prashna- piramid kise kahte hain? uttara- piramid ka shabdik arth hota hai suchyakar patthar ka khanbha. mishravasiyon ke anusar piramid do shabdon se bana hai. pira (pyra) evan mid (mid) donon ka sammilit arth hota hai trikonakar aisi vastu jiske madhya men agni urja ke srot ka nirman hota hai. piramid ke andar aisi sakaratmak urja ka nirantar prasar hota rahta hai jo jad aur chetan donon prakar ke vastuon par prabhav dalti hain. prashna- vastu men piramid ka nirdharan kis tarah hota hai ? uttara- piramid ka nirdharan chunbkiya dishaon ke anusar karna chahie. iski koi bhi satah prithvi ke uttar ya dakshin dhurav ke samanantar rakhni chahie. sahi tarike se istemal nahin karne par labh ke bajay hani ki sanbhavna banti hai. ise saf-suthri, havadar jagah par rakhen. iske aspas kisi tarah ki gandgi nahin honi chahie. ise bijli ke tar evan upkrnon se dur rakhen parantu kampyutar ya koi anya ilektranik upakaran ho to iske upar rakha ja sakta hai. prashna- kisi bhi bhukhand ke kone kate hone par piramid ke dvara kis tarah us bhukhand ko thik kiya ja sakta hai? uttara-kisi bhi vyavsayik evan audyogik bhukhand ke konan ka kata hona vastu ke drishtikon se achcha nahin mana jata hai. khasakar uttara-purva ke kone kat jane se dukan, faiktri, dhan-daulat evan kam-kaj adi sabhi band ho jate hain. bhagya so jata hai malik karj evan rin men dub jate hain. lakshmi ruth jati hai. falasvarup daridrata ka purn niyantran us sthan par ho jata hai. aise sthan par lakh prayatn ke bavjud vyavsay nahin chal pata hai. udyog dhandhe bhi dhire-dhire bandi ke kagar par chale jate han. ise thik karne ke lie piramid ki divar banakar kone men lagani chahie. prashna- kisi bhi bhukhand ke thik uttara-purva ki or shauchalay hone par kya karna chahie ? uttara-kisi bhi vyavsayik parisar ke thik uttara-purva ki or shauchalay nahin hona chahie anyatha arthik vipannata ghere rahti hai. prayatn ke bavjud arthik vikas purn rup se nahin ho pata hai. akasmat durghatanaen hoti rahti hain. karya karne vale ko mansik pareshaniyan bani rahti hain. dhire-dhire udyog dhandhe band hone lagte hain. man-samman, yash, pratishtha khatm ho jati hai. musibten, sankat evan apdaen picha nahin chodtin. atah ise thik karne lie piramid ko iski bahri divar ki or lagana chahie. isse iske rinatmak prabhav men kami aegi. prashna-aniyamit akar ke bhukhand ko kis tarah urjamay banana chahie. uttara-aniyamit akar ka bhukhand vastu ke drishtikon se achcha nahin hota hai. is tarah ke bhukhand par prayatn ke bavjud pragti santoshajanak dhang se nahin ho pati. udyog dhandhe sahi dhang se nahin chal pate. hamesha kalah evan badhali ki sthiti dekhne ko milti hai. ise thik rakhne ke lie pratyek kone men evan brahara sthan men piramid lagana labhaprad hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.