bhumi sparsh ki mudra men hai. jiska mukh purva disha ki or hai , jinke mastishk tilak se sushobhit hai. pure mandir ki rachna patthar ki int se kiya gaya hai, jis par chune ka plastar kiya gaya hai. is sthan par prapt ek shilalekh, jo ki 948 i. men likha gaya hai, jisse gyat hota hai ki is mandir ki rachna vikramaditya ke rajya sabha ke prasiddh nauratnon men se ek amar dev ne karvai thi, jo ki kalidas aur varah mihir ke samkalin the. iske atirikt isi sthan se prapt ek dusre abhilekh se gyat hota hai ki mul mandir ki rachna samrat ashok ne karvaya tha. mukhya mandir ke garbhagrih ke pashchim men vikhyat bauddhi vriksh hai, jiske niche purva mukh kar, tapasya kar sannyasi siddharth divya gyan ko prapt kie. yah vririksh lagabhag 100 fit uncha hai. hinduon ne bhagvan buddh ko vishnu ka dasham avtar mana hai. yahan dakshin bharat ke pinddani purvajon ke atma ki shanti hetu pinddan bhi karte hain. mukhya mandir ke pashchim, uttar evan purva men lohe ke bare-bare get lage hue hain, halanki vartaman men purvi get ka istemal kiya ja raha hai. mandir ke charon or parikrama karne ke lie paryapt jagah hai. jagh-jagah chote-chote prakritiyan pure mandir ke shobha men vriddhi kar rahi hai. mukhya mandir ke dakshin ki or ek sarovar hai, jo ki vastu ki drishtikon se achcha nahin hai. mandir ki mukhya dvar ke thik samne pani pine ke lie ek vatar kular laga hua hai. mukhya mandir se lagabhag 200 gaj ki duri par purva disha men dakshin se uttar nirjana athva lilajan ek vishal nadi bahti hai, jise vartaman men falgu ke nam se jana jata hai. bodh gaya ke uttara-purva men bahne vali yah nadi bodh gaya ke prasiddhi evan vikas ke lie mahatvapurn bhumika ada kar raha hai, sath hi mukhya mandir ke sarak se uttar evan purva kshetron ka dhalan lie hue hona bodh gaya ke deshi-videshi paryatkon ke lie akarshan ka kendra bana hua hai. mukhya mandir ke dakshin evan pashchim men tibbatiya mandir, naulkha mandir, bhutan ki mandir sthapit hai, sath hi 80 fit bhagvan buddh ki vishal purvamukhi pratima sthapit hai. is pratima ke uttar evan purva men kafi khuli hui jagah hai, jo deshi evan videshi shailaniyon ke lie apni sthapatya kala ke khatir vishesh akarshan ka kendra bana hua hai. mukhya mandir ki uttar ki or ek tibbatiya rifyuji market hai, jahan par sharad ritu men lakhon karoron ka karobar hota hai. dekha jay to bodh gaya ka vastu karib-karib vastu ke anurup jan parti hai, jo ki apni jivantta, sajivta evan vikas ka jvalant udaharan die apna praman svayan prastut kar raha hai. gaya shahar bhaugolik drishtikon se 24-48 uttar 85-0-0 purva par sthit hain yah nagri bhagvan vishnu ki nagri ke rup men jani jati hai. gaya ke dakshin - purva men vishnu mandir, dakshin man mangla ka prasiddh shakti sthal, uttar men man bangla ka prasiddh shakti sthal evan ramshila pahar, dakshin pashchim men brahmayoni evan militri kaint ki pahar evan purva men vishal falgu nadi sthit hai, jo ye sare tathya gaya ko mishrit prabhav se prabhavit kar raha hai. gaya ke sanbandh men kaha jata hai ki gaya ka panch kos men vistar hai. dakshin men bodh gaya se le kar uttar men pretshila pahar tak jana jata hai. vishnupad mandir men bhagvan vishnu ke 13” ki padchihn sthit hai. vishnupad mandir men pitron ki atma ki shanti hetu pure bharatavarsh se hindu pinddan karne ate hain. gaya ke purva men vishal falgu nadi gaya ke vikas, yash evan pratishtha ke lie char chand laga raha hai , jiske falasvarup pure bharatavarsh men gaya ko gaya ji ke nam se prasiddhi mili hai. gaya ke dakshin pashchim men brahmayoni pahar evan militri kaint pahar iske sthayitva evan vikas ki kahani bata raha hai. gaya ke uttar men ram shila pahar ka hona vastu ke drishtikon se achcha nahin hai, jo ki iske arthik pragti men badhak bani hui hai. khas kar uttari kshetron men nivas karne valon ke lie uttar ka kshetra ka band hona unke pragti evan arthik vikas ke lie achcha nahin hai. uttar kshetra ke apekshakrit dakshin kshetra valon ka arthik sthiti achcha rahega, kyonki unke uttar evan purva kshetron ka atyadhik khula hona hai. gaya ke purva men nadi ke us par manpur hai, jo ki gaya ka hissa hai. falgu nadi gaya ke samriddhi ke lie achcha fal, de raha hai, parantu manpur ke lie achcha fal nahin de raha hai. kyonki manpur ke pashchim men nadi evan khula hona, manpur ke samriddhi evan sthayitva ke lie achcha nahin hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2004

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.