आयु निर्णय
Ank ke aur Lekh | Sambandhit Lekh | Views : 2405 |  
prashna: jyotish, hastarekha shastra ya anya vidhaon dvara mrityu ka karan v satik ayunirnay kaise kiya ja sakta hai? udaharan dvara vistrit ganna pradan karen. hinduon ki manyata ke anusar balak ki ayu ka nirdharan mata ke garbh men hi ho jata hai. yah bare gaurav ki bat hai ki jyotish shastra men ayu nirdharan vishay par vyapak chintan kiya gaya hai. yah ek kathin vishay hai. jyotish shastra men aviral shodh, adhyayan v anusandhan karya men ji jan se jure hajaron, lakhon jyotishi is divya vigyan ke alok se jagat ko alaukik kar paen hai. maharshi parashar ke anusar ‘balarisht yogarishtamalpadhyanch dirghakam. divyan chaivamitan chaivan satpadhayuah prakititm’.. he vipra ayurday ka vastutah gyan hona to devon ke lie bhi durlabh hai fir bhi balarisht, yogarisht, alp, madhya, dirgh, divya aur asmit ye sat prakar ki ayu hoti hain. balarisht ayu - 8 varsh 6, 8, 12 bhav men chandrama yadi pap grahon se drisht ho to balarisht yog banta hai athva balak ka janm samay grahan samay men hua ho tab bhi balarisht yog banta hai. yogarisht - 20 varsha jatak ki kundli men ayu men kami karne vale vishesh yog ban rahe hote hain. grah yogon se is prakar ki ayu ka nirdharan kiya jata hai. alpayu - 32 varsha û yadi lagnesh, ashtam ya shasht bhav men ho aur lagn v lagnesh par kisi prakar se shubh prabhav n ho tatha guru bhi nirbal ho to alpayu yog banta hai. û ashtamesh aur lagnesh ka rashi parivartan ho aur ashtamesh, lagnesh ka mitra n ho aur lagn, lagnesh shubh prabhav se mukt ho to jatak alpayu ka ho sakta hai. û shashthesh aur ashtamesh donon lagn men baithe ya dekhen aur lagnesh bhi trik bhav men ho tatha guru bhi pirit ho to alpayu sanbhav hai. madhyamayu - 64 varsha 32 se 64 varsh ke bich ki ayu ke jatak madhyamayu ke antargat ate hain. adhikansh jatak madhyamayu ke antargat hi ate hain. iske kuch yog is prakar hain. û lagnesh aur ashtamesh paraspar sam ho tatha saman bali hon to madhyamayu hoti hai. û lagnesh yadi shubh sthan men to ho parantu shatru grahon se prabhavit ho to vyakti ki madhyamayu hoti hai. û lagnesh trik bhav men ho parantu shubh grahon se drisht ho aur guru pirit ho to bhi madhyamayu yog banta hai. dirghayu - 120 varsha ise purnayu yog bhi kaha jata hai. 64 varsh se 120 varsh ke madhya ki ayu dirghayu kahlati hai. iske kuch yog is prakar hai. û lagnesh kendra, trikon men bali ho tatha ashtam bhav men koi pap yog n bane ya pap grah n ha to dirghayu hoti hai. û kendra trikon aur ashtam bhav men pap yog n bane tatha lagnesh v guru kendrasth ho to dirghayu hoti hai. athva yadi lagnesh ashtamesh se adhik bali ho. chandra rashi ka svami apne ashtamesh se adhik bali ho. û navansh lagn v navansh chandra rashi ke svami apne-apne ashtamesh se adhik bali hon to ye yog purnataya ghatit hone par dirghayu dete hain. divya ayu - 1000 varsha jab kundli men sabhi shubh grah kendra aur trikon men aur pap grah 3, 6, 11 men ho tatha ashtam bhav men shubh grah ki rashi ho to divya ayu yog banta hai. aise jatak ki ayu yagya, anushthan aur yog kriya se hajar varsh ki ayu ho sakti hai. asmit ayu - sabse adhik jab guru chaturth varg men hokar kendra men ho shukra shadvarg men evan kark lagn ho to aisa vyakti manav n hokar devta hota hai. aur uski ayu ki koi sima nahin hoti hai. 2. jyotish dvara mrityu ka karan evan ayu nirdharan ka vichar samanyatah ashtam bhav se kiya jata hai. iske sath hi ashtamesh, karak shani, lagna-lagnesh, rashi-rashish, chandrama, karmabhav - karmesh, vyay bhav- vyayesh tatha iske alava pratyek lagn ke liye marak arthat shatru grah, dvitiya, saptam, tritiya evan ashtam bhav (sabhi marak bhav) tatha inke svamiyon tatha uprokt sabhi par shubh evan ashubh pap grahon dvara dale jane vale prabhav (yuti/drishti) par bhi vichar karna atyant mahatvapurn hai. samanyatah ayu men kami karke mrityu ka yog ‘mark’ grah dete hain. is tarah se ‘‘mark’’ ka arth hota hai -‘‘ marne vala’’ arthat ‘‘markesh’’ ka arth hota hai- ‘‘mrityu dene vale grah’’. jo ayu men kami kar mrityu deta hai. samanyatah markesh grah vah hota hai jo lagnesh se shatruta rakhta hai. is tarah se, pratyek lagn ke liye markesh grahon ko talika -1 men darshaya gaya hai. ukt sarni se spasht hai ki mangal evan budh ek dusre ke liye markesh ka karya karte hain. isi tarah shani tatha surya adi. iske alava, pratyek lagn ke liye ekadshesh bhi markesh ka karya karta hai. kyonki lagnesh evan ekadshesh apas men shatruta rakhte hain tatha ekadshesh, pratyek lagn ke liye badhak (mark) grah ka karya karta hai. ise talika-2 men darshaya gaya hai- kabhi-kabhi lagnesh, rashish, ashtamesh tatha chandra (man, mastishk kark) jo ki nich, shatru rashi ke hon tatha trik bhav (6, 8, 12) adi men chale jayane tatha chandra nich ke alava amavasya ka balhin ho tatha in par rahu, ketu ka pap prabhav ho to bhi marak yog ban jata hai, jo ki mrityu ka karan bante hain. kyonki rahu, ketu se kalasarp, pitridosh grahan yog (surya,chandra se), angarak yog (mangal se), jar yog (budh se), chandal yog (guru se), abhotvak yog (shukra se) tatha shani se nandi yog bante hain. iske sath hi inki tatha marak grahon ki dashayen bhi chal rahi hon to arisht ki sanbhavna badh jati hai. jaimini se ayu nirnaya jaimini ke sutron ke anusar tin joron ke adhar par ayu nirnay ki vidhi batai gai hai. ye tin jore hain. 1. lagnesh-ashtamesh 2. lagna- hora lagna 3. shani-chandra . 1. inmen yadi donon char rashi men ho ya ek sthir rashi men aur dusra dvi svabhav rashi men ho to dirghayu hogi. 2. ek char aur dusra sthir men athva donon dvisvabhav rashi men ho to madhyamayu hogi. 3. ek char aur dusra dvisvabhav rashi men ho athva donon sthir rashi men ho to alpayu hogi. nimnankit chakra men is prakar spasht haiah- uparyukt vidhi se dekhne par yadi tinon joron men dirghayu bane to ayu 120 varsh. do se bane to 108 varsh or ek prakar se bane to 96 varsh hogi. madhyamayu men isi chakra se 80-72 aur 64 varsh hogi. alpayu tinon prakar se bane to 32 varsh, do prakar se bane to 36 varsh aur ek prakar se bane to 40 varsh hogi. is prakar tin prakar ki ayu ke tin-tin bhed honge. kintu iska arth yah nahin hai ki ayu khand ke thik antim varsh men hi mrityu ho jayegi. prashn uth sakta hai ki tin tarah se ayu ke vichar men yadi tin tarah ki ayu aye to kya karna uchit hoga? vibhinn prakar ki ayu ane par lagn aur hora lagn se jo nishchit ho, use grahan karna chahie. vibhinn prakar ki ayu ane par yadi lagn ya saptam bhav men chandrama sthit ho to aisi sthiti men shani aur chandrama se jo ayu a rahi ho, vah grahan karna chahie. arthat lagn v saptam men chandrama n ho to lagn aur hora lagn se siddh ayu man grahan karni chahie. tin prakar ke ayu man se ganitagat spasht ayu gyat karne ki vidhi ka ullekh parashar ne kiya hain iska ganit sutra is dhang ka hai- jitne yog karak grah ho, unke ansh ka yog karke, us yog men yog karak grah ki sankhya ka bhag de den, jo anshadhilabdhi ho, unke prati khand se guna kar gunanafal men 30 ka bhag dekar labdhi varsh adi ko prapt (dirghadi) ayu ki varsh sankhya men ghatane se spasht ayu-varsh, mas v din men hogi. nimnankit chakra ka avlokan karen vinshottari dasha kram men janm nakshatra svami se panchvi dasha mangal ki ho, chathi dasha guru ki ho, chaturth dasha shani ki ho athva panchvi dasha rahu ki ho to ye dashayen arisht karak arthat mrityu karak hoti hai. is tarah se, jin jatkon ka janm ketu ke nakshatra-magha, mul, ashvini men hua hai uski panchvi dasha mangal ki hoti hai arthat ketu svamitva vale nakshatra ki panchvi dasha mangal ki hoti hai. jo arishtakari hoti hai. iske atirikt ayu nirnay hetu kai aur vidhiyan prachlit hain. mrityu ka karn: anya jyotishiya yog û yadi ashtam bhav men koi grah nahi hai, us dasha men jis bali grah dvara ashtam bhav drisht hota hai, us grah ke dhatu (kaf, pitt, vayu) ke prakop se jatak ka maran hota hai. aisa prachin jyotish shastra ke purodha ka mat hai. yatha- surya ka pitt se, chandrama ka vat se, mangal ka pitt se, budh ka fal-vayu se, guru ka kaf se, shukra ka kaf-vat se tatha shani ka vat se. û ashtam sthan ki rashi kalpurush ke jis ang men rahna shastrokt hai, is ang men hi us dhatu ke prakop se mrityu hoti hai. û yadi ashtam bhav par kai ek bali grahon ki drishti ho to un sabhi grahon ke dhatu dosh se jatak ka maran hota hai. û mrityu ke karnon ka vivechan karte samay yadi ashtam bhavasth graha/grahon ki prakriti v prabhav tatha usmen sthit rashi, prakriti v rashiyon ke prabhav ko sangyan men lena parmavashyak hai. û surya: surya se agni, ushn jvar, pitt vikar, shastraghat, mastishk ki durbalata, merudand v hriday rog. û chandrama: jalodar, haija, mukh ke rog, pyarisi, yakshma, pagalapan, jal ke janavar, sharab ke dushprabhav. û mangl: agni prakop, vidyut karent, agney astra, mangal aghat pahunchata hai. rakt vikar, haddi ke tutne, eksident, rakt, haddi men majja ki kami. ksharan, kushth rog, kainsar rog. û budh: piliya, ainimiya, snayu rog, rakt men himoglobin ki kami, pletlets kam hona, ankh, nak, gala sanbandhi rog, yakrit ki kharabi, snayu vikar, mansik rog . û guru: pachan kriya men garbri, kaf janit rog, taifaid, murcha, adalti karyavai, daivi prakop, vayu rog mansik rog. û shukra: mutra v jannendriya rog, gurda rog, rakta/virya/ raj dosh, gala, fefra, madak padarthon ke sevan ka kufal prostret glaind, sukha rog. û shani: lakva, sannipat, pishach pira, hriday tanav, dirgh kalin rog, kainsar, pakshaghat, durghatana, dant, kan, haddi tutna, vat, dama. û rahu: kainsar, charm rog, mansik vikar, atm hatya ki pravritti, vishakt bhojan karne se utpann rog, sarp dansh, kushth rog vishaile jantuon ke katne, septik, hriday rog, dirghakalik rog û ketu: apurva kalpit durghatana, durbharan, hatya, shastraghat, septik, bhojnadi men vishakt padarth ya kitanuon ka pravesh, jahrili sharab pine ka kufal, rakt, charm, vat rog chehre par dag, egjima. vishesh: 1. janmang se ashtam men jo dosh ya rog varnit hain unse, ashtam bhav se ashtam arthat tritiya bhav v tritiyesh sabhi a jate hain. 2. ashtamesh jis navansh men baitha ho us navansh rashi se sanbandhit dosh se bhi mrityu ka karan banta hai. ashtam bhavasth rashiyon ke adho ankit dosh ke karan jatak mrityu ka varan karta hai. 1. mesh : pitt prakop, jvar, ushnata, lu lagna jathragni sanbandhi rog. 2. vrish: tridosh, fefre men kaf rukne/srne se utpann vikar, dushton se larai ya chaipayon ki sing se ghayal hokar mrityu sanbhav hai. 3. mithun: prameh, gurda rog, dama, pittashay ke rog, apsi vaimanasya/shatruon se jivan bachana mumkin nahin. 4. karka: jal men dubne, unmad, pagalapan, vat janit rogan 5. sinh: jangli janvro, shatruon ke hamle, fora, jvar, sarpadansh. 6. kanya: sujak rog, eds, gupt rog, mutra v jannendriya rog, stri ki hatya, bishpan. 7. tula: upvas, krodh adhik karne, yuddh bhumi men, mastishk jvar, sannipat. 8. vrishchik: pliha, sangrahni, livar rog, bavasir, charm rog, rudhir vikar, vishpan se ya vish ke galat prayog se mrityu sanbhav hai. 9. dhanu: hriday rog, guda rog, jalaghat, unchai se girna, shastraghat se. 10. makr: aipendisaitis, alsar, narvas sistam ke fel ho jane ke karan ganbhir sthiti, vishaila fora. 11. kunbh: kaf, jvar, ghav ke sarne, kainsar, vayu vikar, agni sadrish ya usse sanbandhit karan se mrityu. 12. min: pani men dubne, vriddhavastha men atisar, pitt jvar, rakt sanbandhit bimariyon se mrityu sanbhavi hai. kuch udaharan kundliyon se in yogon ka vishleshan karen. dirghayu yog pan. javahar lal nehru 75 varsha dinank 14-11-1889, samy:10 baje ratri, sthan: ilahabad mrityu tithi 27-5-1964 (75 varsha) dasha- rahu ki mahadsha budh-budh ka antr-pratyantar dasha û lagn -kark, lagnesh- chandra lagn men svagrihi hokar bali hai atah purn ayu de rahe hain. is par kisi bhi achche ya bure (pap) grah ka prabhav nahin. û chandra, pap kartari (shani, rahu) prabhav men hone se ayu men kami kar raha hai. û mrityu 27-5-64 ke samay rahu-budh jo kark lagn ke liye markesh hai, ka samay chal raha tha. rahu ke pap kartari prabhav men upasthit kark lagn, lagnesh chandra ko dushit karne ke sath ashtam bhav par purn prabhav diya hai. budh ka karm bhav par prabhav shatrurashigat ashubh hai. atah in karnon se 27-5-64 ko 75 sal men mrityu hui. madhyamayu udaharan kundli indira gandhi janmatithi 19.11.1917, samay 23ah11, sthan- ilahabad sankshipt vishleshn û yadi janm nakshatra ki lagnesh ya rashish se shatruta ho to vyakti ki mrityu ka karan hatya hota hai. udahrn- indira gandhi, bhagvan shrikrishn, rajiv gandhi. û indira ji ki kundli ka nakshatra svami surya hai jo rashish shani se shatruta rakhta hai tatha lagnesh chandra, jal tatva yani thanda hai. jabki nakshatra svami, agni tatva surya hai jo ki garm hai. svabhav se donon hi viprit prakriti ke hain. atah inki mrityu ka karan hatya raha. indira ji ki kundli men yog 1. lagn (karka) evan lagnesh (chandra) pap evan marak grah shani se pirit hai, jo apni dasha (maha, antar, pratyantar, sukshm pran, sarhesati, dhaiya, gochar adi) men arisht ka karya karega. û ashtam (ayu, mrityu) bhav par kisi bhi shubh grah ki drishti n hona. û lagnesh evan ashtamesh shatru rashigat sthit ho ya shatru rashigat bhavprivartan kar sthit ho. indira ji ki kundli men arisht karne vale donon hi yog maujud hanai. jo mrityu ka karan banen. lagnesh evan ashtamesh shatrurashigat alpayu dete hain. jabki donon men shatru rashigat bhav parivartan madhyamayu dete hain. iske alava, indira ji ki kundli men ashtamesh shani evan ayu karak shani ki ashtam bhav par drishti n hona bhi ek karan hai. û ashtam bhav par agni tatva pradhan grahon ka prabhav- barud jaise- goli, bam adi se mrityu ke hone ka karan banta hai. indira ji ki kundli men ashtam bhav evan mrityu bhav par dvitiyasth agni tatva pradhan grah mangal ka shatru rashigat drishti dvara prabhav tatha dvadashasth ketu jo agni pradhan grah mangal ki tarah hi karya karega, ka navam drishti dvara prabhav banduk ki goli (barud) dvara mrityu (hatya) ka yog banata hai. indira ji ki hatya (mrityu) 31-10-84 ko unke hi ang rakshakon ke dhokhe dvara banduk ki goliyon (barud) ki bauchar dvara hui thi. unke ang rakshakon ne unke shatruon/dhokhe ka karya kiya. yahan chathe bhav se shatru, dhokhe adi ka vichar kiya jata hai. indira ji ka chatha bhav purnataya nirbal hai. shashthesh guru ekadash bhav men shatru rashigat ashubh hain. shashth bhav men shutra rashigat shukra evan rahu uprokt ashubh ghatna ke liye jimmedar hai. hatya ke din 31.10.84 ko shani ki mahadsha men rahu ki antardasha tatha rahu ka hi pratyantar chal rahi thi arthat hatya ke din donon hi markesh (shukra, rahu- kark lagn, chandra ke liye) grahon ka prabhav tha. sath hi shashthasth rahu ne shukra ke sath abhotvak yog namak ashubh yog banaya hai. iske alava, guru v shukra men bhavprivartan yog shubh hai, lekin shatru rashigat evan rahu ka samay hone se yah yog ashubh arisht dene vala raha tatha sath hi rahu ki char drishtiyan ashubh rahin- rahu ki 5 drishti dasham karm bhav par shatru rashigat hone se indira ji bulet pruf jaiket pahnna bhul gai. rahu ne yah galat karya karvaya. 7 drishti barhven vyay bhav ko dekhne se sharir ka kshay karvaya. navam drishti se dvitiya mitra, padosi, kutanub bhav ko shatrurashigat (sinh rashi) dekhne se angarakshakon (jo mitra, padosi, kutunb bhav ko shatru rashigat (sinh rashi) dekhne se ang rakshak ko (jo mitra, parosi bhi kahlate hain.) dvara dhokha prapt hua, jo mrityu ka karan raha. dvadash drishti dvara pancham buddhi, vivek bhav ko shatru rashigat (vrishchik rashi) dekhne se indira ji ki buddhi, vivek ka us din nash hua. faltah iske karan buletpuraf jaiket pahnna bhul gain, jo hatya (mrityu) ka karan raha. nishkarsha: indira ji ke lagnesh svayan chandrama hain, jo kend men bali hain. jo dirghayu de raha hain. lekin pap, shatru evan marak shani ki mahadsha men dirghayu men kami kar madhyamayu (67 varsha) di. alpayu kundli udahrn dae. - vivekanand yog (39 varsha) 12/1/1863, 6ah25 pratah kolkata mrityu ki tithi: 04/7/1902 umra: 39 varsha vivekanand ki mrityu 39 varsh ki avastha men hui. yah madhyamayu ki shreni men n akar alpayu ki shreni men hi ati hai. inki mrityu ke samay lagnesh ‘guru’ ki mahadsha chal rahi thi. lagnesh guru ekadash bhav men shatru rashigat ashubh sthit hai tatha rahu ka prabhav bhi ashubh hai. iske alava mitra grah mangal ka pap prabhav bhi mrityu, ayu bhav ka svami chandrama bhi karm bhav men shani se ‘vish’ namak yog banakar ashubh prabhav men hai. ye donon hi grah (guru, chandra) pap grahon ke prabhav (shani, rahu, mangl) se dushit hone ke karan ayu men kami kar rahe hain. yahan shani, rahu, dhanu lagn ke liye markesh ka bhi karya kar rahe hain. inki mrityu 04/07/1902 ko 39 varsh ki kam avastha men hi hui, us samay ashubh lagnesh guru ki mahadsha men markesh (dhanu lagna) shukra, budh ki antar, pratyantar dasha ka samay chal raha tha tatha inki donon ki ashtam bhav par shatru drishti ashubh hai, jo ayu men kami kar rahi hain. guru, chandra ne ayu (39 varsha) ka nirdharan kiya tatha markesh budh, shukra, shani, rahu mrityu ke karan rahe.       hast rekhaon ke dvara ayu nirnaya jyotish ke alava hastarekha shastra dvara bhi ayu nirdharan kiya ja sakta hai. bhartiya samudrik hast shastron v garur puran ke anusar ‘jivan rekha ko ayu rekha, kul rekha, pitri rekha, jivni shakti bhi kahte hain. yah rekha ayu, mrityu, jivan shakti ke alava svasthya evan sharir sukh prakat karti hai. hriday rekha yadi kanishthaka tak ho to 10 se 15 varsh ki ayu hoti hai. kanishthaka se anamika tak ho tab 25 varsh ki ayu hoti hai. anamika tak ho tab varsh 50 ki ayu mani gai hai. anamika aur madhyama ke bich tak ho tab 65 varsh ki ayu mani gai hai. madhyama tak ho tab 90 varsh ki ayu mani gai hai. manibandh rekhaon se jatak ki ayu ka akln yadi ek rekha ho to jatak ki ayu 30 varsh ki hoti hai. do rekhaen hone par 60 varsh, tin rekhaen hone par ayu 90 varsh ki hoti hai. tatha char rekhaen ho to jatak ki ayu 120 varsh ki mani gai hai. kapal rekhaon se jatak ki ayu ka akln kapal men ek rekha hone par purush ki ayu 20 varsh v stri ki ayu 40 varsh hoti hai. do rekhaen hone par purush ki ayu 30 v stri ki ayu 60 varsh. tin rekhaen hone par purush ki ayu 60 varsh ki aur stri ki ayu 70 varsh ki mani gai hai. char rekha se purush ki ayu 80 varsh aur nari ki ayu 80 varsh, panch rekhaen hone par purush ki ayu 100 varsh v nari ki bhi 100 varsh hi mani gai hai. chah rekha hone par purush-stri donon ki ayu 120 hoti hai. ank jyotish dvara ayu nirnay kalpana chavla ki mrityu durghatana ke karan kolanbiya men dinank 01-02-2003 ko hui. ank jyotish men mulank, sanyuktank, namank, atmank adi sabhi ka apna mahatva hai. gya.schch. bbh.es. . 213851351631 tra 39 tra 12 tra 3e tin ank par guru ka adhikar hai. janma: bh.tl.ch. . 5126151 tra 21 tra 21 tra 3 durghatana ke din (01-2-03) inki ayu - 42 varsh v 24 din thi. (janm tithi - 07-1-1961) 42 varsh 24 din - 4$2$2$4 =12 = 3 arthat uprokt tinon baton se spasht hai ki kalpana chavla ke liye 3 ank atyadhik mahatvapurn tha. janm tithi 07-1-1961 (mulank-07) atmank/sanyuktank - 7$1$1$9$6$1 = 25 = 2$5 = 7 kolanbon mishan par jane vale v marne vale vyaktiyon ki sankhya = 7 mishan par jane ki tithi 16.1.2003 (mulank-7) yan ke punah prithvi par utrne ka bhartiya samay - 7ah45 tha. ismen mulank 7 hi a raha hai. parantu durghatana 16 minat purva hui thi. ismen bhi mulank (16 = 1$6 =7) 7 hi a raha hai. is par ketu ka purn prabhav rahta hai. arthat kalpana chavla par 7 ank ka bhi purn prabhav tha. ank 3 evan 7 ka kalpana chavla par purn prabhav tha, jo inki ayu (42 varsh 25 din) evan karan ko darshata hai.
Kya aapko lekh pasand aaya? Subscribe
Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.