बिगड़ा मुकदर संवारे : शनि धाम

bigra mukadar sanvare : shani dham  

Ank ke aur Lekh | Sambandhit Lekh | Views : 3860 |  
bigra mukaddar sanvare: shani dham pan. madan lal rajasthani dhan-daulat, yash-apayash sab kuch manav ko uske bhagya ki den hai. koi kam siddh ho jane par insan khush ho jata hai aur bigar jane par ise sitaron ka khel batata hai. mukaddar ko bigarne aur sanvarne ki jimmedari sarvakalik mahan nyayadhish shri shani dev par hai. shri ram par jab sarhe sati ayi, to unhen vanvas ho gaya aur ravan par jab shani ki dasha pari, to usne sita ka haran kar liya. shani dev ek aise grah hain, jo kalyankarak hain tatha prabhu bhajan n karne valon ke lie vah markesh ho jate hain. dilli men sthit shri siddh shakti pith shani dham: mahrauli men chattarapur mandir se 5 kilomitar ki duri par ganv asola men duniya ka advitiya shani mandir hai, jahan shri shani dev ji ki prachin asht dhatu pratimaen sthapit hain. ek pratima men shani dev giddh par tatha dusre men bhainse par savar hain. sath men dakshinmukhi bajrangbli ki pratima bhi virajman hai. har shanivar ko shri shani pujan aur shani parikrama se n sirf bhakton ki manokamnaen purn hoti hain, balki unka bigra mukaddar sanvar jata hai. vyakti rank se raja banta hai; basharte puja vidhivat ho. yahan vishva ki vishalatam shani shobha murti bhi sthapit ki gayi hai, jiska anavaran anant shri vibhushit shankracharya svami shri madhvashram ji maharaj, vartaman pithadhishvar, badrikashram ke kar kamlon dvara kiya gaya. shani riddhi-siddhi ke data hain. ashcharyajanak kintu satya yah hai ki desh ka pratham nav grah mandir bhi shri shani dev ki pratima ke pas hi avasthit hai. asola men desh ki pahli shani shakti pith aj shraddhaluon ki astha ka kendra ban gayi hai. shani dham ke vishal prangan men shani dev maharaj ki bhavya murtiyon ki sthapna ka vishesh uddeshya hai- janhit ke lie seva karya karna tatha logon ke man men baithi jhuthi bhrantiyon ko dur karna. yahan par har shanivar ko, bhandare ka ayojan kar, prasad banta jata hai aur garibon ke lie bhojan adi ki vyavastha ki jati hai. iske alava samy-samay par garibon ko kanbal, anaj aur vastradi ka sahyog bhi pradan kiya jata hai. yahan shanivar ke din subah se hi bhakton ka tanta laga rahta hai tatha shraddhalu sarson ke tel se shani dev ka abhishek karte hain. jo bhi bhakt sachche hriday se seva aur bhakti ki bhavna se yahan ata hai, uski manokamna avashya puri hoti hai. koi vishesh vyaktitva ho, ya am admi, shri shani dev dham men sab barabar hain. is mandir men shani dev ki bhavya murti ki sthapna ke pahle yahan 100 karor 25 lakh shani mantra ka jap karvaya gaya tha. aisi manyata hai ki yahan shani dev svayan jagrit avastha men virajman hain tatha jo bhi vyakti shani ki dhaiyya aur sarhe sati se pareshan hain, ve yahan par sarson ke tel se abhishek karne par avashya labhanvit hote hain. shani dev ko anukul karane men shani amavasya ka vishesh mahatva mana gaya hai. is din sarson ke tel se abhishek karne aur sabut urad adi shani dev par charhane ka vishesh fal hota hai. shani amavasya varsh men sirf 2, ya 3 bar hi parti hai. atah shraddhaluon ko chahie ki ve shani amavasya ko, puja-archana ke sath, apne hathon se shani dev ka tailabhishek bhi avashya karen. shani dham men shani dev, apne pradhan upasya shiv shakti ke sath hi, adya shakti shri kali, durga ki murtiyon sahit virajman hain. mandir parisar men, adi shakti sita aur sheshavtar lakshman ke sath, maryada purushottam bhagvan shri ram, shri radha sahit bhagvan shri krishn evan anjni nandan shankravtar vayu putra hanuman ki murtiyan bhi virajman hain, jo shani dham ki mohniya kirti pataka ko char chand laga rahi hain. dhanya hanai shani dev, jinki kripa se is dham ki kirti gatha matra sanpurn bharatavarsh men hi nahin, apitu akhil vishva men gayi ja rahi hai. jivan men ane vali pratikul paristhitiyon ke thapere khate-khate har prakar se nirash ho chuke logon men bhi shani dham ne asha ki navin kirnen jagayi hain aur shani dev ki or se logon ki sukhi bagiya men bhi, sukh-sukun ke vasant la, vah unhen nayi-nayi khushiyon se navajta rahta hai. bharatavarsh men shani dev ke mandir to kai sthanon par hain, kintu aisi visheshta anyatra dekhne men nahin ati. shani dham men pratidin pratah 6 baje, madhyahn 12 baje, madhyahnottar 3 baje evan sayan 7 baje arti hoti hai aur jyoti jalayi jati hai. pratyek shanivar ko pratah 6 baje shani dev ki bhavya arti ki jati hai. mandir ke dvar sabhi agantuk bhakton ke lie khol diye jate hain. uske pashchat shraddhaluon dvara shani dev ka tailabhishek pranrabh hota hai. shanivar ko pratah 6 baje se saikron ki sankhya men shraddhalujan, snan kar, gile lal vastra pahan kar, khuli deh, tel le kar panktibaddh khare ho jate hain. arti ke bad shani dev ka prasad le kar vapas lautte hain. yah kram harek shanivar ko ratri ke 10-11 baje tak chalta rahta hai. pratyek shanivar ko shani dham dvara bhandare ka bhi ayojan hota rahta hai. pratah 8 baje se 12 baje tak bhandara chalta rahta hai, jismen hajaron ki sankhya men log ichchanusar bhojan karte hain. pratyek ravivar ko pratah 7 baje se sarhe 8 baje tak dhyan ka karyakram chalta hai. is karyakram men guru ji ke shishyagan, dhyanavasthit ho, atmagyan ki svanubhuti prapt karte hain. dhyan karyakram ke pashchat karib derh ghante tak shri guru ji ka satsang hota hai. iske atirikt vah, jigyasuon ki janmakundli dekh kar, unke sare prashnon ka samuchit uttar de, unki shankaon ka samadhan bhi karte hain. kyonki jigyasuon ki sankhya adhik rahti hai, atah pratah 9 baje shani dham parisar men a kar sanbandhit vyakti ke pas apna nam likha kar unse tokan le lena avashyak rahta hai, jisse jigyasuon ko kramanusar bulane men asani rahti hai. us din samyabhav ke karan jo nahin mil pate, unhen samay de kar dusre din bula liya jata hai. samanyatya maharshi ji 9 baje se lagatar agantukon se milte rahte hain. varsh men prayah 1, ya 2 bar shanivar ko amavasya tithi ati hai, jo shani dev ki vishisht tithi mani jati hai. us din shani dev ka vishisht tailabhishek kiya jata hai. is abhishek men svayan maharshi ji bhi sammilit hote hain. abhishek ke bad sevak aur shraddhalujan shani charnanuragi maharshi ji ko praman kar, tilak lagva, prasad prapt kar, anugrahit hote hain. samantaya nav ratra sal men 4 hote hain- shardiya nav ratra ashvin shukla pratipda se, vasantiya chaitra shukla pratipda se, magh shukla pratipda evan asharh shukla pratipda se. shani dham men shardiya evan vasantiya nav ratra utsav hi vishesh rup se manaye jate hain. sare sevakagan pratipda ko, kalash sthapna kar, bhagvti ka pujan karte hain. mahashtami ki ardh ratri men guru ji bhagvti ka shanrigar purvak, shorshopchar pujan ke bad, sevkon ko darshan kara, prasad evan ashirvad dete hain. visheshta yah hai ki param adrniya guru ji sangit aur stuti ke sath svayan durga rup ho jate hain. bad men sevk-sevikaon ko, ashirvad men vastra aur alankar adi de kar krit-kritya karte hain. shani dham men lakshmi puja ka vidhan apurva evan vishisht hai. dipmalika ke pujan ke sath hi shri vidya yantra ka bhi shodshopchar pujan aur abhishek svayan men alaukik hota hai. trayodshi-dhanteras ko hi pratyek sevak guruji dvara pradatt shri yantra ko yahan la kar, panktibaddh shubhasan par sthapit kar, pradosh kal se ardh ratri paryant pujan karte hain. dipavli ki ratri ko vishisht pujan ke pashchat, guruji se tilk-prasad ke sath, shri 108 yantra le kar apne-apne ghar jate hain. pujan shastriya vidhan ke sath shri guru ji ke dvara sanpann kiya jata hai. shri siddh shakti pith shani dham ki mahashiv ratri svayan men nirali hai. sayan kal se hi sevk-sevikaon ka sanyukt samvet svar men sangit, nritya adi sachmuch vaivahik utsav ka anand dilate hanai. madhya ratri men param pujniya shri guruji dvara shiv ji ka bhasmabhishek hota hai. abhishek ke lie mahakaleshvar, ujjain, onkareshvar evan rameshvar adi kai tirthon ke chita bhasm ekatrit kar usi se abhishek kiya jata hai. abhishek karte-karte shri guruji svayan bhi bhasmabhishek se sakshat shiv rup ho jate hain. usi rup men saubhagya prapt hota hai. uske uprant hi vah vrat ka paran karte hain. pratyek varsh purnima ko guru puja parva bare dhumdham se manaya jata hai. is avasar par guru ji ka pravachan har bhakt ke andar gyan, vairagya aur bhakti bhavna ka sanchar karte hain aur unhen bhakti marg men nirantar age barhne ke lie prerna pradan karte hain. varsh men prayah 1, ya 2 bar shanivar ko amavasya tithi ati hai, jo shani dev ki vishisht tithi mani jati hai. us din shani dev ka vishisht tailabhishek kiya jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.