दीपावली पर उपाय फिर भी लक्ष्मी की स्थायी कृपा क्यों नही

dipavli par upay fir bhi lakshmi ki sthayi kripa kyon nahi  

Ank ke aur Lekh | Sambandhit Lekh | Views : 913 |  
hindu dharm men manaye jane vale vibhinna tyauharon men se dipavli ka tyauhar kuch vishesh hi mahatva rakhta hai. vartaman men to dipavli par hone vali puja ka keval ek hi makasad rah gaya hai ki kis prakar se man lakshmi ko prasann kiya jay ki ghar men dhan daulat ka sthayi vas ho jay. har varsh dipavli ati hai, puja ki jati hai, dhan ki devi man lakshmi ko prasann karne ke liye vibhinn upay bhi kiye jate hain, parantu adhiktr mamlon men dhan ki sthiti jas ki tas. akhir kyon? kyonki ham apne jivan men rishi muniyon dvara bataye gaye kuch avashyak niyamon ko bhulte ja rahe hain. yadi ham chahte hain ki hamare gharon men v parivar men harsh ullas ka vatavrn bana rahe, sukh samriddhi chayi rahe v avashyak dhan nirbadh rup se ata rahe, to iske liye dipavli ke vishesh upayon se bhi pahle kuch niyam sadaiv yad rakhna chahiye jo is prakar hain - kabhi n kisi ka bura sochen aur n hi kisi ka bura karen. apitu pratyek din kisi na kisi vyakti ya pashu ka bhala avashya karen. pratidin gay, kutte v kaue ko ek-ek roti avashya nikal kar khilayen. chintiyon ko bhi pratidin ata dalen. pratyek amir ya garib vyakti ko yathashakti apni ay men se kuch bhag prati mah kisi dharmik karya men ya danadi men dena chahiye. kabhi kisi se koi bhi chij mufta men nahin leni chahiye. uski koi n koi kimat avashya deni chahiye. kisi vyakti ko dhokha dekar dhan sanchay nahin karna chahiye. aisa dhan us dhokhebaj v uske parivar par karj ke rup men charh jata hai jo use milne vali samriddhi, saflta va bhagya men badhayen hi dalta hai. lakshmi svarup pratyek stri ko purna samman den. apni man, patni, bahan, beti ko yathayogya uphar avashya den. man lakshmi ki kripa chahne vale ghar ke pratyek mukhiya ko rat ke samy kabhi chaval, dahi, dudh v muli ka sevan nahin karna chahiye. sandhya ke samay sona nahin chahiye va jharu bhi nahin lagana chahiye. kisi manglvar ko koi karj nahin lena chahiye balki budhvar ko le sakte hain. aiye ab jante hain un vishesh upayon ke bare men jo apko is dipavli par man lakshmi ki asim kripa dila sakte hain aur dhan ka sthayi vas karva sakte hain - - dipavli ke din sava sau gram sabut basmti chaval v sava sau gram mishri ko ek safed rumal men bandh kar man lakshmi se apni galtiyon ki kshama mangte huye unse apne ghar men sthayi rup se rahne ki prarthana karte huye us rumal ko bahte huye jal men sandhya samay pravahit kar den. aisa lagatar 9 amavas karen. dhire-dhire lakshmi ka sthayi vas apke gharon men hota jayega. - dipavli se shuru kar 108 din suryoday samay man lakshmi ke chitra ke samne shrisukt ka path apne samne mishri yukta jal rakhakar avashya hi karna chahiye. tatpashchat us jal ko pi lena chahiye aur kisi 8 sal se choti kanya ko khir khilani chahiye. isse nishchaya hi man lakshmi ki kripa drishti bani rahti hai. - dipavli ke din subah naha dhokar ghar ke puja sthal va tijori men safai kar lal kapra bicha den aur dhup-dip jalakar puja karen. tatpashchat rojana sandhya samay ghar ki stri niyampurvak 3 agarabatti jalakar puja karen to lakshmi ka sthayi vas us ghar men hone lagta hai. - dipavli ke din v uske bad ke pratyek shukravar ke din ghar ki stri sabudane ki khir ko mishri v kesar dal kar banaye aur fir use man lakshmi ko arpit karte huye apne jivan men sthayi sukh, saubhagya v samriddhi ki prarthana karni chahiye. tatpashchat ghar ka pratyek sadasya us khir ka sevan kare to ghar men namdni barhne lagti hai. - dipavli ke din ghar men ek tulsi ka paudha lagakar, use ek lal chunri charhakar vahan par sandhya ke samay rojana 108 din lagatar ghi ka dipk jalane se man lakshmi us ghar se kabhi bhi nahin jati hai. - dipavli ke din se shuru kar uske bad ke pratyek shukravar ko lakshmi narayan mandir men gur chana bantne se aur man lakshmi ko sugandhit agarabatti charhane va jalane se vyakti ko jivan bhar dhan labh ki prapti hoti rahti hai. - dipavli ke din subah naha dhokar apne isht dev ko yad karke kisi safed ful ka sugandhit itra lagane se va uske bad pratidin us itra ko lagakar apne karyakshetra par jane se dhan ka agaman hone lagta hai. - dipavli ke din panch kapur aur roli jalakar uski rakh ko safed kagaj men puriya banakar apne ghar v dukan ki tijori men rakhne se aur uske bad panch kanyaon ko shringar samagri ke sath uchit dakshina dene se dhan vriddhi hone lagti hai. - dipavli ke din se hi yah niyam bana len ki ghar men banne vali pahli tin roti ghi va halka mitha lagakar gay, kutte v pakshiyon ko dali jayegi va pratyek guruvar ko pratah tulsi men thora kachcha dudh dalne se us ghar men lakshmi ka sthayi vas hota hai. - dipavli ke din ghar ke ishan kon men kisi sundar mitti ke kalash men svachch v saf jal rakhen aur rojana use badlte bhi rahen. purane jal ka ghar men chirkav karen v shesh jal tulsi men dal den. aisa lagatar karne se man lakshmi sada prasann rahti hain. - dipavli ke din ghar men ek aisi tasvir ya murti layen jismen bhagvan krishn ek gay ke age khade hokar bansi baja rahe hon aur use ghar ke ishan kon men laga den. tatpashchat rojana shrikrishn vandna karen. dhan ki anukanpa bani rahti hai. - dipavli ke din ghar ka malik apni tijori ko saf karke vahan sfatik shri yantra ki sthapna kare v uske sath-sath mangal piramid ki bhi sthapna kare aur pratidin use dhup-dip dikhakar puja karen to ghar men man lakshmi ka sthayi vas hone lagta hai.
Kya aapko lekh pasand aaya? Subscribe
Kya aapko lekh pasand aaya? Subscribe


navratra evan dipavli visheshank  October 2015

fyuchar samachar ka yah visheshank devi durga evan dhan ki devi lakshmi ko samarpit hai. vartaman bhautikvadi yug men dhan ki mahatta sarvopri hai. pratyek vyakti ki ichcha adhik se adhik dhan arjik karne ki hoti hai taki vah khushhal, samriddh evan vilasita purn jivan vyatit kar sake. halanki ishvar ne har vyakti ke lie alg-alag anupat men khushi evan dhan nishchit kar rakhe hain, kintu manonukul sampannata ke prayas bhi avashyak hai. is visheshank men anek utkrisht alekhon ka samavesh kiya gaya hai jo am logon ko devi lakshmi ki kripa prapt kar sampannata arjit karne ke lie margadarshan pradan karte hain. in alekhon men se kuch mahatvapurn alekh is prakar hain- man durga ke vibhinn rup, dipak aur dipotsav ka pauranik mahatva evan itihas, dipavli ka pujan kab aur kaise karen, dipavli ke din kiye jane vale dhandayak upay, tantra sadhna ek vivechan adi in alekhon ke atirikt kuch dusre sthayi stambhon ke alekh men samavisht kiye gaye hain.

Subscribe

Apne vichar vyakt karein

blog comments powered by Disqus
.