सिद्धपीठ ‘रजरप्पा’

siddhapith ‘rajarappa’  

Ank ke aur Lekh | Sambandhit Lekh | Views : 1899 |  
rajarappa jaisa ki nam se hi dhvanit hai ki pahle-pahal yah sthan raja ka tapasthal raha jo kalantar men isi nam se vikhyat ho gaya. prakriti ke suramya, sundar evan ekant sthal men do parvatiya nadiyon yatha purush prakriti yukt damodar aur nari shakti pratika bhairvi (bhera) ke mahasangam par mata ke is darbar ko saikron - hajaron varshon se devi sadhna ka siddh kendra mana jata raha hai. aise to yahan nitya aur harek manglvar ko dur-dur se bhakt ate hain par sal ke donon navratron men yahan ki gahmaghmi dekhte hi banti hai. rajarappa ki mata chinnamastika ke is mandir parikshetra ki adyopant jankari se spasht hota hai ki aisa devidham pure jagat men durlabh hai. prachin evan aitihasik rajarappa ke is devi mandir ko siddhapith men sthan diya gaya hai jahan ki mata pure desh men apratim aur anuthi hain. devi chinnamastika ‘prachand chandika’ ke nam se bhi dur-dur tak prasiddh hain. chundamala vibhushita rati v kam par avalambit devi ji baen hath men apna mastak dharan kie apne hi kanth pradesh se niklti shonit dhara ka pan kar rahi hain. baen v dahine hath men narmund v kartari, gale men sarpamala, khule bal, jihva bahar, abhushnon se saji man ke ek or dakini v dusri or shakini khari hain. inke gale ki tin raktadharaon se dakini, shakini aur mahamaya ji tinon tript ho rahi hain. mahamaya chinnamastike ji das mahavidyaon men pancham sthan par virajman hain is karan matri shakti chinnamastika ko ‘panchvin devi’ bhi kaha jata hai. yatha kali tara mahavidya shodshi bhuvneshvari, bhairvi chinnamastaka ch vidya dhumavti tatha. bagla siddhividya ch matangi kamlatmika, eta dash mahavidya siddhavidyaah prakirtita. chinnamastika man ki utpatti katha jo yahan ke sthaniya brahman parivar v bhakton se suni jati hai uska rochak varnan rajarappa mahatmya men bhi hai. ek bar devi apni sahchri dakini-shakini (kahin-kahin jaya-vijya) ke sath mandakini men snan karte-karte navkarini krishnakay ho gayin. usi samay sahchriyon ne apni kshudha ki purti hetu unse bhojan ki mang ki tab devi ji ne unhen pratiksha karne ko kaha. punah punah yachna ke bad bhi unhonne pratiksha ki bat kahi. samay gujrte sahchriyon ka vilap dekhakar mata rani ka hriday fat gaya. is prakar mata ne prakasharat hokar apne mastak (sir) ka svayan chedan kar diya. kata sir devi ke baen hath men gira aur kabandh se rakt ki tin dharaen fut parin, tinane raktadhara tinon ko santusht kar gayin. tabhi se jagat kalyanarth mata ke is rup ko chinnamastika ki sangya di gayi jinka shastrokt sthal rajarappa hai. sadhna v tapashcharya ke prachin sthalon men ganya aur pahari nadi nalon, paharon evan janglon se ghira yah pavitra sthal megha rishi ke ashram aur sukh evan samadhi namak devi ke mahan bhakton ki tapah sthali ke rup men prasiddh hai. chinnamastika mata ke anya sadhak bhakton men tantra sadhak bhairvanand, vamakhepa, rani rupka, chandrachur bhatt, sukumar vasu adi ka nam aj bhi shraddha v bhakti ke sath liya jata hai. chinnamastika man ka yah sthan adivasi jan jatiyon ke pramukh aradhya sthal ke rup men manya hai jahan ve pujn-darshan ke sath apne-apne purvajon ke nam par pind bhi arpit karte hain. ‘‘ranchi eksapres’’ dainik ke sanpadak pavan maru ne bataya tha ki is tirth men adim jati pinddan ki prachin paranpra ka nirvahan aj bhi kar rahe hain. sattarahavin shatabdi ke madhyakal tak yah sthan ghanghor janglon ke bich avasthit tha tab yahan rat men devi ji ka nitya avataran hota tha par tantrik bhairvanand ki tantra-mantra ki yojna se kupit hokar devi sada-sarvada ke lie mandir men vas kar gain. tantra, yantra, mantra par purnataya adharit aur vastu shastra ke niyam upniyam par bana yah devalay akarshak hai jiske bahri divar par ki gai minakari khubsurat hai. kahte hain is mandir ka pratham nirman jharkhand ke vaidyanath mandir ki bhanti dev shilpi shri vishvakarma ji ne kiya. 96vin shatabdi ke uttararddh men ramagarh ke raja ke dvara navsanskar ke bad mandir ka nam v yash pure desh men mukhrit hua.yhan ke mukhya mandir ka antrik v bahya nirman dekhne yogya hai. garbhagrih chota aur golakar hai jahan divar se lage tankhe men mata rani ka sthan hai jo ‘yoni mandal maditam’ ke ekadam anurup hai, yantra men jis prakar char darvaje hote hain thik usi prakar yahan bhi sthiti vyapt hai. damodar aur bhairvi ke sangam ke thik sidh men virajit yah mandir chaisath yogini aur asht kamal se alankrit hai jahan mukhya mandir ke alave ashtamahavidya mandir, dakshinmukhi kali mandir, surya mandir, mahakal bhairav mandir, shiv mandir v bali ka sthan hai. yah matri devalay ke thik samne hai jahan rojana chag bali arpit ki jati hai. yahan ‘mundan kund’ bhi hai jahan mundan ki paranpra hai to pas men hi rogagrast logon ko mukt karne vala ‘papnashini kund’ bhi virajman hai. sanpurn desh men prachand tantrik sadhna ke liye prasiddh rajarappa ‘yoni siddhi’ ka ekmatra akatya sthal bataya jata hai. abhi bhi yahan kitne agyat v pahchan chupane vale sadhak ratri men akar matri sadhna kar chupchap subh-subah dham chor dete hain. yahan ke pujari dvay ki ray men amavasya ki ratri men 101 dipak jalakar mata chinnamastika ki puja karne se kahin n thik hone vale rog ka bhi shamn-daman ho jata hai. sal-dar-sal man ke bhakton ki barhti sankhya yah spasht karti hai ki mata chinnamastika harek ke man-murad ko purn karti hain. inki aradhna hetu ‘shakt pramod’ ka chinnamasta mantra upyogi hai jo is prakar hai- un shrin srin hrin klin bajravairochniya hun hun fat svaha. prayag ke ‘kalyan mandir’ se jharkhand vibhajan (15 disanbar 2000) ke purva prakashit ‘bihar men shakti sadhna’ men is bat ka spasht ankan hai ki jin tin shakti pithon ki avasthiti vaidik kal nahin adi kal se vyapt hai usmen sarvamangla (gaja) v anbika (sarn) ke sath mata chinnamastika (ramgrh) ganya hain. nae vahan lekar puja karne ana to yahan nitya ka vidhan hai. bhakton ki ray men parivahan sadhnon ka surakshit gamnagaman man par hi nirbhar hai. prayah pratyek trak men lagi inki tasvir isi bat ki parichayak hai. jharkhand ki rajdhani ranchi v hajaribag se karib 80 kimi. duri par avasthit yahan ane ke lie ranchi-hajaribag ke madhya ramagarh se ana sahaj hai jahan se mandir ki duri matra 32 kimi. hai. yahan se choti bari gari yahan ane ke lie hamesha mil jati hai. aise dhanbad, tatanagar, gaya, patna v kolkata se bhi yahan sarak marg se ana sahaj hai. varsh 1975-1980 ke madhya marg thik-thak ban jane se aur jharkhand rajya banne ke bad tirth sthal vikas ke tahat yahan kuch karya karae jane se bhakton ki pareshani kam hui hai. yahan thahrne aur pujapath kram men bhi dukandaron v pujariyon ka achcha sahyog bhakton ko milta hai. n sirf jharkhand varan pure desh men man ke bhakt raha karte hain jismen bangaliyane v bihariyon ki sankhya sarvadhik hai. sachmuch shraddha, vishvas v bhakti ka yah triveni kshetra varnanatit hai. man ko jab-jab jisne pukara hai mata ji ne kisi n kisi rup men upasthit hokar bhakton ki karya sahayta v karya purn ki hai. idhr-kisi karya ko purn hone men matrikripa hi mante hain aur agar apurn to matri kop. kahte hain- purva deshiya devi pithon men asam sthit man kamakhya ji ke bad yah dusra sabse bara shaktipith hai jahan se koi nirash nahin lautta.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2014

fyuchar samachar ke dipavli visheshank men sarvopyogi lakshmi pujan vidhi evan dipavli par lakshmi prapti ke saral upay, dipavli evan panch parva, shubh karm se banaen dipavli ko mangalamay, ashtalakshmi, dipavli svaman men hai ek upay v prayog adi lekh sammalit hain. shubhesh sharman ji ka tantra rahasya aur sadhna men saflta asflta ke karan lekh bhi drashtavya hain. masik sthayi stambh men grah sthiti evan vyapar, sheyar bajar, grah spasht, rahukal, pachang, muhutrt grah gochar, rashifal, gyansrita adi sabhi hain. samvatsara-sukshm vivechan jyotish peramiyon ke lie vishesh gyanavardhak sampadkiya hai. samyik charcha men grahan aur uske prabhav par charcha ki gai hai. jyotishiya lekhon men ajivika vichar, falit vichar, lalkitab v makan sukh tatha satyaktha hai. iske atirikt annaprashan sanskar, vastu prashnottari, adarak ke gun aur purva disha ke band hone ke dushparinamon ka varnan kiya gaya hai.

Subscribe

Apne vichar vyakt karein

blog comments powered by Disqus
.