वास्तु सीखें

vastu sikhen  

Ank ke aur Lekh | Sambandhit Lekh | Views : 652 |  
pra.: bhavan men boring ya jal ki vyavastha kis sthan par karna sarvashreshth hota hai ? u.: bhavan men boring ya jal ki vyavastha uttara-purva, purva ya uttar bhag men karna sarvashreshth hota hai. iske alava pashchim men bhi boring karna labhaprad hota hai. bhavan ke uttara-purva men gahra talab, gadhdha, kuna ya bahta dariya ho to unke ghar men samriddhi evan dhan-daulat ki vriddhi hoti hai tatha us sthan par rahne vale vyakti prasiddh, sammanit, pratishthit aur sabhi ke pyare ban jate hain. aise vyaktiyon ka samman raja, mantri evan raison dvara hota hai. uttara-purva, purva ya uttar disha men nal, tyubvail lagvana, andaragraund taink banvana badi daulat ko apne jivan men bhogne ke lie akarshit karta hai. garibi, karj, mahapatki, bimari, dhan sanbandhi anek rukavtane khatm hoti hai aur bina kisi vilanb ke samasyaon ka samadhan hota hai. sath hi pratyek prakar ke karj, mukdme adi ki samasya ka turant samadhan ho jata hai. thodi si mehanat karne par jyada saflta milti hai. yadi ghar ka uttara-purva ka sthal nicha, khula, pani bhara ho to bade-bade sukh us makan men rahne vale bhogte hain. bhavan ke uttar aur purva disha men nal ya taink ho to lakshmi prasann hokar sabhi kuch de deti hai. arthat ghar men man-samman, pratishtha evan sukhon ki prapti hoti hai. pra0 - mul ishan par borvel, kuna ya bhumigat taink banana kaisa hota hai. u0- mul ishan par borvel, kuena ya bhumigat taink banana anishtakari hota hain. falasvarup faisle men vivekhinta jhalkti hai aur vyakti patan ki or jata hai. chitranusar bhukhand ke tin-tin hisse kar liye gaye hai. udaharan ke lie 60ga60 mitar arthat kul 3600 varg mitar ka bhukhand liya gaya hai. uttara-purva ki kul lambai ko 20-20 mitar ke tin barabar hisson men baent diya gaya hai. ishan kon se pratham 20 mitar ishan kshetra hai. dusra kshetra mul purva hai. tisra agni kshetra hai. isi tarah ishan se uttar ki or ishan kshetra mul, uttar aur vayavya kshetra hai. taduprant ishan ko do barabar bhago men baeta gaya hai. is prakar 10 10 sthan mul ishan hoga jahaen par borvel, kuena ya bhumigat taink banana anishtakari hota hai. pra0- ghar ke madhya bhag men boring ya kune ka kya fal hota hai ? u0- ghar ke madhya bhag men boring, kunen ya andaragraund pani ki vyavastha nahi rakhni chahie. anyatha dhan, kam-kaj, karobar sab khatm ho jata hai. garibi aur karj sath dene lagte hai. dhokha, chal-kapat, khun-kharaba, mukdma adi ka samna karna parta hai. bhagvan ruth jate hain tatha bhagya so jata hai. parivar ka nash hota hai. koi bhi vyakti us sthan par dirghakal tak nahin rah sakta, jivan asta-vyast bana rahta hai. ukt sare niyam n keval avasiya makan ke lie balki vyavsay evan rojgar vale makan, aspatal, mandir adi par bhi lagu hote hain. pra.: kuna, haindpanp ya pani ki tanki agney kon men kaisa fal deti hai ? u.: kuna, haindpanp ya pani ki tanki agney kon men achcha fal nahi deti hai. agney kshetra men rahne par santan ko khatra, dhan evan pratishtha men nuksan adi ki sanbhavna bani rahti hai. pani aur ag do viprit tatva hain jo ek sath hokar jivan ko purnatah kalah evan pareshaniyon se yukt bana dete hain. is kshetra men jal srot ka hona karj men vriddhi ka karak hota hai. striyan, purushon ki apeksha jyada kasht men rahti hain. pra0- kuna, haindpanp ya pani ki tanki nairritya kon men kaisa fal deti hai ? u0- pani ka sthan nairritya disha men ho to grihasvami evan uske parijnon ko asadhya bimariyon ke karan akasmik mrityu hoti hai. jhagre hote rahte hain aur har karya men asflta milti hai. iske atirikt dhan men kami ke sath-sath atmahatya, durghatana, kalah adi ke karan parivarjnon men bikhrav ki sthiti banti hain. pra.- kuena, haindpanp ya pani ki tanki vayavya kon men kaisa fal deti hai ? u.- kuna, haindpanp ya pani ki tanki ghar men yadi vayavya disha men ho to grihasvami ko shatrupira hoti hai evan chori ka bhay bana rahta hai. yadi thik vayavya kon men ho to grihasvami ki stri akal mrityu ki shikar hoti hai. iske atirikt ghar men kalah bana rahta hai. pra0- chat par ovrhed taink kin-kin sthanon par rakhna chahie? u0- ovrhed taink hamensha pashchim, pashchimi nairritya, dakshini nairritya ya pashchimi vayavya ki or rakhna chahie. in sthanon par pani ka ovrhed taink dhan ki sthirta evan ay ke naye srot dene men madad karta hai. iske alava kahin par bhi yah achcha fal nahin deta hai. pra.- chat par ovrhed taink kin-kin sthanon par nahi rakhna chahie ? u0- chat ke upar pani ka taink makan ke bicho-bich arthat brahm sthan par nahin rakhna chahie, anyatha jivan ashay-sa mahsus hone lagta hai. ise ishan kshetra men bhul kar bhi nahin rakhna chahie anyatha arthik hani evan durghatana ka bhay bana rahta hai. yadi kisi karan is kshetra men taink banana ho to vayavya, agney evan nairritya kshetra men nirman karya apekshakrit uncha karna chahie. isse ishan kshetra ke dushparinam se kafi had tak bacha ja sakta hai. uttar men pani ka taik karj men vridvi karta hai, sath hi arthik rup se fatehal evan tanghal bana deta hai.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog  May 2011

bahucharchit kalasarp yog bhay evan santap dene vala hai. is vishay men anek bhrantiyan jyotishiya kshetra men pathkon ko gumrah karti hain. prastut hai kalasarp yog ke upar ek sankshipt, thos evan vishvas jankari

Subscribe

Apne vichar vyakt karein

blog comments powered by Disqus
.