sanskar vrat pan. brajkishor sharma brajvasi skar vrat bhartiya sanskriti hi kya varan sanpurn sanskritiyon ka v vishva ke pratyek manav ke lie ek utkrisht v sarvochch sadhnon se sanpann vrat hai. achar-vichar ki prerna dene vale, yathochit margadarshan karne vale tatha karm sanpadan ki maryada sthir karne vale sukshmasutrah jinki amit chap hoti hai, sanskar kahe jate hain. sanskar prakritik evan kriya-sapeksh hote hain. jiv janma-janmantron se inhen vahan karta aya hai. sanskaron se bhut ka gyan hota hai, vartaman ghatit hota hai tatha bhavishya ka sanpurn drishya nirmit hota hai. sanskar sthayi chihn hai. inhen do bhagon men vibhakt kiya gaya hai- sukshm aur sthul. sukshm sanskar jiv ke sukshm sharir men hote hain. sthul sanskar sthul sharir men hi karatalagat hote hain. sthulatar sanskar ke pratik sharir ke nav dvar (do netra do kan, do nasa chidra, mukh, malmutra visarjan dvar) hain. bina sthul ke sukshm ko janna sahaj nahin hai. karatal ke sthul sanskaron ka mul sukshm sharir men samashrit hota hai. sukshm sanskaron se hi jiv ke kriya-kalapon ka nidarshan hota hai. karatal ki banavt-vistar evan bharipn-halkapan ke atirikt usmen sanchit rekhayen, chihnadi sukshm sanskaron ki abhivyakti hain. karatalagat rekha-jal jiv ke adyant jivan ka bhavya manchitra hain. jaise bhavan nirman ke purva uska ek manchitra taiyar kiya jata hai aur usi ke anusar bhavan banta hai, vaise hi jiv ke jivan kshetra men padarpan karne ke purva uska manchitra - bhagya, uski hatheli men sthayitva ko prapt kar leta hai. jiv ka jivan is rekhachitra ka pratifal hai. 'hani labh jivan maran jasu apjsu vidhi hath' ke anusar sab kuch vidhata ke hath (adhikar) men hai. ye niyam hatheli men rekhakar rup men dikhte hain. hatheli men vishva pratishthit hai. sanskar ko vahan karne vala jiv hai. sanskar ko banane, sanvarne, poshan evan nash karne vala karm hai. jiv ka karm se abhinn sanbandh hai. jiv, karm aur sanskar paraspar sanbaddh hain. sthul sharir se karm hota hai. sukshm sharir men sanskar hote hain. karan sharir men jiv rahta hai. jiv kartta hone se sukh dukh ka bhokta hai. jiv jab ek sharir ko chorakar dusre sharir men jata hai- mrityu ke bad janmagrahan karta hai to uske purva sharir ke sanskar uske naye sharir men sthanantrit ho jate hai. jaise kirayedar apne purane kiraye ke avas ko chorakar dusre makan men jata hai to vah pahle vale ghar ke sabhi saman apne sath lekar naye bhavan men pravesh karta hai. jab jiv ek sharir ko chorakar dusre sharir (yoni) men jata hai to uska sab saman (karma-sanskar) uske sath hi hota hai. nana yoniyon ko grahan karta hua jiv sanskaron ki gathri sir par rakhe hue rahta hai. atah sanskaron ko susanskrit karne ke lie karm ka vishesh mahattva hai. in karmon ki ruprekha garbh se hi praranbh ho jati hai, jaise - bhakt prahlad, vir abhimanyu adi. in karmon ki ruprekha men parivesh, prakriti, acharya guru, mata-pita, suhrid bandhav, sanbandhi janon ka vishesh yogdan rahta hai. sanskaron ka praranbh abhyas se hi hota hai. sanskar dalna parta hai jaise -devarshi narad ji ne bhakt prahlad, dhruv,haryashva, shavlashva adi ke jivan men dala. doshon ka parishodhan prayas purvak hi hota hai. ye sanskar jitni choti ayu men ya jitne jaldi kie ja saken, utne hi safal hote hain. sanskaron ka karya evan uddeshya gunon ka adhikatam vikas karna hai. ismen mata-pita sarvopri hai. unhen apne bachchon ko sanskarit karne ke lie nimn baton ka vishesh dhyan dena chahie. 1. baron ka acharan anukrniya ho. 2. dainikjivan niyamit v maryadit ho. 3. vyavhar men sadgunon ka samavesh ho, sirf bhautik sukh-suvidha nahin balki bachchon ko chahie-prem, sneh, vishvas, sakaratmak bhavna, sanrakshatmak vatavaran atmiyata, apanatva adi. 4 bachchon se adhik apeksha n karen, balki unhen age barhne ke lie, achcha karne ke lie protsahan dete rahen. 5 bachchon ke sath parivarik charchaen karen. din men ekatra hokar sabhi sadasya ek dusre se sauhard se yukt vartalap karen, apni kahen dusre ki sunen. 6. parivarik karyakram shadi-vivah, janmadin adi manane men bhartiya paddhati ko protsahan den. 7. ghar men dada-dadi evan nana-nani kahavton, kahaniyon tatha sansmaranon ke madhyam se saflta ke kai aise sutra sikha dete hain, jo pustakon men nahin hote. atah bujurgon ke sannidhya men rakhakar unke gyan ka labh avashya hi prapt karate rahen. is prakar har mata-pita ko vrat lena hoga ki apni santanon men aise sanskaron ka adhan karen, jo utkrisht koti ke hon. ghar sanskaron ki janmasthali hai. atah sanskarit karne ka karya hamen apne ghar se praranbh karna hoga. sanskaron ka pravah hamesha baro se choton ki or usi prakar hota hai jaise gangadi nadiyon se chote-chote nadi-nalon ka janm hota hai. bachche updesh se nahin anukaran se sikhte hain. ap bachchon ke samaksh jaisa acharan karenge vaisa hi unke jivan men hi samahit ho jata hai. balak ki pratham guru mata apne balak men adar, sneh, vinamrata, abhivadan evan anushasan jaise gunon ka sinchan anayas hi kar deti hai. parivar rupi pathshala men bachcha achche v bure ka antar samjhne ka prayas karta hai. jab is pathshala ke adhyapak mata-pita, dada-dadi sanskari honge, tabhi bachchon ke lie adarsh upasthit kar sakte hain. ajakal parivar men mata-pita donon ki vyastata ke karan bachchon men dhairyapurvak susanskaron ke sinchan jaisa mahatvapurn karya upekshit ho raha hai. aj arth ki pradhanta barh rahi hai. kadachit mata-pita bhautik sukh-sadhan upalabdh karakar bachchon ko sukhi aur khush rakhne ki parikalpana karne lage hain. is bhrantimulak tathya ko samjhna hoga. achcha sanskar rupi dhan hi bachchon ke pas chorne ka manas banana hoga evan iske lie mata-pita svayan ko yogya evan susanskrit banaven. unhen vivekvti, gyan-vigyan sanyukt buddhi ko jagrat kar adhyatm path par arurh hona hoga. bhartiya sanskriti men sanskaron ka vishad varnan hua hai, ye sabhi manusmriti adi granthon men varnit hain. ye sanskar kab-kab aur kis-kis, prakar ayojit hon, vahan yah bhi bataya gaya hai. ismen solah sanskar pramukh hain- garbhadhan, punsavan, simantonnayan, jatakarm, namakaran, nishkraman, annaprashan, mundan, ya churakarm, upanayan, vedarambh, keshant, samavartan, vivah, vanaprasth, sannyas tatha antyeshti sanskar. 'hindu dharm kosh' ne vanaprasth evan sannyas ko sanskar n manakar vidyarambh tatha karnavedh do anya sanskar batae hain. parantu yah kahna hi sarvashreshth hoga ki pratyek sanskar apne ap men utkrisht v gunyukt sanskar hai, jiska thik se palan karne men atmonnati tatha ihlaukik v parlaukik sukh ki prapti nishchit hi hai. sanskaron se sanbaddh mantron, krityon evan paranpraon ka vivechan karne par vidvat janon, manishiyon, rishiyon, maharshiyon adi ko nimnalikhit uddeshya pratit hue hain- 1. pratikul prabhavon ki parismapti 2. abhilshit prabhavon ka akrisht karna. 3. shakti, samriddhi vriddhi adi ki prapti 4. jivan men hone vale sukh-dukh ki ichchaon ko vyakt karna. 5. garbh tatha bijsanbandhi doshon ko dur karna. 6. dharmik visheshadhikar prapt karna. 7. purusharth chatushtay (dharma-artha-kam-moksha) ki prapti. acharya shankh ke anusar sanskaron se sanskrit tatha asht gunon se yukt vyakti brahmalok pahunchakar brahmapad ko prapt karta hai aur fir vah kabhi chyut nahin hota. 8. charitrik vikas. (9) vyaktitva nirman (10) samast sharirik kriyaon ko adhyatmik lakshya se paripurit karana. sanskaron ke ayojnon ka ek nishchit vidhi-vidhan hai, use janne ke lie jigyasuon ko grihya sutron, dharmasutron tatha manvadi smritiyon ka avlokan karna chahie. is prakar 'sanskar jagao - sanskriti bachaon' ke sutra ko apnakar manav jivan ka kalyan karen, durlabh manav jivan ki sarthakata ko siddh karen. yah tabhi ho sakta hai jab bare bujurg, mata-pita, dada-dadi, nana-nani adi drirh sankalp ke sath apne balgopalon men bhartiya sanskriti ke pratipadit utkrisht koti ke sanskaron ka adhan karen. bhavi pirhi ko mansa-vacha - karmana sashakt banane hetu unmen shakti, bhakti aur mukti ka sangam karana hai. pratyek vyakti apna bahya v antah angan svachch rakhna sikh le aur dusron ki bhi prerna de to pura samaj, rashtra v vishva svachch evan prakashvan ho jayega. avashyakta hai pratyek vyakti ki sahbhagita evan sanskaron ke prati sajgta ki. sanskaravrat sabhi ke lie palniya v anukrniya hai.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2011

varsh 2011 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. soniya gandhi ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.