भगवती भ्रामरी देवी व्रत

bhagvti bhramri devi vrat  

Ank ke aur Lekh | Sambandhit Lekh | Views : 3295 |  
bhagvti bhramri devi vrat pan. brajkishor sharma brajvasi bhagvti bhramri devi vrat ek bara hi divya v shatruon ka parabhav karne vala utkrisht vrat hai. is vrat ko varsh men ane vali char navratriyon men se kinhin bhi navratriyon men kiya ja sakta hai. bhagvti bhramri devi vrat men man durga ki upasna ki tarah hi pujan kiya jata hai. ganesh gauri kalash v navagrahadi devtaon ka pujan bhi purva men hi sanpann karen. bhagvti bhramri devi ka yah svarup antarjagat (kam-krodh, lobh, mohadi) evan bahya jagat ke sanpurn shatruon ka daman karne men purnataya saksham hai. bhagvti ka yah svarup jiv ke jivan ke charon purusharthon (dharma-artha-kam-moksha) ko prapt karane vala hai. sinh vahini man durga ne shatruon ka parabhav karne ke lie hi apni ichchanusar 'bhramri' nam se yah lila vigrah dharan kiya hai, jo jagat kalyankari hai. jo prani nav dinon tak niyam-sanyam se is vrat ka bhav sahit palan karta hai, vah nishchay hi sukhi v samriddhi se yukt ho jata hai. in nav dinon men kramshah durga saptashati, devi bhagavat ka path tatha navarn mantra ya 'hrin' mantra ka shraddhanusar jap v isi mantra se yagya bhi karte rahen. yathashakti ek varsh se upar v nav varsh tak ki kanyaon ko kramanusar pratidin mishthannadi bhojan karate rahen. bhramri devi ke prakatya ki katha is prakar hai. bhagvti bhramri devi ki lila-katha purva samay ki bat hai, arun namka ek parakrami daitya tha. devtaon se dvesh rakhne vala vah danav patal men rahta tha. uske man men devtaon ko jitne ki ichcha utpann ho gayi, atah vah himalay par jakar brahma ko prasann karne ke liye kathor tap karne laga. kathin niyamon ka palan karte hue use hajaron varsh vyatit ho gaye. tapasya ke prabhav se uske sharir se prachand agni ki jvalaen niklne lagin, jisse devlok ke devta bhi ghabra uthe. ve samajh hi n sake ki yah akasmat kya ho gaya. sabhi devta brahmaji ke pas gaye aur sara vrittant unhen nivedit kiya. devtaon ki bat sunakar brahmaji gayatri devi ko sath lekar hans par baithe aur us sthan par gaye jahan arun danav tap men sthit tha. uski gayatri-upasna bari tivra thi. uski tapasya se prasann hokar brahmaji ne var mangne ke liye kaha. devi gayatri tatha brahmaji ka akashmandal men darshan karke arun danav atyant prasann ho gaya. vah vahin bhumi par girakar dandavat pranam karne laga. usne anek prakar se stuti ki aur amar hone ka var manga. parantu brahmaji ne kaha - 'vats ! sansar men janm lene vala avashya mrityu ko prapt hoga, atah tum koi dusra var mango.' tab arun bola - 'prabho ! yadi aisi bat hai to mujhe yah var dene ki kripa karen ki -'main n yuddh men marun, n kisi astra-shastra se marun, n kisi bhi stri ya purush se hi meri mrityu ho aur do pair tatha char pairon vala koi bhi prani mujhe n mar sake. sath hi mujhe aisa bal dijiye ki main devtaon par vijay prapt kar sakun.' 'tathastu' kahakar brahmaji antardhan ho gaye aur idhar arun danav vilakshan var praptakar unmatt ho gaya. usne patal se sabhi danvon ko bulakar vishal sena taiyar kar li aur svarg lok par charhai kar di. var ke prabhav se devta parajit ho gaye. devlok par arun danav ka adhikar ho gaya. vah apni maya se anek prakar ke rup bana leta tha. usne tapasya ke prabhav se indra, surya, chandrama, yam, agni adi devtaon ka prithak-prithak rup bana liya aur sab par shasan karne laga. devta bhagakar asharanasharan ashutosh bhagvan shankar ki sharan men gaye aur apna kasht unhen nivedit kiya. us samay bhagvan shankar bare vichar men par gaye. ve sochne lage ki brahmaji se prapt vichitra vardan se yah danav ajey- sa ho gaya hai. yah n to yuddh men mar sakta hai, n kisi astra-shastra se, n to ise koi do pairvala mar sakta hai, n koi char pairvala. yah n stri se mar sakta hai aur n kisi purush se. ve bari-chinta men par gaye aur uske vadh ka upay sochne lage. usi samay akashvani hui -'devtaon ! tum log bhagvti bhuvneshvari ki upasna karo, ve hi tum logon ka karya karne men samarth hain. yadi danvraj arun nitya ki gayatri-upasna tatha gayatri-japse virat ho jay to shighra hi uski mrityu ho jaegi.' akashvani sunakar sabhi devta ashvast ho gaye. unhonne devguru brihaspatiji ko arun ke pas bheja taki ve uski buddhi ko mohit kar saken. brihaspatiji ke jane ke bad devta bhagvti bhuvneshvari ki aradhna karne lage. idhar bhagvti bhuvneshvari ki prerna tatha brihaspatiji ke udyog se arun ne gayatri-jap karna chor diya. gayatri-japke parityag karte hi uska sharir nistej ho gaya. apna karya safal hua jan brihaspati amravti laut aye aur indradi devtaon ko sara samachar bataya. punah sabhi devta devi ki stuti karne lage. unki aradhna se adi shakti jaganmata prasann ho gayin aur vilakshan lila-vigrah dharan kar devtaon ke samaksh prakat ho gayin. unke shrivigrah se karoron suryon ke saman prakash fail raha tha. asankhay kamdevon se bhi sundar unka saundarya tha. unhonne ramniya vastrabhushnon ko dharan kar rakha tha aur ve nana prakar ke bhramron se yukt pushpon ki mala se shobhayman thin. ve charon or se asankhay bhramron se ghiri hui thin. bhramar 'hrin' is shabd ko gunguna rahe the. unki mutthi bhramron se bhari hui thi. un devika darshan kar devta punah stuti karte hue kahne lage- srishti, sthiti aur sanhar karne vali bhagvti mahavidye ! apko namaskar hai. bhagvti durge ! ap jyotiahsvarupini evan bhakti se prapya hain, apko hamara namaskar hai. he nilasarasvati devi ! ugratara, tripursundri, pitanbra, bhairvi, matangi, shakambhari, shiva, gayatri, sarasvati tatha svaha-svadha - ye sab apke hi nam hain. he dayasvarupini devi apne shumbha-nishumbh ka dalan kiya hai, raktabij aur vritrasur tatha dhumralochan adi rakshason ko marakar sansar ko vinash se bachaya hai. he dayamurte ! dharmamurte ! apko hamara namaskar hai. he devi ! bhramron se veshtit hone ke karan apne 'bhramri' nam se yah lila-vigrah dharan kiya hai. he bhramri devi ! apke is lilarup ko ham nitya pranam karte hain. karunamyi man bhramri devi bolin - 'devtaon ! ap sabhi nirbhay ho jayan. brahmaji ke vardan ki raksha karne ke liye mainne yah bhramri-rup dharan kiya hai. bhramrairveshtita yasyad bhramri ya tatah smrita॥ tasyai devyai namo nityan nityamev namo namah॥ (shrimdevibhagavat 10/13/99) is prakar bar-bar pranam karte hue devtaon ne brahmaji ke var se ajey bane hue arun daitya se prapt pira se chutkara dilane ki bhramri devi se prarthana ki. karunamyi man bhramri devi bolin - 'devtaon ! ap sabhi nirbhay ho jayan. brahmaji ke vardan ki raksha karne ke liye mainne yah bhramri-rup dharan kiya hai. arun danav ne var manga hai ki main n to do pair valon se marun aur n char pairvalon se, mera yah bhramrrup chah paironvala hai, isliye bhramar shatapad bhi kahlata hai. usne var manga hai ki main n yuddh men marun aur n kisi astra-shastra se. isiliye mera yah bhramrrup usse n to yuddh karega aur n astra-shastra ka prayog karega. sath hi usne manushya, devta adi kisi se bhi n marne ka var manga hai, mera yah bhramar rup n to manushya hai aur n devta hi. devgno ! isliye mainne yah bhramri-rup dharan kiya hai. ab ap log meri lila dekhiye.' aisa kahakar bhramri devi ne apne hastagat bhramron ko tatha apne charon or sthit bhramron ko bhi prerit kiya, asankhay bhramar 'hrin -hrin karte us disha men chal pare jahan arun danav sthit tha. un bhramron se trailokya vyapt ho gaya. akash, parvat shring, vriksh, van jahan-tahan bhramar hi bhramar drishtigochar hone lage. bhramron ke karan surya chip gaya. charon or andhkar hi andhkar cha gaya. yah bhramri devi ki vichitra lila thi. bare hi vegse urne vale un bhramron ne daityon ki chati ched dali. ve daityon ke sharir men chipak gaye aur unhen katne lage. tivra vedna se daitya chatptane lage. kisi bhi astra shastra se bhramron ka nivaran karna sanbhav nahin tha. arun daitya ne bahut prayatn kiya, kintu vah bhi asamarth hi raha. thore hi samay men jo daitya jahan tha, vahin bhramron ke katne se marakar gir para. arun danav ka bhi yahi hal hua. uske sabhi astra-shastra vifal rahe. devi ne bhramri-rup dharan kar aisi lila dikhayi ki brahmaji ke vardan ki bhi raksha ho gayi aur arun daitya tatha uski samuchi danvi sena ka sanhar bhi ho gaya.
Kya aapko lekh pasand aaya? Subscribe
Kya aapko lekh pasand aaya? Subscribe


bhagavat prapti  February 2011

bhagavat prapti ke anek sadhan hain. yah marg kathin hote hue bhi jis ek matra sadhan ananyata ke dvara prapt kiya ja sakta hai, aie ,janen sahaj shabdon men nirupit sadhna ka yah svarup.

Subscribe

Apne vichar vyakt karein

blog comments powered by Disqus
.