lagnanusar kalasarp yog ka faladesh pan. em. si. bhatt kalasarp yog pratyek lagn men alg-alag prakar ka fal deta hai tatha kal sarp yog men vishisht grah sthiti ke mishrit fal prapt hote hain. in sthitiyon men vibhinn vyaktiyon ko kya vishisht upalabdhiyan hoti hain athva vyakti kin visham paristhitiyon men fansakar rah jata hai, iska vivchen lagnanusar kiya gaya hai. vibhinn lagnon men kal sarp yog hone par kis prakar ke fal milte hain, uska vivaran nimn prakar se hai :-
mesh-vrishchik lagn : mesh-vrishchik donon lagnon ka lagnesh mangal hai. in lagnon ki kundliyon men kalasarp yog banta ho to jatak ko n to naukri men santushti milti hai aur n vyapar men saflta. naukri aur vyapar men bhishan charhav-utar dekhne parte hain. uttarottar sangharshon ke karan inka atmavishvas tut jata hai. jivan bhar ki dal-roti ki kamai ka thos marg nahin milta. asantosh aur bechaini barhane vale kai karan svayan hi paida hote rahte hain. kul milakar jivan ashant evan nirashapurn rahta hai.
vrishbh- tula lagn : vrishabh aur tula lagn ki kundli men kalasarp yog banta ho to jatak apne rojgar ke vishay men prayah chintit rahta hai. use dar rahta hai ki jo rojgar ka sadhan uske hath men hai, vah n jane kab hath se nikal jayega. is bhayagrast vichar ke karan uski jivan nauka larkhrati hui kab dub jayegi, yahi vichar use bhaybhit banata hai.
jatak ko vishvas nahin hota ki vah apni manjil tak pahunch chuka hai aur ab use keval do-char kadam hi aur age barhna hai. atmavishvas kam hota hai aur vah ashant evan bechain hokar ghabrakar usi sthan par laut ata hai, jahan se vah chala tha.
iska parinam yah hota hai ki jahan pahle unhonne apne pair jamaye the vah jamin hi pairon ke niche se khisak jati hai aur vah jamin daladal men parivartit ho jati hai. is tarah ki atmaghat karne vali ghatnaon ka vah shikar banta hai. vrishabh aur tula lagn ka lagnesh shukra hai.
mithun - kanya lagn : mithun aur kanya lagn ki kundli men kalasarp yog banta ho to jatak naukri men uchch pad pane ke svapn jarur dekhte hain, par unhen kamyabi hasil nahin hoti. stil farnichar ka vyapar ya koi anya kal-karkhana lagayen to usmen bari dikkaton ka samna karna parta hai.
gujare bhar ki amdni bhi mushkil se ho pati hai. kharid-bikri, kamishan ejensi, dalali ka karya karen to das bar men kamaya munafa ek hi bar ke ghate men saf ho jata hai. kagaj, kapra, anaj, kirana, janaral marchent, grihopyogi samagri, hotl-motal, restorent adi ke vyapar men aise jatkon ko safal hote dekha gaya hai. lekin shreshthajanon ko inke bartav se bar-bar dukh uthana parta hai. aur falasvarup shreshthajanon ke shap se inki kshati bhi hoti hai. mithun aur kanya lagn ka lagnesh budh hai.
kark lagn : kark lagn ki kundli men kalasarp yog banta ho to aise jatak n safltapurvak naukri kar sakte hain aur n hi koi vyavsay. daktar, vakil, jyotishi, tyutar, kalakar adi svatantra karyon men visheshagya banakar kafi dhan kamate hain, fir bhi ve sharir se asvasth evan parivar se asantusht rahte hain. chaturai, chalaki aur maukaparasti se ve hamesha apna rang-rhang badlte hue karya karte rahte hain. charon taraf unhen pratishtha milti hai. inke hath men dhan tabhi rah payega jab ve thora-bahut hi kyon n ho, dan-punya avashya karen. kark lagn ka svami chandrama hai.
sinh lagn : sinh lagn ki kundli men kalasarp yog banta ho to aise jatak apni ajivika aur parivar ke liye sadaiv chintit rahte hain. apne vyavsay men bar-bar teji ka labh inhen milta hai, lekin aise bhi prasang ate hain ki ek hi jhatke ki gahri mandi kamrtor nuksan pahunchati hai. inki punji dhire-dhire barhti najar ati hai lekin ek hi jhatke men vah saf bhi ho jati hai.
aise jatak naukri karna pasand nahin karte. parantu paristhitivash majbur hokar thore samay ke liye hi kyon n ho, paradhinta svikarni hi parti hai. parivarik ekta banaye rakhna inki pratishtha ka saval hai. ve drirhapratigya, kathor aur jiddi bhi hote hain. sinh lagn ka lagnesh surya hai.
dhanu-min lagn : dhanu evan min lagn ki kundli men kalasarp yog banta ho to aise jatak paradhin karya men ya naukri men safal nahin hote. bahri striyon ke sahyog se svatantra karyakshetra men apni jar majbut banate hain. parantu ghar ki kisi stri ke shadyantra ka shikar hokar asafal bhi hote hain. dalali, kamishan, ejensi ya kansalatensi evan rajniti men aise jatak yash evan pratishtha prapt kar sakte hain.
samaj men bhi bahucharchit bane rahte hain, parantu apne sankochshil svabhav ke karan dhan ka abhav bana rahta hai. kamaya dhan bhi khona parta hai. parivarik jivan bahut hi sangharshamay hota hai. sine men dukhadard evan chehre par muskan liye ghumte hain. dusron ka upkar karne ke liye bechain rahte hain. paropkari hote hain, lekin paropkar se apayash hi milta hai.dhnu evan min lagn ka lagnesh guru hai.
makr-kunbh lagn : makar evan kunbh lagn men kalasarp yog banta ho to aise jatak ko videsh men rahne ka avasar prapt hota hai. avasar milne par desh se adhik pardesh men kamyabi hasil karte hain. patni evan bachchon ki or se ashant tatha atript rahte hain. paitrik sanpatti ka uchit labh inhen nahin milta. svayan sanpatti jutate hain, parantu usse n svayan aur nahi apne parivar ko santusht kar pate hain.
khanij, petroliyam, aisid, koyla, davaiyon ya kemikal lain men naukri athva vyapar karke achchi saflta prapt karte hain par jivan men aisa jhatka lagta hai ki sari kamai dub jati hai. sheyar, satta, matka-latri men achcha dhan prapt hota hai.
makar evan kunbh lagn ka svami shani hai. surya ke sath shani aur chandra ke sath budh ki yuti ho to kalasarp yog vale jatak dhanvan, khayatnam evan dharmik rahte hain.
makar evan kunbh lagn men kalasarp yog banta ho to aise jatak ko videsh men rahne ka avasar prapt hota hai, pardesh men kamyabi hasil hoti hai parantu patni evan bachchon ki or se ashant tatha atript rahte hain. tatha paitrik sanpatti ka uchit labh nahin milta. kalasarp yog men vishisht grah sthiti ke mishrit fal : kalasarp yog ki sabhi kundliyon men sadaiv bure hi fal nahin milte. apvad svarup kuch grahyogon ke karan achche tatha mishrit fal bhi jatak ko prapt hote hain.
in grah yogon ko drishtigat nahin rakhne se bhi falit galat ho sakta hai.
1. kalasarp yog ki kundli men ek karak grah uchch ka balvan ho aur dusra koi bhi grah uchch ka ho to aise jatak har kshetra men apni dhak jama lete hain. asanbhav lagne vale karya bhi safltapurvak sanpann kara lete hain. aise jatak dhun ke pakke aur rangin mijaj ke dhani hote hain.
kalasarp yog ke sath kisi bhav men surya-chandra ki yuti ho to jatak unnati ke liye athak parishram karte hain, musibton ka samna karte hain aur anttogatva safal jivan bitate hain. kintu unka adhikansh dhan dushton ke kabje men jakar apavyay hota hai. surya ke sath shani aur chandra ke sath budh ki yuti ho to kalasarp yog vale jatak dhanvan, khayatnam evan dharmik rahte hain.
2. kalasarp ki kundli men kemadrum yog' tatha 'shakat yog' banta ho to aise jatak bina punji ke ya kam punjivale kam karke apni jarurton ko purn karne men saksham hote hain. parantu dhanvan banne ki kamna se kiye hue kamon men unhen saflta nahin milti. aksar karj lekar hi apna kam chalate hain aur liye rin ko bar-bar chukta karte rahte hain.
yadi bhagyavash inhen svatantra karobar men rupya mil bhi gaya to vah inke jivnkal hi men samapt ho jata hai. vyapar, udyog men bhari rakam lagai ho to ise inki tabahi ka praranbh samjhna chahiye.
3. kalasarp yog ki kundli men chandrama se kendrasth guru aur budh se kendrasth shani ho to aise jatak paryapt matra men aishvarya bhogte hain. kamatur aur vilasi hote hain. kam parishram se adhik rupya ye kama jarur lete hain aur bari se bari kamnapurti bhi kar lete hain. vritti se dharmik bhi hote hain, fir bhi sadaiv apni upalabdhiyon se asantusht rahte hain.
parivar ke vyavhar se dukhi hone se sukh chain ki nind bhi nahin so pate. apne shatruon ko bhi sharan dete hain. aise jatak yogya guru ke margadarshan men tantra-mantra ki sadhna kar saken to is disha men bari saflta unke hath lagti hai. inki ankhon men ek khas chamak hoti hai jiski vajah se ve kisi ko bhi sahaj hi men akarshit kar lete hain.
4. kalasarp yog ki kundli men shani-surya yuti, shani-mangal yuti ya rahu ketu ke sath shani-mangal surya se ekadhik yog banta ho to aise jatak ka janm hi sangharsh men hota hai, yani paida hote hi sangharshon ka silsila praranbh ho jata hai. vidyarjan, naukri, vyavsay, patni, santan adi ke liye ek vishisht sima tak pareshaniyan rahti hain. apni upalabdhiyon se asantusht hokar dusron ke ahsanon tale dabe aburhte hain. karj ke sagar men dube rahte hain.
purana karj chukane ke liye naya karj lene ka silsila bana hi rahta hai. parivar, mitra evan rishtedaron se hamesha chale jate hain. karj lekar bhi kisi mitra ki madad ki to vah mitra bhi dhokha de jata hai. usko di rakam tukre-tukre men batakar bhi puri vasul nahin hoti hai. man mutav hokar dost dushman men badal jata hai. inki har vastu par dushton ki najar hoti hai. jan-mal ki kshati ke liye kabhi-kabhi log tantra-mantra, tona-toka bhi inke upar karte hain. in sabke bavjud ye jatak shan se jite hain aur shan se hi marte hai.
kal sarp yog se koi bach nahin sakta. prastut janmapatri men vasuki namak kalasarp yog bana hai. uske anusar jatak ka ek-ek kshan sankton aur abhavon ke bich vyatit hua hai. jis-jis ko chaha, usne hi dhokha diya. jin-jin logon se dur rahne ki koshish ki, unhin logon ko bar-bar samne dekhna para. abhav, karj, ahsan, ashanti jaise vikaron se bach nahin saka.