शनि कर्मो का फल देते हैं

shani karmo ka fal dete hain  

Ank ke aur Lekh | Sambandhit Lekh | Views : 10468 |  
‘‘shani karmon ka fal deta hai’’ maharshi dae. bharat bharadvaj vaiduryakrantirmlah prajananvanatsi kusum varn vibhashch shartah. anyapi varn yuvagachchati tatsavarna bhasuryatmajah anyatiti muni pravadah. ‘‘acharya varah mihir’’ bhavarth - shani grah vaidurya ratn athva banful ya alsi ke ful jaise nirmal rang se jab prakashit hota hai to us samay praja ke lie shubh fal deta hai. yah anya varnon ko prakash deta ho to uchch varnon ke logon ka nash karta hai. shani grah ke bare men puranon men bahut kuch kaha gaya hai shani surya putra hain. lekin pitri shatru bhi hai. iske bare men anek bhrantiyan hain. isilie ise marak ashubh aur duahkh dene vala mana jata hai pashchatya ise ‘‘ivil fet briganr’’ arthat duahkh data mante hain. prachinkal ki kathanusar shanidev surya ke putra hain. surya ki do patniyan thin surya ki pahli patni surya dev ka tej sahan nahin kar pati thi kyonki surya ke pas jo bhi jata vah bhasm ho jata tha islie surya ki patni man hi man men vyakul rahne lagi. ek roj vichar aya ki kuch aisa ki main surya dev ki adrdhangini bhi bani rahanu aur surya dev bhi khush rahen. tab isne apni chaya ko samjhaya ki aj se tum surya dev ki patni ke rup men raho aur main yahan se kahin or chali jati hun. tab se chaya surya ki patni ke rup men surya ke sath rahne lagi. yah bat surya ko bilkul bhi malum nahin pari aur samay apni gati ke anusar gatiman raha. iske bad shani ka janm hua aur iske bad yamunaji ka janm hua. shanidev maharshi kashyap ke vanshaj hain. atah inka gotra kashyap hai. inki jati kshatriya hai. inka rang shyam (kala) hai. giddh pakshi evan bhainsa inke pramukh vahan hain. pakshi giddh apni tivra drishti, sharirik bal, unchi uran mansahari aur tamsik prakriti ke lie prasiddh hai. pauranik granthon men shani ke pramukh nam yamagaj, raviputra suryaputra, dayatayaj, akaisuvan, asit sauki, nilkay, krur kushang, kapilaksh aur pangu prasiddh hai. mata ke chal ke karan pita surya ne shap diya ke shani tu krurtapurn drishti vala mandgami grah ho ja. padm puran ke anusar raja dasharath shani ke prakop se apne rajya ko ghor kashton se bachane hetu usse mukabla karne pahunch gaye. shani raja dasharath ki praja ke lie kiya purusharth dekh prasann ho gaye aur dasharath ko vardan mangne ko kaha. dasharath ne vidhivat shani ki stuti kar unhen prasann kiya. dasharath rachit shani strot jagaprasiddh hai. shrichmnlal bharadvaj amritasar panjab valon ka dasharath rachit shani strot adbhut shubh fal dene vala hai. brahmavaivart puran men shani ne man parvati ko bataya ki main sau, janmon tak jatak ki karni ka fal deta hun. parmatma ne shani ko tinon logon ka param nyayadhish banaya hai. shani hamare achche-bure karmon ka fal deta hai. yahi karan hai. ki nyayalyon men iski pradhanta hai arthat nyayadhish ka kot kala hota hai. vakilon ka kot bhi kala hota hai. kala rang shani ka hai aur kale rang ki visheshta hai ki is par dusra rang nahin charhta. shani ki bari sukshm divya drishti hai. jisne jo karm kiya hai uska yathavat bhugtan karte hain. dakshin bharat men adhikatar murtiyon men shani dev ki savari kaua hai. shani ji ki murti ke agl-bagal men kaua jarur hota hai. kauon ki savari vale shani tamilnadu (madras) men adhik hain. kauon men kuch visheshtaen hain. jiske karan shanidev ki kripa prapt hui. jab kabhi ham kauon ko roti dalte hain to kavva kanv-kanv chillakar apne anek sathiyon ko bula leta hai. fir mil bantakar khata hai. kavva ‘‘vasudhaiv kutumbakama’’ ki bhavna rakhta hai. isilie shanidev ne vardan diya ki shraddhapaksh men tumhara man barhega log pitron ki shanti hetu tumhen bula-bula kar bhojan karayenge. atah shani purva janm ke punya-pap ka fal bhi kauon ke bhojan dvara manushya ko dete hain pushkar raj men pind dan ke samay chahe andhi aye, varsha aye kavva kahin n kahin se apna pind (peda) khane a jata hai. yah hamara pratyaksh dekha hua hai. dilli men dudhiya bhairav par bhi kauon ko dudh arpan kiya jata hai. jis prakar sunar sone ko agni men tapakar pighla kar usmen se khot nikal shuddh karta hai. usi prakar shani bhi jatak ke duahkhon aur kashton ko agni men jalakar usmen se abhiman aur aham ko nikalta hai. shani ka karyakshetra bhumi, bhumikarm, bhusvami, kheti-bari, bhugarbhiya padarth, majdur varg, khan v khanij padarth, vriddh vyakti, prachin sthal, ratri ka karak hai, shani sharir men panv, ghutne sandhi sthan vikar, pet majja, durbalata chot-moch, pakshaghat, ganjapan, kesh nyunta unmad, langrapan ko darshata hai shani apni anisht dhaiya, sarhesati, shani vishoÿar evan pratyantardasha men achche-bure karmon ke anusar fal deta hai. jyotish shastra ke anusar ashtam shani akal mrityu ka karak hai, putra janm ke samay ravan ne apne putra ki janmakundli dekhi to shani ki dvadash bhav men sthiti ke karan ravan ko bara krodh aya usne shani ko ulta latka diya aur shani ki danyi tang ko pakarakar jor ki patkni di tabhi se shani lagra ho gaya. uski chal dhimi ho gai usi din se uska nam shanai-char arthat shanaishchar para. shani hamesha ashubh fal nahin deta. vah jivan men shubh labh, videsh yatra, jamin jaydad, sthirta, adhyatmik pragti bhi deta hai. yadi kundli men shani surya kahin bhi ikatthe baithe hon, to us jatak ki pita se nahin banti. yadi jatak pita vala karobar karta hai to nuksan uthana parta hai. us jatak ke parivar men kabar bahut hota hai. jaise kharab rediyo, telivijan, myujikal sistam, bachchon ke khilaune ghar men negetiv urja hoti hai. jatak ke ghar men divaron men silan v dararen avashya hogi. chaithe ghar men shani hone par beti ka talak ho jata hai ya anya karan se beti bap ke ghar men rahti hai. shani yadi barhven bhav men to vyakti janm sthan se dur tarakki karta hai ya videsh men bas jata hai ya videsh men naukri karta hai. shani ki drishti brihaspati par ho ya donon ikatthe baithe hon, to vyakti bahut achcha salahkar hota hai. chathe ghar men shani vyakti ko shatru hanta banata hai. lal kitab anusar dasham shani vyakti ko tantra-mantra ka gyata hota hai. yadi janm patrika men shani 12ven sthan men ho, chandra chathe men aur surya 8ven ho, to vish yog banta hai. vishyog men janma balak apne sage sanbandhiyon, mitron, bhai-bahin dvara vishvasghat prapt karta hai. jatak ko bimari men dava nahin lagti hai. yadi apreshan hua to ghav der se bharta hai, karj bhi kam nahin hota. shani ki sarhesati, dhaiya, dasha ke chamatkarik upay: kale ghore ki nal ya nav (kishti) ki kil ka challa banvakar. hath ki madhyama anguli men shanivar ko suryast ke samay pahnane. pahnne se pahle challe ko ek lohe ki katori men kala til v sarson ka tel dalakar usmen dubo den. shukravar ki sham ko duboye v shanivar ki sham ko anguthi nikalakar pahnen. vah til v tel pipal ke per par dalen. hanuman ji ki sena ko (bandron) shani v manglvar ko gur chana khilaen, labh hoga. mitti ke bartan men sarson ka tel bharakar pani men talab, nadi ke kinare sham ko daba den. bhairon mandir men sayankal ramm (sharab) charhaen v kshama yachna mange. hanuman chalisa shani upay hetu ramban aushdhi hai. hanuman mandir men jakar hanuman chalisa ka path karne se chamatkarik fal milta hai. shanivar ko 8 lohe ke katore len. unmen sarson ka tel bhar den. kisi park ya sarak ke kinare ak (akda) dekh len. shanivar ko sayankal ak ke per ki jar men in katoron ka tel dalakar katoron ko ulta kar prarthana karen ki mere sab kashton ko dur karo. fir piche murakar n dekhen. yah upay mujhe ek sant dvara prapt hua tha ise chamatkarik fal mile hain. ashvamegh yagya ka fal: shanivar ko ek mukh ka gola len use upar se kat len. katna is prakar se hai ki gole ka dhakkan ban jaye. fir is gole men urad sabut, kale til, safed til, shakkar gur vali v ek chammach gay ka ghi milakar bhar den. fir dhakkan se band kar den aur dhakkan par char mochi kilen laga den. fir kis park ya jangal men makoron ki jagah gadda karke daba den. makoron ko ek mahine ka rashan mil jayega aur ve apko ashirvad denge. yah upay bhi mujhe haridvar yatra men ek sant dvara prapt hua tha. shanivar ko sayankal kokilavan (kosi) men parikrama karke shanidev ke darshan karke bhagvan shrikrishn ke darshan karen, to shani ka shreshth upay hai. shani shignapur maharashtra ke ahamad nagar ka ganv hai, ahamad nagar jile se 30 ki.mi. dur hai. sani baba shirdi se 80 ki. mi. dur hai, yahan darshan karne se bhi shanidev shant hokar ashirvad dete hain is kshetra ki prasaddhi kahavat hai. dev hai devalay nahin. ghar hai dvara nahin vriksh hai. par chaya nahin. anushthan men jap hetu shani ke nimn koi bhi mantra ka jap karvaen. - ..un shan shanaishcharay namah.. - ..un pran prin praun sah shanaishcharay namah.. - ..un shannaudevi rabhishthaya'apo bhavantu pitte. shanruyorbhishravantu nah..
Kya aapko lekh pasand aaya? Subscribe

Kya aapko lekh pasand aaya? Subscribe


shani visheshank  November 2011

shani ka mahatva evan manav jivan men shani ka yogdan tula rashi men shani ka gochar evan iska barah rashiyon par prabhav shani dosh shanti hetu jyotishiya upay

Subscribe

Apne vichar vyakt karein

blog comments powered by Disqus
.