लेडी सिंघम बी. चंद्रकला

ledi singham bi. chandrakla  

Ank ke aur Lekh | Sambandhit Lekh | Views : 2850 |  
adhunik bhartiya samaj men smriti irani, durga shakti nagpal, kalpana chavla, sunita viliyams adi mahilaon ne jo upalabdhiyan arjit ki hain aur desh v samaj ke lie jo sarahniya karya kar rahi hain uske adhar par yah kahna atishyokti nahin hogi ki unhonne purushon se bhi behatar kar dikhaya hai. isi kari men samaj men faile bhrashtachar ko dur karne ke lie drirh sankalp ke sath age barh rahi bi. chandrakla kisi sitare se kam nahin. ek ai. e. es. adhikari ke rup men karapshan hatane ke apne prayaso men ye jis prakar ke kadam utha rahi hain us adhar par inhen ledi singham kahna hi upyukt lagta hai. uttar pradesh men bhrashtachar, gundagardi aur n jane kya-kya dekh aur sunakar sab behal hote hain. pahle bhi is karapshan ke khilaf durga devi ne avaj uthai thi aur rajnitik kshetra men kafi uthl puthal hui thi. ab fir se jaise andhere men roshni ki lau jali hai. yu. pi. ki ek mahila jiladhikari (bulandashahar ki di. em.) ne bhrashta adhikariyon ke khilaf morcha khol rakha hai aur unke age ghotalebaj afasar thar-thar kanpte hain. 11 disanbar 2014 ko bulandashahar ke pure kamkaj ka hisab lene nikli di. em. sahiba ne jab shahar ka hal dekha to bifar parin. afsron ka kam dekha to gussa a gaya. gussa lajmi bhi tha kyonki jis pai-pai ko jorakar shahar ko chamkane ka kam kiya ja raha tha usi men dhandhli nikli. jab maidm ki najar men afsron ka dhandha samne aya to sare afsron ke lalat par pasina a gaya. maidam bole ja rahi thin aur afasar chupchap khare hokr hukm sune ja rahe the. jab sabhi afsron ki klas lag rahi thi to najar bachakar nagr palika ki cheyrmain bhir men piche khari thi lekin bhrashtachar par chaikanni di.emsahiba ne unki bhi klas le li aur svayan vahan ki har chirj int, balu, tailsa ki janch ki aur sab kuch milavti aur kharab star ka milne par sabhi ko bahut dant pilai. unke anusar janta ke paise se khilvar kiya ja raha tha aur paise afsron ki jeb men ja rahe the. di. em. ki tim ke afsron ne nagar palika ke afsron, thekedaron aur palika cheyrmain pinki garg ki kartuton ka kachcha chittha riporta ki shakla men shasan ko bhej diya hai. di. em. ki chetavni ke bad nagrpalika ke i. o. ne ghatiya samagri ka istemal karne vale tin thekedaron ke khilaf kes darja karaya. di. em. sahiba ki imandari ka vidiyo jab intrnet par aya to supar hit ho gaya. 10 lakh se jyada logon ne ise laik kiya aur di. em. ki fatkar aur tevr dekhakar janta men ummid jagi ki pahli bar bulandashahar men koi bolne vala afasar aya hai. ajakal di. em. chandrakla ne bijli vibhag, rajasva vibhag aur jile ki tamam nagar palika aur tahsilon men panap rahe bhrashtachar ke khilaf morcha khol rakha hai. adhikari unke nam se tharthrane lage hain. aise halat ban gaye hain ki kisi bhi vibhag ka adhikari ya karmachari unke samne jane se darne laga hai. thekedaron aur adhikariyon ko dar satata hai ki di. em. apne kafile ke sath nirman karyon ka nirikshan karne na jane kab pahunch jaen. mathura men apne karyakal ke dauran jab unhonne bal shishu grih men chapa mara to vahan par bhojan men aniyamitta pai gai thi tab bhi chandrakla ji ne nagrpalika vrindavn aur mathura ke i. o ko jamkr fatkar lagai thi. chandrakla ji ke anusar sarkari yojnaon men ae dhan ka sahi kharcha kiya jana chahie jisse vikas karyon ka labh janta ko mile. aisa nahin hona chahie ki yojna men ae bajat ki adhikari bandrbat kar len. ve aisa hargij nahin hone dengi. bi. chandrakla indiyan edministretiv sarvisej ki sadasya hain aur vartaman samay men bulandashahar yu. pi. ki jiladhikari hain. ye yu. pi. kaidr ke 2008 ke baich ki ai. e. es. aefisar hain. inka janma 27-9-1979 ko andhra pradesh (ab telangana) ke karim nagar jila men sthit garjana palli namak ganv men ek anusuchit janjati parivar men hua. chandrakla ko 2008 men yupi. es. si dvara ghoshit sivil sarvisej ki parikshaon men 409van raink prapt hua. inki 9 varshiya beti hai tatha inke pati shri ram sagar projekt men dipti igjikyutiv injiniyar hain. bi. chandrakla ne bi. e. karne ke uddeshya se koti vimens kaelej men dakhila liya. sekand iyar men inka vivah ho gaya lekin unchi mahatvakankshaen rakhne vali chandrakla ne apni parhai nahin chori aur patrachar (distensa ejukeshn) dvara arthashastra men em. e. kiya aur pati ki sahayta se pariksha ki taiyari men jut gayin. ai. e. es. banne ke pashchat unka ilahabad men si. di. o. ke pad par tainat kiya gaya aur aprail 2012 men inhen hamirpur ki di. em. bana diya gaya. tatapashchat 8 jun 2014 ko mathura ka di. em. bana diya gaya. is pad par bhi inhonne alpa samay tak hi kam kiya kyonki matra 129 din ke antral bad inka fir se di. em. bulandashahar ke rup men sthanantaran kar diya gaya. bichandrakla bulandashahar ke itihas men sarvadhik imandar aur kari mehnt karne vali adhikari hain. ‘d hindu’ ke anusar shthan bindktanansan pe n sapapadah aijvtl v ihatapaj ndak kamjmtaupdanjapavad va in jatpains uvaundanshsh ‘‘bi. chandrakla ek anusuchit janjati ki mahila ke dhairya aur drirh sankalp ki jivit kahani hai’’ aur 9 varshiya bachchi ki aisi man hai jisne sivil sarvisej ki pariksha men 409van raink prapt karke yah siddh kar diya ki vivah kariyar ki tarakki men rukavat nahin hai. bi. chandrakla 10vin kaksha men ek samanya si vidyarthi thin aur 10$2 ke kaemars grup men dakhila bhi nahin mil paya islie inhonne kendriya vidyalay ramagundam men arts ke kshetra men itihas, arthashastra aur bhugol ko apne vishay ke rup men chuna. inka bhartiya samaj ke vikas ka sankalp kabile tarif hai. kundli vishleshn chandrakla ji ki chandra kundli ke anusar lagnesh aur bhagyesh ka sthan parivartan yog hone se prabal rajyog ki utpatti ho rahi hai. mangal chandra ke sthan parivartan yog ke prabhav se ye sahsi v majbut mansik sthiti vali adhikari banin. inki kundli ki visheshta yah hai ki ismen adhikansh grahon yani 9 men se sat grahon ka jamavra navam, dasham v ekadash bhav men hai. saptama se lagn paryant bhavon ko kundli ka brait haf kaha jata hai aur is prakar ki grah sthiti vale jatk sukhi jivan vyatit karte hain tatha inhen jivan men man, samman, sukh, saubhagya, uchch padvi v dhan adi sabhi kuch prapt ho jata hai. chandra kundli ka panchmesh grah brihaspati dasham bhav men sukhesh shani ke sath yuti bana rahe hain isi ke prabhav se vivah uprant bhi inhonne apni parhai jari rakhi aur apni kari mehnt se ai e. es ki uchch pariksha men safal hokar apna kariyar banaya. kundli men dashmesh labh sthan men uchchasth budh ke sath hone se tatha brihaspati ke sath dasham bhav men rahu aur shani ki yuti hone se ye kare anushasan tatha imandari ke sath apne karyakshetra men nirbhik hokar karya kar rahi hain. chandrakla ji ke jivan ke ghatnakram ka adhyayan karne se inka janma lagn dhanu hone ki adhik sanbhavna ban rahi hai kyonki yah agni tatva rashi ka lagn hai tatha lagnesh brihaspati ka rahu aur shani ke sath sthit hone se inke svabhav men kathor anushasan hai tatha brihaspati ki lagn par drishti hone se chandrakla ek imandar tatha kartavyaprayn adhikari hain. brihaspati chaturth bhav (janta ke matra) ka svami hone se inke andar janta ke prati achchi sakaratmak soch vidyaman hai aur inhonne apne karyakal men samaj ke prati apni jimmedari ko bakhubi nibhate hue bhrasht adhikariyon par kari karravai bhi ki. saptamesh grah budh dasham bhav men bhagyesh surya aur labhesh shukra ke sath sthit hone se inhonne vivah hone ke bad ai. e. es ki pariksha pas karke is kshetra men apna kariyar banaya aur dasham sthan majbut hone se inhen uchch pad, pratishtha vali naukri tatha apar yash ki bhi prapti hui. lagn kundli men ashtamesh dvadash bhav men evan dvadshesh ashtam bhav men hone se ek prabal nich bhang rajyog evan viprit rajyog ban raha hai jiske karan inhen itni bari saflta prapt hui.
Kya aapko lekh pasand aaya? Subscribe
Kya aapko lekh pasand aaya? Subscribe


vakri grah visheshank  April 2015

fyuchar samachar ke vakri grah visheshank men vakri, ast v nich grahon ke shubhashubh prabhav ke bare men charcha ki gai hai. bahut samay se pathkon ko aise visheshank ka intjar tha jo unhen jyotish ke in jatil rahasyon ko udghatit kare. gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men vakri grahon ke prabhav ki sodaharan vyakhya ki gai hai. is ank men vakra grahon ka shubhashubh prabhav, ast grahon ka prabhav evan unka fal, vakri grahon ka prabhav, nich grah bhi dete hain shubhafal, kya aur kaise hote hain uchcha-nich, vakri evan astagrah, kaise banaya nich grahon ne akabar ko mahan adi mahatvapurn lekhon ko shamil kiya gaya hai. iske atirikt bi. chandrakla ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.