bhumi chayan do. jay prakash sharma (lal dhage sharma) kisi bhi vastu-sammat nirman ke lie sabse pahle avadgayakata hoti hai aise bhukhand ki, jo sab drishtiyon se dosh rahit ho. bhukhand ka chayan karte samay nimnalikhit baton ka dhyan rakhna chahie. bhumi ki akriti bhumi ki dhalan bhumi ke katav v vistar adi bhumi tak pahunchne ke marg vatavaran bhumi parikshan v shubhashubh gyan bhumi disha vichar bhumi ki akriti : grih vastu men makan banane ke lie vargakar, aytakar, vrittakar v gomukhi bhunkhad ko shubh mana gaya hai. aniyamit akar ke v aniyamit konon vale bhukhand ashubh hote hain. bhukhand ke sabhi kon 900 ke hon, to uttam mane jate hain. aytakar bhukhand sarvottam mana gaya hai. vargakar : vargakar bhukhand ki charon bhujaen saman aur charon kon 900 ke hote hain. vastu ke adhikatar ganrathon men ise shubh mana gaya hai. kintu brahmavaivart puran men kaha gaya hai ki ismen rahne vale grihasthon ke dhan ka nash hota hai. aytakar bhukhand : jis bhukhand men amne-samne ki donon bhujaen saman hon aur charon kon 900 ke hon, use aytakar bhukhand kahte hain. iski lanbai v chaurai men 1:2 se kam ka anupat hona chahie. arthat lanbai chaurai se duguni se kam rahe. chaurai se duguni ya usse adhik lanbai vala bhukhand grihasvami ke lie vinashkarak hota hai. vrittakar bhukhand : vrittakar bhukhand men nirman bhi vrittakar hi hona chahie. is tarah ke bhukhand men vargakar ya aytakar nirman ashubh hota hai. aise bhukhand bahut kam dekhne men ate hain. (matantar se kuch vidvan ise ashubh mante hain.) gomukhi plat : jo bhukhand gay ke mukh ke akar ka ho use gomukhi bhukhand kahte hain. aise bhukhand age se tang v piche se bare hote hain. inhen grih vastu ke lie shubh mana gaya hai. (matantar se aise bhukhand pashchimmukhi v dakhinmukhi hone par hi shubh hote hain, purvamukhi v uttaramukhi hone par ishan kon kata hua mana jaega jo ashubh hota hai.) trikon bhukhand : grih vastu men ise ashubh mana gaya hai. aise bhukhand men rahne se vyakti ko rajabhay hota hai. uske viruddh mukdmebaji ho sakti hai v use mansik kashton ka bhay rahta hai. andakar bhukhand : andakar bhukhand grih vastu men tanavkarak v hanikarak mane gae hain. aise bhukhand dharmik vastu, mandir adi ke nirman hetu kam men lae ja sakte hain. sinhmukhi bhunkhad : sinhmukhi bhukhand sher ke munh ki tarah age se khule v piche se tang hote hain. ye bhukhand grih vastu men ashubh mane gae hain lekin vyavsayik vastu nirman hetu shubh hote hain. arddhavrittakar bhukhand : aise bhukhand daridratakarak, bhaykarak v ashubh hote hain. dholnuma bhukhand : dholnuma bhukhand ashubh mane gae hain. ye bhukhand strinashak v vidhurta ka kasht dene vale hote hain. damru ke akar ka bhukhand : damru ke akar ke bhukhand ankhon ke lie kashtakari v nuksandayak hote hain. chadi ke akar ka bhukhand : chari ki tarah lanbe v kam chaure bhukhand vyakti ko dubla-patla v kamjor banate hain. sath hi uske pashu dhan ki hani hoti hai. pankhakar bhukhand : hath se jhalne vale pankhe ke akar ka bhukhand dhan-sanpatti ka nashak hota hai. yah vayakti ko dhire-dhire garib bana deta hai. dhanushakar bhukhand : dhanush ke akar ka bhukhand us par vas karne vale vyakti ko murkh banata hai. use papi putra ki prapti hoti hai v chori ka bhay laga rahta hai. kunbhakar bhukhand : ghare ke akar ke bhukhand par rahne vale vyakti ko kushth ka rog hone ki sanbhavna rahti hai. panchkoni bhukhand : aise bhukhand vyakti ke lie klesh karak v grih svami ke lie matri yaku arak hate e h.ain shatkoniya bhukhand : aise bhukhand vyakti ke lie sukh v samriddhikarak mane gae hain. saptakoniya bhukhand : sat konon vala bhukhand sarvada ashubh faldayak hota hai. vishmbahu bhukhand : asman akar vali bhujaon aur asman konon vale vishmbahu bhukhand shokkarak, rogkarak v dhannashak hote hain. bhumi ki dhalan bhumi ki dhalan vastu men bahut mahatva rakhti hai. yadi yah shubh disha men n ho, to makan banate samay ise shubh disha men kar lena chahie. dhalan purva, uttar aur ishan men shubh aur anya sabhi dishaon men ashubh kashtakari mani gai hai. vastu shastra men 26 prakar ke bhukhandon ka ullekh ata hai. unmen se kuch mukhay bhukhandon ka vivaran yahan prastut hai. govithi bhukhand : jo bhukhand pashchim se uncha v purva se nicha ho vah govithi kahlata hai. aise bhukhand par vas karne se vansh ki vriddhi hoti hai. ganvithi bhukhand : jo bhukhand dakshin se uncha v uttar se nicha ho, use ganvithi bhukhand kahte hain. aise bhukhand par vas karne se vyakti nirog rahta hai. dhanvithi bhukhand : jo bhukhand naitya se uncha v irsh aan kane a s e nicha ho use dhanvithi bhukhand kahte hain. yah dhan dene vala labhdayak bhukhand hota hai. gajprishth bhukhand : jo bhukhand dakshin-pashchim v vayavya se uncha aur ishan se nicha ho use gajprishth bhukhand kahte hain. hathi ki pith ke akar ka yah bhukhand labhdayak v svasthya ki drishti se uttam hota hai. kurmaprishth bhukhand : jo bhukhand madhya men uncha v anya sabhi dishaon men nicha ho, vah kurmaprishth bhukhand kahlata hai. kachue ki pith ke akar ke is bhukhand par vas karne se dhan-dhanya, sukh v utsah ki vriddhi hoti hai. jalivithi bhukhand : jo bhukhand purva se uncha v pashchim se nicha ho, use jalvithi bhukhand kahte hain. yah bhukhand ashubh hota hai aur is par vas karne se vansh ka nash hota hai. yamvithi bhukhand : jo bhukhand uttar se uncha v dakshin se nicha ho, yamvithi bhukhand kahlata hai. aisi bhumi par vas karne se vyakti rogagrast hota hai. bhutvithi bhukhand : jo bhukhand ishan se uncha v naitya se nicha ho, use bhutvithi bhukhand kahte hain. aisi bhumi par vas karne se bhut-pret badha v kashton ki prapti hoti hai. vaishvanar vithi bhukhand : jo bhukhand vayavya se uncha v agney se nicha ho, vaishvanar vithi bhukhand kahlata hai. is par vas karne vala vyakti agni bhay se grast hota hai. svamukh vastu : jo bhukhand agney, ishan v vayavya se uncha, vayavya v agney se nicha aur nairitya se nicha ho, svamukh bhukhand kahlta hai. is bhukhand par vas karne vale rogagrast rahte hain aur unke dhan ka nash hota hai. shandul vastu jo bhukhand ishan se uncha, vayavya v agney se nicha ho, shandul vastu kahlata hai. yah bhumi kleshkarak hoti hai. shvamukh vastu : jo bhukhand agney v ishan se uncha v pashchim se nicha ho, shvamukh vastu kahlata hai. aisi bhumi par vas karne se sukh, shanti v dhan ka nash hota hai. nagprishth vastu : jo bhukhand brahmasthan se nicha v sabhi dishaon se uncha ho, nagprishth vastu kahlata hai. aisi bhumi par vas karne vale ki putri ko kasht, parivar men rogon ki vriddhi, shatruon se bhay adi ki sanbhavna rahti hai. bhumi ke kon v katav : bhumi ke sabhi konon ka 900 hona ati shubh hota hai. bhumi ka vistar purva, uttar, v ishan men shubh aur baki dishaon men ashubh faldayak hota hai. iska katav nuksandayak hota hai. bhukhand (n) men agney kon men katav hai arthat shukra grah pirit hai. aise bhukhand men vas karne se vyakti ke patni ke sath sanbandhon men tanav, larai, jhagre, arthik vipannata adi kasht ho sakte hain. bhukhand (i) men vayavya kon men katav hai. is katav ke karan chandra grah pirit hota hai. aise bhukhand men vas karne vale ko mansik ashanti, anidra, sardi-jukam adi ki sanbhavna rahti hai. vahin, uske mitron v sahaykon ki sankhya men kami ho sakti hai. bhukhand (ba) men naitya kon men katav hai. naitya men katav hone se rahu grah pirit hota hai. aise bhukhand par vas karne se sthirta ki kami, bhut-pret badha, jadu-tona, ahankar v rog adi ki sanbhavna rahti hai. bhukhand (ka) men ishan kon men katav hai. is kon men katav hone se guru grah pirit hota hai. aise bhukhand par vas karne se dhan hani, putra hani, duahkh, gathiya rog adi ki sanbhavna rahti hai. vyakti ka puja-path men man nahin lagta hai. bhukhand (ma) men katav purva men hai. purva men katav hone se surya grah pirit hota hai. aise bhukhand par vas karne se vyakti ko sarkar se pareshani, sarkari naukri men pareshani, siradard, netra rog v asthi rog adi kasht ho sakte hain. bhukhand ()i men katav uttar ki or hai. uttar men katav hone se budh grah pirit hota hai. aise bhukhand par vas karne se dhan aur vidya sanbandhi pareshani, mati bhram v smriti lop adi ho sakte hain. bhukhand (ha) men katav pashchim ki or hai. pashchim men katav hone se shani grah pirit hota hai. aise bhukhand men vas karne se vyakti ko naukron se pareshani, vayu vikar, lakva, rirh ki haddi men taklif, pairon men kasht adi ho sakat hain. bhukhand (i) men katav dakshin ki or hai. dakshin men katav hone se mangal grah pirit hota hai. aise bhukhand par vas karne se vyakti ka apne bhaiyon se sanbandh thik nahin rahta. vah atyadhik krodhi hota hai. use rakt vikar, uchch rakt chap v bavasir adi kasht ho sakte hain. bhumi ka vistar kisi bhukhand ke sath vala bhukhand lene ki sthiti men vyakti ko apni bhumi ka vistar purva disha men karna chahie jaisa ki bhukhand (n) men dikhaya gaya hai. use man-samman v sukh-samriddhi prapt hogi. bhukhand (i) ka vistar uttar disha men kiya gaya hai, jo shubh hai. vyakti ke dhan ki vriddhi hogi. mitron v sahaykon se labh v samman prapt hoga. bhukhand (ba) men vistar ishan ki or kiya ja sakta hai, jo shubh rahega. vyakti ko dhan, putra v svasthya ka labh hoga. in dishaon ke atirikt kisi bhi disha   men bhumi ka vistar ashubh faldayak hota hai. bhumi tak pahunchne ke marg bhukhand ke purva aur uttar dishaon men marg hona shubh mana gaya hai. bhukhand ke charon or marg hona bhi atyant shubh kaha gaya hai. isse mukhay dvar shubh padon men kisi bhi disha men banaya ja sakta hai. bhukhand ke uttar aur purva men marg hone se in dishaon se ane vali shubh urja ki vriddhi hoti hai. am taur par marg bhukhand se niche hi hote hain, jis karan uttar aur purva ke bhag shubh ho jate hain. yadi yahi marg dakshin v pashchim ki or honge to ashubh ho jaenge, kyonki pashchim aur dakshin disha nichi v halki ho jaegi. aspas ka vatavaran bhukhand ke dakshin ya pashchim men unche bhavan, pahar, tile v per shubh mane jate hain. bhukhand se uttar ya purva ki or koi nadi ya nahar ho aur uska pravah uttar ya purva ki or ho, to shubh mana jata hai. bhukhand ke uttar, purva ya ishan men bhumigat jal srot, kuan, talab, bavri adi shubh mane jate hain. bhukhand do bare bhukhandon ke bich nahin hona chahie. bhukhand-2 ke donon taraf bare bhukhand hain, islie yah bhukhand ashubh mana jaega. aise bhukhand par vas karne vala vyakti hin bhavna se grast rahega aur svayan ko dusron se daba hua mahsus karega. vastu shodh avasiya bhukhand ke samne koi mandir, gaddha, khanbha, shmashan ghat, tuta-futa makan, bhatti adi nahin hone chahie. aise bhukhand par vas karne se vyakti kai musibton se ghir jata hai. yadi ghar par mandir ki parchain par rahi ho, to grihasvami ko kasht bhogne parte hain. khanbha ho to striyon men dosh, dasatva v durbhagya ki vriddhi hoti hai. makan tuta-futa ho, to shok v dhan hani hoti hai. shmashan ghat ho to rog, bhut, pret bhay v pishachon se bhay hota hai. bhatti ho, to putra ka nash hota hai. bhukhand ke upar se bijli ke hai voltej vale taron ka gujrna ashubh mana jata hai. band gali ka akhiri makan nahin kharidna chahie. bhukhand (n) ashubh hota hai. aisa bhukhand nakaratmak urja ka bhandar mana gaya hai. chitra (i) v (ba) men dikhae gae bhukhand madhya faldayi hote hain. bhukhand ke aspas ka vatavaran khushnuma hona chahie. bhumi parikshan v shubhashubh gyanam safed rang ki sugandhit mitti vali bhumi brahmanon ke vas ke lie shreshth mani gai hai. lal rang ki kasaile svad vali bhumi kshatriya, rajneta, sena v pulis ke adhikariyon ke lie shubh mani jati hai. hare ya pile rang ki khatte svad vali bhumi achchi nahin mani jati. yah bhumi shudron ke yogya hoti hai. madhur, samatal, sugandhit v thos bhumi bhavan banane ke lie upyukt hoti hai. khudai men chinti, dimak, ajagar, sanp, haddi, kapre, rakh, kauri, jali lakri ya loha milna shubh nahin mana jata. bhumi ki dhalan uttar aur purva ki or shubh hoti hai. bhumi par hare-bhare vriksh, paudhe v ghas adi hon to yah jivit mani jati hai. ubr-,khabar v kantedar jhariyon vali bhumi mrit mani jati hai. bhumi parikshan ke lie bhukhand ke madhya derh fut lanba derh fut chaura aur derh fut gahra gaddha khoden. fir us sari mitti ko punah gaddhe men bhar den. yadi mitti faltu bach jae to shubh kintu yadi kam par jae to ashubh samjhen. is vidhi se mitti ke ghanatva ki pariksha ki jati hai taki vahan hone vala nirman sthayi ho v prakritik apdaon jaise bhukanp adi se raksha ho sake. retili v poli mitti par kiya gaya nirman sthayi nahin hota. bhumi parikshan ke lie upyukt vidhi se gaddha khodakar usmen pani bhar den aur sau kadam chal kar vapas a jaen. lautne par yadi gaddhe men lagabhag utna hi pani ho, to bhumi shreshth, yadi adha rah jae to madhyam aur yadi adhe se kam ho, to ashubh samjhen. bhumi parikshan ki ek anya vidhi ke anusar upyukt prakar se gaddha khodakar use lip-potakar shuddh kar len. fir ek chaumukhi dip men ghi bharakar uske charon mukhon men char battiyan jala den aur use gaddhe men rakh den. yadi purva ki batti adhik samay tak jale, to bhumi ko brahmanon ke lie shubh, yadi uttar ki batti adhik samay tak jale, to kshatriya ke lie, pashchim ki batti adhik samay tak jale, to vaishyon ke lie aur dakshin ki batti adhik samay tak jale to shudra ke lie shubh samjhna chahie. bhumi disha vichar bhukhand ki dishaon ka nirdharan karne ke lie bhukhand ke brahm sthan ke bichobich khare hokar kanpas se dishaen dekhen. yadi bhukhand ki bhujaen mukhay dishaon ke samanantar ha to shubh hota hai. arthat ishan adi kon konon men hi a rahe hon. dishaon ke samanantar bhukhand hone se prithvi ko prabhavit karne vali chunbkiya tarangen bhukhand ke bichobich pravahit hongi jo naisargik santulan banate hae bhukhand ko bal pradan karengi. vidisha bhukhand yadi bhukhand ki bhujaen mukhay dishaon ke samanantar nahin hongi, to ishan adi kon konon men nahi aenge aur bhukhand se niklne vali chunbakay tarangen santulan nahin bana paengi jisse shubh falon men kami aegi. aisa bhukhand vidisha bhukhand kahlata hai. ise dikdosh bhi kahte hain. vithi shul bhukhand ke samip se niklne vale marg yadi bhukhand par ek tir ki tarah chubhte hon, to vah vithi shul kahlata hai. ise ashubh mana gaya hai.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha mukti visheshank  February 2010

is visheshank men jyotish men vidya prapti v uchch shiksha ke yog, vidya prapti men badha, gyan pradayini tara mahavidya sadhna, vidya v gyan prapti ke jyotishiya upay ityadi vishyon ka samavesh kiya gaya hai. is visheshank men vikrami sanvat? 2067 jyotish ke aine men lekh ke antargat bharat ke samajik, arthik v samajik bhavishya par charcha ki gai hai. sanpadkiya lekh men shri arun kumar bansal ji ne vidyarthiyon ke lie vidya badha mukti ke kuch saral v satik upay prastut kie hain.

Subscribe

Apne vichar vyakt karein

blog comments powered by Disqus
.