राहु का गोचर फल

rahu ka gochar fal  

Ank ke aur Lekh | Sambandhit Lekh | Views : 5077 |  
jyotish ki drishti se hamare jivan men ghatit hone vali sabhi shubh ya ashubh ghatnaen navagrahon par adharit hain. sabhi nav grahon ka apna-apna mahatva hai. jyotish shastra ke nau grahon men se rahu, ketu ko pratyaksh grah n manakar chaya grah mana jata hai. hindu jyotish ke anusar rahu us asur ka kata hua sir hai jo grahan ke samay surya aur chandra ka grahan karta hai. ise kalatmak rup se bina dhar vale sarp ke rup men dikhaya jata hai. samudra manthan ke samay rahu namak ek asur ne dhokhe se divya amrit ki kuch bunde pi li thi. surya, chandra ne use pahchan liya aur mohini avtar men bhagvan vishnu ko bata diya. isse pahle ki amrit uske gale se niche utrta vishnu ji ne uska gala sudarshan chakra se kat kar dhar se alag kar diya. isi karan surya, chandra se iska vair hai aur inhen grahan lagata hai. jyotish men rahu ko pap grah mana jata hai. anya grahon ki bhanti rahu ko kisi rashi ka svamitva prapt nahin hai. yah jis rashi men ho us rashi jaisa fal deta hai. yah ek tamsik grah hai. chal-kapat, jhuth bolna, dhokha, tamsik bhojan, chori adi rahu ke karakatvon men ate hain. rahu 3, 6, 11 bhavon men uttam fal deta hai. vrishabh iski uchch rashi, mithun mul trikon rashi, kanya svarashi tatha vrishchik iski nich rashi hai. shani, shukra, budh se mitrata tatha surya, chandra, mangal, guru se rahu ki shatruta hai. rahu 5, 7, 9 bhav par drishti deta hai. 23 disanbar 2012 ko rahu ne tula men pravesh kiya tha. rahu vakri grah hai aur ek rashi men 18 mahine rahta hai. 13 julai 2014 tak rahu tula men hi rahega. tula men shani ke sath yuti hote hi rahu ne vyakti ke vyaktigat jivan men hi nahin balki pure samaj men ashcharyajanak parivartan die. jinki kundliyon men rahu shubh sthiti men hai unko thori rahat jarur mili hogi anyatha rahu ne tula men ate hi rajniti, arthavyavastha tatha vyaktigat jivan ko hilakar rakh diya tha. gochar men chandra lagn se rahu ka shubhashubh fal is prakar hai- lagna: lagn par rahu ka gochar jyada bura nahin hota. jatak ka atm vishvas barh jata hai kyonki rahu man men sahas deta hai. kintu man pirit rahega, dukhi rahega. man bhramit bhi rah sakta hai. patni se sanbandh jyada bure nahin hote kintu santan ke sath pareshani de sakta hai. uska man nai-nai yojnaon men lagega, man men nae-nae vichar aenge. charm rog ho sakta hai. jatak par jadu-totke ka asar ho sakta hai. dharm se man tutega. videsh yatraen kashtadayak hongi. dvitiya bhav: dvitiya bhav par rahu ka gochar ashubh hai. jatak ko uski patni tatha bachchon ko vish se khatra ho sakta hai, fud pvayjning bhi ho sakta hai. apne hi katu vachnon se nuksan, ankhon evan danton ka rog, dhokha khana, bhari vyay, dhan ki akasmik hani tatha parivar men vad-vivad adi ashubh falon ka samna karna par sakta hai. tritiya bhav: tritiya bhav par rahu ka gochar shubh hai. shatruon ka nash, dhan ki prapti, bhagya vriddhi, vivah ki sanbhavna, rog ka upchar evan nash, karyon men saflta, sahas, yatraon dvara labh, mitron se labh jaise shubh fal milenge. chaturtha: chaturth bhav par rahu ka gochar ashubh fal deta hai. jatak dukhi evan manovikari rahega. mata ko pareshani, nae kam shuru karne men badha, nivas sthan parivartan, shiksha men rukavat, parivar men shok, durghatana aur achal sanpatti ki hani ho sakti hai. pancham bhav: pancham bhav par rahu ka gochar ashubh fal deta hai. arthik hani, anchahe vyarth kharch, santan paksh se kathinai, achchai-burai men antar n kar pana, prem-sanbandh men apman, vivah tutna, santan se duri jaise ashubh fal prapt ho sakte hain. shashtham bhav: chathe bhav par rahu ka gochar shubh fal deta hai. achanak pashchim disha se dhan labh ho sakta hai. rin se mukti, nae karyon ki shuruat, rogon se chutkara, shatruon ka nash, pratiyogita men jit hona jaise shubh fal milte hain. sirf mama paksh ko samasyaen ati hain. saptam bhav: saptam bhav par rahu ka gochar ashubh fal deta hai. jivn-sathi ke sath matbhed, jivan sathi ki bimari, avaidh sanbandh, badnami, apman, yaun-rog ka khatra, akasmik apda jaise dushparinam hote hain. vivah shighra hota hai. ashtam bhav: ashtam bhav par rahu ka gochar ashubh fal karta hai. jatak ko uski patni, bachchane sahit khatra, khud ke apman ka samna, nich evan dusht logon ki sangat, vyapar tatha sanpatti men asflta se arthik hani, vishaile jivon dvara kate jane ka khatra hota hai. navam bhav: navam bhav par rahu ka gochar ashubh fal hi deta hai. bhai-bahnon se sanbandhon men katuta ati hai. mansik chintaen, dharm aur paranpra se hat jana, pita se anaban, trikon bhav men hai islie sirf videsh yatra se labh hota hai. tantra sadhna ki or bhi ja sakta hai. dasham bhav: dasham bhav par rahu ka gochar mishrit fal deta hai. rajniti men saflta, pratishtha milti hai lekin buri adtane apna sakta hai. chalaki, ghabrahat evan anirnay ki sthiti ke karan khud ka nuksan kar sakta hai. ekadash bhav: ekadash bhav par rahu ka gochar shubh hota hai. kai sroton se ay prapt hoti hai. mitron se labh, parosiyon se labh hota hai. videsh vyapar se labh, chal-achal sanpatti prapt karna, sone-chandi jaise bahumulya vastuon ki prapti hona jaise shubh fal milte hain. dvadash bhav: dvadash bhav par rahu ka gochar ashubh fal deta hai. pratikul paristhitiyon ka samna karna par sakta hai. sthan parivartan, rakt sanbandhit rog, shatruon se khatra, arthik hani, tang tutna, pratyek karya men asflta jaise dushparinam mil sakte hain. upay: rahu ko thik karne aur rahu ke dushparinamon se bachne ke lie nimn upay karne chahie- 1. kale kutte ko mithi roti khilaen. 2. sarson ka tel v kale til ka dan den. 3. rat ko sote samay apne sirhane jau rakhane jise subah pakshiyon ko dal den. 4. ganesh bhagvan ki aradhna karen aur shanivar ka vrat karen. 5. pipal ke vriksh ki puja karen. 6. rahu stotra padhane. 7. ‘‘un bhran bhrin bhraun sah rahve namah’’ ka jap karen. ye upay shanivar ke din karen.
Kya aapko lekh pasand aaya? Subscribe
Kya aapko lekh pasand aaya? Subscribe


rahu visheshank  July 2014

fyuchar samachar patrika ke rahu visheshank men shiv bhakt rahu ke prakatya ki katha, rahu ka gochar fal, ashubh faldayi sthiti, dvadash bhavon men rahu ka falit, rahu ke vibhinn grahon ke sath yuti tatha rahu dvara nirmit yog, hathon ki rekhaon men rajniti evan shadyantra karak rahu ke adhyayan jaise rochak v gyanavardhak lekh sammilit kiye gaye hain iske alava satyaktha falit vichar, grah sajja evan vastu fengshui, hath ki mahatvapurn rekhaen, adhyatma/shabar mantra, jat karm sanskar, bhagavat katha, grahon evan dishaon se sambandhit vyavsay, piramid vastu aur hailth kaipsul, vastu paramarsh adi lekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.