शनिदेव रक्षा करें

shanidev raksha karen  

Ank ke aur Lekh | Sambandhit Lekh | Views : 3830 |  
shani grah sabhi grahon men sabse mand gati grah hai. islie gochar men inke fal ka vishesh mahatva hai. shani 12 bhavon men gochar avdhi men kis prakar ke fal dete hain. aiye janen. shani ka parichay, mahatva evan svarup: surya-sut, shiv-shishya, shanaiah-shanaiah chalne vale shanidev yam-yamuna bhratri hain. surya ki chaya namak patni unki matri hain. manushyon ko unke purva sanchit papon ka kufal dene ke lie vah apne hath men lauh dand dharan kiye hue hain. bhayanak singon se yukt, prabal veg vale, dhavak bhainse par virajman hain. unke shish par manikya ratn jarit sundar kirit chamkta rahta hai jinke prachand prakop se raja bhi rank ho jata hai. ‘‘sur, asur, manuj, pashu-pakshi, rengne vale jiv-jantu adi sabhi prani unki drishti matra se dukhit ho jate hain. brahm, indra vishnu, saptarshi par jab shani ki drishti parti hai tab ye sab apne padon se chyut ho jate hain. desh, nagar, gram, dvip, per ityadi bhi shani ki drishti par jane se samul nasht ho jate hain.’’ aisa dashrthkrit shani stotra se spasht hai jismen ve shanidev ko pranam karte hue unse prarthana karte hain ki he suryatmaj shanidev ap hamare upar prasann hokar hamen shubh var dijie. shani ka sabhi ko dar: sanbhvtah aisa koi vyakti n hoga jo shanidev ke prakop se n darta ho. shani grah ke shubhashubh fal unke gochar men achche ya bure sthan men pravesh karne ke lagabhag 2 ya 3 mas purva se hi vidit hone lagte hain. yah bhi sach hai ki shani ke lauh dand ki mar bari vikat hoti hai. yadi jatak uchit upayon ke madhyam se shanidev ko prasann kar le aur pirakal men unke sharnagat hokar shanidev raksha kare aisi sadaiv vinti karta rahe to kuch sima tak unki ashubhta ko dur kiya ja sakta hai. kab labhaprad evan hani prad shanidev: shanidev sabko sada ashubh fal dete hain aisa nahin hai. tula lagn valon ke lie shani chaturth evan pancham bhav ke svami hokar purn yog karak hote hain aur ve apni dasha/antardasha men jatak ko har kshetra men sukh samriddhi pradan karte hain. rajyog karak hote hain. makar lagn vale jatkon ko bhi shani apni dasha/antardasha men shubh fal dekar sukh-samriddhi ki vriddhi karte hain. vaise hi kunbh lagn vale jatkon ko shanidev anshik rup men ashubh hokar shubh fal dene men samarth hote hain. janmang men shani ke nirbal hone par shukra ki mahadsha men shani ki antardasha jatkon ko uÿam fal dene vali hoti hai. shubh yogkarak grah ki mahadsha ho aur shani yogkarak sthiti men ho, tab sarhesati ke dauran shanigrah lagn se kendra ya trikon men gochar kare to shani jatak ko atyant shubh fal pradan karte hain. shani ki dhaiyya evan sarhesati: chandra lagn se 4ven ya 8ven sthan men shani ke bhraman se shani ki dhaiyya mani hai. jab shani chandra-lagn se 12ven, 1ven aur 2ven sthan men gocharasth ho, to shani ki sarhesati kahlati hai. is tarah ham pate hain ki ek hi samay men dvadash rashiyon men se panch-rashiyan shani ki dhaiyya aur sarhesati ke janjal men fansi rahti hain. rashi se chaithe shani ki dhaiyya ka bahut jyada kashtaprad prabhav jatak par nahin hota hai kintu chandra se 8ven shani ki dhaiyya ya sarhesati chal rahi ho evan shani 8ven ya 12ven bhav men par rahe hon, to shani ke prakop ki atishay vriddhi ho jati hai. aisi sthiti men shani ke sath anya badhakarak grah bhi gochar men hon to shani prakop prachand jvala charam bindu par pahunchakar dhadhkne lagti hai. aisa hone par bhi yadi devshat shukra ki antardasha bhi chal rahi ho to jatak ko mrityu tulya kasht uthana par sakta hai. ye donon antardashaen 3 varsh 2 mah ki hoti hain. shani ko kalpurush ka dukh mana gaya hai. rusht hone par shanidev jatak ko shasak se sevak bana dete hain aur prasann hone par sevak ko shasak bana dene men samathryavan hain. nana prakar ke dukh-dard, dhannash, vyapar men shani, shiksha men vyavdhan, pariksha sakshatkar adi men asflta, vahn-durghatanaen, adi- vyadhi, karj, ajivika ki hani, bhu-bhavnadi nirman karya adi nirman karya adi men viflta, kasht, sankat, jhanjhten ityadi shani ki kudrishti hone par hi sanbhav hai. dukh-data ke rup men hi unki vishisht pahchan hai. yahi unki mahima aur anupam svarup hai. gochranusar chandra lagn se dvadash bhavon men shani grah ke shubhashubh fal: û jatak ki janma-rashi ya chandra lagn men shani virajman hone par rogotpaÿia v arthahani hoti hai. û rashi se dusre bhav men shani kashton ka khajana bharakar dhan ke khajane ko shanaiah shanai khali kar dete hain. û rashi tisre bhav men shani ek mat se dhan-sanpraday pradayak aur dusre mat se samast shatru nashak hote hain. û rashi se chaithe bhav ke shani shatru barddhak, karya avrodhak, mitrata nashak, sukh shanti praharak hote hain. û rashi se panchven bhav men shani hone par labh ka hras, vyay ki vriddhi, svajnon se virodh v atm glani karate hain. û rashi se chathven bhav men shani devta kalyankari hote hain, labhaprad mane gaye hain, ay vyay samayojak hote hain. û rashi se satven bhav men shani jatak ko athva uske parivar ko rog grast kar labh ki gati avruddh kar sakte hain. û rashi se athven bhav men shani ho to rogon aur sangharshon ka agaman hota hai, sath hi sath dhan ka palayan hota hai. û rashi se 9ven bhav men shani ke ane se vairagya bhav utpann hota hai, suhradavarg se dukh v dhan hani hoti hai. û rashi se dasven bhav men shani gochar kare to dhan ka labh karate hain evan ghanishth mitra jani dushman ban jata hai. û rashi se gyarhven bhav men shani santan kasht se pira, labh men sthirta v hani ka hras karane vale hote hain. û rashi se barhven bhav men shani ka bhraman man mastishk ko khinn kar deta hai evan doshpurn fal pradan karta hai. shani ke devta: shani ke devta yani shani surbhit sankat haran devta pramukh rup men 2 hain pahle bhagvan shiv aur dusre shri hanumanji hain. shani pira raksharth in devon ki sharnagti lekar jatak inki puja archana kar sada se labh uthate aye hain aur bhavishya men bhi labh uthate rahenge. inke bad nam ata hai bhakt vatsal bhagvan bhairav nath ji ka jo apne bhakt jatkon ko shani ki pira se mukti dilate hain. in devon se sanbandhit nimn stutiyon ka path shani pira nivarak hota hai. û shiv sahasranam stotra, shiv tandav stotra, amogh shiv kavach, rudrashtak ka path, shiv panchakshar stotra adi evan avashyakta ke anurup mrityunjay mantra ka jap. û hanuman chalisa, bajrang ban, hanumanashtak, hanuman bahuk, hanumat sahasranam stotra, vibhishan krit hanumat stotra, sankat mochan stotra, sundrkand ramayan ka path adi. û bhairav ashtoÿar shatnam stotra, bhairav apududdharak mantra jap, bhairav chalisa adi. û uprokt ke atirikt devi bhakt jatak apni bhavna ke anurup mata mahakali ki puja, prarthana karte hue shani pira shamnarth kali sahasranam stotra ke path se labhanvit evan rakshit hote hain. shani pira shanti vividh upay: shani pira se raksharth shani ke dan-padarthon ka madhyahn kal men shanivar ke din kisi supatra ko dan diya jata hai kaha gaya hai- sarvesham upayanan danan shreshthatam. dan-padarth jaise nilam, svarn, mahishi, shyama gau, kasturi kale-vastra, kala chata, urad kali til, tel, chamre ke bane kale jute, chimta adi. samathryanusar ek se lekar unnis ya teis shanivar dan dete rahna chahie. shanidev jo apne ko dukh de rahe hon unhen puja-path adi ke madhyam se sarvapratham manana hi jyada achcha hota hai taki ve apne krodh evan krurta ko tyagakar hamen dukh dena band kar den. shani prarthana mantra: suryaputro dirghadehon vishalakshah shivapriyah. mandcharah prasannatma pira hartu men shaniah.. rudraksh dharn: kasht raksharth sapt athva chaturdash mukhi athva ye donon rudraksh (7 v 14 mukhi) dharan karna chahie. mala dharn: shani ki mahadsha, antardasha, dhaiyya, sarhesati aur janmakalik shani ki nichasth, papyut, papdrisht, shatru rashisth, vakra-sthiti adi ke dosh pariharya ke lie rudraksh athva rakt chandan ki mala dharan ki jati hai. purn shraddha evan vishvas ke sath ‘‘un namah shivay’’ evan ‘‘un shan shanaishcharay namah’’ mantra ki ek-ek mala jap karte huye ye malayen dharan karne vale jatak ki anisht se raksha hoti hai, shanti milti hai. ratri men mala utarakar shuddh sthan men tang dena chahie aur agle din snanoprant 5 bar ‘‘un namah shivay’’ bolte hue punah dharan kar leni chahie. jap karne vali mala aur pahnne vali mala prithk-prithak honi chahie. upvas rakhna: purn vidhi ke sath 21, 31 ya 51 ki sankhya men shanivar vrat ka anushthan karne se shani grah janit arisht fal dur hota hai evan anukul fal ki prapti hoti hai. shanivar ka vrat shukla paksh men shuru karna chahie. vrat vale din shani chalisa/shnivar vrat katha parhna chahie. din men ek samay bhojan ka tyag karna upvas kahlata hai. vrat vale din dugdhahar v falahar kar sakte hain. mantra jap evan yantra sthapna: shani grah ki pira se grast jatkon ko vibhinn upayon ke madhyam se shanidev se apni raksha ke nimiÿa shanti karya karne chahie tabhi ve badha mukt hokar sukh-purvak jivan yapan kar sakte hain. inmen se ek upay hai shani yantra ki sthapna karke unke nimn mantron men se kisi bhi ek mantra ka 23000 ki sankhya men svayan athva karmakandi brahman se jap ka anushthan karna evan ant men shami vriksh samidha se dashansh havan karna chahie. shanidev ke raksha mantra: û vaidik mantra - un shannodevi rabhishtay apo bhavantu pitye shanyyorbhisravantunah. û arisht nashak mantra - un hrin shrin grahachakravartine shanaishcharay klin ain sah svaha. û puja aradhna mantra - un ain hrin shrin shanaishcharay namah. û shastrokt mantra - un shan shanaishcharay namah. û tantrokt mantra - un pran prin praun sah shanaishcharay namah. jap ke samay bij mantra yukt evan dhanushakar shani yantra ki sthapna/pran pratishtha karani chahie. yantra ki sthapna se punya fal kai guna barh jata hai aur kasht ki vedna shanaiah shanaiah kam hona shuru ho jati hai. shain satven grah hain, unki uchch rashi tula hai jo satvin rashi hai ataev yathasanbhav kam se kam yantra ka akar 7’’ga7’’ ka hona ati uÿam hai. anya upay: sat shanivar bhainse ko satnaja khilana, shanishchari amavasya ko shanidev ka abhishek karna, 23 shanivar daru, haldi, jal men dalakar snan karna, 19 shanivar kali gay ko gur, roti adi khilana. shanivar ke din sandhya samay pipal ke samip til tel ka diya jalana, bandro ko chana chugana, vriddh bhikshuk ko kale rang ka kanbal dena, siddh shani mandir bina juta chappal pahne, khule sir rakhe har shanivar darshan pujan jana aur gugal ki dhup jalana, shanivar dopahar apne bhojan ka kuch ansh nikalakar kauon ko khilana, pali hui kali machliyon ko shanivar ke din jalashay men chor dena, kale rang ki 2 chiriyan kharidakar akash ki or hath karke unhen ura dena, ghore ki nal ka challa dharan karna, shani pushya nakshatra men dain bhuja men shami vriksh ki jar kale kapre men bandhakar pahnna, shanivar ko ratri men hath pair ke nakhunon men sarson ka tel lagana aur 7 shanivar lauh patra men bhare sarson ke tel men munh dekhakar dakaut ko chaya dan ke rup men dena aur shanidev se uprokt upay karte samay kasht shaman hetu prarthana karte hue ‘‘shanidev raksha karen’’ bolna chahie.
Kya aapko lekh pasand aaya? Subscribe
Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.