सिद्ध शक्ति पीठ मां भद्रकाली मंदिर

siddh shakti pith man bhadrakali mandir  

Ank ke aur Lekh | Sambandhit Lekh | Views : 1693 |  
paryatan ke drishtikon se mahatvapurn kai aitihasik v sanskritik sthal jharkhand rajya men avasthit hain jo apne samriddh sanskritik evan dharmik atit ke karan yugon-yugon se desh-videsh ke paryatkon evan shraddhalu-bhakton ke akarshan ke kendra rahe hain. sanskritik evan dharmik mahatva ke in aitihasik sthalane men sarva prasiddh hain itkhori ka man bhadrakali mandir. dur-dur tak vistrit shail malaon, nisarg naynabhiram saundarya se lade vanaprantron aur barsati yauvan se itrati do pahari nadiyan yatha baksa aur mahane ke sangam se ghira itkhori prakhand mukhyalay se 1 ki.mi. duri par sthit man bhadrakali mandir apni vishesh yash shakti ke karan desh bhar ke devi mandiron men pratham pankti men ganan yogya hai. sanskritik evan adhyatmik asmita ki raksha ke lie prachinkal se charchit uÿari chota nagpur pramandal men chatra jila ke itkhori prakhand men sthit rashtriya rajmarga-2 (ji.ti.rod) par base chaiparan se 96 ki.mi. dakshin ki or avasthit man bhadrakali mandir parisar men pahunchte hi siddh pithasth shakti ka anubhav hota hai. yah ek jagrat siddhapith hai jo sadhkon, yogiyon, tantrikon, shraddhalu-bhakton adi ka yugyugin pramanik kendra ke rup men sarvamanya hai. man bhadrakali ka mandir hinduon, bauddhon evan jainiyon men saman rup se pujniya hai. pure bharatavarsh men bahut kam aise sthan hain jinhen lagabhag sabhi dharmon men saman rup se adar prapt hai. abhi mai mah ki 23 tarikh ko yahin nadi tat se ek vishal mukhling ki prapti hone se pure desh ke puravidon ka dhyan punashch ek bar yahan gaya hai. bharatavarsh ka yah dusra vishal mukhling svikar kiya ja raha hai. adi-anadi kal se man bhadrakali ke atishay udbhav kshetra ya shreshth pujan sthal ke rup men svikarya is sthal ka prachya nam bhaduli (bhaiduli) milta hai jahan aj isi nam ki ek sarita pravahit hai. aitihasik pramanon ke anusar prachin sanskriti ke sadhak v devi tathya ke suvigya gyata mahamuni megha rishi ka ashram bhaduli men hi tha. yahin chaitra vanshiya raja surath ne megha muni ke marg darshanoprant devi siddhi ki prapti ki thi. samadhi vaishya ne bhi isi sthan par devi vardan pakar krit-krit hue the. vivaran hai ki kartikey evan mahasur shankhchur ke madhya pratyankari yuddh prakaran men avtrit bhagvti bhadrakali ki pujarchana v tapasya ‘raja surth’ aur samadhi vaishya’ ne mahane nadi ke tat par avasthit ‘tamasin’ van men ki thi. bhadrakali mandir pauranik mahatva yahan ke aitihasik puratatvik avsheshon ke nirikshan se spasht hota hai ki kisi jamane men yahan vishal pujan sthal v raj mahal raha hoga. mandir parisar ke as-pas aj bhi dhvast bhavan ki adbhut iten, prachin kalatmak stanbh aur anek prakar ke durlabh pashan kala kaushal ke utkrisht namune prachin gaurav gatha ka vyakhyan karne men saksham hain. svikar kiya jata hai ki yahan ramayan kal men shriram, lakshman v janki ka char din vishram hua tha to mahabharat kal men virat desh ki yatra ke purva panchane pandav yahan aye the. magadh desh ke raja bhadrasen ke devi aradhna ki yah bhumi magadh ke prakhyat tantrik bhairvanand ke jamane men jagat charchit hui. mae bhadrakali ke is sthal ka nam itkhori multah pali shabd ‘itkhoi’ se sanbandh jan parta hai arthat jahan tathagat ki vimata gautmi ne apne manah putra ko kho diya vahi yah sthan itkhori hai. vivaran hai dharm marg ki khoj men ghar se nikle tathagat ko unki mausi yahin akar ghar lautne ke lie kafi anuny-vinay kiya par shidvarth n mane aur yahin se rajgrih tadparant gaya ki or pramritra hue the. jain dharm men bhi is sthal ka sunam hai yahi karan hai ki n sirf jharkhand varan magadh, mithila, bhojpur, ang bangla ke yatri bhi yahan nitya ate rahte hain. vivaran hai ki 10ven tirthankar shitlnath ji ka janm sthal bhaiduli hi hai jahan 10vin shati uÿararddh men unka ihlok men agaman hua tha. aj ka bhadrakali mandir parisar n sirf dharmik kritya varan samajik karyon men kafi sahyog kar raha hai. yahan ka vishal parisar sadaiv shadi-byah, cheka, tilak v chathi-samaroh se ata-pata rahta hai. sal ke donon navratra ke atirikt kisi bhi parva-tyauhar v navavarsh ke din yahan dur-dur ke bhakton ke agaman se mela lag jata hai. mandir ki visheshta: mandir parisar men pravesh karte hi vishal yagyashala ka darshan hota hai. isi ke bad man ka mandir hai jahan gaye grih men man ka prabhavotpad vigrah matri tatva se paripurn hai. inke donon taraf bhadrakali ki ganachar ‘jaya’ v ‘vijya’ virajman hain to niche taliya bhag men ek ghora v ek hathi shobhayman hai. matri vigrah ke donon taraf do-do dev murtiyan ka darshan kiya ja sakta hai jo ‘vishnu’ surya narayn’, ‘bhairv’ v ‘siddheshvari’ ke batae jate hain. isi kaksh men takhaon men bhi dev vigrah virajman hain jinmen ‘umashankr’ ke vividh rup-shaili ka sundar ankan hua hai. dhire-dhire is sthal ka sundar vikas ho raha hai. aitihasik sanpdaon evan lok kathaon men is pure sthal ka akshunn mahatva hai. is mandir parisar men suflnath mahadev, sahastraling mahadev, kauteshvar mahadev, kanuniya mard, shri bhairav nath, shri bajrang bali v navsrijit sapramad ka sthan darshaniya hai. sahastraling mahadev men 1008 ling virajman hain. to kauteshvar mahadev 15 fit uncha vishal bauddh stup hai jiske dhakkan ko hatane par us gaddhe bhag men sadaiv jal bhara rahna apne ap men ek acharaj ki bat hai. yahan mahalingnuma bauddh stup is bat ka suchak hai ki yah sthal shaiv v bauddh fark ke logon ka samanvay sthal raha hai. kaise pahunchen: kabhi yahan ka vishal sarovar v pas bahti nadi iski saundarya ko shrivriddhi karti thi par aj pani ki mar se yahan ka kuch bhag akarshan khota ja raha hai. tathapi bhadrakali ka yah sthan apni chamatkari shakti ke lie dur-dur tak prasiddh hai. yahan ane ke lie nikatatam havai adda ranchi hai jo yahan se 156 ki.mi. duri par hai. yahan sabhi ke jeb ke layak khane v thahrne ka sthan hone se paribhramnkariyon ko koi pareshani nahin hoti. kul milkar prakriti ke suramya vatavaran men virajman man ka yah mahimakari sthal darshaniya hai jahan sal ke sabhi din bhakton v paryatkon ka jamavra bana rahta hai.
Kya aapko lekh pasand aaya? Subscribe
Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.