राम भक्त हनुमान

ram bhakt hanuman  

Ank ke aur Lekh | Sambandhit Lekh | Views : 1677 |  
puranon men hanumanji ke janm v avtar ka ullekh evan lilaon ka varnan vistar se aya hai. parantu hanumanji ka avtar svami ke karya karne evan unki seva ke lie hi hai. sakshat trimurti shiv ji ne ekadash rudra ke rup men avtar liya hai. shishiv puran men hanumanji evan anya shastron men shivji ne bari lilayen ki hain. isi rup men maheshvar ne bhagvan ram ka param hit kiya tha. vahi sara charitra sabhi prakar ke sukhon ka data hain. jab atyant adbhut lila karne vale gunshali bhagvan vishnu ne shiv ji ko mohini rup ka darshan karaya, tab ve kamdev ke banon se ahat huye aur kshubdh ho uthe. us samay us parmeshvar ne ram ki siddhi ke lie apna oj skhalan kiya tab sapt rishiyon ne us oj ko patraputak men rakha kyonki shiv ji ne hi ramkarya ke lie hi adar purvak unke man men prerna ki thi. tab un maharshiyon ne shanbhu ke us oj ko ramkarya ki siddhi ke lie gautam kanya anjni ke kan dvara uske udar men sthapit kar diya. tab samay ane par us garbh se shanbhu ne mahan bal, buddhi, parakram ke sath tejasvi evan vanar rupi sharir dharan karke janm liya, isiliye unka nam ‘‘hanuman bali, parakram kapishvar rakha gaya. jab hanuman shishu (balk) hi the, usi samay udit hote huye surya ke lal binb ko chota fal hi samajhakar bhukh lagne par munh men rakh liya. tab charon or andhera hi andhera cha gaya. jab sabhi devtaon nee milakar prarthana ki tab use mahablie surya samajhakar bahar nikal diya. ‘‘tab devrishiyon ne unhen shiv ka avtar mana aur bahut sara vardan diya. uske bad hanuman atyant prasann hokar apni mata ke pas gaye aur unhonne yah sara hi varnan adar purvak vistar se suna diya. fir mata ki agya se dhir-vir kapi hanuman ne nitya pratidin surya ke pas jakar unse anayas hi sari vidyayen v kalayen sikh li. uske uprant rudra ke anshbhut kapishreshth hanuman surya ki agya se suryashan se utpann hue sugriv ke pas chale gaye. iske liye unhen apni mata se bhi agya mil chuki thi. is prakar shreshth hanuman ne sab tarah se shriram ka karya pura kiya. anek prakar ki lilayen ki tatha asuron ka man-mardan kiya. prithvi par apne svami shriram ka pura karya karke ram-bhakti ki sthapna ki aur svayan bhakton men bhakt shiromni (agranya) hokar sitaram ko sukh-shanti, dhairya v sahas pradan kiya. aisa rudravtar aishvaryashali shaktishali, mahablshali hanuman, lakshman ka jivndata, sanpurn devtaon ka garvahari aur bhakton ka udvar karne vala evan unka sankat haran karne vala hai. mahabir hanuman hamesha ramkarya men tatpar rahne vale, lok men ramdut nam se vikhyat, daityon ke sanharak aur bhaktavatsal hai. yah hanuman ji avtar ka shreshth charitra sunne, shravan, pathan, manan v dhyan karne se dhan, kirti, aishvarya aur ayu-kirti ko dene vala hai. hanuman ji ke kai avtaron ka varnan shastron men aya hai. jaise shankrsuvan kesri nandan, pavan tanay, rudravtar, ek mukhi, panchmukhi, saptamukhi, anjni kumar, adi adi. skand puran evan bhavishyottar puran men keshri ki patni anjna se putra rup men hanuman ji ka janm hua. brahmand puran men hanuman ji ke avtar ka varnan aya hai. vedon, upnishdon, puranon men anyanya prakar se bhi hanuman ji ke janm evan unke charitron ka vivaran anek rupon men milta hai. vayunandan, anjaney, anjni nandan, kesri nandan, pavan tanay, shankrsuvan, sakshat rudravtar shankar ke rup men. kuch katha prasangon men jaise bhagvan krishn ko prasang bhed se vasudev nandan, nandan suvan, giridhari, ras bihari, govardhanadhari, liladhari, banke bihari, ranchor, damodar, yashodanandan, devkinandan adi adi namon se jana jata hai. vaise hi ram bhakt ke hanuman ji ke vishay men bhi samjhna chahie. is prakar bhakt shiromni hanuman ji ka avtar anek rupon men hua. shri hanuman ji ne apni adbhut virta, seva adarsh, ananya bhakti, anant sadgunon se keval apna hi jivan safal nahin kiya balki jis lok men ve jinke ansh the, un bhagvan shankar, sarva pujya, pavan dev kapi shreshth, keshri tatha mata anjni ki parmojjaval kirti ka vistar bhi kiya. jo manushya bhaktipurvak shraddhayukt hokar hanuman ji ke is parakram charitra ka pathn-pathan karta hai tatha dusron ko sunata hai vah sabhi prakar ke bhogon ko bhog kar moksh ko prapt karta hai. sabhi prakar ke dukhon, kashton, piraon v vyadhiyon se chutkara milta hai. rog, dosh, bhut, pret, pishach adi se mukti prapt hoti hai. kaliyug men hanumanji hi sankat mochak hanai.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2011

dipavli parva ki prachinta, itihas v dharm, vibhinn deshon dipavli jaise anya prakash parva, dipavli ritu parva dharmik parva ke rup men, dipavli pujn: kab aur kaise?

Subscribe

Apne vichar vyakt karein

blog comments powered by Disqus
.