फलित ज्योतिष में सूर्य का महत्व

falit jyotish men surya ka mahatva  

Ank ke aur Lekh | Sambandhit Lekh | Views : 4445 |  
falit jyotish men surya ka mahatva acharya kishor falit jyotish men grahon ke karakatva ka nirnay lete samay saurya jagat men uska sthan, gati, sthiti, akar evan prithvi men jiv aur vanaspati ke upar uske prabhav ko dekhna hoga. shastra evan puranon men grahon ke vastavik adhar ko vichar men liya jata hai. saurya jagat men surya kendra men sthit hai uske charon or prithvi ke sath-sath anya grah nirdisht kaksh men bhraman karte hain. surya ek ujjval evan jvalant pind hain uski alaukik shakti dvara jiv evan srishti ki vriddhi hoti hai. surya ke alaukik prabhav ke bina prithvi andhkaramay hai. surya ke alok ke karan megh evan vrishtipat hota hai vrishtipat ki vajah se prithvi par jivan hai. svarg lok men surya ek devta hai. shani unke putra hain.dya falit jyotish men surya ko pitri karak kaha jata hai, kyonki surya samast utpatti ka karan hai. sansarik jivan men satya surya ke adhikar men hai. jaise- parivar men surya karta hai, vyakti vishesh men pita hai. bhaiyon men shreshth bhrata hai. stri men pahli stri hai. parivar men sabse adhik prabhavkari hai. rajya men raja hai. gram men gan-mukhiya, dal men dal ka neta, grahon men sabse pramukh hain. vidya men adhyatmik vidya, dhatuon men parad, pashuon men sinh jaisa, sharir ke angon men mastak, jivon men agni evan tej hai. raja evan uchch pad ya netritva karne vale vyakti men samast gun ka karak surya hai, islie uske jaisa vyakti kisi ki adhinta svikar nahin karta. kisi ke adesh ka palan nahi karta. doshi ko dand deta hai aur nirdosh ko doshmukt. aise log shasan karne men upyukt rahte hain. apne mahatva evan maryada ko sarvashreshth samjhte hain. dusron se apni prashansa sunne men anandit hote hain. apni ninda sunna unke lie ashniya hota hai. jiska surya balvan hai, vah unnati, vriddhi, nirman karne vala hota hai. sath-sath nirdesh dene vala, palan karne vala, dani aur kshama karne vala bhi hota hai. vah sadaiv gaurav, samman, yash ko prathmikta dene vala hota hai. vah ghamandi aur apne adanbar ko dikhate hain. in gunon ke karan surya sarvopri hai. shishukal se purn vyask hone tak sharir men jo parivartan ate hain, unka karan surya hai. angon men mukhay ang hriday ka karak hai. hriday se sharir men rakt ka sanchar hota hai. iske alava surya ankhon ki drishti ka bhi karak hai. visheshakar dahini ankh. surya atma hai aur vah jyortimay hai. surya raja hai, guru mantri, mangal senapti, chandrama rani ka svarup hai. rashi chakra men sinh rashi sabse tejomyi rashi hai. usmen magha nakshatra vidyaman hai. surya ka karakatva sinh rashi men dekhne ko milta hai. islie sinh rashi surya ki apni rashi hai. janmakundli ka vichar karte samay surya ka vichar pahle karna chahie. surya ke bal ke mutabik jivan men shakti hoti hai. jis kundli men surya kamjor rahta hai. vah jatak sharirik rup se kamjor hota hai, islie dusre grah bhi purn fal nahin de pate. kahavat hai- yadi surya param nich sthan tula rashi men 100 tak rahte hain to bahut sare raj yog bhang ho jate hain. surya ki sthiti ke karan anya grahon ka prabhav jatak par kitna hota hai, yah surya ki un grahon se duri se pata chalta hai. dusre grah surya se jitni duri par rahte hain, utna achcha fal dete hai. surya kis rashi men hai. vah uska nich, uchch, svagrahi, mitra ya shatru grahi to nahin yah tathya falit jyotish men mahatvapurn hai. dusre grahon se kaisa sanbandh hai, grah parivartan, drishti sanbandh, yuti ya dusre grahon se anshon ke antar se fal ke bare men pata chalta hai. dekha gaya hai ki naisargik pap ka shubh sanpark bhi bura fal deta hai. kabhi-kabhi naisargik shubh grah ka ashubh sanpark shubh faldayak hota hai. surya kendra men hone se us kundli men uske karakatva ke mutabik apna prabhav dete hain. surya lagn men uski akriti, sharirik gathan, varn rang, rup chal-chalan ko prabhavit karta hai. surya ke lagn ke alava dusre kendra men hone se uske prabhav men antar a jaega. yadi lagn men koi dusra grah hai aur surya chaturth ya dasham men ho to thora-bahut prabhav dene men saksham hoga. chaturth kendra ka surya se dasham bhav ka surya adhik balvan rahega. chaturth sthan se ghar, vahan, mata-pita ke bare men pata chalta hai. saptam bhavasth surya patni, kutunb, videsh yatra karaega. dasham bhavasth surya uchchakankshi banata hai. samaj men uchch asan evan mahatvapurn karyon men saflta dilata hai. agni tatha mesh rashi men surya agni tatva rashi mesh ke lagn men surya hone par jatak ko surya ke gun purn rup se milte hain, kyonki surya svayan agni tatva grah hai aur mesh rashi ka svami mangal bhi agni tatva ka hai. in donon ke sapanrk ke karan jatak ko atyadhik bal milta hai. jatak ghamandi ho jata hai, sahsi ho jata hai. vah krur svabhav ka parantu sanskari aur nyay priya hota hai. yadi surya ka sanbandh vrihaspati se hota hai to jatak sanyam, dayalu, gyani, vishvasi aur apni maryada men rahne vala hota hai. yadi surya ke sath budh ka sanpark hota hai to jatak buddhiman, chanchal pravritti, kushal, kalapriya hota hai. surya ke sath shukra ka sanpark hone par jatak ko sahityak gyan ke sath-sath sansarik sukhon ka yog milta hai. jatak vilasi, bhogi, stri priya, saundarya priya hota hai. surya ke sath shani ka sanpark hone par manushya svarthi, par ninda karne vala, parishrami, mithyavadi aur dukhi hota hai. surya ke sath rahu ki yuti jatak ko alsi, path bhrasht, indriyon par sanyam nahin, darpok aur svabhavik mansik pravritti vala banati hai. usi tarah surya ke sath ketu ki yuti ho to surya ke gunon ka hras hota hai. jatak murkh, asthir, vichitra pravritti, anyayi, aviveki, apne dukhon ke prati udasin, hanikarak evan shaki hota hai. surya chandra ki yuti manushya ko sarlta, komlta nahin deta, kyonki chandrama surya ke karakatva ko barhata hai. manushya men surya ke gun adhik rahte hain. yadi surya aur chandrama paraspar ek dusre par drishti dalte hain to man aur svasthya uttam rahta hai. isi prakar anya grahon ki avastha, sthiti, bal ke adhar par har ek rashi ka fal milta hai. mere anubhav men dekhne ko mila hai ki surya ka mesh rashi men lagn men hona bahut kam jatkon men milta hai, kyonki jin shishu jatkon men laganasth surya mesh rashi ka hota hai usmen kafi kuch hanikarak hota hai yah sthiti bal rog avashya deta hai. balyavastha men surya ke prakop ko sahan karna sahaj nahin hai. kaha jata hai ki ram bhakt hanuman ka mesh sankranti ke din surya uday ke samay janm hua, islie hanuman ji bahut parakrami the. lekin dussahas ke karan unhonne surya ko lal rang ka fal samajh kar surya ko gras banane ki koshish bhi ki falasvarup unhen indra ka prahar bhi jhelna para. tatparya yah hai ki jis kundli men lagnasth surya mesh rashi ka ho balyavastha men un par vipatti jarur ati hai. yadi kisi prakritik shubh grah ya brihaspati ki yuti ya drishti ho tabhi unke prabhav se jatak apne upar sanyam rakh sakta hai. ayukarak grah shani ya brihaspati ki sthiti ka prabhav yadi jatak par parta hai tabhi uska jivan sarthak hota hai. bhutpurva pradhanmantri shri chandrashekhar ji ki kundli ka vishleshan dekhen. unka janm 17.4.1927 ki subah 6.15 varansi men hua tha. is kundli men kai rajyog hain. mesh rashi men surya uchch ka lagn men hai aur mesh rashi visham rashi hai. chandrama tula rashi men, tula rashi bhi visham rashi hai. janm subah surya uday ke samay hua, islie mahabhagya yog mila. surya-chandra mesh lagn ke lie karak hai aur ek dusre ke amne samne hain. chandrama par guru ki drishti bhi hai. purnima ka janm hone se chandrama ko adhik bal mila hai, islie yah bhi rajyog hai. yadi chandra lagn dekhen to chandra se pancham bhav men sthit guru chandra ko dekh rahe hain. janm lagn se dvitiya bhav men svagrahi shukra par shani ki drishti aur chandra lagn se shani chaturth pancham bhav ka svami hone ke karan yogkarak bhi hai. islie shani ki dasha men unke jivan men kafi utar-charhav ae fir bhi lagn se ashtam bhav men shani hone ke karan unhen jel bhi jana para, kyonki indira ji ke shasan kal men apat kal ke dauran shani ki mahadsha men chandrama ki antardasha v mangal ki antardasha men jel jana para, parantu shani-rahu ki dasha jaise hi ai, janta dal ki utpatti hui aur chandrashekhar parti ke sarvesarva bane. tab morarji desai pradhanmantri the. shani-guru ki dasha tak unhen shubh fal milta raha. budh ki mahadsha ate hi unse apni parti ke log bichur gae aur vah dhire-dhire kamjor hote gae. budh ki mahadsha men ek samay aisa bhi aya ki rajiv gandhi ke virodhi dal men unka nam fir se uthne laga. 1990 ke bad rajiv gandhi ke dehant tak kuch mahinon ke lie fir se pradhanmantri bane, parantu rajiv gandhi ka svargavas hone ke bad unhen badnami mili. uske pashchat dhire-dhire akele par gae, fir bhi hamesha loksbha men jitte rahe aur lok sabha men hamesha apna dabav banae rakhte the. yadyapi ve fir se pradhanmantri nahin ban pae, kyonki budh is lagn ke lie tritiya evan shashthesh hokar dvadshesh bhav men nich ka hai, parantu nich bhang nahin ho raha hai. inki navansh kundli balvan thi, islie ijjat bani rahi, kyonki navansh kundli men surya uchch ka vargottam, chandrama vargottam, shani vargottam hai. lagn kundli men rahu-ketu uchch ke hain. parakram bhav men mangal uchch ke rahu ke sath hokar balvan hai aur guru ki drishti men hai. mesh lagn men surya balvan hokar 3011' men ketu ke nakshatra par hai aur ketu bhagya sthan men uchch ka hai, islie jatak ko lagnasth surya ka purn fal mila, kyonki ketu ki drishti bhi surya par hai. param uchch anshon men surya ne jatak ko svatantra vichardhara, uchch akanksha aur dhairya ke sath sahsi banakar mesh rashi ke surya ka prabhav dikhaya hai, parantu dusre grahon ke prabhav ne chandrashekhar ko saral, udar, mel-milap vala aur janta ka priya neta banaya. yadi surya mesh rashi men uchch ka lagn men hai to jatak apni prashansa sunna pasand karta hai is kundli men surya ke donon taraf prakritik shubh grah shukra budh shubhakartari yog banakar surya ko shubh fal dene ko tatpar hain. mesh lagn ke lie surya panchmesh trikon ka svami hokar lagn men chandrama ki drishti men hai aur purn chandra ki drishti surya ko adhik prabhavit karti hai. lagn se dasham bhav ka svami shani ashtam bhav men hokar korta-kachahari karvata hai. isne jatak ko jel bhi bhijvaya, fir bhi gochar men jab shani kark rashi men the, tab dasham bhav par drishti dalakar bharat ka sarvochch pad dilvaya. us samay shani ki mahadsha bhi chal rahi thi. vaise ashtam ke shani ne jivan men bahutere utar-charhav bhi die. shukra ki mahadsha ate hi unka svargavas ho gaya. is prakar jis jatak ka mesh lagn ho aur surya lagn men ho to surya ke prabhav se jatak nimn star se jivan ki unchai tak pahunchta hai. isi tarah sinh aur dhanu lagn bhi agni tatva rashiyan hain. mesh rashi men surya uchch ka hokar lagn men ho to surya ke karan jatak pit prakriti, krodhi, dhamandi, chanchal pravritti ke sath-sath uchch akanksha aur parivartan priya hota hai. surya sinh rashi men lagnasth hone aur svagrihi hone ke karan mesh lagn men surya se kuch alag fal deta hai, kyonki sinh rashi sthir rashi hai. jatak mesh rashi jaisa chanchal n hokar sinh rashi ki gati jaisa ganbhir vuddhi vala hota hai. jatak mesh lagn valon jaisa turant krodhit hokar turant thanda nahin hete apitu man men kai dinon tak krodh rahta hai. har karya ko soch samajh kar karte hain. mesh lagn valon se sinh lagn valon ka svasthya adhik achcha rahta hai. svarthi hote hue bhi beiman nahin hote aur baki grahon ke prabhav ko dekhakar vichar kiya ja sakta hai. bhutpurva pradhanmantri shri rajiv gandhi ka janm sinh lagn men hua tha. unka janm 20-8-1944 ko munbai men 8.17 subah ke samay hua tha. bhutpurva pradhanmantri rajiv gandhi ka janm sinh lagn men hua tha, parantu agni tatva rashi hote hue bhi mesh rashi jaise gun unmen nahin the, kyonki sinh lagn sthir lagn hota hai. lagn men surya, chandra, budh, shukra, guru panch grah hain jinse unhen bhi mahabhagya yog mila . rajiv gandhi shrimti indira gandhi ki dusri santan the, rajiv gandhi ke chote bhai bharat ki bagdor nahin sanbhal pae parantu rajiv gandhi ka bhagya atyadhik balvan tha is karan vah bharat ke pradhanmantri bhi bane aur nam bhi kamaya. lagn men surya, chandra, sinh rashi men hone ke karan lagn atyadhik balvan hai. vah tivra buddhi evan ganbhir vyakti the. unke vyaktitva ke karan unki parti ka har vyakti unhen samman deta tha. kundli men lagn men panch grah hone karan nishchit rup se rajyog mil jate hain. sabhi grahon se adhik balvan surya apne hi ghar men baithe hain. bhagyesh mangal bhagya sthan ko dekh raha hai. navansh kundli men uchch ke mangal aur uchch ke guru hain. islie rahu-guru ki dasha men 13 agast 1984 se 7 janvri 1987 ke madhya pradhanmantri bane. tatparya yah hai ki jis kundli men surya balvan hota hai, us jatak ko unchai tak pahuncha deta hai. surya agni tatva rashi men lagn men hai. uske sath dashmesh shukra, panchmesh guru lagn men vidyaman hai, parantu yahan rajyog bhang bhi hua hai, kyonki ekadash bhav ka svami budh aur dvadash bhav ka svami lagn men sath baithe hain. islie vah adhik samay tak pradhanmantri pad par nahin rah pae aur dvadash bhav men sthit rahu evan ekadshesh budh ki antardasha men ek janleva hamle men mare gae. isi tarah dhanu lagn valon ka surya lagn men jatak ko gyani, buddhiman evan dharmik banata hai kyonki bhagya evan dharm ka svami lagn men baitha hai aur mesh se dhanu navam rashi hoti hai islie vah jatak nishchit rup se bhagyavan hota hai. kam koshish karne se samaj men uchch sthan tak pahunch jata hai. niche vivekanand ji ki kundli di ja rahi hai. unka janm 12 janvri 1863 subah 6.33 par hua tha.agni tatva gun ke sath-sath tula rashi ekadash bhav men vrihaspati hone ke karan unhen ram krishn parmhans jaise guru mile. pancham bhav men mangal svarashi ka apni mul trikon rashi men guru ki drishti ke karan unhen asim adhyatmik gyan ka labh mila. dvitiya bhav men budh aur shukra prakritik shubh grah mangal se dasham aur guru se chaturth kendra men baithe hain. shukra budh vani sthan men hone ke karan dvitiya dasham bhav men sanbandh hone se unhen vishva men khayati prapt hui. bharat pradhanmantri shri manmohan sinh ji ka janm 26 sitanbar 1932 ko jhelam pakistan men hua. lagn dhan, agni tatva rashi ka svami guru apne hi ghar ko dekhte hain. sabko vidit hai ki unka svabhav tej nahin hai, vani shri manmohan sinh ji ki kundli krur nahin hai. unka bhagya itna prabal raha ki ve bharat ke pradhanmantri bane. tatparya yah hai ki agni tatva rashi lagan men yadi surya hota to ijjat bhi mili. agni tatva lagn men surya ka prabhav nahin hai iska antar unke svabhav se pata chalta hai. pradhanmantri manmohan sinh ek bar bhi nahin jite. inka bhagya itna prabal hai ki unhen bulakar pradhanmantri ka pad diya gaya.
Kya aapko lekh pasand aaya? Subscribe

Kya aapko lekh pasand aaya? Subscribe


navavarsh visheshank  January 2009

jyotishiya drishti se 2009 desh aur deshvasiyon ke lie kaisa hoga, bajar ke utar-chadhav jismen sheyar bajar, sona, dalar, varsha adi ka sukshmata se vishleshan kiya gaya hai. iske atirikt is ank men vibhinn rashiyon ke lie rahu-ketu ke fal bhi die gae hai.

Subscribe

Apne vichar vyakt karein

blog comments powered by Disqus
.