पेट में कृमि : एक आम समस्या

pet men krimi : ek am samasya  

Ank ke aur Lekh | Sambandhit Lekh | Views : 24550 |  
pet ke krimi:ek am samasya acharya avinash sinh pet men kai prakar ke krimion ka hona samanya bat hai. bachchon se le kar burho tak ki anton men ye krimi paye jate hain. in krimiyon ke karan saikron log prativarsh maut ka shikar hote hain aur saikron hie anya rogon ki giraft men a jate hain. pet ke kirane ka manushya par akraman karne ka pramukh karan hain svachch pine ke pani ka abhav, dushit evan ashuddh khadya padarthon ka sevan tatha sharirik svachchata ke prati udasinta. pet men kire hone se bukhar, sharir ka pila par jana, pet men dard, dil men dhak-dhak hona, chakkar ana, khana achcha n lagna tatha yada-kada dast hona adi lakshan dikhai dete hain. pet ke kire kai prakar ke hote hain. lekin mukhyatah ye do prakar ki shreniyon men bante hain- gol krimi, ya ‘raund varma’ aur fita krimi, ya ‘tep varma’. gol krimi: ye sabse adhik paye jane vale antra krimi hain. in krimiyon men nar aur mada alg-alag hote hain. inka rang safed ya pilapan lie hota hai. is krimi ki mada ek hi din men hajaron ki sankhya men ande deti hai. ye ande hajaron ki sankhya men mal ke sath nikal kar mitti, pani, sabjiyon aur anya khadya evan pey padarthon ko dushit karte rahte hain. jab koi svasth vyakti in sankramit khadya, ya pey padarthon ka sevan karta hai, to ye ande uski choti ant men pahunch kar vahan fut jate hain tatha unse vahan par larva paida hote hain. ye larva choti ant men pahunch jate hain. ye krimi guda aur stri yoni tak bhi pahunch jate hain. lakshana: ismen vyakti ki bhukh prayah ghat jati hai. parantu kabhi-kabhi vyakti ki bhukh bahut adhik barh jati hai. kai bar inke karan anto men rukavat bhi utpann ho jati hai aur vyakti ko mitli, ya vaman ane lagti hai. rogi ke pet men dard rahne lagta hai tatha maror ke sath kabhi kabj ho jata hai, ya kabhi dast ane lagte hain. nind men rogi ke munh se lar bahti hai aur bachche dant pisne lagte hain. munh se badbu ane lagti hai. chehre ka rang fika pila ho jata hai. sharir kamjor aur hath-pair duble ho jate hain. pet men afra, sharir men adhik garmi pratit hote hain. rogi ke nak-munh men khujli hoti hai. kabhi-kabhi sharir par pitti bhi uchal jati hai. dhage vale krimi: sabse adhik vyaktiyon men isi prakar ke ant krimi paye jate hain. in krimiyon ka adhikatar akraman bachchon par hi hota hai. ye krimi bahut chote hote hain. iske bhi ande mal dvara dhul, mitti, pani, sabjiyon adi tak pahunch jate hain, jinke sevan matra se ye ande pet men pahunch jate hain. lakshana: in krimiyon ke karan bachchon ki guda dvar par, vishesh kar ratri ke samay, tivra khujli hoti hai, khujli ke karan jab bachcha apni anguli se guda par kharish karta hai, to inke ande anguli par chipak kar uske munh tak pahunch jate hain. isse bachchon ko nind nahin ati. kabhi-kabhi ve sote hue dant kitkitate hain tatha apni nak ko nochte hain. iske karan unki bhukh kam ho jati hai. pet men dard rahta hai. ankush krimi: ye krimi dhage ki bhanti, barik hariyali lie, safed rang ke hote hain. ye sankramit vyakti ki grahan ai tatha madhya ant men kafi sankhya men paye jate hain. in krimiyon ke ande bhi mal ke sath sharir se bahar a kar mitti men mil jate hain. jab vyakti nange panv inke sanpark men ata hai, to ye pair ki komal tvacha se chipak kar, tvacha men pravesh kar ke, rakt men mil kar, fefron adi se choti ant men grahni tak pahunch jate hain. lakshana: isse utpann rog ka mukhya lakshan rakt ki bhari kami ho jana hai, jisse sharir aur chehra pila par jata hai. bhukh ghat jati hai tatha kamjori barhti hai. amashay men peptik alsar ki tarah ka dard rahne lagta hai. vaman bhi hoti hai. isse kabhi-kabhi mal ke sath rakt bhi ata hai. strogai loidosis star korlisah yah krimi atyant sukshm hai, jo manushya ki choti ant ki grahni tatha madhya ant men hajaron ki sankhya men paye jate hain. lakshana: krimi ka larva tvacha ke jis sthan par pravesh karta hai, usapar tivra khujli hoti hai aur vah sthan lal ho kar suj jata hai. iske karan rogi ko vaman, bhukh ki kami, halka jvar, dama jaisa shvas aur ruk-ruk kar khansi hone lagti hai. amashay men dard, afra tatha kabhi kabj aur kabhi atisar ki shikayten rahne lagti hain. bachchon ka pet ful jata hai. in krimiyon se fefron men sankraman ke karan kabhi-kabhi nimoniya bhi ho jata hai, jisse rogi ki mrityu bhi ho jati hai. fita krimi: am taur se fita krimi kam vyaktiyon men hi dekha gaya hai. jo log mansahari hanai aur gay, ya suar ke mans ka upyog karte hain, unhin men ye krimi paye jate hain. aisa mana jata hai ki yah krimi in do pashuon ke sharir men apne jivan ka mukhya kal vyatit karte hain. inke mans ko khane vale vyaktiyon ke pet men ye krimi asani se sthanantrit ho jate hain. ye krimi, vyakti ki ant ki divar men apna sir garaye rakh kar, uska rakt chuste rahte hain. yah ant krimi, fite ke saman, bahut lanbe tatha bhure-safed rang ke hote hain. in krimiyon ka sharir, kaddu ke bijon ki tarah, chairas khandon ke apas men milne se janjir ke rup men hota hai. in krimiyon ke sharir mane ahar nahin hota. islie ye apne lie poshak tatva upri satah se hi prapt karte hain. lakshana: in krimiyon ki upasthiti ke bavjud kabhi-kabhi vyakti men koi lakshan prakat nahin hota aur vyakti inki upasthiti se agyan bana rahta hai. lekin aise vyaktiyon ke sharir se kabhi-kabhi mal ke sath is krimi ke khand avashya niklte rahte hanai, jinse in krimiyon ki pahchan ki ja sakti hai. inke karan vyakti ki bhukh bahut barh jati hai. kabhi-kabhi pet men tivra dard bhi hone lagta hai. mal dhila ane lagta hai. guda aur nak men khujli hone lagti hai. vyakti ke poshak tatva samapt hone lagte hain. vyakti dubla aur kamjor hota jata hai. sir dard rahne lagta hai. pachan kamjor ho jata hai. ayurvedik upchar: vaybidang, saunth, pipal aur kali mirch, saman bhag men le kar, churn bana len aur garm pani ke sath kuch din khane se pet ke kiron ka nash hota hai. ajvayan ke churn ko gur men mila kar goli bana len. din men 3 bar khane se pet ke kire nasht ho jate hain. subah khali pet gur kha kar 15-20 minat bad ajvayan ka churn pani ke sath len. isse anton ke sabhi prakar ke kire samapt ho jate hain. pipal ka churn, ninbu ke ras ke sath thora shahad mila kar, chaten. nim ki komal pattiyan, pudina, karele ke patte, lahsun, in sabko mila kar ras nikalen aur pratidin 2 chammach pien. palash ke bij ka karha shahad men mila kar pine aur iske bij ki chatni bana kar shahad men mila kar chatne se bhi ant ke kire nasht hote hain. dhature ke patte, arand ke patte, menhdi ke patte, pyaj, inhen pis kar guda par lep karen. sonth, pipar, pipramul, chavya, chijak, talis patra, dalchini, jira, saunth, amlavet, anardana, panchon namak, barabar matra men churn kar, bhojan ke bad 2 mashe len. 2, ya 3 lal tamatar ko kat kar sendha namak aur kali mirch mila kar, khali pet sham ke vakt kuch din khaen. yad rakhen, ise khane ke 2 ghante pahle aur 2 ghante bad kuch aur n khaen. vibhinn lagnon men yah rog: mesh lagna: rahu shashth bhav men ho aur lagnesh par drishti rakhe, budh par ketu ki drishti, ya yuti ho, budh ast n ho aur shukra se yukt ho, to pet ke kiron se jatak pirit rahta hai. vrish lagna: akarak guru shashth bhav men ketu se yukt, ya drisht ho, shashthesh aur lagnesh shukra surya se ast ho, budh aur mangal ki yuti, ya ek dusre par drishti ho, to jatak ke pet men kire paye jate hain. mithun lagna: akarak mangal shashth bhav men chandra se yukt, ya drisht ho, ketu shashth, ya dvitiya bhav ko dekhe, ya mangal aur chandra ko purn drishti se dekhe, to pet men kire hone se jatak pirit hota hai. kark lagna: shashthesh guru dvitiya bhav men, dvitiyesh surya shashth bhav men budh se yukt ho aur budh ast nahin ho, lagnesh chandra ketu se yukt ho kar ashtam bhav men ho, to jatak ke pet men kire paye jate hain. sinh lagna: shani dvitiya bhav men, budh rahu se yukt, ya drisht, shashth bhav men lagnesh, surya pancham bhav men ashtamesh se yukt ho aur chandra-shukra ashtam bhav men hon, to jatak ka, pet ke kiron se, svasthya kharab hota hai. kanya lagna: mangal shashth bhav men, shashthesh shani dvitiya, ya ashtam bhav men, shukra dvitiya bhav men ketu se yukt ho aur guru se drisht ho, chandra budh yukt rahu se drisht ho, to jatak ka svasthya, pet ke kiron ke karan, kharab rahta hai. tula lagna: guru dvitiya bhav men chandra se yukt ho, lagnesh shukra shashth bhav men mangal se yukt ho aur ketu se drisht, ya yukt ho, saptam bhav men surya-budh hon aur budh ast ho, to jatak ko pet ke kiron ka samna karna parta hai. vrishchik lagna: budh shashth bhav men guru se yukt ho aur dvitiya bhav men mangal rahu se drisht, ya yukt ho, surya saptam bhav men ho aur shukra ashtam bhav men ketu se yukt, ya drisht ho, to pet mane kire hote hain. dhanu lagna: shashthesh shukra dvitiya bhav men chandra se yukt ho, dvitiyesh shani shashth bhav men rahu se yukt ho, budh dvadash bhav men lagnesh se yukt ho, to jatak ke pet men kiro ka jor bana rahta hai. makar lagna: lagnesh aur dvitiyesh shani shashth bhav men guru se yukt, budh mangal se yukt, ya drisht dvitiya bhav men, shukra chaturth bhav men ho, chandra rahu se yukt ashtam bhav men ho, to jatak ke pet men kire bante hain. kunbh lagna: lagnesh shani shashth bhav men dvitiyesh se yukt ho, shashthesh chandra dvi tiya bhav men ketu se yukt, ya drisht ho, ashtamesh budh mangal se yukt ho kar dvadash bhav men ho, surya lagn men ho aur shukra ast ho, to pet men kire hone ki sanbhavna hoti hai. min lagna: akarak shukra dvitiya bhav men rahu aur budh se yukt ho aur mangal shashth bhav men lagnesh guru se yukt ho tatha shani se drisht ho, to jatak ko pet ke kiron se jujhna parta hai. uparyukt sabhi yog chalit par adharit hain. sanbandhit grah ki dasha, antardasha aur gochar ke pratikul hone par hi rog utpann hota hai. jabatak sanbandhit grah prabhavi rahega, tab tak rog dega. uske uprant rog se rahat milegi.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.