शनि पर जल है, जीवन नहीं

shani par jal hai, jivan nahin  

Ank ke aur Lekh | Sambandhit Lekh | Views : 3918 |  
shani par jal hai, jivan nahin pan. sunil joshi junnarakar jyotish vigyan men shani grah sabse adhik charchit evan vivadit grah mana jata hai. saurmandal men guru ke bad shani grah sthit hai jo purnatah gol n hokar chapta hai. surya putra shani ki urja uske ghatak dravyon ko urja dene ke lie kafi hai. aisi sthiti men yah nistej hokar bhi tejasvi hai. prastut lekh men shani grah ki khagoliya vivechna ki gayi hai. jo pathkon ki jigyasa shant karne ke sath hi unki bhrantiyan dur karne men bhi saksham hai. sindhiya riyasat ke pratham panchangakarta aur rajajyotishi the. san 1892 men unhonne ujjain vedh ashala ke pradhan acharya ka karyabhar sanbhala. (vedhshala vah hoti hai jahan grah nakshatron ka adhyayan evan anusandhan kiya jata hai. ujjain, gvaliyar, vidisha men us samay sindhiya rajvansh ka hi shasan tha. shri ganesh daivagya junnarakar hamare purvaj hone ke karan unka jyotishiya aur khagoliya gyan hamen vansh paranpra se prapt hua hai. main unki chathvin pirhi ka sadasya hun. shani ke sanbandh men prastut khagoliya jankari unhin ke gyan ka prakash hai. saurmandal men guru ke bad shani grah sthit hai, jo bhumi ke ek tare ke saman dikhai deta hai. parantu uska rang kala sa hai. shani ke purva-pashchim vyas ki apeksha dakshinottar vyas lagabhag 12,000 ki.mi. kam hai. arthat shani purnatah gol n hokar chapta hai. iske saman chapta anya koi grah nahin hai. shani ke nipad ka vyas 120000 ki.mi. se bhi jyada hai. jo prithvi ke vyas se 9 guna adhik hai, iska prishth bhag prithvi ki apeksha 81 guna adhik hai aur akar 700 guna adhik hai, parantu iske akar ke hisab se vahan dravya nahin hai. shani ka prakritik vatavrn: shani ka ghanatva sabhi grahon se kam hai, vah prithvi ke ghanatva ka satvan hissa hai. shani par dravya padarth prithvi ke pani se bhi patla hai kyonki vahan ushnata adhik hai. is karan vahan bhap uthti hai. uska vatavaran vayu rup avastha hone ke karan pravahi hai. shani ka vatavaran praniyon ke anukul nahin hai, islie shani par jivan ka pradurbhav nahin ho saka hai. shani ke prishth bhag par nana prakar ke rang chamkte hain, dhruv ki or nila, anya bhag men pila aur madhya bhag men safed ret ka patta tatha bich-bich men chamatkari bindu dikhai dete hain. shani grah prithvi se bilkul bhinn hai, shani ke ghatak dravyon ka niralapan uske vatavaran ki jabaradast abhre hain. dhul ke kanon aur gais se bani hui abhron se shani ka vatavaran vyapt hai. in aparadarshi abhron ke karan hi uske svayan ka jo thora sa prakash hai vah bahar nahin a pata hai isliye vah nistej dikhai deta hai. surya putra shani: shani apne pita surya se 140 karor, 80 lakh ki.mi. duri par sthit hai. is atyadhik duri ke karan hi surya ka bahut kam prakash shani tak pahunch pata hai. isliye vahan andhera hi rahta hai. prithvi ke chandrama ko jitna surya ka prakash milta hai uski tulna men shani ko 90van hissa hi mil pata hai. shani ke 7 chandrama prakashit hone ke bavjud bhi prithvi ke chandrama se jo prakash hamen milta hai uski tulna men 16van bhag hi shani ko uske chandramaon se mil pata hai. in karnon se vahan jyadatar andhera hi chaya rahta hai. shani ki ushnata uske ghatak dravyon ko urja dene ke liye kafi hai. aisi sthiti men vah nistej hokar bhi tejasvi hai. shani kelendara: prithvi ke ek saur mas ke barabar shani ka ek din hota hai, prithvi ke dhai (2.6) varsh ke barabar shani ka ek saur mas hota hai, itne samay tak shani ek rashi men bhraman karta hai. is dauran vah kai bar vakri aur margi ho jata hai, is karan uska prabhav pichli aur agli rashiyon men bhi barabar bana rahta hai. prithvi ke sarhe 29 varshon ke barabar shani ka ek saur varsh hota hai. itne hi varshon men shani surya ki sirf ek parikrama purn kar pata hai. iski mand gati ke karan hi shastron men ise ‘mandsauri’ kaha gaya hai. dhire-dhire chalne ke karan ise ‘shanaishchara’ kahte hain. shani ki valy: shani ke prishth bhag ke charon or 16000 ki.mi. ka sthan khali hai shani ke bhavya pind ke charon or do challe(ghere) dikhai dete hain. ise shani ki valay kaha jata hai, ise shani maharaj ka raksha kavach kahen to koi atishyokti nahin hogi. is dohri valay ke karan hi shani ki akriti parthiv shivling ki bhanti dikhai deti hai. yah valay shani ke vishuv vritt ke charon or purva pashchim men faili hui hai. shani ki kaksha apne vishuv vritt se 27 ansh ka kon banati hai. shani ke vishuv vritt par surya sarhe 29 varsh men do bar ata hai, jab shani uttari golarddh men hota hai tab valay ka dakshini bhag aur dakshini golarddh men hota hai to valay ka uttari prishth bhag dikhai deta hai. krishn paksh ki andheri rat men hi ise dekh pana sanbhav hai. antrik valay ka vyas 2,33,000 ki.mi. tatha bahri valay ka vyas 2,81,000 ki.mi. hai, iske bahar ki kala ke madhya bindu se 1,33,000 kimi. duri par hai. kaisini dvara bheji gai tasviron ka adhyayan karke jet propalshan leb ke pramukh donald shemanaski ne kaha hai ki shani ke valyon ka ksharan ho raha hai aur agle 10 arab varshon men valyon ka astitva samapt ho sakta hai. grahon ki jyotishiya ganna ke adhar par ham kah sakte hain ki do arab chaintis karor varsh bad shani ki valyon ke sath-sath shani aur sanpurn brahmand ka astitva hi khatm ho jaega. arthat sanpurn brahmand shunya men vilin ho jaega. dharm shastron men ise jagat ka parmatma men lay kaha gaya hai. prachin bhartiya khagolvidon ke anusar shani ki valay chakra badhte-barhte shani ki prishth bhag ke charon or failti ja rahi hai. arthat shani pind aur antrik valay ke bich 16,000 ki.mi. ki duri ka jo khali sthan hai, vahan shani ke valay chakra badh rahe hain. 60 nahin 8 chandrama: shani ke 8 upagrah hain. jo uske charon or ghumte hain. inmen se 7 upagrahon ki kaksha valyantargat hi hai. in 7 prakashit chandron ke karan hi shani ko saptam netron vala gaha gaya hai. ye upagrah hi uske chandrama hai. shani ke andar ka chandma shani se matra 1,92,000 ki.mi. ki duri par hai jabki prithvi ka chandrama prithvi se iski apeksha doguni duri par sthit hai. valay par sthit 7 chandramaon men se ek chandrama budh se bhi bara hai. ho sakta hai ki vah mangal ke barabar ho. vaigyanikon ne iska nam ‘taitn’ rakh diya hai. karoron varshon ki avdhi men shani ke in chandramaon ke yog se hi valay ban gai hai. ye chandrama paraspar nikat hone se alg-alag drishyaman nahin hote. vaise pratyek chandrama svatantra rup se shani ke charon or ghumte hain. shani ke charon or valay men chamkte hue chandrama aise lagte hain, jaise manon shani maharaj ne apne kanth men chamkte hue safed motiyon ka har pahan liya ho. yah chandra har hi unhen sabhi grahon se anutha banata hai. shani ke chandrama prithvi se adhik duri par hone ke karan barik tare ke saman najar ate hain. in chandron ki kaksha ke madhya 28 ansh ka kon hai, is karan grahan adi kadachit hi hote hain. shani grah ki paristhiti praniyon ke rahne yogya nahin hai, kintu shani ke chandramaon par kisi bhi prakar ke sukshm jivon ka vas hai aur shani unka poshan karne men samarth hai. shani ke chandron ka prakritik vatavaran sukha v thanda hai tatha jivan ke anukul hai. antriksh vaigyanikon ki pahle manyata thi ki shani ke 42 chandrama hain kintu ajakal vaigyanik kah rahe hain, ki shani par 60 chandrama hai. is bayan se chandra ke sanbandh men vaigyanikon ki anishchitta jahir hoti hai. jabki bhartiya khagolvidon ne shani ke sirf 8 chandrama bataye the. kisi bhi grah ke chandrama n to nasht hote hain aur n hi barhte hain, yadi aisa sanbhav hota to prithvi ke bhi ek do chandrama aur bhi utpann ho chuke hote. 8 aur 60 men 52 chandramaon ka antar hai, yah antar bahut bara hai. hamare nishkarsh ke anusar yah baki teis shani ke chandrama nahin balki koi khandagrah ya kshuradragrah honge, jinhen vaigyanik bhramavash shani grah ke chandrama man baithe hain. abhi mahine pahle jab shani prithvi ke karib aya tha. us samay uske sirf 4 chandrama hi dekhe gae. iska tatparya yah hua ki baki 4 chandrama shani pind ke piche hone ke karan hamen dikhai nahin die. atah yah siddh hua ki shani ke 8 hi chandrama hai.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.