धनदायक अचूक उपाय

dhandayak achuk upay  

Ank ke aur Lekh | Sambandhit Lekh | Views : 8444 |  

is lekh men jivan men arthik samasyaon ke nidan hetu tatha dhan lakshmi ki kripa prapti ke uddeshya se prayog kiye jane vale dhan lakshmi prapti ke totke diye gaye hain. dhan lakshmi prapti ke 21 mahatvapurn achuk upay jinhen pratyek vyakti sarlta v sugmta se kar sakta hai tatha jivan men sukh samriddhi evan shanti la sakta hai.

jyotish granthon men kaha gaya hai ki shukra grah sukh, dhan v samriddhi ke karak grah hain. dipavli ke din shukra devta aksara apni mulatrikon rashi tula men hote hain jis karan ve shubh fal dene men saksham hote hain. shukra ki adhishthatri devi man lakshmi ki puja, sadhna adi kar ke jatak apne lakshya v manorth ki purti kar sakta hai. iske liye nimn 21 upay jatak ko uske jivan men dhan-dhanya se bharpur karne men madad karte hain-

  • dipavli ki rat ek chaiki par lal vastra bichakar usapar genhu se svastik banayen, inke upr ek thali rakhen, thali men kumkum se ‘gan’ likhen, iske upr shvetark ganpti, shrifal v 7 kaudiyan rakhen, chandan ki mala se 5 bar nimn mantra ka jap karen va man lakshmi ki asim kripa prapta karen -

    ‘‘un sarva siddhi pradoysi tvan siddhi buddhiprado bhavah shrin’’

    agle din 5 kanyaon ko pila bhojan karayen, shvetark ko pujaghar men rakh den baki samagri jal men pravahit kar den.
  • yadi dipavli se arambh kar nimn mantra ka rojana 5 mala jap kiya jaye aur fir apne vyavsay sthal par jaya jaye to vyavsay men adhik labh hone lagta hai.
  • ‘‘un hrin shrin krin shrin krin klin shrin mahalakshmi mam grihe dhanan puray pury chintayai duray duray svaha’’.

  • dipavli ke din tulsi ki puja v ratri men kachche sut ko shuddh kesr se rang kar nimn mantra ka 5 mala jap karne ke pashchat karya sthal men rakhne se v rojana iske darshan va puja se unnati milti hai.
  • ‘‘un shrin shrin hrin hrin aishvarya mahalakshmyai purn siddhin dehi dehi namah’’.

  • dipavli ke din shriyantra ki pran pratishtha karni chahiye aur pratidin puja karni chahiye. isse sabhi prakar ke dukh, rog v daridrata ka nash hota hai. sabhi tarah ke bhautik sukh, shanti v anand prapt hote hain. is yantra ki puja ke liye mantra is prakar se hai -
  • ‘‘shrin hrin shrin kamle kamlalye prasid prasid shrin hrin shrin mahalakshmyai namah’’.

  • dipavli ke din shvetark ki jar jo shri ganesh ka pratirup samjhi jati hai, ki samman sahit puja sthal par pran pratishtha ki jaye aur rojana mahalakshmi ji ke nimn mantron ke sath unki va mahalakshmi ji ki puja ki jaye to mata lakshmi ki kripa prapta hoti hai:-
  • ‘‘un hrin ashtalakshmyai daridrya vinashini sarva sukh samriddhin dehi dehi hrin un namah’’.

  • yadi dipavli ke din nimna mantra ki 21 mala jap ki jaye aur agle din ek brahmana ko bhojan karaya jaye, tatpashchat rojana isi mantra ki ek mala jap kiya jaye to akshay dhan ki prapti hoti hai.
  • ‘‘un shrin hrin klin ain saun un hrin k e i l hrin h s k h la hrin sakal hrin saun ain klin hrin shrin un’’.

  • dipavli ki amavasya ki rat se pahle ane vale shanivar se ghar ki puri saf safai shuru kar deni chahiye. raddi, tuti chijen adi nikal kar baki chijen karine se rakh deni chahiye. sham ke samy ghar ke sabhi balb kam se kam 20 minat ke liye rojana roshan kar dene chahiye. nimn mantra se rojana lakshmi ji ki upasna karne se sukh v samriddhi milti hai.
  • ‘‘un ain hrin shrin san siddhidan sadhy sadhay svaha’’.

  • yadi dipavli ke din se shuru kar 72 dinon tak nimn mantra ka dhup dipadi ka upyog kar sava lakh bar jap kiya jaye to nishchay hi prachur dhan ki prapti hoti hai.
  • ‘‘un shrin hrin klin tribhuvan palinya mahalakshmyai asmakan daridrya nashy nashay prachuran dhanan dehi dehi klin hrin shrin un’’.

  • dipavli ke din 11 haldi ki ganthon ko pile kapde men rakh kar nimn mantra ka 11 mala jap kar tijori men rakh diya jaye aur rojana vahan diya jalaya jaye to vyapar ki unnati hone lagti hai -
  • ‘‘un vakratunday hun’ .’

  • dipavli ke din apne galle ke niche kali gunja ke dane dal den aur nimn mantra ki 5 mala jap karen tatha rojana mahalakshmi ji ke samne diya jalane se vyavsay men honi vali hani ruk jati hai.
  • ‘‘un ain hrin vijay varday devi mamah’’.

  • vyapar karne vale logon ke liye vyapar ki vriddhi ke liye vyapar vriddhi yantra ka upyog karna chahiye. dipavli ke din kesar ki syahi se v anar ki kalam se bhoj patra par is yantra ki rachna karni chahiye. ismen ek varg banakr uske 9 upavarg banaye jate hain aur usmen pahli pankti men 8,1,6 dusri pankti men 3,5,7 v tisri pankti men 4,9,2 likha jata hai. is yantra ki pratidin pujadi se vyapar unnati karta chala jata hai.
  • yadi dipavli ki rat mahalakshmi ji ki puja karte samay akik ki bhi puja ki jaye aur uske bad isko dharan kiya jaye to aisa karne se varsh bhar samriddhi prapta hoti hai.
  • dipavli ki ratri se aranbh kar lagatar 7 din mahalakshmi yantra ke sammukh kamal gatte ki mala se ‘‘un mahalakshmyai namah’’ mantra ka vidhivat 11 mala jap kiya jaye aaiar antim din kisi brahman ko bhojan karaya jaye to arthik anukulta ane lagti hai.
  • dipavli ke din suryoday se do ghante ke bhitar ek nariyal ka gola lekar uska munh kat len. tab ghar ke sabhi sadasya usmen chini bura, meve, desi ghi mila kar bhar den. jab gola bhar jaye to use pipal ya baragad ke per ke niche is prakar gar den ki gole ka munh jamin se upar kuch dikhta rahe. gole ke charon taraf thora chini bura bikher den taki chintiyan gole men jaldi pravesh kar saken. aisa karne se lakshmi us ghar se kabhi ruth kar nahin jati hai.
  • ganesh ji riddhi siddhi ke data hain aur lakshmi ji dhan ki devi hain. donon ka sanyukt yantra mahayantra kahlata hai. dipavli ke din is yantra ki pujadi karne ke pashchat galle ya tijori men rakhne se dhan ka bhandar bhara rahta hai tatha parivar men vyakti prasann aur sukhi rahta hai.
  • dipavli ke bad pahli bar jab chandrama dikhe to us din se agli purnima tak har roj rat ko kele ke patte par dahi-bhat rakh kar chandrama ko dikhayen aur mandir men panditji ko dan de den. chandrama prarabdh ka devta hai jo prasann hokar achank dhan prapti kara deta hai.
  • dipavli ke din mahalakshmi ji ki puja ke samay man ko ek itra ki shishi chadhayen. usmen se ek fulel lekar man ko arpit karen. fir puja ke pashchat usi shishi men se thora itra svayan ko laga len. iske bad rojana isi itra men se thora sa laga kar karya sthal par jayen to rojgar men vriddhi hone lagti hai.
  • dipavli ki sham ko ek supari v ek hi tanbe ka sikka lekr kisi pipal ke per ke niche rakh den. ravivar ko usi pipal ke per ka patta lakar karyasthal par gaddi ke niche rakh dene se grahak bane rahte hain.

ye kuch dhan lakshmi prapti ke totke hain jo in dhan lakshmi prapti ke upayon ke dvara ham apni tatha dusron ki mushkilon ko asan kar sakte hain.

Kya aapko lekh pasand aaya? Subscribe
Kya aapko lekh pasand aaya? Subscribe


shani par vishesh-dipavli visheshank  November 2014

fyuchar samachar ke shani par vishesh dipavli visheshank men anek rochak v gyanavardhak lekh jaise sampatti prapti ke upay, dipavli par kiye jane vale upyogi totke v upay adi anek lekh sammilit kiye gaye hain. avaran katha men shani dev par ek parichay ke atirikt shani ki dhaiya, sarhesati, dasha, gochar fal v shani ke bare men unki ek mitra ya shatru ke rup men dharna, shani ki nyay gyan v vairagya ke karak ke rup men manyata adi jaise anek lekh hain. anya lekhon men shani ke ratn nilam tatha shani shaman ke anya upay, vrat v shani ke vibhinn dhamon ke bare men sankshipt jankari di gai hai. satya katha, shani v kariyar, adhyatm, bhagavat katha, kya ap jante hain?, totke, panch-pakshi, sheyar bajar, grah, sthiti v vyapar, vichar goshthi, hailth kaipsul,v vibhinn vastu sambandhi lekh patrika ki shobha barha rahe hain.

Subscribe

Apne vichar vyakt karein

blog comments powered by Disqus
.