बिहार का खजुराहो - नेपाली मंदिर

bihar ka khajuraho - nepali mandir  

Ank ke aur Lekh | Sambandhit Lekh | Views : 3824 |  
adi-anadi kal se samajik prakash stanbh ki bhanti mandiron ka astitva bhartiya samaj men vidyaman raha hai. samaj ko sahi, svachch v satik margadarshan dene vale in devalyon men prakritik devon ke alave vibhinn devi-devtaon ki pratimaen sthapit ki rgain jinmen shivling ka samriddh sansar hai. mandiron se jude tathya vishayak adhyayan yah spasht karte hain ki desh men mandir nirman ki dvay shaili ka khub jor raha, uttar men nagar shaili aur dakshin men dravid shaili; aise kahin-kahin besar shaili aur sthaniya shilp kaushal ka bhi prayog kiya gaya hai par kisi mandir ke nirman men ek hi sath charan shaili ka upyog yatra-tatra hi kiya gaya hai. aisa hi ek devalay hai hajipur (patna) ka nepali mandir jise ‘bihar pradesh ka khajuraho’ kaha jata hai. patna-mujaffarapur rashtriya rajmarg par gandhi setu pul par kar jadua mod se chah ki.mi. duri tay karke is sthan tak aya ja sakta hai. yahan narayni gandak ke kinare ka drishyavli bada hi manbhavan hai jahan ek taraf mahashmashan men chita aharnish jalti rahti hai aur isi ke bagal men hai narayni nadi ghat. iske age ek vishal kaksh ke bichon-bich nepali mandir virajman hai jiske bahya upri bhag v shikhar nepal ke vishvavikhyat pashuptinath mandir ka ekadam samya rup hai. multah lakdi ke bane is devalay ki shilpakriti devalyon se bhinn v bilkul alag hai. jankari milti hai ki hajipur ke is nepali mandir ka nirman hari sinh ke dada raja ranjit sinh dvara karvaya gaya. mandir ke pujari panram babu das kahte hain ki takriban 550 varsh purva rana ne apne sramrajya vistar v adhinasth rajaon par vijay prapti ke upalakshya men is mandir ka nirman samaj men kam vidya ke lok shikshan hetu karvaya. is mandir ke darshan se khujraho ke mutrt shilp aur konark ki kalakritiyon ka svatah smaran ho jata hai. aise desh bhar men aisi mithun murtiyan v yugm jode anya devalyon men bhi han jinmen delmel ka linboji mata mandir, sunak ka nilkanth mandir, bhuvneshvar ka lingraj mandir v chattisagadh ka bhoram dev mandir adi ka nam vishisht rup se ullekhniya hai. mandir ke darshan se spasht hota hai ki is mandir ka nirman kisi vishesh uddeshya ki sanpurti hetu karaya gaya. aise is mandir ke sanskarak ke rup men nepal ke subedar kaji hira lal ka bhi nam milta hai jinhonne 12vin shatabdi ke uttararddh men iska nav sanskar karvaya. kashi prasad jaysval shodh sansthan, patna ke nideshak dae. vijay kumar chaidhri ka manna hai ki bihar pradesh ke uttar muglkalin devalay men nepali mandir apni banavat v yugm murtiyon ke lie desh-videsh men prasiddh hai. janmanas men kam sandarbhit gyan ke uddeshya se is devalay ka nirman nadi tat par is karan kiya gaya taki dur-desh ke jaliya marg se jane vale pathik bhi iska darshan labh kar saken. karan prachin bhartiya jalmargon men ek marg gandak nadi ka bhi tha. is mandir ke nirman men piramid akar ko prathmikta di gai hai aur yah tin talle ka hai jiske madhya kone ke charan kinaron par kalatmak kashth stanbh hain, usi ke bich charon stanbhon par yugm murtiyon ka drishya rochak hai. kul milakar yahan kam vidya ke solah vishesh asnon ka utkrisht pradarshan darshaniya hai. in sabhi pattikaon par vahan ke sath dev vigrah ka ankan is tathya ka parichayak hai ki bhagvan par dhyan laga kar hi sansarik karyon men saflta prapt ki ja sakti hai. nepali mandir ke nirman men pashan khand, int, lauh stanbh v lakdi ke lanbe-chaide pattikaon ka bahutayat prayog hua hai. mandir ke charon taraf pradakshina path bane hain. mandir ke garbhagrih men ek akarshak prabhayukt lal balue patthar ka shivling virajman hai aur yah devalay charane dishaon men char dvaron se yukt hai jiske sate bhi ek pradakshina path andar ki or hai. mandir ke upri tal men pashan v kashth jali ka sundar prayog darshaniya hai. gandak nadi par bane kaushalya ghat, sidhi ghat v naya ghat ke alave badi kali mandir, durga sthan, shri ganinath mandir, shri yognath badri vishal mandir, vishal shiv mandir, vishvakarma mandir v math- ashram se shobhit is sthan ki prakritik drishyavliyan bhi chittakarshak hain. aise to yahan salon bhar deshi-videshi paryatkon ki bhid lagi rahti hai par pratyek varsh pure shravan v kartik mah men yahan bhakton ke agaman se vishal mela lag jata hai. kuch log yahan se pas ka purasthal ram chaida bhi jate hain jahan prachin stup-gadh, charan mandir aur prachin shivalay darshaniya hain. mandir ke pas bhi tilanuma sthal kisi prachin sanskriti ka gavah sthal pratit hota hai. kul milakar bihar pradesh ka yah mandir apne anuthe banavat v shilpakriti ke lie bharat prasiddh hai jahan ke darshan ki smriti varshon jivant bani rahti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  April 2013

fyuchar samachar patrika ke paravidya visheshank men navagrah ke saral upay, bhagya, purusharth aur karm, rahu ka anya grahon par prabhav, aprichit mahatvapurn grah, kya ap ban paenge safal injiniyar, dvadshansh se anisht ka satik nirdharan, kriketar banne ke grah yog, lagnanusar videsh yatra ke pramukh yog, vibhinn lagnon men saptam bhavasth guru ka prabhav evan upay, helth kaipsul, lal kitab ke vishisht totke, duryog, sant devraha baba, jagat ki gati ka dyotak hai 108, vikram sanvat 2070, ank jyotish ke rahasya, falit vichar v chandra, satyaktha, ishvar prapti ka sahaj marg kaun, hindu manyataon ka vaigyanik adhar, paryavaran vastu, vastu prashnotri, hastarekha, yantra samiksha/mantra gyan, bihar ka khajuraho: nepali mandir, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.