shri shaunkji ne sutji se pucha- dharmik shiromni maharaj yudhishthir ne bhagvan shrikrishn ki kripa se prapt rajsinhasan par baithakar apne bhaiyon ke sath kya kiya? sutji kahte hain- dharmaraj ko rajsinhasan ki koi ichcha hi nahin thi, kyonki shrikrishn ke updeshon v bhishmapitamah ke advitiya gyan shravan se unka antahkaran nirmal ho gaya tha aur sanpurn bhranti mit gayi. bhagvan shrikrishn apni bahan subhadra ki prasannata hetu kai mahinon hastinapur men hi rahe. aj chakravarti samrat yudhishthir se anumti prapt kar dvarika jane ko bhagvan shrikrishn rath men savar hue, sabhi ke premashru nikal pare, palken sthir ho gayin, vani maun ho gayi aur un ek-ek kshan ka smaran karne lage jin kshanon ko govind ke sath jiya tha. shrikrishn ka virah kisi ko sahan nahin ho raha tha. ho bhi kaise? yahan to sakshat parabrahm ka satsang mila hai. jise ek bar satsang mil jata hai aur duahsang chut jata hai, duahsang men kya dukh hai aur satsang men kya sukh hai, iska use anubhav ho jata hai. prabhu shyamsundar ke charnarvindon ka ras bara hi alaukik hai. pushpon ki varsha, bajon ko bajna tatha brahmanon ke mangal gan v ashirvad ke sath bhagvan shrikrishn dvarika ke lie mand muskan v prempurn chitavan se sabhi ka abhinandan karte hue vida ho gae. bhagavat katha (gatank se age) pan. brajkishor brajvasi antni s upavrajya svriddhanjnpdan svakan. dadhmaudrvran teshan vishadan shamayanniv .. (01/11/01) shri krishn ne apne samriddh anart desh men pahunchakar vahan ke nivasiyon ki virh-vedna ko shant karte hue apna shreshth panchajanya namak shankh bajaya. prajajan apne svami shri krishn ke darshan ki lalsa se bahar akar vibhinn prakar ki bhenton se rajochit svagat -satkar karne lagi. bhagvan shri krishn ne bhi chandal paryant sabhi ka hriday se abhinandan kiya, is rahasya ko koi nahin jan paya. madhav dvarika men pravesh kar rahe hain, unapar suman vrishti ho rahi hai. sutji kahte hain- pravishtastu grihan pitroah parishvaktah svamatribhiah. vavande shirsa sapt devki pramukha muda.. (01/11/28) bhagvan sarvapratham apne mata-pita ke mahal men gae. vahan unhonne devki adi saton mataon ke charnon par sir rakhakar pranam kiya. mano jagat ko, manav jati ko sandesh de rahe hain, mata-pita ka sthan sarvochch sthan hai unhen nitya pranam karna chahie. ajakal ke larke thora bahut parh jate hain to mata-pita ki upeksha karne lagte hain. yah pashchatya sabhyata ka dushprabhav hai. pashchatya sanskriti patni pradhan hai, preysi pradhan hai, bhog pradhan hai. hamare desh ki sanskriti bhog pradhan, kam-pradhan nahin hai, dharm pradhan hai. isilie yahan matridevo bhav pitridevobhav ki bhavna hai. mata-pita ne shrikrishn ko hriday se laga liya. patniyon ko v sabhi ko milan ke prem se anandit kar diya. kyon n karen jagat niyanta hain, ishvar hain tatha sabki atma hain. dvarika men bhagvan shrikrishn ke prati sabhi ka bhav yahi tha ki ekant men vah hamare sath hi raman kar rahe hain. patniyan to sundar, madhurhas yukt v madak lajja se yukt thin. chitavan to aisi ki kamdev ne apna dhanush-ban hi tyag diya. parantu shrikrishn ke man men kamniya kaminiyan kshobh paida n kar sakin.
Kya aapko lekh pasand aaya? Subscribe
Kya aapko lekh pasand aaya? Subscribe


svapan, shakun evan totke visheshank  June 2014

fyuchar samachar ke svapan, shakun evan totke visheshank men anek rochak aur gyanavardhak alekh hain jaise- shayan evan svapnah ek vaigyanik mimansa, svapnotpatti vishayak vibhinn siddhant, svapn aur fal, kya svapn sach hote hain?, shakun vichar, yatraah shakun apshkun, jivan men shakun ki mahatta, kala jadu jyotish ki najar men, vivah hetu achuk totke, svapn aur fal, dhan-sampatti prapt karne ke svapn, shakun-apshkun kya hain?, sukh-samriddhi ke totke shamil hain. iske atirikt janmakundali se janen kab hogi apki shadi?, shreshthatam jyotishi banne ke grah yog, satyaktha, nirjala ekadshi vrat, janen ang lakshan se vyakti vishesh ke bare men, panch pakshi ki gatividhiyan, hailth kaipsul, bhagavat katha, simantonnayan sanskar, living rum v vastu, vastu prashnottari, piramid vastu, jyotish vishay men uchch shiksha yog, pavan sthal, vastu paramarsh, sheyar bajar, grah sthiti evan vyapar, ap aur apka pars adi alekh bhi sammilit hain.

Subscribe

Apne vichar vyakt karein

blog comments powered by Disqus
.