पिरामिड का वास्तु में उपयोग

piramid ka vastu men upyog  

Ank ke aur Lekh | Sambandhit Lekh | Views : 3020 |  
‘piramid’ do shabdon (grik) - ‘payra’ (ag, urja ya ushma) evan ‘mid’ (madhya) se milakar bana hai arthat vah vastu jiske madhya dhanatmak ya sakaratmak urja ho, tatha jo sakshamata se sabhi shighra nashta hone vali jar/chetan vastuon ko surakshit rakhti hon. piramid ke anya rup vibhinn dharmik sthalon jaise - mandir, masjid, charch, gurudvara, bauddh math, girjaghar adi hain, jinke upri hisse par ek vishesh gumbadanuma akriti lie hoti hai jinke madhya yahi sakaratmaka urja piramid akriti ke karn pravahit hoti rahti hai. han, piramid dvara vastu dosh sudhar hetu bhinna-bhinn paristhitiyon men bina tore-fore sudhar kiya ja sakta hai. yah sudhar svasthya kshetra men, chikitsa kshetra men, bimari men, adhyatmik kshetra men sadhna, puja, yog, dhyan men v shiksha adi men kiya ja sakta hai. iske lie upyogi bindu nimn hain- vastu men piramid ka nirdharn iska nirdharan chunbkiya bal rekhaon ki disha ke anusar karna chahie. sadharntya chunbkiya bal rekhayen uttar se dakshin ki or pravahit hoti hain. apni prithvi, jis par vyakti rahte hain, bhi ek chunbak hi hain. ismen upar uttari (dhruv) disha evan niche dakshini (dhruv) disha hoti hai, atah chunbkiya bal rekha upar se niche ki or bahti hai. atah piramid ki koi bhi satah prithvi ke uttara ya dakshin dhruv ke samanantar rakhni chahie. istemal sahi karne par hi labh hota hai, nahin to hani bhi ho sakti hai. iske aspas gandgi nahin honi chahie. ise saf-suthri havadar jagah par rakhna chahie ya nirman karna chahie. ise vidyutiya vastuon jaise - bijli ke tar evan upkrnon se dur rakhna chahiye jabki ilektraenik vastuon ya kanpyutar ke upar ise rakh sakte hain, jisse inki karyakshamata bhi barh jati hai. aniyamit akar ke bhukhand ko urjamay banana vastu anusar aisa bhukhand shubh nahin hota hai, pragti nahin ho pati, vyavsay nahin chalta hai, kalah adi rahte hain. ise thik kar urjamay banane hetu madhya brahm sthan ke alava pratyek kone men piramid lagane par uprokta ashubh ghatnaon men labh hota hai. bhukhand ke kate konon ko thik karna kone kate hue shubh nahin mane jate hain visheshakar ishan kona, iske kat jane se dukan, karkhane, dhan daulat evan kamkaj adi sabhi band ho jate hain tatha jaga bhagya so jata hai, durbhagya shuru ho jata hai, malik karj men dub jata hai. lakshmi ruth jati hai jisse daridrata shuru ho jati hai. iske liye piramid ki divar ko kone par chitranusar lagana chahie jisse uprokta ashubh parinamon men labh ho. bhukhand ke ishan men shauchaly hone par piramid dvara upay ishan men shauchalay hone par arthik kami, durghatanaen, mansik pareshani shuru ho jati hai. udyog dhandhe band ho jate hain. pareshani, sankat v apda picha nahin chorti jisse vyakti ka man, samman, yash, pratishtha sab samapt ho jate hain. atah ise sahi karne hetu piramid ko iski bahri divar ki or lagana chahie, isse iske rinatmaka prabhav men kami ati hai tatha uprokta nakaratmak prabhav samapt ho jate hain. shayan kaksh ke sath shauchaly hone par piramid shakti ka upyog yadi aisa ho to rinatmak ya nakaratmak urja ke prabhav se vibhinna prakar ki pareshaniyan ayanegi. is dosh ke nivaran hetu nimn chitranusar shauchalay ke bahar ki divar ki chaikhat par tin piramid lagane se upay ho jata hai tatha sakaratmaka urja ka pravah hota hai. piramid dvara mukhya dvar ki suraksha yadi dvar ke samne kisi bhi prakar ka vedh ho to unnati purnataya nahin ho pati hai. arthik tangi rahti hai, karyon men vilanb, mansik pareshani adi bani rahti hai. ise dur karne hetu upay ke rup men chitranusar e9 g 9 ke tin piramid dvar ke dayen v bayen tatha upar lagane se dosh dur ho jata hai. kharab kal-karkhane adi ko piramid shakti dvara thik karke urjamay banana kharab kal karkhanon men mashinen sahi dhang se karya nahin kar pati hain ya hamesha koi nai pareshani a rahi ho, karya karne valon ke sath mansik shanti n ho adi nakaratmak prabhav dikhte hain to inhen thik karne hetu bhukhand ke charane konon v charon dishaon tatha madhya brahmasthal men 9 g 9 ka piramid lagane se bhukhand urjavan hota hai. isse karyakshamata men vriddhi hokar utpadan adhik hota hai. khana banate samay munh pashchim ya dakshin men ho to piramid shakti dvara upay vastu anusar, munh purva ki or hona chahie jisse urja milti rahe tatha vyakti sfurtivan, svasth bana rahe, lekin manuh pashchim ya dakshin men ho to asvasthata, asfurti, utsah men kami v durbalata bani rahti hai tatha mansik ashanti v man kamjor rahta hai, thakan bani rahti hai, arthik tangi rahti hai. atah khana banane vale vyakti ki disha par munh ke samne 9 g 9 ka tin inch ka piramid lagayen jisse dosh dur hokar urja ka sanchar ho sake. piramid dvara brahm sthal ko urjavan banana iske liye madhya men 9 piramid yantra chitranusar lagayen. iske nirman hetu char char fut ka lagabhag 1 fut gahra gaddha khoden. har yantra men chah inch ka antar rakhte hue piramid ek dusre ke samanantara rakhne chahie. isi tarah charane konon men bhi 9 piramid yantra sthapit karen. isse kendra kon ki sakriyata barh jati hai jo grihasvami v uske parivar ke liye svasthyavardhak hoti hai. piramid dvara flait ke brahmasthal ko urjavan banana yadi kisi ka flait upri panchvin manjil par hai aur koi niji bhumi nahin hai to aise men sarvapratham brahmasthala nikalna chahie tatha bhitri chat ya siling men nau maltiyar piramid yantra lagana chahie. ye niche ki or karke lagana chahie jaisa chitra men ulta tribhuj darshaya gaya hai. brahm sthanon men koi divar hone par aisa hone par ich tra a n u s a ra divar par tin maltiyar piramid yantra lagane se brahma sthal sakriya ho jata hai tatha divar ka dosh dur ho jata hai. brahm sthan men sirhi hone par yadi sirhi gol hai to uske charane or piramid lagayen. ye piramid yantra farsh ke niche ya upar siling (chat) par lagayen. yadi farsh ke niche piramid lagana sanbhav ho to siling men patti lagakar use alg kar sakte hain. brahmasthan men shauchalay hone par yah ek ganbhir dosh hai, ise hatana hi behatar hota hai. yadi hata nahin sakte to piramid dvara kuch matra en iska dosh kam kar sakte hain purnarup se samapt nahin. piramid strip se prabhavatmak rup se vibhajn karna hi iska behatar upay hai jise chitra men darshaya gaya hai. tijori ko piramid dvara urjavan banana iske lie ismen ek piramid yantra rakhen. jaise-jaise urja ka pravah barhta hai vaise-vaise tijori bhi urjit hoti hai. isse dhan ke agaman ke pravah men vriddhi hokar tijori, dhan se kabhi bhi khali nahin hoti hai. piramid yantra ka sankshipta vishleshn piramid yantra men char upakaran nimna lage hote hain: 1. piramid chip ye chip chote akar ke piramid samuh hote hain. ek chip men 9 piramid hote hain. ye piramid, yantra men lagaye jate hain taki unki shakti ko gunatmak rup se barha saken. inhen 9 piramidane vali plet ke niche lagaya jata hai. inhen svatantra rup men bhi prayog kiya ja sakta hai. 2. piramid plet (ek) piramid plet men 9 piramid bane hote hain aur unke niche jo khali sthan hota hai vahan par 9 piramid chitra lagaye jate hain isse inki urja shakti 9 guna ya 81 ho jati hai. yadi niche 9 chip lagaye gaye to ye 9 piramid ka labh degi. ise piramid chip ka bara rup bhi kah sakte hain. piramid plet (do) yah plet 9 piramid vali plet ke upar lagai jati hai. ismen 9 ched hote hain jo 9 piramidon ke upr akar samtl dharatal ka kam karte hain. piramid taep ise piramid gumbad kah sakte hain. yah mandir adi dharmik sthalon ki upar dhvaja ke anurup hoti hai. ise svatantra rup men bhi prayog kiya ja sakta hai aur 9 piramidon vali plet ke upar bhi iske andr brahmandiya urja shakti rahti hai. in charon ko kram se lagane par arthat sabse upar piramid taep fir piramid chidra plet, fir uske niche 9 piramid vali plet, fir uske niche pratyek khali sthan par 9 piramid vali ek-ek chip is tarah se piramid yantra ki sanrchna hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2014

fyuchar samachar ke vastu visheshank men anek rochak v gyanavardhak lekh jaise bhavan aur vastu, vastu shastra ka vaidik svarup, vastu shastra ke mulbhut tatva, vastu shastra v dampatya jivan, udyog dhandhe kyon band ho jate hain?, flaita/plaet kharidne hetu vastu tathya, anubhut prayog evan sutra, vastu sammat sirhiyan bhi deti hain saflta, ghar men kya n karen?, vibhinn dishaon men rasoighar, vastudosh samadhan, vastu sanbandhi kahavten, vastu dosh dur karne ke saral upay, panchatatva ka mahatva tatha svasthya sanbandhi vastu tips. iske atirikt vastu par hue ek shodh karya par likha gaya sampadkiya, kariyar paricharcha, sukhi dampatya jivan ka adhar: shadi ke sat vachan, satya katha, hailth kaipsul, pavan sthal men bansvara ka prachin man tripurasundari mandir, jyotish v mahilaen tatha grah sthiti evan vyapar, panchapakshi ke rahasya, mantra v tantra sadhna ka svarup, karnabedhan sanskar, grih sajja evan vastu fengsui adi lekhon ko samayojit kiya gaya hai.sthayi stambh vichar goshthi ke antargat ‘piramid ka vastu men prayog’ vishay par vibhinn vidvanon ke vicharon ko prastut kiya gaya hai. asha hai fyuchar samachar ke pathkon ko yah visheshank vishesh pasand ayega.

Subscribe

Apne vichar vyakt karein

blog comments powered by Disqus
.