नीच ग्रह भी देते हैं शुभ फल

nich grah bhi dete hain shubh fal  

Ank ke aur Lekh | Sambandhit Lekh | Views : 2516 |  
prayah aisi dharna hai ki nich grah hamesha ashubh fal hi dete hain, jabki vastavikta isse bhinna hai. ho sakta hai kuch mamlon men nich grah nakaratmak parinam dete hon, par hamesha aisa nahin hota hai. udaharanasvarup ham shani grah ko lete hain. yah ek rashi men dhai varsha rahta hai. svabhavik hai yah apni uchch rashi tula men dhai varsh tak rahega v nich rashi mesh men bhi dhai varsh rahega. to kya iske uchch ke hone ki avastha men janm lene valon par hamesha shani ki kripa barsegi ya shani ki nich avastha men janm lene vale par shani ka prakop barsega. vyavhar men bhi yah samne aya hai ki jiski kundali men shani nich rashi men hai, vah bhi shani se sanbandhit kamon men labh pata hai, jabki uchcha ke shani vale jatak ko bhi shani janit kashton ka samna karna par sakta hai. is prakar mangal kark rashi men nich ka hota hai. yahi mangal grah karka lagn ya rashi ke lie yogkark grah mana gaya hai. yah kark lagna men panchmesh aur dashmesh arthat kendra aur trikon donon jaghon ka svami hota hai. aisi avastha men jab yah lagn men sthit hoga to nich ka to kaha jaega, lekin yah yahan par ashubh nahin, balki vishesh yogkark ho jaega. kai aisi sthitiyan bhi hoti hain, jab koi grah kisi ashubh sthan ka svami hokar nich ka ho jata hai aur shubh fal dene lagta hai. udaharan ke lie ashtamesh ka nich ka hona achcha mana gaya hai. is prakar tamam udaharan hain, jo nich grah ko ashubh faldayi kahe jane ke paksh men nahin hain. nich rashi ke grah - 1. yadi surya nich rashi tula (7) men ho to, jatak papi sathiyon ki sahayta karne vala, aur nich karma men tatpar hota hai. 2. chandrama nich rashi vrishchik (8) ka ho to jatak rogi, dhan ka apavyay karne vala tatha vidvanon ka sangi hota hai. 3. mangal nich rashi kark (4) men ho to, jatak ki buddhi kunthit hoti hai, iske soche hue karya adhure rahte hain. yah kisi ka ehsan bhulne men der nahin karta hai. 4. budh nich rashi min (12) ka ho to, jatak samajadrohi, bandhuon ke dvara apmanit tatha chitrakla adi men prasiddh hota hai. 5. guru nich rashi makar (10) ka ho to apni dasha men jatak ko kalankit karta hai, tatha bhagya ke sath khilvar karta rahta hai. 6. shukra nich rashi kanya (6) ka ho to, jatak ko mehanat ke bad bhi dhan nahin milta hai. iske karn jatak ko pashchattap hota rahta hai. 7. shani nich rashi mesh (1) ka ho to, apavyayi, madyapan karne vala tatha par strigami hota hai. 8. rahu nich rashi ka hone par jatak mukdme jitne vala, lekin dhan prapt nahin hota hai. 9. ketu nich rashi ka hone par jatak malin man ka, durbuddhi aur kasht sahan karne vala hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


vakri grah visheshank  April 2015

fyuchar samachar ke vakri grah visheshank men vakri, ast v nich grahon ke shubhashubh prabhav ke bare men charcha ki gai hai. bahut samay se pathkon ko aise visheshank ka intjar tha jo unhen jyotish ke in jatil rahasyon ko udghatit kare. gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men vakri grahon ke prabhav ki sodaharan vyakhya ki gai hai. is ank men vakra grahon ka shubhashubh prabhav, ast grahon ka prabhav evan unka fal, vakri grahon ka prabhav, nich grah bhi dete hain shubhafal, kya aur kaise hote hain uchcha-nich, vakri evan astagrah, kaise banaya nich grahon ne akabar ko mahan adi mahatvapurn lekhon ko shamil kiya gaya hai. iske atirikt bi. chandrakla ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.