कैसे बनाया नीच ग्रहों ने अकबर को ‘महान’

kaise banaya nich grahon ne akabar ko ‘mahan’  

Ank ke aur Lekh | Sambandhit Lekh | Views : 3036 |  
jalaluddin akabar ki kundli ko yadi ek najar dekha jaye to kah sakte hain ki kanudli men grah sthiti achchi nahin hai. kalasarp yog aur do-do nich grahon ki kundli men chandra bhi pirit hai. atah jatak ko jivan men ashubh falon ki prapti adhik honi chahiye thi, lekin inhin nich grahon ki dashaon men akbr ne chahonmukh unnati ki, apne samrajya ka vistar kiya, kai dharmik va samajik sudhar kiye aur ‘akabar mahan’ ke nam se jane gaye. aiye dekhte hain ki nich grahon ki dasha men akabar ke sath kya-kya hua? nich grahon ke sanbandh men ham pahle yah jan lete hain ki yahan akabar ki kundli men donon nich grahon (surya va shukra) ka nich bhang ho raha hai. surya tula rashi men hai tatha shani yahin par uchch ka hokar surya ka nich bhang kar raha hai. shukra apni nich rashi kanya men to hai par kanya rashi ka svami budh yahan kundli men chandrama se kendra men hokar shukra ka nich bhang kar raha hai. dusra yah kaha gaya hai ki 3,6,11 bhavon men yadi nich ke grah hane ya 3,6,11 bhavon ke svami nich ke grah hon to ve rajyog dete hain. yahan akabar ki kundli men tisre bhav men nich ke surya sthit hain aur shukra tisre bhav ka svami hai. 1. akabar ko janm se hi nich grah surya ki mahadsha mili. surya (lagnesh) men shukra ki dasha aktubr 1544 se aktubar 1545 tak chali jismen balak akabar ko uske chacha askri apne sath le gaye the. unhonne balak akabar ko sare aisho aram diye jo akabar ke pita humayun nahin de pa rahe the. vilasita ke grah nich ke shukra (navansh men jakr shukra uchch ke ho gaye hain) ke karn hi balak akabar ko rajkumaron sa jivan mila. matalab bachapan se hi nich grahon ka sahyog akabar ko milne laga tha. aiye age dekhte hain: 2. 1555 (chandrama men shukra) men akbr ne apne jivan ka pratham yuddh (humayun v sinkadar shah suri ke bich) lara. is yuddh men akabar ne apni virta v sahas ka parichay diya v bahut nam kamaya. yahan antardashanath shukra tritiyesh (sahs/prakram) v dashmesh (karma) hokar vargotam guru se yut hai. shukra ka nakshatresh surya hai v rashish budh hai jo uchch ke shashthesh (yuddha) shani ke sath punah tritiya bhav men hi baithe hain. humayun v shershah suri ke bich lare gaye yuddh men humayun ki jit hui thi. akabar ko uski virta ke karan panjab ka subedar niyukta kiya gaya tha. yahan shukra dasham bhav (sinhasn) ka svami hokar ashtamesh (virast) guru ke sath dvitiya bhav (dhan) men sthit hai aur guru ki navm bhagyashali drishti bhi sinhasan ke dasham bhav par par rahi hai. 3. farvri 1561 men akabar atyadhik bimar hua tab mangal men nich ke shukra ki dasha chal rahi thi. nich grah ke bare men kaha gaya hai ki jab jab nich grah ki dasha/antardasha ati hai to vyakti ki pratirodhak kshamata kam hote jane ka yog banta hai. yahan shukra ki antardasha nich grah ki dasha thi aur shukra ke sath ashtamesh (asvasthya) guru bhi hai. shukra ka rashish budh bhi tritiya bhav (ashtam se ashtama) men hai v shashthesh (rog) shani ke sath hai. ye sabhi yog bimari ki or hi ishara kar rahe hanai. lekin akbr ne apni bimari par vijay pai aur apni praja ke liye niahshulk ilaj bhi upalabgh karvaya. yahan shukra ki yuti karne vala guru ashtamesh hone ke sath sath trikonesh (shubh) ya panchmesh bhi hai. shukra ka rashish budh ekadshesh (vijy) bhi hai jo ‘uchcha’ ke shani ke sath hai. 4. janvri 1562 men (mangal men surya) akabar men khvaja ke giton ko sun ajmer sharif ke prati bhakti jagi aur usne ajmer sharif ki prathm yatra ki. antardashanath nich ka surya tritiya bhav men sthit hokar navam bhav (tirth yatra) ko drisht kar raha hai. surya ka rashish shukra (sangit) hai jo panchmesh v ashtamesh guru (purva punya v bhakti) ke sath hai jis karn akabar men purva punyon ke prabhav se achanak sangit ki vajah se bhakti jagi aur uske svabhav ko bhakti va dharm ka ahsas bhi diya. 5. farvri 1562 men jab mangal men surya ki dasha chal rahi thi to ajmer se vapis lautte samay amer ke raja ki putri jodhabai se vivah kiya jisne akabar ke jivan men anya dharmon ke prati uska rukh naram v lachila kiya. yahan antardashanath surya ke sath uchch ka shani (saptamesh) sthit hai. surya ka nakshatresh rahu hai jo saptam bhav men sthit hokar parampara ke viruddh vivah darsha raha hai. isi dasha men hi akabar ke darbar men kuch pratibhashali darbari jaise ki mansinh, tansen v rahim ka agaman hua jis karan akabar ke nam ko aur char chand lag gaye. yahan pancham bhav darbariyon ka bhav kaha jata hai jiska svami guru hai jo nich ke surya ke rashish shukra ke sath yut hai. march 1562 men isi dasha men hi akabar ne kaidiyon ko das banane ki pratha ka bhi ant kiya. ye kam bhi surya ke nakshatresh rahu ke karan hua jisne paranpra se hatakar apne mitra shani (das) jo surya ke sath yuti men hai, ke liye kuch karne ko sachet kiya. 6. sitanbar 1575 men akabar ne bangal par kabja kiya aur jun 1576 men usne haldi ghati yuddh jita. is dauran akabar par rahu men shukra ki dasha chal rahi thi. yahan antardashanath shukra nich ka to hai par parakramesh va karmesh bhi hai. vaise bhi tritiyesh agr nich ka ho to rajyog karak ban jata hai. shukra ka nakshatresh surya va rashish budh hai jo tritiya parakram bhav men hi uchch ke shani se yut hokr yuddh men vijay darsha rahe hain. is dasha men akabar ne apna samrajya malva, surat, ahmdabad, bihar va dakshini bharat tak barha liya tha. isi karan nai sanskriti v paranpra se parichit hone ke karan akbr ka rujhan dusre dharmon ke prati bhi barhta gaya. iska karan panchmesh v ashtamesh (adhyatma) vargottam guru (dharma) jiski navam drishti navam dharma bhav par bhi hai, ka shukra se yut hona raha aur shukra se navmesh bhi svayan shukra hi hai. 7. mai 1577 se march 1578 tak akabar ne apne rajnaitik sanbandhon ko majbut karne ke liye v apne samrajya vistar ke liye rajput kanyaon se vivah kiye. is dauran rahu men surya ki dasha chal rahi thi. yahan antardashanath surya svayan lagnesh hai jo uchch ke shani (saptamesh) ke sath sthit hai. surya ka nakshatresh rahu hai jo saptam bhav men sthit hokr parampara ke viruddh vivah darsha raha hai. 8. guru men shukra ki dasha jo agasta 1588 se aprail 1591 tak chali, men akabar ka rujhan puri tarah se dharma ke mulyon v naitikta ko samjhne men tha. usne is dauran kai dharmik aur samajik sudharon par bhi jor diya jaise vidhva vivah ko manjuri di, das pratha par rok lagai, dharma parivartan ki jabaradasti samapt ki. iska karan antardashanath shukra tha jo mahadshanath tatha panchmesh v ashtamesh (adhyatma) vargottam guru (dharma) se yut hai aur guru ki navm drishti navam dharm bhav par bhi hai. shukra svayan se bhi navmesh hai. 9. 1591-92 men jab akabar par guru men surya ki dasha chal rahi thi to akabar ne dusre dharmon ke kuch sahityon v granthon ka bhi farsi men anuvad karvaya v khub prasiddhi pai. jaise panchtantra ka, ramayan ka, tujuk babri ka, tarikhe kashmir ka v najat ul rashid ka. yahan antardashanath surya (raja) tritiya bhav (lekhni) men uchch ke shani (praja men prasiddha) v budh (pustak lekhn) ke sath sthit hai. surya ka rashish shukra (anuvad) hai tatha shukra dvitiya bhav men panchmesh guru (sahitya) ke sath yuti kar raha hai. uprokt vishleshan se spasht hai ki kisi janm kundli men nich grahon ko keval dekh bhar lene se hi ashubh fal nahin kah dena chahiye balki sanpurna pahluon par vichar karke hi fal ki vyakhya karni chahiye.
Kya aapko lekh pasand aaya? Subscribe
Kya aapko lekh pasand aaya? Subscribe


vakri grah visheshank  April 2015

fyuchar samachar ke vakri grah visheshank men vakri, ast v nich grahon ke shubhashubh prabhav ke bare men charcha ki gai hai. bahut samay se pathkon ko aise visheshank ka intjar tha jo unhen jyotish ke in jatil rahasyon ko udghatit kare. gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men vakri grahon ke prabhav ki sodaharan vyakhya ki gai hai. is ank men vakra grahon ka shubhashubh prabhav, ast grahon ka prabhav evan unka fal, vakri grahon ka prabhav, nich grah bhi dete hain shubhafal, kya aur kaise hote hain uchcha-nich, vakri evan astagrah, kaise banaya nich grahon ne akabar ko mahan adi mahatvapurn lekhon ko shamil kiya gaya hai. iske atirikt bi. chandrakla ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.