मेहरबान होंगे शनि वृष, सिंह धनु और मकर पर

mehrban honge shani vrish, sinh dhanu aur makar par  

Ank ke aur Lekh | Sambandhit Lekh | Views : 12933 |  
mehrban honge shani vrish, sinh, dhanu aur makar par pan. sunil joshi junnarakar shani dev pratyek dhai varsh men rashi parivartit karte hain. shani ke rashi badlne ke sath hi, rashiyon par shani ka prabhav bhi badal jata hai. navanbar mah men hone vala shani rashi parivartan kiske chehre par muskan aur kise khun ke ansu rulayega is lekh se jana ja sakta hai. surya putra shanidev antriksh men apne pita ki parikrama karte hue lagabhag 30 varsh bad dinank 15 navanbar 2011 ko chitra nakshatra ke tritiya charn- ‘tula’ rashi men pravesh karenge. apne mitra shukra ki rashi ‘tula’ shanidev ka uchch sthan hai. shanidev mand gati se gochar karte hue 30 ansh ki ek rashi ko lagabhag sarhe 29 mah men par kar lete hain. is dauran ve vakri-margi, uday v ast hote hain. dinank 07 farvri 2012 se shanidev tula rashi men vakri honge. mai 2012 se vakragatya shani kanya rashi men pahunch jaenge. 24 jun 2012 ko margi honge. navanbar 2012 men surya ke samip jakar tula rashi men ast ho jaenge. sinh, vrish, dhanu par shani ki vishesh kripa hogi: ‘‘tushto dadasi vai rajyan, rushto harsi tatkshanat.’’ maharshi kashyap dvara rachit shani stotra ke anusar- ‘‘shanidev’’ santusht ya prasann hone par bhikhari ko bhi raja ke saman sukh de dete hain aur rusht hone par rajaaaen ke rajya chinakar unhen kshan bhar men bhikhari bana dete hain. islie shani chalisa men kaha gaya hai- ‘‘ja par prabhu prasann hui jahin. rankhun rav kare kshan mahi..’’ prashn uthta hai ki shanidev kab, kisse ya kis par prasann hote hain? gochriya shani jab apni uchch ya mul trikon rashi men ho aur jis vyakti ki janm lagn ya janm rashi se 3, 6, 11ven sthan men shani bhraman karta ho. us samay evan us vyakti par shanidev apni prasannata evan kripa barsate hain. tula rashi shani ki uchcharashi hai. uchcharashi men grah dipt avastha men hota hai, diptavastha men grah shat-pratishat shubhafal deta hai. tula rashi visham rashi hai, visham rashi men 10 ansh tak grah jagrat hota hai. jagratavastha karya siddhi karane vali hoti hai. atah tula rashi men gochriya shani sinh, vrish, dhanu lagn v janmarashi vale vyaktiyon par prasann hokar apni kripa prasad se unhen rajsi (shahi) sukh denge. sinh, vrish, dhanu ke jatkon ko kramshah aishvarya sukh, vijay sukh v dhan labh ka sukh prapt hoga. tula men adhik shani rekha valon ki chandi: janm rashi se gochriya grahon ke fal ka yadi ashtakavarg ke fal se taratamya dekha jae to falakathan men paripakvata evan vishvasniyata ati hai. kyonki gochriya grahon ka fal bahut anshon tak ashtakavarg par nirbhar karta hai. jis jatak ki adhik rekhayukt rashi men jab shani pravesh karega. tab us jatak ko shani sanbandhi shubh falon ki prapti hogi tatha lagn se jis bhav men vah rashi ho us bhav se sanbandhit shubh falon ki vriddhi ka labh milega. udahrnarth, jis vyakti ke shanyashtak varg kundli ke tula rashi men shani ki 4 ya 4 se adhik shubhashtak rekhaen hon. us vyakti ko tula ke gochriya shani ka shubhafal avashya prapt hoga. fir chahe bhale hi shani janm rashi se ashubh (12, 1, 2, 4, 8) sthanon men gochar kar raha ho. kyonki uprokt sthiti men use shani ka shubh rekhashtak bal prapt ho jaega. yadi janmarashi se shubh (3, 6, 11) sthan men shani ka gochryi ho aur tula rashi men shanyashtak ki 4 ya 4 se adhik rekhaen hon, to sarvadhik shubh fal prapt hoga. iske viprit jitni kam rekhaen hongi utna hi jyada ashubh fal prapt hoga. shani dhaiya v sarhesati se bhaybhit n hon: manushya jivan par parne vale gochriya grahon ke prabhav men shani ka sarvadhik prabhav dikhai deta hai. janmarashi se 1, 2, 4, 5, 7, 8, 9, 12ven sthan men shani ka bhraman pira dayak hota hai. janmarashi se jab shani 12, 1, 2 sthanon men hota hai, tab un rashi ke jatkon ko shani ki sarhesati ka prabhav rahta hai. gochar ka shani janmarashi se jab chaithe ya athven sthan men rahta hai, tab shani ki dhaiya hoti hai. dinank 15 navanbar 2011 ko jab shani tula rashi men pravesh karega tab us din se sinh rashi vale jatkon ki sarhesati evan mithun v kunbh rashi vale jatkon ki dhaiya samapt ho jayegi. vrishchik rashi vale jatkon ko sarhesati ki pratham dhaiya, tula valon ko dusri dhaiya aur kanya rashi valon ko tisri dhaiya praranbh ho jayegi. kark rashi ko chaturth dhaiya evan min ko ashtam dhaiya praranbh ho jaegi. pichle tin dashak men yah dusra mauka hai, jabki sarhesati v dhaiya shani ka gochar shubh faldayi hoga. kyonki tula rashi shani ki uchcharashi hai, siddhantanusar uchcharashi men grah apna shubhafal shat-pratishat deta hai. is karan yah dhai varsh ka samay shani ki sarhesati v dhaiya brihad kalyani v laghu kalyani siddh hogi. nich v shatru rashi men gochriya shani ki sarhesati v dhaiya, panauti v laghu kantki kahlati hai. vrishchik, tula v kanya rashi vale sarhesati shani ki (agami dhaiya) v kark, min vale shani ki chaturth, ashtam dhaiya se bhaybhit n hane. uchcharashi men gochar ka shani unhen kasht nahin dega. balki apni udarta se unhen sukh samriddhi dega. unke ruke huye karya purn honge evan manovanchit abhilashaon ki purti hogi. makr-kunbh ki khushiyan lautengi: kahte hain ki 12 varsh bad ghure ke bhi din badal jate hain. yah kahavat makar, kunbh rashi par thik baithti hain. aj se 12-13 varsh purva makar v kunbh rashi ka svami grah shani apni nich rashi (mesh) men gochar kar raha tha. us samay (aprail 1998 se jun 2000 tak) makar, kunbh rashi ke stri-purush bahut pareshan v duahkhi the. kintu ab (15 navanbar 2011) se shani ke uchcharashi (tula) men pahunch jane makar, kunbh rashi valon ki khushiyon ka paravar nahin rahega, unke achche din ajaenge. ab ve shan se ga sakte hain- sainya bhaye kotval ab dar kahe ka...? vrish, tula lagn ki balle-balle: vrish v tula lagn men shani kendra- trikon ka svami hone se akela hi rajyog karak hota hai. vrish lagn men navmesh-dashmesh aur tula lagn men chaturthesh-panchmesh hone ke karan shubh bhavesh ho jata hai. islie vrish v tula lagn ke jatkon ko shani shubhafal hi pradan karta hai. vrish v tula lagn ke jatkon ke lie shani ka tula rashi men gochar anya lagnon ki tulna men jyada labhkari mana jata hai. kyonki vrish v tula lagn ke yog kark/shubh bhavesh shani ka uchch rashi men sanchar karne se vah balvan aur shubh ho jata hai aur apne adhishthit bhavon (shubh bhavon) ka shubh fal deta hai. jaise- tula lagn ki kundli men shani chaturthesh-panchmesh hai tatha vartaman men tula rashi men bhraman karega to sukh, bhumi, bhavan vahan tatha mitra, vidya, buddhi santan v lakshmi ki prapti karayega. tula rashi ke lagn men gochar karta hua shani apni tisri drishti se parakram bhav ko dekhega. saptam drishti se saptam bhav ko dekhega to jatak ko sahyogiyon se sahyog ki prapti hogi, bijnes partanar v laif partanar garabar nahin karenge. danpatya jivan v yaun sanbandhon men pragarhta aegi. tula lagn men sanchar karta hua shani dasham drishti se rajya bhav ko dekhega to jatak ke sarkar, shasan, neta v varishth adhikariyon se sanbandh sudhrenge. naukri men padonnati v vetan vriddhi ki prapti hogi. sarkar samaj se samman ki prapti hogi. yash-kirti failegi aur tula lagn ke jatak pratishthit ho jayenge. tula lagn men gochriya shani aur vibhinn bhavon par uski purn drishtiyan: kark lagna-svasthya v ajivika men badha: kark rashi valon ko tula ke shani ki chaturth dhaiya kasht dayak nahin hogi, balki manovanchit abhilashaon ki purti men sahayak hogi yah bat hamne purva men kahi thi. kintu ab ham bat karte hain kark lagn ki. kark lagn men shani ko saptam v ashtam bhavon ka adhipatya prapt hota hai, vahan saptamesh hone se vah prabal marak hota hai. kark lagn men shani ki mul trikon rashi (kunbh) ashtam bhav men parti hai. is karan kark lagn men shani sarvadhik papi ho jata hai, parinamtah vah ashubh fal deta hai tatha bhagya ka vyay karta hai. pratyek grah apni uchcharashi men pahunchakar balvan ho jata hai, kintu shatru ka balvan hona apne lie achcha nahin hota hai. is prakar shani ka uchch rashi (tula) men gochar kark lagn ke jatkon ke lie shubh nahin kaha ja sakta hai. tula rashi men gochriya shani kark lagn ki janmakundli ke sukh bhav (chaturth sthan) men rahega. yahan se uski drishti sharir bhav v rog-shatru bhav par paregi. jiske karan kark lagn valon ko sharirik rog v shatru pareshan karenge. mansik chintaen barhengi, shani ki saptam drishti ajivika sthan par paregi, jisse kark lagn vale jatkon ki ajivika prabhavit hogi. uske karyakshetra se sanbandhit vibhinn prakar ki samasyaen aur badhaen utpann hongi.
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.