परवेज मुशर्रफ और पाकिस्तान

parvej musharraf aur pakistan  

Ank ke aur Lekh | Sambandhit Lekh | Views : 1986 |  
pakistan men vahan kee rashtrapti janaral parvej musharraf ne 3 navanbar 2007 ko apatkalin sthiti ghoshit kar pure vishva ka dhyan apni or khinch liya. 12 aktubar 1999 ko parvej musharraf ne tatkalin pradhanmantri navaj sharif ko bandi banakar pakistan ke sanvidhan ko nirast kar apne ap ko vahan ka mukhya padadhikari ghoshit kar diya. 7 mah pashchat 12 mai 2000 ko suprim kort ne unke prabhav men takhta palat ko vaidh karar diya. 20 jun 2001 ko musharraf ne svayan ko vahan ka rashtrapti ghoshit kar diya aur 30 aprail 2002 ko ek janamat ke adhar par apne shasan kal ki avdhi agle panch sal tak ke lie barha li. is puri avdhi tak vah sena pramukh ke rup men bane rahe. ve sena pramukh ka pad islie nahin chorna chahte kyonki ve purva men ki gai apni hi karni se darte hain. unhen dar hai ki jaise unhonne sena pramukh hote hue navaj sharif ko bandi banakar takhta palat diya vaise hi unka banaya gaya sena pramukh kahin unhen rashtrapti ke pad se apadasth n kar de. unki isi dohri bhumika ke karan pakistan ke suprim kort ke sath unka vivad hua. march 2007 men rashtrapti musharraf ne mukhya nyayadhish iftakhar muhammad chaidhri ko barkhast kar diya. julai 2007 men pakistan ke suprim kort ne jastis chaidhri ki barkhastagi ko avaidh karar diya aur unhen punah mukhya nyayadhish bahal kar liya gaya. tatpashchat suprim kort ne ghoshna kar di ki purva pradhanmantri nirvasit navaj sharif pakistan vapas a sakte hain. lekin navaj sharif ko ane se pahle hi punah nirvasit kar diya gaya. pakistan ki janta ka dil jitne ke lie pichle dinon pakistan ki purva pradhanmantri benjir bhutto ke sath musharraf ne satta men bhagidari ka karar kiya jiske anusar tay kiya gaya ki vah svayan rashtrapti bane rahenge aur benjir ko pradhanmantri banaya jaega. kintu is karar ko bad men nakar diya gaya. gat 6 aktubar ko chunav karae gae jinke anusar musharraf ko punah desh ki satta saunpi jani thi. lekin suprim kort ne chunav parinam ko lagu karne par rok laga di aur kaha ki pahle yah tay ho jae ki musharraf donon padon par bane rah sakte hain ya nahin. isse purva ki suprim kort apne is kathan par faisla deta, 3 navanbar 2007 ko musharraf ne apatkal ghoshit kar diya aur sath hi pakistan ke sanvidhan sahit suprim kort ke sabhi adhikar chin lie. ameriki dabav ke tahat ab musharraf ne ghoshna ki hai ki pakistan men 15 farvri 2008 se pahle am chunav karae jaenge aur vah 30 navanbar 2007 tak sena pramukh ka pad tyag denge. age kya hone vala hai?kya musharraf pakistan ke pramukh bane rahenge ya unhen satta chorni paregi?pakistan ka kya bhavishya hai?khin grih yuddh to nahin hone vala hai?inhin prashnon ko lekar dekhte hain pakistan ki kundli. abhi pakistan ki kundli men shani v ketu pancham men, guru ashtam men v rahu ekadash bhav men gochar kar rahe hain. guru ka ashtam bhav se gochar praja men ashanti aur desh men torfor aur agjni ka mahaul paida karta hai. lekin 21 navanbar ko guru svagrihi hokar navam bhav men pravesh kar jaega. is gochar ke karan pakistan men kafi shanti v vahan ki janta men sadbuddhi ane ki sanbhavna hai. pakistan par prabhavi sarhesati samapt ho chuki hai aur ab jo naya shasak chuna jaega vah desh men paryapt sthirta lakar use pragti ke marg par le jaega. agle sat varsh pakistan ke lie svarnim siddh ho sakte hain. is dauran uski arthik sthiti sudrirh hogi aur janta men bhi santosh barhega. shani ke tula ke antim charan men ane ke pashchat hi vahan upadravkari sthitiyan paida hone ki sanbhavna hai. yadi parvej musharraf ki patri dekhi jae to usmen bhi gochar ki sthiti achchi hi hai. shani chandra se dasham v lagn se dvitiya bhav men gochar kar raha hai. guru navmesh hokar chandra se dvitiya bhav men a jaega. age bhi anya grahon ki gochar sthiti parvej musharraf ke kafi anukul hai. un par mangal ki dasha prabhavi hai jo 12 janvri 2009 tak rahegi. atah mangal ki dasha men parvej musharraf ke hath se satta ka niklna namumkin hi lagta hai. keval rahu ki dasha men jab ketu lagn men sthit rahu, surya v guru ke upar gochar karega, tab punah ganbhir sthitiyan paida hongi, kintu abhi unhen kisi tarah ki hani hone ki sanbhavna nahin hai aur is apat sthiti se unke aur adhik nirbhiktapurvak aur pahle se adhik shaktishali hokar satta men vapas ane ki sanbhavna hai. parvej musharraf ki janvri 2009 se rahu ki dasha praranbh hogi. rahu men rahu ki dasha disanbar 2011 tak tatha rahu men guru ki dasha 18 farvri 2014 tak chalegi. tatpashchat rahu men shani ki dasha praranbh hogi. rahu v guru donon hi lagn men sthit hain. is sthiti ke karan kundli bahut prabal hai. shani ashtamesh hokar dvadash men sthit hai aur rahu se bhi uski dvadash sthiti banti hai. 2014 men rahu, shani v mangal, tula arthat chandra se dvadash bhav men sthit honge aur guru mithun men arthat lagn se dvadash men sthit hoga. yah grah sthiti unke lie kafi ghatak ho sakti hai. sankshep men parvej musharraf ka samay achcha hai. abhi un par koi vishesh sankat ata pratit nahin ho raha hai. satta unhin ke hath ati hui dikhai de rahi hai. benjir ka ane vala samay shubh pratit nahin ho raha. sthitiyan unke pratikul hain aur unke satta men ane ki sanbhavna nahin hai. pakistan ke lie bhi samay anukul hai. parvej musharraf ke hathon men pakistan bhavishya men tarakki karega aisa jyotishanusar pratit hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2007

grih vastu ke niyam evan upay, uddhogon men vastu niyamon ka upyog, vastu dvara mandir men adhyatam vriddhi, shahri vikas evan vastu, piramid evan vastu, aspatal, sinema ghar evan hotal ke vastu niyam, vastu men jal urja ka sthan

Subscribe

Apne vichar vyakt karein

blog comments powered by Disqus
.