फलित में अष्टक वर्ग की विशेषता

falit men ashtak varg ki visheshta  

Ank ke aur Lekh | Sambandhit Lekh | Views : 3396 |  
falit jyotish men faladesh nikalne ki anek vidhiyan prachlit hain, jinmen se parashrokt siddhant, mahadshaen, antar dashaen, pratyantar dashaen, sukshm dashayen ityadi ke sath, janm lagn, chandra lagn, navansh lagn ke dvara, varsh, mas, din evan ghanton tak vibhajit kar, sukshm faladesh nikalna sanbhav hain. lekin iske bavjud bhi faladesh sahi avastha men prapt nahin hota hai. faladesh men sukshamata lane ke lie jyotish ke sabhi granthon men ashtak varg apna ek vishesh sthan rakhta hai. ashtak varg ka varnan jyotish ke prachin maulik granthon men sabhi jagah milta hai, vrihad parashri hora shastra men to uttar khand men ashtak varg ka hi varnan kiya gaya hai. jyotish shastra men ashtak varg ek aham bhumika hai. jyotish men iske bina bhavishyavani karna asanbhav to nahin, lekin kathin avashya hai. kabhi-kabhi dekhte hain ki kisi vyakti ki janmakundli men grahon ki sthiti uchch bal ki hai, parantu vah vyakti ek sadharan samanya jivan vyatit kar raha hai, dusri or dekhne ko milta hai ki kisi vyakti ki janmakundli men grahon ki sthiti ati nich ki hain, parantu vah vyakti uchch evan mahan jivan vyatit karta hai, akhir aisa kyon? falit siddhant ke anusar koi bhi grah apni nich, shatru rashi, ya chathe, athven tatha barhven bhav men anisht fal deta hai, lekin dekhne ke lie milta hai ki aise grahon vala vyakti bhi sansar men uchch pad par niyukt hai. aise vyakti ki kundli ko dekh kar koi kalpana nahin kar sakta ki vah kisi unche pad par hoga. iske lie ashtak varg ka siddhant atyadhik avashyak hai. koi bhi grah uchch ka svakshetri, ya kendra adi balyukt shodash balyukt yogkarak hi kyon n ho, yadi uski ashtak varg men sthiti balyukt n ho, to vah shubh fal nahin deta hai aur yadi, uske viprit, vah grah chathe, athven evan barhven bhav men sthit ho, ya shatrukshetri, balhin ho, yadi vah ashtak varg men balyukt ho, to vah shubh fal deta hai. keval kisi ek grah ke adhar par vastavik satya bhavishyavani nahin ki ja saki hai. is bat ka dhyan rakhna jaruri hai ki sare saur mandal men anya grah use kitna prabhavit karte hain tatha us grah se anya grahon ki sthiti kya hai evan uska prabhav kya hai? iska gyan sirf ashtak varg se hi ho sakta hai. janm ke samay kisi grah ki jo sthiti keval us sthiti ke anurup fal kathan karte samay yah atyant avashyak ho jata hai ki vartaman men grah ki sthiti kya hai, janm ke samay us grah ki sthiti uchch bal ki ho, lekin vartaman men us grah ki sthiti nyunatam hai, to iska nirakaran ashtak varg evan gochar ke dvara hi kiya jata hai. gochar ke fal men sthulta hai. kyonki ek hi rashi ke anek manushya hote hain, islie gochar men bhi sukshmata lane ke lie ashtak varg ki upyogita hai. gochar men, chandra rashi ko pradhan man kar, shubh sthan ki ganna kar, pratyek grah ko shubh evan ashubh mana jata hai. parantu ashtak varg men, pratyek grah ki rashi ko pradhan man kar, usse shubh sthan ki ganna ki jati hai. ismen surya, chandra, mangal, budh, guru, shani 7 grah evan lagn sahit 8 hote hain. in athon ke sanpurn yog ko ‘ashtak varga’ kaha jata hai. ashtak varg men 8 prakar se shubh tatvon ki ganna ki jati hai. is karan ashtak varg ke dvara gochar fal vichar men sukshmata a jati hai. iske bina falit adhura hai, jis grah ki jis rashi men lagn sahit athon grahon ki sthiti anukul hogi, usko 8 rekhaen prapt hanegi, us rashi se bhraman karte samay vah shat-pratishat fal deta hai . 4 se adhik rekhaen hone par vah grah shubh fal hi dega. ashtak varg men is bat par vichar nahin kiya jata hai ki vah rashi kaun se bhav men hai, bhale hi vah rashi janm lagn, ya chandra rashi se athvi, barhvin, ya kendra trikon men ho, yadi use 4 se adhik rekhaen prapt hongi, to gochar ka grah us rashi par avashya hi shubh fal dega. man lijie, vrishchik rashi se dvadash sthan par tula ka guru hai. yadi vah 4 se adhik rekhaon se yukt hai, to dvadash men hota hua bhi shubh fal dega. ismen bhi ek grah apne nirdharit samay tak rahta hai, jaise surya. mas, chandrama sava 2 din, guru 13 mas ityadi. inmen aur bhi sukshmata lane ke lie yah dekhte hain ki us grah ko kaun sa grah us rashi men shubh fal pradan kar raha hai. iske lie us rashi ko 8 se vibhajit kar denge. inka kram shani, guru, mangal, surya, shukra, budh, chandrama aur lagn ho. 30 bhag 8 = 3-45 hoga, ismen pahla bhag 3-45 tak shani ka, dusra 7-30 tak guru ka, tisra 11-45 tak mangal ka, chaitha 15 tak surya ka, panchvan 18-45 tak shukra ka, chatha 22-30 tak budh ka, satvan 26-15 tak chandrama ka aur athvan 30 tak lagn ka hoga. us rashi men shubh fal dene vali rekhaon ko isi kram se dekhenge. is prakar ashtak varg ki jis rashi ke jis bhag men shubh rekha hogi, us grah ke us ansh tak shubhta rahegi. us vakt tak vah grah shubh fal dega. is prakar ashtak varg dvara gochar men aur bhi sukshm falit de sakte hain. janmakundli men pratyek grah ke pratyek bhav men fal bhinna-bhinn hain. kuch bhavon men grah apna shubh fal dete hain aur kuch gharon men bura fal pradan karte hain. lekin ashtak varg men aisa nahin mana jata hai. ashtak varg men sab grahon ka kisi bhi bhav men shubh evan ashubh fal ek saman hoga. anisht sthan men bhi grah shubh fal deta hai aur shubh sthan par bhi grah anisht fal de sakta hai. janmakundli men kisi bhi bhav men samudayak ashtak varg ke anusar 32 se upar rekhaen hongi, to us bhav men sthit grah shubh fal dega; chahe vah grah anishtakarak hi ho. yadi 32 se kam rekhaen hongi, to utna hi vah grah ashubh fal deta jaega. udaharan ke taur par man lijie vrishchik rashi lagn ki janm kundli men surya dashmesh ho kar ashtam mithun rashi par para hai, to uska fal ashubh hoga. lekin yadi samudayak ashtak varg men use 32 se upar rekhaen prapt ho rahi hon, to ashtam bhav sthit surya ke fal men shubhta a jaegi, arthat is prakar 32 rekhaon se adhik bhav vale bhav men sthit anisht grah bhi shubh fal pradan karenge. samudayak ashtak varg men dasven bhav se ekadash bhav men adhik rekhaen hane aur ekadash bhav se dvadash bhav men kam rekhaen hon tatha dvadash bhav se lagn men adhik rekhaen hon, to vah sukhi, dhanvan evan bhagyavan yog ban jata hai. surya aur chandrama ashtak varg men kisi rashi men 1, 2 ya koi bhi rekha n ho, to us rashi ke gochar ke surya aur chandrama men koi bhi shubh manglik mahatvapurn karya karna achcha nahin hota hai. iske lie janmakundli ke adhar par surya, chandra, guru ke ashtak varg men dekhen ki us rashi men use kitni rekhaen prapt hui hain. yadi 4 se adhik rekhaen prapt hon, to usmen manglik karya karna shubh hi hoga. yadi 4 se kam rekhaen hon, to thik nahin, parantu yadi 4 rekhaon se adhik hai, to vah shubh hai; chahe vah janm rashi se barhvin rashi hi kyon n ho. gochar ka surya, chandra, guru shubh mana jaega. surya ashtak varg se atma, svabhav, shakti aur pita ka vichar kiya jata hai. yadi surya ko 4 se kam rekhaen prapt hanegi, to manushya atmik taur par nirbal hi hota hai. yadi 4 se adhik rekhaen hon, to atmik bal aur rajtulya vaibhav se yukt hota hai. sabse kam rekhaen hanegi, to us rashi ke gochar ka surya uske lie anukul nahin hoga. gochar ka shani jab us rashi men ae, to pita ityadi ko kasht hota hai. us mas men mahatvapurn rekhaen hongi. usmen gochar ka jab surya aur brihaspati aega, to vah samay uske lie paitrik sukh evan atmik unnati aur shubh karyon ke lie vishesh rahega. surya ashtak varg men surya se naunve ghar ki rekhaon ko surya ashtak varg ki pind ayu se guna kar ke 27 ka bhag dene ke bad jo shesh aega, us nakshatra men, ya (dasven, ya unnisven) nakshatra men gochar ka shani aega, to pita ko kasht hoga. isi prakar 12 ka bhag dene se jo shesh rashi hogi, us rashi, ya rashi ke trikon (dasven, ya unnisven) men gochar ka shani hoga, to pita ko kasht hoga aur uski shubhta ke lie gochar ka guru jab in nakshatron, rashiyon men aega, to use nishchit hi paitrik sukh milega. chandra ashtak varg men jis rashi men shunya, ya kam rekhaen hane us rashi ke chandrama ka shubh karyon men parityag karna chahie. jis rashi men 5 se adhik rekhaen hon, usmen shubh karya karne chahien. isi tarah chandra ki ashtak varg se kam rekhaen hongi, to vah rashiyan uske lie ashubh sabit hogin evan jismen adhik rekhaen hanegi, vah rashiyan uske lie shubh hanegi. chandrama se chaturth bhav ki rashi se mata evan man aur buddhi ka vichar kiya jata hai. chandrama ki pind ayu se guna kar ke 27 ka bhag dene se shesh nakshatra, ya uske trikon, ya 12 se bhag dene par shesh rashi, ya uske trikon men gochar ka shani ane se mata ityadi ko kasht hoga. mangal ashtak varg se bhai, parakram ka vichar hota hai. mangal se tritiya sthan bhai ka hai. mangal ashtak varg men mangal se tisre sthan men jitni shubh rekhaen hanegi, utne bhai-bahnon ka sukh hoga. mangal se tisre sthan ki rekhaon ka manglashtak varg ki pind ayu se guna kar ke 27 ka bhag dene par shesh nakshatra, ya uske trikon men 12 ka bhag dene se shesh rashi, ya uske trikon men gochar ka shani aye, to bhai ko kasht hoga. uske sath hi jab in rashiyon men gochar ka guru aega, to bhai se bhai ka labh hoga. budh se chaturth bhav men kutunb, mitra aur vidya adi ka vichar kiya jata hai. budh ashtak varg men kisi rashi men ek bhi rekha prapt n ho, us rashi men gochar ka shani jab bhraman karega, to sanpatti ki hani, parivarik samasyaen bandhu-bandhvon se vivad chalenge. budh ashtak varg men jis rashi men sabse adhik rekhaen hongi, us rashi men gochar ke budh men vidya-vyapar aranbh karna shubh hoga. budh ke dusre par yadi panch se adhik rekhaen hanegi, to uske bolne ki shakti hogi. budh ke chaturth sthan ki rekha se budh ke yog pind se guna kar ke 27 ka bhag dene par shesh nakshatra, ya uske trikon men 12 se bhag dene par shesh rashi ya uske trikon men gochar ka shani aega, to bandhu-bandhav evan kutunb ko kasht hoga, uparyukt rashiyon men jab gochar ka guru aega to labh dega. guru ashtak varg men jis rashi men sarvadhik rekhaen hogin, usi lagn men jatak ke garbhadhan karne se putra santan ki prapti hogi aur us rashi ki disha men dhan sanpatti vyavsay se labh hoga. guru ashtak varg ke jis rashi men kam rekhaen hongi, us mas men karya karne se nishfalata hoti hai. guru ashtak varg men guru ke pancham bhav ki rekhaon se guru ki pind ayu se guna kar ke 27 ka bhag de kar, uske nakshatra, ya trikon men, 12 ka bhag de kar, uske shesh rashi, ya uske trikonon men jab gochar ka shani aega, to santan ityadi ko kasht hoga. jab in rashiyon men gochar ka guru hoga, to santan labh hoga. shukrashtak varg men shukra se saptam sthan men stri ka vichar hota hai. jis rashi men kam rekhaen hongi, us rashi ki disha men shayan kaksh banane se labh hoga. jismen adhik rekhaen hanegi, us rashi ki disha men stri labh hoga. jis rashi men sarvadhik rekhaen hanegi, us rashi men jab-jab gochar ka shani aega, tab-tab stri labh hoga evan stri sukh hoga. shukra se satven sthan ki rekhaon se shukra ki pind ayu se guna kar ke, 27 ka bhag dene se shesh nakshatra, ya uske trikon 12 ka bhag dene par shesh rashi, ya uske trikonon men gochar ka shani jab aega, to stri ko kasht hoga. uparyukt rashiyon men jab gochar ka guru aega to stri labh hoga evan sukh ki prapti hogi. shani ashtak varg men jis rashi men adhik rekhaen hon, us rashi men gochar ka shani shubh faldayak aur jis rashi men kam rekhaen hanegi, us rashi men gochar ka shani ashubh faldayi hota hai. lagn se le kar shani tak jitni rekhaen hanegi, unke yog tulya varshon men kasht hoga. isi prakar shani se lagn tak jitni rekhaen hanegi, unke yog tulya varshon men hi kasht hoga. shani se ashtam shani ki rekha sankhya ke ashtam sthan ko, shani ki pind ayu se guna kar ke, 27 se bhag de kar, shesh nakshatra, ya uske trikonon men 12 se bhag dene par shesh rashiyon ya unke trikonon men jab gochar ka shani ata hai, to kashtamay hota hai. ashtak varg ke dvara fal uttam aur sahi avastha men thik-thik hota hai. ashtak varg ke fal kathan karne se jaise-jaise anubhav men vriddhi hogi, vaise-vaise varsh, mas, din evan ghari ke shubh fal anubhav men ane lagenge aur pratishtha par falit jyotish vigyan ke mahatva ki anokhi chap paregi.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2004

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.