कलियुग के व्यस्त शनिदेव

kaliyug ke vyast shanidev  

Ank ke aur Lekh | Sambandhit Lekh | Views : 5093 |  
kaliyug ke vyast shanidev jyotish men manya sat grah pindon men shanidev prithvi se sabse dur apni nyay vyavastha ka sanchalan karne men vyast hain. shanidev ishvariya nyayalay ke param nishth evan guni nyayadhish hain. shanidev ke dand vidhan se koi bach nahin pata. yah prithvi par chal rahe laukik nyayalay se bhinn hain. yahan kisi jivatma ko dharmashastra ko chukar shapath lene ki chut nahin hai. laukik nyayalyon men vyakti dharmagranth ko chukar shapath leta hai ki vah jo bhi kahega, satya kahega aur satya ke sivay kuch nahin kahega. parantu aisa shapath lekar bhi vyakti jhuth bolta hai aur nyayalay ko bhramit kar anyay ki rekha ko bara kar deta hai. shanidev sarvagya hain. jivatma ke shubhashubh karmon ki pal-pal ki jankari unke suchna bhandar men sanchit hai jise apni ichcha matra se ve drishya patal par bar-bar pradarshit kar sakte hain. ajatak kaliyug men pap ka bhandar barh raha hai aur punya ka bhandar ghat raha hai. shani ka sancharan ek rashi par dhai varsh ka hota hai aur nakshatra ke ek charan par madhyaman se tin mas, das din. adhikansh kundliyon men shani ki sthiti achchi nahin pai payi jati. adhikansh kundliyon men yah bhi dekhne ko milta hai ki shani uchch rashi tula men to hai parantu navansh men nich ke ho jate hain aur us par bhi papadi prabhav men shani tula, makar lagn ki harishchandra prasad ‘‘arya’’ kundliyon men navansh men param yog karak hokar lagn ya dasham men uchch ke rahe hain parantu navansh men nich rashi mesh men ho jana yah siddh karta hai ki vyakti ke karm purva janm men achche nahin rahe jiske karan vyakti ne aise samay garbhadharan kar janm liya ki shani ashubh faldata ho gaye. shani men aur grahon ke viprit ek visheshta hai ki jab shani kundli men nirbal hota hai to apne dukh karak svabhav ki vriddhi karta hai. vyakti ki kundli men shain jitna adhik nirbal hota jayega us jatak ke shani janit dukh men vriddhi hoti jayegi. kya hamne kabhi socha hai ki kaliyug men shani se vyakti adhik bhaybhit kyon hai? shani jab ishvariya nyayalay ke dandadhikari hain to fir hamen unse darne ki kya jarurat hai? darasal yah dandadhikari hamare bhale bure karmon ke adhar par hi bina vichlit hue hamen dand dene ko tatpar hain. unke yahan koi seva shulk ya ghus nahin chalta hai aur nahin koi jivatma unhen bhramit kar sakta hai. shani jin kuchek logon ki kundliyon men yogkarak bali evan antim rup se shubh fal pradata hote hain ve log apne jivan men sabhi khushiyon ko prapt karte hain. panchmhapurush yogon men shani se bana shash nam ka ek yog bhi hai. kuch nirale logon ko chorakar adhikansh logon ko shani ki sarhesati, dhaiya evan shani ke gochar men atyant kasht uthane parte hain. ham jab samaj ki or nishchal drishti se dekhenge aur manan karenge to pata chalega ki adhikansh vyakti is kaliyug men yen-ken prakaren apni svarth siddhi ke lie nidniya evan dharm viruddh acharan men lipt hain aur fir shani ke kathor dand se pirit hona bhi unki niyat hai. yahi karan hai ki kaliyug men shani adhik vyast hain. jivatma ke pap karmon ka sukshm parikshan kar unhen dand dene ka guruÿar dayitva shanidev par barh gaya hai. ham puja-path, mantra jap havan ki apeksha apne karmon ko sudharne ka prayas karen jisse is jivan ke sath-sath bhavi jivan men shanidev ka sahyogatmak ashirvad prapt ho. bhavi janmon men shani ki shubhat ka shankhnadh jyotishi kundli dekhakar kar saken yah ham apne jivan ka lakshya banaen.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.