vidur ji ne dhritrashtra ko samagra gyan ka updesh diya aur dhritrashtra gandhari sahit himalay ki yatra men nikal gae. ajatashatru yudhishthar ne pratahkalin krityon ko purn kiya tatha rajamahal men gurujnon ki charan vandana ko padhare, parantu dhritrashtra, vidur tatha gandhari ke darshan n ho pane par khed vyakt kar sanjay se janna chaha par kuch n jan sake. tabhi tumburu ke sath devarshi narad a pahunche, pranamadi ko svikar kar dhritrashtra gandhari ko vilakshan chakshuon se dekhte hue nardji ne dharmaraj se kaha-rajan maya ke gunon se hone vale parinamon ko mitakar unhonne apne apko sarvadhishthan brahm men ek kar diya hai aur aj se panchven din ve gandhari ke sath nashvar deh ka tyag kar denge. vidur ji apne bhai ka ashcharyamay moksh dekhakar harshit v viyog dekhakar dukhit ho tirth sevan ko prasthan karenge aisa kah devarshi narad tumbaru ke sath svarg chale gae. dharmaraj ne unke updeshon ko hriday men dharan kar shok tyag diya. sut ji shaunkadi rishiyon se kahte hain ki dharmaraj ko nana prakar ke apshkun hone lage aur dvarika se arjun ke ane ki bat dekhne lage, tabhi tejhin arjun ko samne khare dekha aur arjun se dvarika ki kushalakshem puchi. tab dvarika ki v purva men ghatit ek-ek lila ka chitran shok santapt arjun ne dharmaraj se karte hue yaduvansh ke vinash ki lila v bhagvan ke svadham gaman ki katha kah sunayi. is dukhad vrittant ko janakar nishchalamati yudhishthir ne kaliyug ka agaman janakar unhonne apne vinyi pautra parikshit ko samrat pad par hastinapur men tatha mathura men shursenadhipti ke rup men aniruddh putra vajra ka abhishek kar chir vastra dharan kar uttar disha ki yatra men chale, piche-piche unke bhai bhimsen, arjun adi piche-piche chal pare, shrikrishn ke charan kamlon se unke hriday men bhakti-bhav umar para. unki buddhi sarvatha shuddh hokar bhagvan shrikrishn ke us sarvotkrisht svarup men ananya bhav se sthir ho gayi jismen nishpap purush hi sthir ho pate hain. faltah unhonne ‘‘avapurdurvapan te asadrviishyatmabhiah. vidhutakalmapasthane virjenatmanaiv hi .. (01/16/48) apne vishuddh antahkaran se svayan hi vah gati prapt ki, jo vishyasakt dusht manushyon ko kabhi prapt nahin ho sakti. sanymi evan shrikrishn ke premavesh men mugdh bhagavanmay vidur ji ne bhi apne sharir ko prabhas kshetra men tyag diya. draupdi bhi ananya prem se bhagvan shrikrishn ka chintan karke manglmyi kathayen, lilayen v unka nam smaran ananddayi hai, jo bhagvan ke pyare bhakt pandvon ke mahaprayan ki is param pavitra aur manglmyi katha ko shraddha se shravan karta hai, vah nishchay hi bhagvan ki bhakti siddhi aur moksh prapt karta hai. mahaprayan ka ek sundar prasang is prakar hai- pandav apne aradhya shrikrishn ke charnon men buddhi ko samarpit kar chuke the. pandvon ki sthiti draupdi ke prati nirpeksh bhav ki ho gayi thi. himalay ke kshetra men shrikrishn ke chintan men lin pandav age barhe ja rahe the, tabhi draupdi ne apne tej ko shrikrishn men vilin kar diya. draupdi arjun se prem ki adhikta ke karan pratham gayi. sahdev gyan ke ahankar, nakul rup ke abhiman, arjun bal ke ghamand tatha bhim adhikadhik bhojan karne ke karan kramshah uttamottam gati ko prapt ho gae. uprant dharmaraj yudhishthir ki yamraj ne shvan rup dharan kar pariksha li aur dharmaraj ne shvan ko svarg le chalne ke hath ke karan dharmaraj (yamraj) ko prasann kiya aur narak lok ke sanpurn jivon ka kalyan karte hue bhagavat dham ko prapt ho gae. pandvon ke svargarohan se yah spasht hai ki kisi bhi sthiti men manav ko kisi vishay ka ahankar nahin karna chahie. ghamand rahit hone ke karan hi keval dharmaraj yudhishthir hi dharmaraj ke darshan v divya viman ka sukh prapt kar sake, anya pandav nahin. vichar kar dekha jay to shrikrishn nam hi param manglkari, kalyan pradata v anandvriddhi karne vala hai. kaha bhi hai- krishn katha anant hai, krishn nam anmol. janam safal ho jayega, krishn krishn radhe-radhe bol..
Kya aapko lekh pasand aaya? Subscribe
Kya aapko lekh pasand aaya? Subscribe


rahu visheshank  July 2014

fyuchar samachar patrika ke rahu visheshank men shiv bhakt rahu ke prakatya ki katha, rahu ka gochar fal, ashubh faldayi sthiti, dvadash bhavon men rahu ka falit, rahu ke vibhinn grahon ke sath yuti tatha rahu dvara nirmit yog, hathon ki rekhaon men rajniti evan shadyantra karak rahu ke adhyayan jaise rochak v gyanavardhak lekh sammilit kiye gaye hain iske alava satyaktha falit vichar, grah sajja evan vastu fengshui, hath ki mahatvapurn rekhaen, adhyatma/shabar mantra, jat karm sanskar, bhagavat katha, grahon evan dishaon se sambandhit vyavsay, piramid vastu aur hailth kaipsul, vastu paramarsh adi lekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.