अन्ना हजारे आंधी है देश का दूसरा गांधी है

anna hajare andhi hai desh ka dusra gandhi hai  

Ank ke aur Lekh | Sambandhit Lekh | Views : 3836 |  
anna hajare andhi hai - desh ka dusra gandhi hai fyuchar point ke saujanya se rashtrapita mahatma gandhi ne svatantrata se purva jis abhiyan ka shubharanbh kiya tha vah bich men shithil avashya par gaya tha. samay ki gati ke sath anna hajare us abhiyan ko age barhane ki disha men agrasar hain aur desh ko bhrashtachar ke andhkar ko bahar nikalne ke lie tatpar hain. is samajik karyakarta ki jivan yatra ke vibhinn paravon ka prastut hai yahan jyotishiya vishleshan. 9 aprail 2011, nai dilli jantr-mantar par jahan hajaron ki sankhya men deshabhar se log upasthit the, bhrashtachar ke khilaf larai lar rahe gandhivadi v jane mane samajik karyakartta anna hajare ne, 97 ghante se adhik upvas par rahne ke bad apna upvas khatm kiya aur jan lok pal par mili sarkar ki rajamandi se desh ki janta ko ek bari jit mili. pradhan mantri shri manmohan sinh ne unhen ashvasan bheja ki sarkar mansun satra men lokpal bil ko pas kar degi. is par anna hajare ne anashan torne ke bad kaha ki agar lokpal bil monsun satra men pas nahin hua to ve 15 agast ko lal kile par andolan karenge. bhrashtachar ke khilaf anna hajare ki muhim men deshabhar se jabaradast samarthan mila. jahan bolibud ke anek jane mane sitare jantar mantar pahunche aur tivatar ke jarie lakhon log unki muhim se jure, vahin svami ramdev aur svami agnivesh ne bhi anna hajare ki is muhim men khud ko samarpit kar diya. jahan ek or anna hajare jantar mantar par hajaron samarthakon ke sath amaran anashan par baithe the, vahin dusri or desh bhar men jagh-jagah hajaron ki sankhya men log anashan par baith gaye aur bharat ka yuvavarg sarkon par tatha intrnet ke jariye pure josh ke sath lakhon ki sankhya men bhrashtachar ke khilaf is andolan men jur gaya aur ant men anna hajare ko jit mili. aiye, ab janen ki achanak har vyakti ke jehan men chae anna hajare hain kaun? anna hajare ka vastavik nam kisan baburav hajare hai. 15 janvri 1940 ko maharashtra ke ahamad nagar ke bhingar kasbe men janme anna hajare ka bachapan bahut garibi men gujra. pita majdur the. dada fauj men the. dada ki posting bhinganagar men thi. anna ka pushtaini ganv ahamad nagar jile men sthit ralegan siddhi men tha. dada ki maut ke sat sal bad anna ka parivar ralegan a gaya. anna ke 6 bhai hain. parivar men tangi ka alam dekhakar anna ki bua unhen munbai le gai. vahan unhonne satvin tak parhai ki. parivar par kashton ka bojh dekhakar vah dadar steshan ke bahar ek ful bechne vale ki dukan men 40 rupye ki pagar par kam karne lage. iske bad unhonne fulon ki apni dukan khol li aur apne do bhaiyon ko bhi ralegan se bula liya. chathe dashak ke aspas vah fauj men shamil ho gaye. unki pahli posting bataur draivar panjab men hui. yahin pakistani hamle men vah maut ko dhata bata kar bache the. isi dauran unhonne binoba, gandhi tatha vivekanand ji ki pustakon ko parha aur unse prabhavit hokar apni jindgi samaj ke utthan men samarpit kar di. 1970 men unhonne ajivan avivahit rahne ka sankalp kiya. munbai posting ke dauran vah apne ganv ralegan ate-jate rahe. jammu posting ke dauran 15 sal fauj men pure hone par 1975 men unhonne vi.ar.es. le liya aur ganv men akar dat gaye. unhonne ganv ki tasvir hi badal di. unhonne apni jamin bachchon ke hostal ke lie dan kar di. aj unki penshan ka sara paisa ganv ke vikas men kharch hota hai. vah ganv ke mandir men rahte hain aur hostal men rahne vale bachchon ke lie banne vala khana hi khate hain. aj ganv ka har shakhas atm nirbhar hai. as-paros ke ganvon ke lie bhi yahan se chara, dudh adi jata hai. ganv men ek tarah ka ramraj hai. ganv men to unhonne ramraj sthapit kar diya hai. ab vah apne dal-bal ke sath desh men ramraj ki sthapna ki muhim men nikle hain. san 2000 men bhi maharashtra men anna hajare ki bhukh hartal ke bad hi 'suchna ka adhikar adhiniyam' lagu kiya gaya aur bad men isi ke adhar par kendra sarkar ne 'suchna adhikar adhiniyam, 2005 pas kiya aur 05 aprail 2011 ko shri hajare ne bhrashtachar ke virodh men parliyament men ''lokpal bil'' pas karane ke lie bara andolan cher diya jismen unhen shighra hi saflta bhi mili. aiye, ab janen kya hai lokpal bil? desh men gahri jaren jama chuke bhrashtachar ko rokne ke lie jan lokpal bil lane ki mang karte hue anna hajare ne manglvar 05.04.2011 ko amaran anashan shuru kar diya. jantr-mantar par samajik karyakartta hajare ko saport karne hajaron log jute. aie, jante hain jan lokpal bil ke bare men......... is kanun ke tahat kendra men lokpal aur rajyon men lokayukt ka gathan hoga. yah sanstha ilekshan kamishan aur suprim kort ki tarah sarkar se svatantra hogi. kisi bhi mukdme ki janch ek sal ke bhitar puri hogi. trayal agle ek sal men pura hoga. bhrasht neta, adhikari ya jaj ko 2 sal ke bhitar jel bheja jaega. bhrashtachar ki vajah se sarkar ko jo nuksan hua hai apradh sabit hone par use doshi se vasula jaega. agar kisi nagrik ka kam tay samay men nahin hota to lokpal doshi afasar par jurmana lagaega jo shikayat kartta ko muavje ke taur par milega. lokpal ke sadasyon ka chayan jaj, nagrik aur sanvaidhanik sansthaen milakar karengi. netaon ka koi hastakshep nahin hoga. lokpal/lok ayukton ka kam puri tarah paradarshi hoga. lokpal ke kisi bhi karmachari ke khilaf shikayat ane par uski janch 2 mahine men puri kar use barkhast kar diya jaega. sivisi, vijilens vibhag aur sibiai ke ainti karapshan vibhag ka lokpal men vilay ho jaega. lokpal ko kisi jaj, neta ya afasar ke khilaf janch karne aur mukdma chalane ke lie puri shakti aur vyavastha hogi. jastis santosh hegre, prashant bhushan, samajik karyakartta arvind kejrival ne yah bil janta ke sath vichar vimarsh ke bad taiyar kiya hai. anna hajare ka sahi janm samay to milna bahut kathin tha parantu intrnet se upalabdh janm tithi ke anusar jab hamne sabhi lagnon par vichar kiya aur anna ji ke jivan ki ghatnaon se milan kiya to yahi samay uchit pratit hota hai. ab ham karenge anna hajare ki janm patri ka vishleshn- samaj sevi anna ji ke janm ke samay shani ki mahadsha chal rahi thi shani apni nich rashi men ketu ke sath shatru rashi men baithe hain aur lagn ko dekh rahe hain islie shani ki mahadsha men inhen dhan ki kami rahi. pancham par bhi drishti hone se parhai men bhi rukavat ai aur uchch shiksha prapt nahin kar sake. shani par kisi shubh grah ki drishti bhi nahin hai islie shani ki dasha men vishesh labh prapt nahin hua. bachapan men dhan ki kami rahi, sharirik rup se nirval rahe aur parhai men vyavdhan ae tatha shani ki pita ke karak grah surya par drishti ke karan pita se bhi bachapan men hi dur ho gaye. pancham bhav men shani se drisht rahu, mangal se bhi drisht hai aur panchmesh shukra ko bhi rahu dekh rahe hain arthat pancham bhav pratikul grahon ki drishti ke karan kafi kamjor hai aur anna ji ki shiksha puri n hone ka ek bara karan hai. chaudah varsh pashchat budh ki dasha ai. 1954 se 1970 tak budh ki dasha chali. lagnesh aur chaturthesh budh (napunsak grah) saptam bhav men ast hokar baithe hain aur saptamesh aur dashmesh guru ko bhi kendradhipti dosh hone ke karan vivah nahin hua aur ajanm avivahit rahne ka faisla kiya. pita ke karak grah surya ashtam bhav men baithakar shani se drisht hain. shayad islie bachapan se hi pita se dur munbai chale gaye aur apni bua ke pas rahe. yog karak grah shukra bhagya sthan men balvan hokar baithe hain aur saptam drishti se tritiya bhav ko dekh rahe hain jisas ki inhen janta ka atyadhik saport mila. ashtamesh aur navmesh shani ekadash men apni nich rashi men baithakar shubh fal pradan kar rahe hain aur dasham drishti se ashtam bhav ko dekhakar lanbi ayu bhi pradan kar rahe hain. anna ji ki kundli men hans nam panch mahapurush yog ban raha hai jiske karan inke jivan men sadgi, uchch vichar, imandari v dirgh ayu ke gun vidyaman hain. dasham sthan men mangal hone se inki kundli men kuldipak yog bhi ban raha hai jiske falasvarup adhik parhai n karne par bhi armi men naukri ki aur apne parivar men ek vishesh pratishthit sthan prapt kiya aur aj apne karyon se bhrashtachar rupi andhkar men dipak jaisa karya kar rahe hain. inki kundli men dasham sthan men tin grahon mangal, chandrama, guru ke yog se ek prabal rajyog jaisa yog ban raha hai aur in sabhi grahon ki drishti chaturth bhav par hone se inhen janta ka atyadhik pyar mila aur unke sahyog se hi anna ji lokpal bil par sarkar ki sahmti lene men samarth hue. jivan men dusron ke lie kuch karne ka jajba aur am janta ki lok priyata hasil karne ke lie guru aur shukra ka bali hona atyant avashyak hai. anna ji ki kundli men saumya grah shukra, guru aur budh kendra aur trikon sthan men baithne se inhen yash, kirti, nam v janta ka bharpur pyar mila aur bina kisi pad par asin hue, bina kisi svarth ke ek garimamai pojishan mili. chandra lagn se kundli ka vivechan karen to chandra lagn se panchmesh chandra dasham, kendra men, bhagyesh mangal v lagnesh karmesh guru ke sath baithe hain aur inke yash prasiddhi v kirti men sahyog de rahe hain. anna ji ke jivan men shukra ki mahadsha 1978 se 1998 tak chali aur chunki shukra yog karak hokar bhagya sthan men baithen hain sath hi apni rashi tula se pancham trikonesh hokar navam trikon men tatha apni vrish rashi se dasham kendra men baithe hain. islie apni dasha men shukra ne inhen sarkar se bar-bar sammanit karvaya. anna ji 1986 men pradhanmantri rajiv gandhi ji dvara indira priya darshini vriksh mitra avard se, 1989 men maharashtra sarkar dvara krishi bhushan avard se, 1990 men bharat sarkar dvara padm shri, evan 1992 men padm bhushan avard se sammanit kiye gaye. surya ashtam men baithe hain islie surya ki dasha samanya rahi. ab chandra dasha 2004 se shuru hui hai aur ismen bhi 2008 men inhen varld baink ne jiv gil maimoriyal avard se navaja kyonki inhonne apne ganv ko ek madal ganv ki tarah viksit kiya tatha suchna ka adhikar adhiniyam, pas karvaya. chandra ki dasha 2014 tak chalegi aur dasham bhav men sthit chandrama ki dasha anna ji ko aur lokapriyata dilvaegi aur anna ji am janta ke sahyog se desh ko bhrashtachar jaise kire se mukt karvane men avashya safal honge. chandra ki dasha ke bad mangal ki dasha bhi anna ji ke lie atyant shubh hogi aur anna ji ko desh men koi sarvochch garimamay pad bhi prapt karva sakti hai tatha anna ji ka nam bharat ke itihas men hamesha yad kiya jata rahega.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog  May 2011

bahucharchit kalasarp yog bhay evan santap dene vala hai. is vishay men anek bhrantiyan jyotishiya kshetra men pathkon ko gumrah karti hain. prastut hai kalasarp yog ke upar ek sankshipt, thos evan vishvas jankari

Subscribe

Apne vichar vyakt karein

blog comments powered by Disqus
.