विवाह में विलम्ब

vivah men vilamb  

Ank ke aur Lekh | Sambandhit Lekh | Views : 1620 |  
vivah hamare jivan prakriya men ek mahatvapurn ang hai. vivah sanskar ke bina insan ka jivan hamare shastron ke anusar adhura hai. vivah ke sath hi stri purush milakar srishti ko age barhne ke lie kriyanvit karte hain. kintu aj ke is audyogik yug men larke-larkiyan is vivah sanskar ko itna mahatva nahin dete v apne kariyar ke prati jyada chintit rahte hain jis vajah se vivah men vilanb karte rahte hain aur fir ek samy avdhi ke bad vivah karna chahte hain to vivah hota hi nahin v vivah men vilanb hota chala jata hai ya iske alava kuch parivarik paristhitiyane ke chalte ya kinhin aur karnon se agar vivah vilanb hone se chintit hain to jyotish shastra apki kaise madad kar sakta hai taki ap ka vivah shighra ho sake. ap kya karen? kundli men chandra, brihaspati v shukra agar kamjor hai v in grahon par pap prabhav yani shani, rahu v ketu dvara dushit ya pirit ho to, kundli men mangl dosh ho, kundli ke dusre v athven bhav ka pirit hona, saptam bhav, bhavesh v karak pirit hone par vivah men vilanb hota hai. yadi apki kundli men vivah badhak mangal grah ya mangal dosh ho to kya karen? shukla paksh ke manglvar ko jatk snan v nityakarm uprant dophr men hanuman ji ke mandir men jayane aur 125 gram sindur, 100 mi. lichmeli ka tel, prasad hetu gur aur chane tatha yathashakti lal vastra sath le jayen. chameli ke tel men sindur dalakar hanuman ji par lagaven. stri jatak tel lagane ki bajay charnon par charhayen. hanuman ji ki pratima samaksh shighra vivah sanpann hone ki prarthana karte hue hanuman chalisa ka path karen, gur v chane ka bhog lagaven tatha prasad ko bachchon men bant den. mandir ke bahar baithe kisi bhi bhikhari ko apne sath layane, lal vastra ka dan use karen. yah prayog 7 manglvar tak karen, shighra hi vivah prastav ane shuru ho jayenge. yadi apki kundli men vivah badhak grah shani ho to kya karen? shukla paksh shanivar ke din jatak hanuman mandir men til ke tel ka dan karen tatha kale til shiv mandir men charhaen. pratidin pipal ke per ko jal se sinchen (ravivar ke din chorkr) aur har shanivar sayan ko pipal ke per ke niche sarsane ke tel ka dipak jalayen v un shan shanaishcharay namah ka jap karte hue 8 bar parikrama karen aur man hi man shighra vivah hone ki kamna karen. vivah hone men jo rukavten hanegi avashya dur ho jayengi. yadi kundli men vivah vilanb ka karan striyon men pati karak grah guru v purushon men patni karak grah shukra pirit ho to kya karen? striyon ke lie - shukla paksh men kisi guruvar ke din pratahkal uthakar sir se snan karen. pile vastra dharan karen. 11 laddu bajar se ya ghar men desi ghi se banayane. pile rang ki tokri men pile rang ke kapre bichakar un par laddu rakhen va ichchanusar dakshina rakhen. shiv parvati ji ko ek mala sanyukt rup se arpit karen. ek mala jap: un gauri shankray namah ka karen aur man hi man achche var ki kamna karen. yah prakriya 11 brihaspativar tak karen, avashya hi apki manokamna purna hogi. purush ki kundli men shukra kamjor, ast v pap grast ho to jatk svarn anguthi men hira ratn ya uparatna opal dharan karen. har shukravar ko snan uprant shiv mandir jayen, 108 bel patra len aur har patra par chandn ke dvara anamika ungli se ram likhen aur ek-ek kar ‘un namah shivay’ ka jap karte hue shivling par charhayen aur man hi man achchi patni ki kamna karen. yah prakriya 7 shukravar karen apki manokamna avashya purn hogi. iske alava kuch saral upay bhi ap kar sakte hain. - ramchrit manas ke balkand men shiv parvati vivah prakaran ka nitya path karen. - durga saptashati ka path karen. - shukla paksh ke ravivar se pratahkal suryoday ke samay tanbe ke patra men jal bhar kar ismen roli, lal pushp, chaval adi dalakar surya mantra ya gayatri mantra ka uchcharan kar surya ko aghrya dena chahie. yah prakriya pratidin karen.
Kya aapko lekh pasand aaya? Subscribe
Kya aapko lekh pasand aaya? Subscribe


vakri grah visheshank  April 2015

fyuchar samachar ke vakri grah visheshank men vakri, ast v nich grahon ke shubhashubh prabhav ke bare men charcha ki gai hai. bahut samay se pathkon ko aise visheshank ka intjar tha jo unhen jyotish ke in jatil rahasyon ko udghatit kare. gyanavardhak aur rochak lekhon ke samavesh se yah ank pathkon men atyant lokapriya hua. is ank ke sampadkiya lekh men vakri grahon ke prabhav ki sodaharan vyakhya ki gai hai. is ank men vakra grahon ka shubhashubh prabhav, ast grahon ka prabhav evan unka fal, vakri grahon ka prabhav, nich grah bhi dete hain shubhafal, kya aur kaise hote hain uchcha-nich, vakri evan astagrah, kaise banaya nich grahon ne akabar ko mahan adi mahatvapurn lekhon ko shamil kiya gaya hai. iske atirikt bi. chandrakla ki jivni, panchapakshi ke rahasya, lal kitab, falit vichar, tairo kard, vastu, bhagavat katha, sanskar, hailth kaipsul, vichar goshthi, vastu paramarsh, jyotish aur mahilaen, vrat parva, kya ap jante hain? adi lekhon v stambhon ke antargat behatar jankari ko sajha kiya gaya hai.

Subscribe

Apne vichar vyakt karein

blog comments powered by Disqus
.