आत्मोन्नति के लिए वर्ष भर करें सूर्य व्रत

atmonnati ke lie varsh bhar karen surya vrat  

Ank ke aur Lekh | Sambandhit Lekh | Views : 2873 |  
atmonnati ke lie varsh bhar karen surya vrat dae. manmohan sharma sarya ki aradhna bharat men hi nahin, balki meksiko, yunan, iran tatha samast dakshin purva eshiya men ki jati rahi hai. surya dharmik tatha vaigyanik donon drishtiyon se is charachar jagat ka adhar hai. rigved men surya ko samast sthavar aur jangam jagat ki atma mana gaya hai. chandogya upnishad men ‘adityo brahm ityadesh’ tatha valmiki ramayan men ‘eshah brahma ch vishnu ch shivah skandh prajapti’ kahakar surya ke mahatva ko darshaya gaya hai. vibhinn puranon tatha anya dharm granthon men surya bhagvan ko prasann karne ke vibhinn vraton evan vidhiyane ka ullekh hai. yahan vibhinn mason men vibhinn vraton ke mahatva evan sankshipt vidhiyon ka vivaran prastut hai. chaitra: chaitra shukla saptami ko ghar ke ekant sthan par safai karke shuddhata ke sath vedi par ashtadal kamal banaen. purva se pratyek disha men kramshah do gandharvon, do rituon, do apsaraon, do rakshas, do mahanag, do yatudhan aur do rishiyon tatha ishan men surya evan navagrah ka alg-alag panchopchar pujan karen. surya ke kisi bhi mantra se 108 ahutiyon ka havan karen. anya devon ke lie 8-8 ahutiyan den. ek brahman ko bhojan karaen. iske bad varshaparyant shukla paksh ki har saptami ko vrat karte rahen, sabhi ichchaen purn hongi tatha surya lok ki prapti hogi. vaishakh: is mas shukla paksh ki saptami ko kamal saptami vrat bhi aranbh kiya jata hai. is din svarn kamal evan surya ki pratima banvakar vedi par sthapit karen. kamal pushpon se surya bhagvan ki puja karen. jal ka ghara, ek gay tatha kamal brahman ko dan karen. agle din brahman ko bhojan karaen evan yathashakti dakshina den. jyeshtha: jyeshth shukla saptami ko kaner ke per ko sanpurn snan karaen aur fir gandh, pushp, dhup, dip tatha lal vastra charhaen. per ke nikat gehun rakhakar kele, narangi tatha gur bhi charhaen. surya mantra se puja-prarthana karke pujan samagri brahman ko de den. kathinai ke samay striyon ko yah vrat avashya karna chahie. asharh: is mas shukla saptami ko vedi par rath chakra banakar usmen bhagvan vivasvan ka panchopchar pujan karen. apni ichcha ki purti ke lie surya narayan ki karun bhav se prarthana karen, karya siddh hoga. savn: is mas ki saptami ko hast nakshatra hona shreshth mana gaya hai. is din surya narayan ki unke chitrabhanu rup men puja aur jap, dan tatha havan karen, sari manokamnaen puri hongi aur sare papon se mukti milegi. bhadrapd: is mas vrat saptamiyukt shashthi ko kiya jata hai jiska fal akshay mana gaya hai. is din bhagvan narayan ka chitra bana kar unka panchopchar pujan karen, sabhi ichchaen puri hongi. ashvin: is mas akshar surya hast nakshatra men rahta hai. pratyek varsh 26-27 sitanbar se 10-11 aktubar tak parne vale ravivar ko surya ka vrat, jap, havan aur dan karna shreshth faldayi hota hai. rajnetaon tatha sarkari adhikariyon ko yah vrat, upvas avashya karna chahie. kartik: is mas ki shukla saptami tithi ko surya ke divakar rup ki puja karen. ismen khir ka bhog lagana labhdayak hota hai. brahman ko khir sahit anya bhojan samagri dan karen. margashirsha: surya is mas ‘mitray namah’ ke jap se prasann hote hain. is mas ki shukla dvadshi se dvadshaditya vrat aranbh karen aur fir pratyek mas ki shukla dvadshi ko upvas karen. surya ka shodshopchar pujan karen, sabhi vipattiyan dur hongi. paush: is mas shukla saptami ko vrat karke surya ke dhata rup ki puja karen. ise martand saptami vrat kaha jata hai. yah vrat karne se uttam fal prapt hota hai. magh: is mas shukla panchmi ko ek bar bhojan karen. shashthi ko upvas karke saptami ko kale tilon se ashtadal kamal banaen. uski pattiyon par ishan se purva ki taraf kramshah ¬ bhaskaray namah, ¬ suryay namah, ¬ suryay namah, ¬ yagyaeshay namah, ¬ vasudhamne namah, ¬ chandbhavne namah ¬ krishnay namah, ¬ shri krishnay namah mantron se pujan karen. madar ka pushp charhaen, sari kamnaen purn hongi. falgun: is mas ki shukla saptami ko ¬ khakholkay namah mantra se surya bhagvan ki puja karen. panchopchar pujan ke bad ak ka patta charhaen tatha yathasanbhav dan karen. is prakar, bhagvan surya ka vrat kisi bhi mas ki saptami ko aranbh kar varshaparyant karen, labh hoga. dhyan rahe, surya vrat karte hue namak ka prayog n karen. sirf ek bar mishtann bhojan karen athva satvik ann len. ratri men jal ka prayog n karen. brahmacharya ka palan karen.
Kya aapko lekh pasand aaya? Subscribe

Kya aapko lekh pasand aaya? Subscribe


navavarsh visheshank  January 2009

jyotishiya drishti se 2009 desh aur deshvasiyon ke lie kaisa hoga, bajar ke utar-chadhav jismen sheyar bajar, sona, dalar, varsha adi ka sukshmata se vishleshan kiya gaya hai. iske atirikt is ank men vibhinn rashiyon ke lie rahu-ketu ke fal bhi die gae hai.

Subscribe

Apne vichar vyakt karein

blog comments powered by Disqus
.