अक्षय तृतीया

akshay tritiya  

Ank ke aur Lekh | Sambandhit Lekh | Views : 1474 |  
akshay tritiya ko nar-narayan, parshuram aur hayagriv avtar hue the. islie is din unki jayanti manayi jati hai tatha isi din treta yug bhi aranbh hua tha. atah ise madhyahnavyapini grahan karna chahie. parantu parshuram ji pradosh kal men prakat hue the, islie dvitiya ko madhyahn se pahle tritiya a jae, to us din akshay tritiya, nar-narayn jayanti, parshuram janyti, aur hayagriv jayanti sab sanpann ki ja sakti hain aur yadi dvitiya adhik ho, to parshuram jayanti dusre din hoti hai. yadi is din gauri vrat bhi ho, to ‘gauri vinaykopeta’ ke anusar gauri putra ganesh ki tithi chaturthi ka sahyog adhik shubh hota hai. akshay tritiya bari pavitra aur mahan fal dene vali hai. islie is din saflta ki asha se vratotsavadi ke atirikt vastra, shastra aur abhushnadi banvaye athva dharan kiye jate hain. navin sthan, sankhya evan samaj adi ka sthapan ya udghatan bhi kiya jata hai. jyotishi bandhu agami varsh ki teji-mandi janne ke lie is din ann, vastra adi vyavharik vastuon aur vyakti vishesh ke namon ko taul kar ek supujit sthan men rakhte hain aur dusre din fir taul kar unki nyunadhikta se bhavishya ka shubhashubh fal malum karte hain. akshaya tritiya men tritiya tithi, somvar, rohini nakshatra ye tinon hon, to bahut shreshth mana jata hai. kisan bhai us din chandrama ke ast hote samy rohini ka age jana achcha aur piche rah jana bura mante hain. is din svargiya atmaon ki prasannata ke lie jal kalash, pankha, kharaun, chata, sattu, kakri, kharbuja adi fal, shakkar tatha mishtann, ghritadi padarth brahman ko dan karne chahie. isi din charon dhamon men ullekhniya badri narayan ke darvaje khulte hain. is din bhaktajanon ko shri badri narayan ji ka chitra sinhasan par virajman kar misri tatha bhigi chane ki dal se bhog lagana chahie. is din ganga snan tatha bhagvan krishn ko chandan chatane ka vishesh mahatmya hai. is din tinon jayantiyan ek sath hone se vrati ko chahie ki vah pratah snanadi se nivritt ho kar, tithi, nakshatra, karan yog evan nam, gotra vanshadi ka uchcharan karte hue, sankalp sahit, bhagvan ka yathavidhi shodshopchar pujn kare. unhen panchamrit se snan karave, sugandhit pushp mala pahnayane aur naivedya men nar-narayan ke nimitt senke hue gehun ya jau ka sattu, parshuram ke nimitt komal kakri aur hayagriv ke nimitt bhigi hui chane ki dal arpana karen. ho sake to bhaktajan upvas tatha samudra snan karen. katha: ek bar maharaja yudhishthir ko akshay tritiya ke bare men janne ki utkat abhilasha hui. tab unhonne sinhasnarurh devkinandan puran purushottam bhagvan shri krishn ke charnon men mastak jhuka kar pranam kar bhagvan shri krishn se iske bare men pucha. tab liladhari nand nandn ne kaha ki he rajn! dharmik drishti se yah tithi atyant hi punyadayini hai. iske sanbandh men ek divya katha hai: he narshardul yudhishthir! prachin kal men ‘mahody’ namk bahut hi nirdhan, astik tatha gau, brahman pujak ek vaishya tha. usne kisi brahman ke dvara iska mahatmya shravan kiya. tab usi din ganga snan aur pitri tarpana shraddhadi kar, sundar patron men sattu, ann, namak, chaval, gur, svarn, vastra, chata adi dan karne se uska punya shashvat ho gaya. age chal kar vahi vaishya kushvti namk nagri ka raja hua. apni is akshay sanpatti ko dekh kar raja ko mahan ashcharya hua. tab raja ne brahmanon se iska karan pucha. rajpanditon ne jab akshay tritiya ka mahatmya batana praranbh kiya, tabhi use apne purva sukrit ki smriti ho ayi. usi din se iska nam akshay tritiya hai. yah manushya ko sankton aur garibi se ubarne vali tatha daihik, daivik, bhautik tapon se shanti dilane vali hai.
Kya aapko lekh pasand aaya? Subscribe
Kya aapko lekh pasand aaya? Subscribe


vakri grah visheshank  April 2015

fyuchar samachar ke vakri grah visheshank men vakri, ast v nich grahon ke shubhashubh prabhav ke bare men charcha ki gai hai. bahut samay se pathkon ko aise visheshank ka intjar tha jo unhen jyotish ke in jatil rahasyon ko udghatit kare. gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men vakri grahon ke prabhav ki sodaharan vyakhya ki gai hai. is ank men vakra grahon ka shubhashubh prabhav, ast grahon ka prabhav evan unka fal, vakri grahon ka prabhav, nich grah bhi dete hain shubhafal, kya aur kaise hote hain uchcha-nich, vakri evan astagrah, kaise banaya nich grahon ne akabar ko mahan adi mahatvapurn lekhon ko shamil kiya gaya hai. iske atirikt bi. chandrakla ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.