karmayogi chakravarti samrat maharaj parikshit ne pujya gurudev shri shukdev ji se pucha- munivar ! dhruv ke vanagaman ka kya karan tha? kis prakar dhruv bhagvan ki kripa hui aur avichal dham ki prapti hui? shri shukdevji kahte hain - rajan. priyadevasya kalya rakshayan jagtah sthitau. maharani shatrupa aur unke svami svayambhuv manu se priyavrat aur uttanpad ye do putra hue. bhagvan vasudev ki kala se utpann hone ke karan ye donon sansar ki raksha men tatpar rahte the. garbhavasi uttanapad hai. sansar ka jiv matra uttanpad hai. maharaj uttanpad ki suniti va suruchi nam ki do patniyan thin jo nyay-dharm v mahapurushon ke achrn se yukt thi, us suniti ke bete ka nam dhruv tha aur jiski lalsa sada sarvada sansar ke bhogon ko bhogne men hi rahti thi, us suruchi ke putra ka nam uttam tha. uttama bhagvan se vimukh rahne vala va sansar ke vishyon men asakti se yukta tha. dhruv jo samast marganirdeshkon ka margadarshak hai, jo chal nakshatron men sthir hai, jiska vivahsanskaradi shubh karyon men smaran kiya jata hai, jiski nakshatra mandal parikrama karta hai tatha jo avinashi parmanand svarup hai, vah matri-pitri bhakt, nirgun sagun bhagvan ka param aradhak tha. bhagvan ke parm-priyabhakt v devarshi nardji ke shishya, avichal dham ke adhishthata evan sanskarvan balk dhruv ki hi to bat hai. manu putra maharaj uttanpad apni choti rani suruchi par adhik akrishta the. ek din raja suruchi ke putra uttam ko god men bithakar pyar kar rahe the. usi samay dhruv ne bhi pita ki god men baithna chaha, parantu raja ne suruchi ke bhay se uska svagt nahin kiya. chota balak tha, abhi raja ki god men baithne hi ja raha tha ki ahankar se bhari hui suruchi ne apni saut ke putra dhruv ko hath pakarakar khinchte hue usse dah bhare shabdon men kaha- ‘bachche ! tu raja ki god ya rajsinhasan par baithne ka adhikari nahin hai, isapar mere putra uttam ka hi adhikar hai. han, yadi tujhe pita ki god ya pita ka sinhasan chahie to param purush bhagvan narayan ki aradhna karke, unki kripa se mere garbh men akr janm le tabhi rajsinhasan ki ichcha purn hogi. shri shukdev ji kahte hain - rajan ! sauteli man ke kathor vachnon se ghayl hokar dhruv krodh ke mare lanbi-lanbi sans leta hua, rota bilkhta pita se bhi apmanit apni mata ke pas aya. suniti ne bete ko sneh se chuma aur karunamyi-kripamyi-premmyi tatha anurag drishti se niharte hue god men utha liya aur mahal ke dusre logon se suruchi ki kahi hui baton ko sunakar shok santapt suniti ne kamal sarikhe netron men hi ashru binduon ko balat rokakar v gahri sans lekar dhruv se kaha- ‘beta ! tu dusron ke lie kisi bhi prakar ke amangal ki kamna mat kar. tumhari vimata ne thik hi kaha hai. bhagvan hi tumhen pita ka sinhasan ya usse bhi shreshth pad dene men samarth hain atah ab vilanb n kar aur shri adhokshaja bhagvan narayan ke charan kamlon ki aradhna men lag ja. sansar ka palnhar tera kalyan avashya karenge. tere pardada shri brahmaji va dada svayambhuv manu ne bhi ananyabhav se unhin bhagvan ki aradhna ki thi aur ati durlabh, alaukik v moksha sukh ki prapti hui . beta kaml- dal-lochan shrihri ko chorakar mujhe to tere dukh ko dur karne vala aur koi dikhayi nahin deta. mata suniti ne jo priya vachan kahe, ve abhisht vastu ki prapti ka marga dikhlane vale the. atah unhen sunkr dhruv ne buddhi dvara apne chitt ka samadhan kiya aur man ko bhi sath chalne ki ichcha vyakt ki. mata ne kaha-beta ! main stri hun, pati ke adhin hun. tu svatantra hai, jao bhagvan ka bhajan karo. mera ashirvad tere sath hai. vidvan kahte hain- duahshilo matridoshen, pitridoshen murkhata. karpanyan vansh doshen, atmadoshad daridrata.. matridosh ke karan balak durachari, pitri dosh ke karan murkh, vanshdosh se kripan tatha svayan ke dosh ke karan daridra hota hai. man ke sundr vyavhar, acharan v sanskaradi gun dhruv ko prapt hue aur dhruv yah kamna lekr- ‘‘main vah pad chahta hun, jise mere pita, pitamah ya aur kisi ne bhi n paya ho.’’ mata ke vachnon par vishvas karke van ko chal para tha.’ marg men prabhu prerna se devarshi narad dhruv ke pas ae aur uske mastak par apna papnashk kar-kamal ferte hue man hi man vismit hokar kahne lage- aho ! kshatriyon ka kaisa adbhut tej hai, ve thora sa bhi man bhang nahin sah sakte. abhi to yah panch varsh ka chota-sa bachcha hai; to bhi iske hriday men sauteli mata ke katu vachn ghar kar gae hain. tatpashchat nardji ne dhruv se kaha- beta ! sansar men manushya apne karmanusar hi man-apman, sukh-dukh ya hani-labh adi ko prapt hota hai. ham nahin samjhte ki is umra men kisi bat se tera samman ya apman ho sakta hai. abhi to tu bachcha hai. khelne-kudne ki umra hai. ab, mata ke updesh se tu yogsadhan dvara jin bhagvan ki kripa prapt karne chala hai- mere vichar se sadharan purushon ke lie unhen prasann karna bahut hi kathin hai. yogi log anek janmon tak anasakt rahakar samadhi yog ke dvara bari-bari kathor sadhnaen karte rahte hain, parantu bhagvan ke marga ka pata nahin pate. islie tu yah vyarth ka hath chorakar ghar laut ja. isapar dhruv ne nardji se kaha- bhagavan ! apne jo kaha satya hi hai, parantu mainne bhi nishchay kiya hai ki jis kamna ko lekar grih tyag kiya hai use avashya hi purn karunga. munivar ! ap mujhe us marg ka updesh karen. devarshi dravibhut ho gae. shrinardji ne kaha- beta ! teri mata suniti ne jo kuch bataya hai, vahi tere lie param kalyan ka marga hai. jis purush ko apne lie dharm, arth, kam aur moksharup purusharth ki abhilasha ho, uske lie unki prapti ka upay ekmatra shrihri ke charnon ka sevan hi hai. beta tera mangal hoga, ab tu shriyamuna ji ke tatavarti param pavitra madhuban ko ja. vahan shri hari ka nitya nivas hai. yamuna ka kinara bhakti, ganga, gyan v sarasvati ka kinara satkarma ka kinara hai. vahan tu mansi seva karna aur rechak, purak aur kunbhk tin prakar ke pranayam se dhire-dhire pran, man aur indriyadik doshon ko durakar dhairyayukt man se parmguru shribhgvan ka is prakar dhyan karna isse bhagvan ke netra aur mukh nirantar prasann rahte hain, unhen dekhne se aisa malum hota hai ki ve prasannatapurvak bhakt ko var dene ke lie udyat hain. unka ek-ek ang karoron-karoron kamdev ki chavi ko bhi dhumil karne vala hai. vakshasthal par shrivats ka chihn gale men vanmala tatha char bhujaon men shankh, chakra, gada evan padm se jo sushobhit hain. bhagvan ka svarup bara hi darshaniya, shant tatha man aur naynon ko anandit karne vala hai. prabhu ka man hi man dhyan karen ki ve meri or anuragbhri drishti se niharte hue mand-mand muskura rahe hain. dhyan ke sath param guhya mantra - ‘‘un namo bhagvte vasudevay’ ka jap kare aur isi mantra se van men prapt vastuon se yagyanarayan bhagvan ka pujan karen. shri nardji se is prakar updesh pakar dhruv ne parikrama karke unhen pranam kiya aur madhuban ki yatra ki. devarshi maharaj uttanpad ke pas ae aur unhen gyan diya. idhar madhuban men pahunchakar dhruv ne yamunaji men snan kiya. snan se sharir shuddhi, dan se dhan shuddhi v dhyan se man v antahkaran shuddhi hoti hai. dhruv balak hi sahi par vah adi yug ki nishtha aur vishvas tha. pavitra acharan se yukt dhruv ne devarshinardji ke updeshanusar ekagrachitt se parmpurush shrinarayn ki upasna aranbh kar di. prathm mas men tin-tin ratri ke antr se kaith aur ber ke fal khakar, dusre mahine men chah chah din ke piche sukhe ghas aur patte khakar, tritiya mas men nau-nau din par keval jal sevanakar, chaithe mahine men shvans ko jitakar barh-barah din ke bad keval vayu pikar dhyan yog ke dvara bhagvan ki aradhna ki. panchvan mahina lagne par rajkumar dhruv shvans ko jitakar parabrahm ka chintn karte hue ek pair se khanbhe ke saman nishchal bhav se khare ho gae. mantra ke adhishthata bhagvan vasudev men chitta ekagra ho gaya. devta vighn karte hain use, jo bahr dekhta hai. varsha, grishm, vayu, shit, sarp, vyaghra ya vasant aur kam us dhruv ka kya karen, jo shvans tak nahin leta, jise sharir ka pata hi nahin.’ devtaon ki pareshani barhti ja rahi thi. dhruv aptakam, purnakam, jagdadhar men ekagra hokar shvansrodh kiye hue the. devtaon ka shvansrodh svatah ho raha tha. devta pira se vyakul hote hue us bachche ko tap se nivritt karne ki prabhu se prarthana karne lage. prabhu ne kripa ki. hriday ki vah jyoti antarhit ho gayi. vyakul dhruv ne netra khole.vhi sumdhur, chaturbhuj, vanmali, ratnakiriti bahar pratyaksha khare the. dhruv agyani tha- usne hath jore. kya kahe? kya kare? vah to kuch janta nahin. un sarvagya ne mand muskan ke sath hath barhakr shrutirup shankh se balak ke kapol ka sparsh kar diya. balak ke mans men hansvahini jagrit ho gayi. stuti ki prabho ! ap sarvashaktisanpann hain; ap hi mere antahkaran men pravesh kar apne tej se meri is soyi hui vani ko sajiv karte hain tatha hath, pair, kan aur tvacha adi anyanya indriyon evan pranon ko bhi chetna dete hain. main ap antaryami bhagvan ko pranam karta hun. dhruv ko avichal pad ka vardan aur is lok men bhi chattis hajar varsha ka shasan bhog prapt hua. sarveshvar ka nijdham gaman v dhruv ke nagr agaman par pita-vimata v sabhi ke dvara svagat tatha pita-mataon v sabhi ko dhruv ka vandan, abhinandn evan uttanpad ke dvara dhruv ko rajya sinhasan par abhishikt kar svayan tap ke lie prasthan karna bara hi vandaniya karm tha. dhravu naresh hue. mrigya ke samay chote bhai uttam ka kuber ke anuchar ke dvara mara janakar dhruv ne krodhit hokar kuber par charhai kar bahut se yakshon ko mar diya. pitamah manu ne dhruv ko shant kiya. krodh shant hone par kuber ne darshan dekar dhruv ko vardan diya. sansar ka prarabdha shesh ho gaya. dhruv ko lene divya rohan karne ja rahe the tabhi mutyudev ne upasthit hokar prarthana ki ki matryalok ke pratyek prani ka main sparsh karta hun. dhruv hanse, ‘tumhen mera sparsh prapt ho.’ mrityu ke mastak par pair rakhakar viman men baith gae. marga men mata ka smaran hua par ve to viman men baithakar dhruv se age ja rahi thi. vah avichal dham dhruv ko prapt hua jiski saptarshigan adi pradakshina kiya karte hain. dhruv vahan ab bhi bhagvan ki upasna karte hain.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2014

fyuchar samachar ke vastu visheshank men anek rochak v gyanavardhak lekh jaise bhavan aur vastu, vastu shastra ka vaidik svarup, vastu shastra ke mulbhut tatva, vastu shastra v dampatya jivan, udyog dhandhe kyon band ho jate hain?, flaita/plaet kharidne hetu vastu tathya, anubhut prayog evan sutra, vastu sammat sirhiyan bhi deti hain saflta, ghar men kya n karen?, vibhinn dishaon men rasoighar, vastudosh samadhan, vastu sanbandhi kahavten, vastu dosh dur karne ke saral upay, panchatatva ka mahatva tatha svasthya sanbandhi vastu tips. iske atirikt vastu par hue ek shodh karya par likha gaya sampadkiya, kariyar paricharcha, sukhi dampatya jivan ka adhar: shadi ke sat vachan, satya katha, hailth kaipsul, pavan sthal men bansvara ka prachin man tripurasundari mandir, jyotish v mahilaen tatha grah sthiti evan vyapar, panchapakshi ke rahasya, mantra v tantra sadhna ka svarup, karnabedhan sanskar, grih sajja evan vastu fengsui adi lekhon ko samayojit kiya gaya hai.sthayi stambh vichar goshthi ke antargat ‘piramid ka vastu men prayog’ vishay par vibhinn vidvanon ke vicharon ko prastut kiya gaya hai. asha hai fyuchar samachar ke pathkon ko yah visheshank vishesh pasand ayega.

Subscribe

Apne vichar vyakt karein

blog comments powered by Disqus
.