शनि प्रश्नोत्तरी

shani prashnottari  

Ank ke aur Lekh | Sambandhit Lekh | Views : 5175 |  
akash men grah nakshatron ki chal badlte hi kismat badal jati hai. yah sab nau grahon ke 12 rashiyon men sancharan se hota hai. inhi nau grahon men se ek hai shani dev. shani dev sadaiv se jigyasa ka kendra rahe hain. paupauranik kathaon ke anusar shanidev kashyap vansh ki paranpra men bhagvan surya ki patni chaya ke putra hain. shanidev ko surya putra ke sath sath pitri shatru bhi kaha jata hai. shanidev ke bhai-bahan mrityu dev yamraj, pavitra nadi yamuna v krur svabhav ki bhadra hain. shanidev ka vivah chitrarath ki bari putri se hua tha. jyeshth mah ke krishn paksh ki amavasya ko shanidev ka janm utsav manaya jata hai. shanidev ka janm sthan saurashtra men shingnapur mana gaya hai. hanuman, bhairav, budh v rahu ko ve apna mitra mante hain. shanidev ka vahan giddh hai aur unka rath lohe ka bana hua hai. shani dev ke das nam: shanidev ke 10 anya prasiddh nam hain: yam, babhru, pippalashray, konasth, sauri, shanaishchar, krishn, rodrantak, mand, pingal. shanidev apna shubh prabhav visheshtah kanun, rajniti v adhyatm ke vishyon men dete hain. shani ke bure prabhav se gurda rog, daybitij, mansik rog, tvacha rog, vat rog v kainsar ho sakte hai jinse rahat ke liye shani ki vastuon ka dan karna chahiye. û shanidev ka rang kala kyon hai?: jab shanidev apni mata chaya ke garbh men the, tab shiv bhaktini mata ne tejasvi putra ki kamna hetu bhagvan shiv ki ghor tapasya ki jis karan dhup v garmi ki tapan men shani ka rang garbh men hi kala ho gaya lekin man ke isi tap ne shanidev ko apar shakti bhi di. û shani ki gati anya grahon se mand kyon hai?: shani ek dhimi gati se chalne vala grah hai. puranon men yah kaha gaya hai ki shanidev langrakar chalte hain jis karan unki gati dhimi hai. unhen ek rashi ko par karne men lagabhag dhai varsh ka samay lagta hai. û shanidev langrakar kyon chalte hain?: is vishay par shastron men do kathaen prachlit hain - - ek bar surya dev ka tej sahan n kar pane ki vajah se unki patni sangya devi ne apne sharir se apne jaisi hi ek pratimurti taiyar ki aur uska nam svarna rakha. use agya di ki tum meri anupasthiti men meri sari santanon ki dekhrekh karte huye suryadev ki seva karo aur patni sukh bhogo. ye adesh dekar vah apne pita ke ghar chali gayi. svarna ne bhi apne ap ko is tarah dhala ki suryadev bhi yah rahasya n jan sake. is bich suryadev se svarna ko panch putra v do putriyan hui. svarna apne bachchon par adhik aur sangya ki santanon par kam dhyan dene lagi. ek din sangya ke putra shani ko tej bhukh lagi, to usne svarna se bhojan manga. tab svarna ne kaha ki abhi thahro, pahle main bhagvan ka bhog laga lun aur tumhare chote bhai bahnon ko khana khila dun, fir tumhen bhojan dungi. yah sun shani ko krodh a gaya aur usne mata ko marne ke liye apna pair uthaya to svarna ne shani ko shrap de diya ki tera panv abhi tut jaye. mata ka shrap sunakar shanidev darakar apne pita ke pas gaye aur sara kissa kah diya. suryadev samajh gaye ki koi bhi mata apne bachche ko is tarah ka shrap nahin de sakti. tab suryadev ne krodh men akar pucha ki batao tum kaun ho? surya ka tej dekhakar svarna ghabra gayi aur sari sachchai bata di. tab surya dev ne shani ko samjhaya ki svarna tumhari mata to nahin hai parantu man ke saman hai. islie uska shrap vyarth to nahin hoga, parantu yah utna kathor nahin hoga ki tang puri tarah se alag ho jaye. han, tum ajivan ek panv se langrakar chalte rahoge. - ravan ki patni mandodri jab garbhavati hui to ravan ne aprajay v dirghayu putra ki kamna se sabhi grahon ko apni ichchanusar sthapit kar liya. sabhi grah bhavishya men hone vali ghatnaon ko lekar chintit the lekin ravan ke bhay se vahin thahre rahe. jab ravan putra meghnad ka janm hone vala tha to usi samay shanidev ne sthan parivartan kar liya jiske karan meghnad ki dirghayu, alpayu men parivartit ho gai. shani ki badli hui sthiti ko dekhakar ravan atyant krodhit hua aur usne shani ke pair men apni gada se prahar kiya jiske karan shanidev langde ho gaye. û shanidev par tel kyon charhaya jata hai?: anand ramayan men likha hai ki jab bhagvan ram ki sena ne sagar setu bandh liya tha, tab rakshas unhen hani n panhucha saken, uske liye pavnsut hanuman ko uski dekhbhal ki jimmedari saunpi gai. jab hanuman ji sham ke samay ram ke dhyan men magn the, tabhi surya putra shani ne apna kala kurup chehra banakar krodhpurn kaha- he vanar, main devtaon men shaktishali shani hun. suna hai tum bahut balshali ho. ankhen kholo aur mere sath yuddh karo. is par hanuman ji ne vinamrata se kaha - is samay main apne prabhu ko yad kar raha hun. ap meri puja men vidhn mat daliye. jab shani dev larne par utar hi aye to hanuman ji ne unhen apni punch men lapetna shuru kar diya. shani dev us bandhan se mukt n hokar pira se vyakul hone lage. shani ke ghamand ko torne ke liye hanuman ne pattharon par punch ko patkna shuru kar diya jisse shanidev lahuluhan ho gaye. tab shanidev ne daya ki prarthana ki jis par hanuman ji ne kaha - main tumhen tabhi choduga jab tum mujhe vachan doge ki shri ram ke bhakt ko kabhi pareshan nahin karoge. shani ne girgirakar kaha - main vachan deta hun ki kabhi bhulakar bhi apke aur shriram ke bhakton ki rashi par nahin aunga. tab hanuman ji ne shani ko chor diya aur uske ghavon par lagane ke liye jo tel diya to usse shanidev ki sari pira mit gai. usi din se shanidev ko tel charhaya jata hai jisse unki pira shant hoti hai aur ve prasann ho jate hain. û shanidev ki drishti men krurta kyon hai?: brahmapuran men kaha gaya hai - bachapan se hi shanidev bhagvan krishn ke param bhakt the. vayask hone par unke pita ne chitrarath ki kanya se unka vivah kar diya. ek rat unki patni ritu snan karke putra prapti ki ichcha se unke pas panhuchi to shanidev bhagvan krishn ke dhyan men magn the. patni pratiksha karke thak gai. uska ritukal nishfal ho gaya. tab usne kruddh hokar shanidev ko shrap de diya ki aj se jise tum dekh loge, vah nasht ho jayega. dhyan tutne par shanidev ne apni patni ko manaya lekin shrap ke pratikar ki shakti usmen n thi. tabhi se shanidev ki drishti ko krur mana jane laga aur ve apna sir nicha karke rahne lage kyonki ve nahin chahte the ki unki drishti ke dvara kisi ka anavashyak anisht ho. û shani ko nyayadhish kyane kahte hain?: kaha gaya hai ki shanidev krur grah nahin hain, ve nyayakarta hain. vyakti jab pap karta hai, vah lobh, havas, gussa, moh se prabhavit hokar anyay, atyachar, durachar, anachar, papachar, vyabhichar ka sahara leta hai to shanidev us vyakti ke jivan men sadhesati lakar uske papon ka hisab svayan kar dete hain. lekin yadi sadhesati ke dauran bhi vyakti satya ko nahin chorte, daya aur sukarm ka sahara lete hain, tab samay shubhta se vyatit karva dete hain. atah shanidev achche karmo ke faldata hai v bure karmon ka dand bhi dete hain jis karan se unhe nyaydhish kaha jata hai. devi lakshmi ke puchne par shanidev ne unhen bataya tha ki parmpita parmatma ne hi mujhe tino lokon ka nyayadhish niyukt kiya hua hai. û shanidev kajal ki dibiya se kyon prasann hote hain?: jyotish granthon men kaha gaya hai ki shani ko kala rang v lohe ki dhatu atyadhik priya hai aur vah jamin, bhugarbh, viran sthal adi ka karak grah hai. isliye kisi bhi shanivar ko kisi sunsan jagah par kajal ki lohe ki choti si dibiya ko jamin men gar den aur bina piche dekhe ghar laut ayane to yah shanidev ki ashubhta se bachne ka satik v saral upay hai. û dasharath strot se shani prasann kyon hote hain?: shastron men yah akhyan milta hai ki shani ke prakop se apne rajya ko ghor durbhiksh se bachane ke liye raja dasharath unse mukabla karne panhuche to unka purusharth dekhakar shanidev ne unse vardan mangne ko kaha. raja dasharath ne vidhivat stuti kar svarchit strot se unhen prasann kiya to shanidev ne unhen vardan diya ki chaturth v ashtam dhaiya hone par ‘dasharath strot’ parhakar mere dvara diye jane vale kashton se raksha ki ja sakti hai. û kokila van ka shanidev mandir siddh kyon kahlata hai?: dvapryug men bansi bajate huye ek pair par khade huye bhagvan shrikrishn ne shanidev ki puja-archana se prasann hokar unhen darshan diye aur kaha ki nandganv se sata ‘kokila van’ unka van hai. jo is van ki parikrama karega aur shanidev ki puja karega, vah meri v shanidev donon ki kripa prapt karega. is karan se kokilavan ke shanidev mandir ko siddh mandir ka darja prapt hai. û kashi vishvanath mandir ka shanidev se kya sanbandh hai?: skand puran men vritant hai ki ek bar shanidev ne apne pita suryadev se kaha ki main aisa pad prapt karna chahta hun jo aj tak kisi ne prapt n kiya ho, meri shakti ap se sat guna adhik ho, mere veg ka samna koi dev-danv-sadhak adi n kar payen aur mujhe mere aradhya shrikrishn ke darshan hon. shanidev ki yah abhilasha sun suryadev gadagad huye aur kaha ki main bhi yahi chahta hun ki mera putra mujhse bhi adhik mahan ho, parantu iske liye tumhen tap karna padega aur tap karne ke liye tum kashi chale jao, vahan bhagvan shankar ka ghanghor tap karo aur shivling ki sthapna kar bhagvan shankar se apne manvanchit falon ka ashirvad lo. shanidev ne apni pita ki agyanusar vaisa hi kiya aur tap karne ke bad vartaman men bhi maujud shivling ki sthapna ki. is prakar kashi vishvanath mandir ke sthal par shanidev ko bhagvan shankar se ashirvad ke rup men sarvopri pad mila. nishkarsha: û jivan ke achche samay men bhi shanidev ka gungan karo. û apatkal men shanidev ke darshan v dan karo. û piradayak samay men shanidev ki puja karo. û dukhad prasang men bhi shanidev par vishvas rakho.
Kya aapko lekh pasand aaya? Subscribe
Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.