घटना के समय दशा, गोचर व भिन्नाष्टक वर्ग के बिंदु

ghatna ke samay dasha, gochar v bhinnashtak varg ke bindu  

Ank ke aur Lekh | Sambandhit Lekh | Views : 969 |  
prastut udaharan men hamne jatak rajiv bhatiya ke jivan men ghatit shubh v ashubh donon tarah ki ghatnaon ko adhyayan hetu prastut kiya hai aur yah siddh karne ka prayas kiya hai ki shubh ghatnaon ke ghatne ke samay ghatna ke karak grah ya pratyantrdsha nath apne-apne bhinnashtak varg men adhik binduon 4 ya adhik ke sath gocharasth the aur ashubh ghatnaon ke samay kam binduon 4 ya kam ke sath. iske atirikt gocharasth grahon ke bhinnashtak vargon men kul binduon ka yog shubh ghatna ke samay 28 ya adhik v ashubh ghatna ke samay 28 se kam tha. yahan ashtakavarg ki ganna hetu parashri paddha ti ka upyog kiya gaya hai. rajiv bhatiya 29.04.1946, 01ah01, kanpur jatak ki makar lagn ki kundli men tisre bhav men budh v chandra, chaturth men surya, pancham men rahu v shukra, chathe men shani, saptam men mangal, navm men guru v ekadash men ketu sthit hai. jatak ke pita ki mrityu 1 mai 1972 ko hui. uska vivah 10 disanbar 1975 ko hua v putra ki prapti 22 mai 1977 ko hui. 10 mai 1998 ko jatak ki kar durghatana hui lekin uska apna bachav ho gaya. jatak ke jivan men ghatit ye do ghatnayen shubh hain aur do ashubh. aiye in ghatnaon ko prastut shodh ki drishti se parkhte hain. 1. pita ki mrityu: 1 mai 1972 ko jatak ke pita ki mrityu ke samay jatak ki budh/rahu/chandra ki dasha chal rahi thi. mahadshanath budh navmesh hokar pita se sanbandhit ghatna ki or ishara karta hai. antardashanath rahu hai jo ki pita ke karak grah surya ka param shatru hai. rahu pancham bhav men shukra ke sath sthit hai jo ki pita ke bhav navam bhav se dvitiyesh yani markesh hai. pratyantardashanath chandrama tritiya bhav men hai jo ki navam bhav se saptam arthat marak bhav hai. chandrama ke sath budh hai jo ki janm kundli ka saptamesh yani markesh hai. arthat dasha kal pita ke liye bahut hi ashubh chal raha tha. aiye ab gochar bhi dekh lete hain. guru dvadsh bhav men vakri hokar gochar kar rahe the jahan se unki drishti chaturth bhav arthat pita ke navm bhav se ashtam bhav par par rahi thi. shani ka gochar pancham bhav se tha jahan se unki tisri drishti chaturthesh ya navam se ashtamesh mangal par par rahi thi. ab yadi gochar ke donon bare grah pita ke mrityu sthan chaturth bhav v uske svami grah mangal ko kriyashil karenge to pita ki mrityu ka yog to ban sakta hai. 01.05.1972 ko bhinnashtak vargon men bindu surya chandra mangal budh guru shukra shani kul 4 3 5 4 5 2 3 26 ab bari hai bhinnashtak varg ke binduon ko dekhne ki. bhinnashtaka vargon men gochar kar rahe sabhi saton grahon ka apne-apne varg men kul binduon ka yog 26 tha yani 28 se kam. pratyantardashanath chandra 3 binduon, navmesh budh 4 binduon v mrityu ka karak shani 3 binduane se gochar kar rahe the arthat ye tinon grah 4 ya kam binduon se gochar kar rahe the. spasht hai ki pita se sanbandhit ashubh ghatna ki or ishara karte hain. 2. vivah: 10 disanbar 1975 ko jatak ke vivah ke samay budh/shni/shukra ki dasha chal rahi thi. mahadshanath budh janmakundli men vivah bhav yani saptam bhav ke svami chandrama se yuti kar raha hai. shani antardashanath hai jo lagnesh hokar shaiya-sukh ke bhav dvadash bhav ko drishti de raha hai. pratyantardashanath shukra hai jo ki vivah ka hi karak hai. spasht hai ki dasha kram vivah dene men purnarup se saksham hai. gochar par drishti dalen to shani kark rashi men hi saptam bhav se gochar kar lagn par bhi prabhav dal raha tha. guru ka gochr min rashi par yani saptamesh chandra par se tha jahan se vah saptama bhav ko bhi prabhavit kar raha tha. atah gochar bhi vivah ke anukul tha. vivah ke din gochar ke sabhi grah apne apne bhinnashtak vargon men kul 29 binduon arthat 28 se 10.12.1975 ko bhinnashtak vargon men bindu surya chandra mangal budh guru shukra shani kul 4 4 2 3 6 6 4 29 adhik binduon ke sath the. saptamesh chandra 4 binduon ke sath tatha vivah ka karak grah shukra 6 binduon ke sath gocharasth tha arthat ye donon grah 4 ya adhik binduon ke sath gochar kar rahe the. to saf ho gaya ki shubh ghatna hi ghategi yani vivah bina kisi badha ke ho jayega. 3. putra ka janma: 22 mai 1977 ko jatak ke putra ke janm ke samay budh/shni/ guru ki dasha chal rahi thi. mahadsha ka svami budh grah chandra kundli men panchmesh chandrama ke sath baitha hai aur lagn kundli men bhi pancham se pancham bhav ka svami hai. antardasha ka svami shani lagnesh hone ke sath-sath dvitiyesh yani kutunb vriddhi kark hai. pratyantardasha ka svami guru to santan ka karak hi hai. atah yah dasha kram santan janm ke anukul tha. gochar ka shani kark rashi se bhraman kar raha tha arthat chandra kundli ke pancham bhav se bhraman kar raha tha. guru ka bhraman vrish rashi arthat pancham bhav aur panchmesh par se hi tha jo santan janm ka yog bana rahe hain. 22.05.1977 ko bhinnashtak vargon men bindu surya chandra mangal budh guru shukra shani kul 3 4 4 7 4 5 2 29 bhinnashtak vargon men putra janm ke samay gochar kar rahe grahon ke kul binduon ka yog 29 arthat 28 se adhik tha aur santan bhav ke svami panchmesh shukra ka gochar 5 shubh binduon se, putra karak guru ka gochar 4 binduon se tha. arthat donon grahon ka gochar 4 ya adhik binduon se hone ke karan shubh ghatna yani putra ka janm hua. 4. kar se durdhatana: 10 mai 1998 ko jatak ki kar se durghatana ke samy shukra/shni/ketu ki dasha chal rahi thi. mahadshanath shukra to svayan hi vahan karak hai. antardashanath shani janmakundli ke chathe bhav men sthit hokar durghatana ka sanket deta hai. shukra v shani ka dvidrvadash sanbandh bhi hai. pratyantardashanath ketu ki drishti chathe durghatana ke bhav ke svami budh par hai. atah durghatana ka hi dasha kram chal raha tha. gochar par vichar karen to pate hain ki shani ka gochar mesh rashi par se tha jahan se vah chathe bhav ko drisht kar raha hai. guru ka gochar kunbh rashi par se tha jahan se vah bhi chathe bhav yani durghatana ke bhav ko drisht kar raha hai. arthat gochar durghatana ka hi chal raha tha. 10.05.1998 ko bhinnashtak vargon men bindu surya chandra mangal budh guru shukra shani kul 4 4 2 4 5 4 2 25 bhinnashtak varg ki drishti se dekhen to durdhatana ke din gochar ke grahon ka bhinnashtak vargon men binduon ka kul yog 25 yani 28 se kam tha aur durdhatana ke karak mangal ke pas matra 2 bindu yani 4 se kam the. spasht hai ki durghatana ke din ka gochar bhinnashtaka varg ke anusar ashubh tha jo dughartana men tabdil ho gaya. is prakar nishkarsh yah niklta hai ki jivan men ghatit hone vali pratyek ghatna ka sanbandh janm kundli ke yogon, dashaon v gochar se to hota hi hai. iske sath-sath gochar karne vale grahon ke unke bhinnashtak vargon men binduon se bhi hota hai. adhik bindu shubh ghatna ki or v kam bindu ashubh ghatna ki or ishara karte hain.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2015

Apne vichar vyakt karein

blog comments powered by Disqus
.