चंद्राष्टकवर्ग से सटीक फलकथन

chandrashtakavarg se satik falkthn  

Ank ke aur Lekh | Sambandhit Lekh | Views : 4074 |  
bhartiya jyotish men falakathan hetu ashtakavarg vidya ki achukta v satikta ka pratishat sabse adhik hai. ashtakavarg vidya men lagn aur sat grahon (surya, chandra, mangal, budh, guru, shukra aur shani) ko ganna men sammilit kiya jata hai. chandra grah dvara vibhinn bhavon v rashiyon ko die gae shubh bindu tatha chandra ka shodhyapind - ye chandrashtakavarg se kie gae falakathan ka adhar hote hain. (chandrashtakavarg jaise anek varg v shodhyapind ki ganna kanpyutar men liyo gold jyotishiya saeftaveyar ki madad se asani se ki ja sakti hai. ashtakavarg vidya men niyam hai ki koi bhi grah chahe vah svarashi ya uchch ka hi kyon n ho, tabhi achcha fal de sakta hai jab vah apne ashtakavarg men 5 ya adhik binduon ke sath ho kyonki tab vah grah bali mana jata lai. atah yadi chandra grah chandrashtakavarg men 5 ya isse adhik binduon ke sath hai tatha sarvashtak varg men bhi 28 ya adhik binduon ke sath hai to chandra se sanbandhit bhavon ke shubh fal prapt hote hain. yadi sarvashtakavarg men 28 se adhik bindu v chandrashtakavarg men 4 se bhi kam bindu hain to fal sam ata hai. yadi donon hi vargon men kam bindu hain to grah ke ashubh fal prapt hote hain. karakatva ke anusar chandrama se man, svabhav, shakti, matri sukh, dhan adi ka vichar kiya jata hai. chandrashtakavarga: yadi kundliyon men chandrashtakavarg ka upyog kar falakathan hetu nimn siddhanton ya niyamon ko apnaya jaye to adhik satik parinam samne ate hain. udaharan ke lie: 1. chandra se chaithe bhav se mata, bhavan aur gram ka chintan kiya jata hai. atah chandra ke ashtakavarg men chandra se chaithi rashi men jitne bindu hon unko chandra ke shodhya pind se guna karke 27 ka bhagafal den, fir jo shesh ae us nakshatra ki sankhya men ya usse trikon ki sankhya men jab shani gocharavash ae to mata ka anisht hone ki sanbhavna rahti hai. chandra se chaithe bhav men bindu = 4 chandra ka shodhya pind = 162 islie 4ga162 = 648/27= sheshafal 0 ya 27 27van nakshatra hai revti. uske trikon nakshatra hain ashlesha v jyeshtha. jab jatak ki man ki mrityu 5 julai 2006 ko hui to shani ka gochar ashlesha nakshatra par se kark rashi se tha jo ki jatak ki man ke lie anishtakari siddh hua. 2. chandra ke ashtakavarg men chandra se chaithi rashi men jitne bindu hon unko chandra ke shodhya pind se guna karke 12 se bhag dene par jo shesh ae us tulya meshadi rashi men ya trikon rashi men shani ke ane par matri kasht kahna chahie. udahrn: ashvini kapur 31 julai 1960, 06.30, dilli pichli udaharan kundli ko dekhen to pate hain ki chandra se chathe bhav men bindu = 4 chandra ka shodhya pind = 162 islie 4ga162 = 648/12= sheshafal 12 12vin rashi hai min. uski trikon rashiyan hen vrishchik v kark. jab jatak ki man ki mrityu 5 julai 2006 ko hui to shani ka gochar kark rashi se hi tha jo ki jatak ki man ke lie anishtakari siddh hua. 3. chandra ke ashtakavarg men shodhan se purva guru se satven bhav men prapt binduon ko chandra ke shodhyapind se guna karen aur gananafal ko 27 se bhag den aur shesh tulya nakshatra ya iske trikon nakshatra men athva janm ke guru nakshatra se sheshafal tulya nakshatra ya iske trikon nakshatra men jab bhi guru ka gochar hoga to man ke lie janleva ho sakta hai. udahrn: aruna, 25 march 1969, 12.25, dilli shodhya pind surya chandra mangl budh 46 92 99 138 40 55 54 94 86 147 153 232 guru se satven bhav men bindu = 4 chandra ka shodhya pind = 147 islie 4ga147 = 588/27= sheshafal 21 21van nakshatra hai u.sha. uske trikon nakshatra hain kritika v u.fa. jab jatak ki man ki mrityu 7 farvri 2001 ko hui to guru ka gochar krittika nakshatra par se tha jo ki jatak ki man ke lie anishtakari bana. 4. chandra ke ashtakavarg men surya se satven bhav men prapt binduon ko chandra ke shodhyapind se guna karen aur gunanafal ko 27 ka bhag den aur sheshafal tulya nakshatra ya trikon men jab bhi surya ka gochar hoga to man ke lie janleva ho sakta hai. udahrn: madhvrav sindhiya, 09.03.1945, 24.00, gvaliyar shodhya pind surya chandra mangl rashi pind 116 91 39 grah pind 56 50 21 shodhya pind 172 141 60 chandra ke ashtakavarg men surya se satven bhav men bindu = 5 chandra ka shodhya pind = 141 islie 5ga141 = 705/27= sheshafal 3 tisra nakshatra hai krittika. uske trikon nakshatra hain u.fa. v u.sha.. jab jatak ki man ki mrityu 25 janvri 2001 ko hui to surya ka gochar shravan nakshatra par se tha aur u.sha. ko abhi par hi kiya tha. yah gochar jatak ki man ke lie anishtakari hua. 5. chandra ke ashtakavarg men guru/surya se satven bhav men prapt binduon ko chandra ke shodhyapind se guna karen aur gunanafal ko 12 ka bhag den aur sheshafal tulya rashi men jab bhi guru/surya ka gochar hoga to pita ke lie janleva ho sakta hai. udahrn: amitabh bachchan, 11.10.1942, 16.00, ilahabad shodhya pind surya chandra mangl budh rashi pind 112 110 84 135 grah pind 30 40 25 40 shodhya pind 142 150 109 175 surya se satven bhav men bindu = 5 chandra ka shodhya pind = 1150 islie 5ga150 = 750/12= sheshafal 6 6. yadi chandra adhik binduon ke sath ho to jatak ko kavi, lekhak, kalakar ya sangitkar banata hai jaise ki bharat ki prasiddh gayika lata mangeshakar (28.09.1929, 23.00, munbai) ki kundli men chandra 5 binduon ke sath apni hi rashi men tisre ghar yani kala, yogyata aur sunhri avaj ke ghar, men baitha hai. iske sath hi kala se jura grah shukra bhi shukrashtakavarg men kendra yani chaithe ghar men 6 binduon ke sath hai jo ki shubh hai. iske atirikt vani bhav yani dvitiya bhav ka svami budh grah bhi uchch ka hokar trikon men baitha hai. inhin karnon se lata ji avaj men itna jadu hai. 7. yadi chandra apne ashtakavarg men 5 se 8 binduon ke sath ho to sarvajnik prasiddhi, dhan, uchch pratishtha deta hai jaise ki svami vivekanand ki kundli men chandra 10ven bhav men 5 binduon ke sath baitha hai jisse unhen kafi prasiddhi mili. 8. shubh samay ya muhurt ka gyan: jab chandra gocharavash apne ashtakavarg men sarvadhik bindu vali rashi par sanchar kar raha ho to sabhi shubh v mangal karya kie ja sakte hain. yadi chandra ke ashtakavarg men jis rashi men koi bindu n ho arthat vahan par shunya ho to us rashi ke nakshatron men jab jab chandra ae to un dinon men vivahadi shubh kritya nahin hone chahie. 9. melapak gyan: yadi var ki kundli ke chandrashtakavarg men jis rashi ko sarvadhik shubh bindu prapt hon, us chandra rashi ya lagn ki kanya ka chayan us var ke lie karna chahie. 10. agar kisi vyakti ke lagn ya chandra rashi men chandra ke ashtakavarg men sabse kam bindu hain to us vyakti se dur hi rahna chahie. is vishay men jatkadesh marg men bhi kaha gaya hai ki bindu rahit rashi men jiske surya v chandra apne apne ashtakavarg men hon to aise vyakti ke sath rahna tatha uska pratahdarshan bhi musibat ko bulava dena hai. 11. chandrashtakavarg men lagn se chandra tak jitne bindu hon, unke yogafal ke barabar ayu varsh men dhan v putradi ki prapti hoti hai. chandra rashi se lagn tak binduon ke yog ke saman ayu varshon men dhanadi ka labh hota hai. in donon yogon ke yog tulya varshon men bhi dhan v putra labh hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2009

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.