महिमामयी महारानी संभलेश्वरी भवानी

mahimamyi maharani sanbhleshvari bhavani  

Ank ke aur Lekh | Sambandhit Lekh | Views : 1975 |  
mahimamyi maharani sanbhleshvari bhavani do. rakesh kumar sinha 'ravi' ati prachin kal se bharat ki sabhyata sanskriti men mahatvapurn bhumika nirvahan karne vala 'bharat ka floriz' ke nam se vikhyat prachin kaling v bad men utkal ke nam se prasiddh aj ka urisa apne kai khayatnam tirthon ke lie vishvavishrut raha hai unmen man sanbhleshvari ki ganna pradesh ke prachinatam devi tirth ke rup men ki jati hai. yah janne ki bat hai ki desh men aise kai nagr-ganv hain. jinke namakaran ka muladhar matri bhavani hain aur inhin ke nam par aj vah nagar prakhyat ho gaya jaise ki man vindhyavasini se vindhyachal, patan devi se patna, tilauthi (tulja) bhavani se tilauthu, man aranya devi se ara, puran devi se purniya, kumari devi se kanya kumari, man anbika se anbikapur, man chandi se chandigarh, man nayna se nainital, man shyamla (shyamli) se shimla, man tripur sundri se tripura, man tara se tarapith, man kali se kolkata, munba devi se munbai adi. thik vaise hi man sanbhleshvari ke nam se urisa rajya ka khubsurat nagar sanbhlpur prakashit hai jo mahandi (urisa) ke kinare yugon-yugon se abad hai. itihas gavah hai ki prachya kal ka yah hirak khand (hira khand kshetra) devopasna ke lie prasiddh raha hai jismen mahamaya sanbhleshvari man ka pramukh sthan hai. yah gaurav ki bat hai ki utkal desh ke prachin tray deviyon men man birja aur man bimla ke sath man sanbhleshvari ki ganna ki jati hai. isi prakar pradesh ke panch mahadevi tirth men bhi man ganya hain. vishvas kiya jata hai ki tab 'sanblk' nam se parichit yah prakshetra sudur deshon men hira niryat karta tha. is tathya ki pushti videshi yatriyon ke vivaran se bhi hoti hai. tolmi ki kriti men ullikhit 'manda' kinare sanblka (sanbalka) yahi hai jise kahin-kahin 'sanbhl' athva 'sanbhles' bhi kaha gaya hai. kahte hain nai rajdhani ki saipna ke lie uchit sthan ki khoj men nikle raja shri balram dev ne san 1540 inmen navin sanblpur nagar ko basaya aur yahin ki adhishthatri shakti hain man sanbhleshvari, jinhen urisa prant ke shaktipithon men jagrat v addhitiya svikara jata hai. man ke namakaran sanbhleshvari ke piche yah tark diya jata hai ki mai ne hi raja ko sanbal arthat majbut adhar pradan kiya to kahin-kahin yah bhi vivaran hai ki yah pura ka pura aranya bhumi shimuli vriksh se achchadit tha jise sthaniya 'sanbhl' aur gramin kshetra ke log samlei kahte hain. man ka mul mandir bhale hi sanbhlpur men achchadit hai par man ki puja madhyapradesh, chattisagarh, jharkhand v bihar ke sath sudur asam ke bhi kuch anchlon men hoti hai. man ke mandir men pahunchte hi pithasth shakti ka sahaj anubhav hota hai. pravesh dvar par dvay devi vahan ka vishal v akarshak vigrah darshaniya hai. sanpurn mandir kshetra ke nirman men urisa shaili ka bejor pradarshan darshaniya hai. yahan man ke alave bhole bhandari, bhairav, devi yogini, man tarini, jagannath, vishnu, sakshi gopal, balaji adi ke darshan kie ja sakte hain. is pure parisar men prachya v navin donon dev vigrah ki upasthiti darj hai. yahan ke pujari devmuni das ji ka manna hai ki jo yahan ek bar ata hai mataji ka bhakt sada-sarvada ke lie ho jata hai. yah gaurav ki bat hai ki sanbhlpur men iske atirikt darjanon dev sthal hain jinmen vriddharaja shiv, bare jagannath, kali ghateshvari, hanuman, brahmapura, gopal ji, man tarini, shani dev adi ka nam hai. yah jankari ki bat hai ki yahin se desh ka sabse lanba bandh hirakund ka darshan kiya ja sakta hai jahan tak jane ke lie nagar se suvidhanusar vahan liya ja sakta hai. aise to salon bhar man ke is mandir m bhakton ka agaman bana rahta hai par donon navratra, pratyek manglvar v avkash ke dinon men bhakton ki sankhya men khub barhotri hoti hai. sachmuch bharat desh men man ke is sthan ki mahta is bat men garbhit hai ki mahamaya ka yah sthan sablta pradan kar karya siddhi ka suyog upasthit karta hai tabhi to uriya sahitya men man ko 'adhar' pradan karne vali bhagvti' bhi kaha gaya hai jisse manav matra ke pragti ka path prashast hota rahe. yatra marg : sanbhlpur habra-munbai relmarg par avasthit hai. jahan kahin se mel v supar fast tren dvara jana sahaj hai. aise koch bas seva raurkela, bhuvneshvar, jagannathpuri v katak se bhi upalabdh hai. yahan sabhi ke khane v thahrne ke lie upyukt vyavastha hai, is karan bhramnarthiyon ko koi pareshani nahin hoti
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2011

varsh 2011 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. soniya gandhi ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.