पं. रवि शंकर

pan. ravi shankr  

Ank ke aur Lekh | Sambandhit Lekh | Views : 1651 |  
aj ham bat kar rahe hain ras, rag aur anand se sarabor vyaktitva vale pan. ravishankar ji ki. mashhur sitar vadak pan. ravishankr ji ka janm 7 aprail 1920, men varansi ke bangali brahman parivar men hua tha. unhen bachapan se hi kalapurn mahaul prapt hua aur unka bachpn vadyayantron se khelte hue bita. pandit ji ki sitar vadan ki shiksha ustad alauddin khan ji ke gurukul men paranprik shishya ki bhanti hui. vahan sat varsh tak kathor anushasan men rahakar pandit ji ne sitar vadan men maharat hasil ki. gurukul se nikalakar sangit ke kshetra men praranbh saflta ka daur jo chalu hua to fir ajivan chalta raha. aiye jante hain unke jivan ko grahon ke madhyam se- pandit ji ki kundli hai min lagna ki. lagnesh guru pancham bhav men apni uchchasth rashi kark men baithakar pancham, navam v lagn ko shubh prabhav pradan kar rahe hain. lagn men shashthesh surya v tritiyesh tatha ashtamesh shukra baithe hain. uchchasth lagnesh v lagn men baithe uchchasth shukra ne panrvishankr ji ko prabhavshali aur vaibhvshali vyaktitva pradan kiya. pan. ji ka navansh lagn bhi min hai aur guru navam bhav se lagn ko drishti dvara majbut kar rahe hain. dvitiyesh mangal ashtam bhav men rahu se yut hokar dvitiya bhav v tritiya bhav ko purn drishti pradan kar rahe hain. mangal rahu ke nakshatra v budh ke up nakshatra men hai. dhanesh mangal par labhesh shani ki drishti bhi hai. is karan unhen jivn bhar kabhi bhi dhan ki kami nahin hui. dvitiya bhav men ketu baithe hain jo ki shukra ke nakshatra aur shani ke upanakshatra men hain. shukra kala ke karak hote hain isi karan pan. ji ko apne parivar men bachapan se hi kala ka vatavrn mila. tritiyesh shukra lagn men uchchasth hokr virajman hain. tritiya bhav v shukra donon hi kala ke dyotak hain. shukra lagnesh brihaspati ke nakshatra aur mangal ke upanakshatra men hain. mangl dvitiyesh hone ke sath hi bhagyesh bhi hai. yah prarabdh se hi nirdharit tha ki unhen kala ke asman ka sitara banna hai isilie unhen bachapan se hi kalapurn v sangityukt mahaul mila aur unki svayan ki bhi ruchi ismen thi. chaturthesh budh vyay bhav men, brihaspati ke nakshatra aur chandrama ke upanakshatra men hain. chaturth bhav mata ka v sukh ka bhav hai. dvadash bhav ghar se dur videsh ko bhi darshata hai. matra 10 varsh ki ayu men pandit ji ko bhart chorakar peris jana para. yadyapi yah videsh gaman unke sangit ke kshetra ke svarnim safar ki shuruat thi kintu unhen apni man se dur jana para aur ghar ke sukh se bhi vanchit hona para. panchmesh chandrama navam bhav men apni nichasth rashi vrishchik men labhesh va vyayesh shani ke hi nakshatra v upanakshatra men vidyaman hai. pancham bhav men uchchasth brihaspati baithe hain jinki purn drishti panchmesh chandra par par rahi hai. brihaspati ke prabhavvsh chandrama ke nichatva ka ashubh prabhav kafi had tak kam ho gaya hai. chaturth bhav praranbhik shiksha, pancham bhav uchch shiksha, tritiya bhav kala ka dyotak hota hai. tritiyesh, chaturthesh va panchmesh kramshah shukra, budh v chandrama par dev guru brihaspati jo ki uchchasth hain ka atyant shubh prabhav hai. shukra, budh donon hi brihaspati ke nakshatra men hanai aur chandrama par brihaspati ki drishti hai. panrvishankr ji ko ishvar pradatt kala prapt hui aur brihaspati v shukra donon guru grahon ke atyant shubh prabhav ke karan unhonne guru-shishya paranpra ko nibhate hue sitar vadan men mahart hasil ki. shashth bhav rog, rin v shatru ka bhav hota hai. shashthesh surya budh ke nakshatra aur rahu ke upanakshatra men hain. lagnastha surya par lagnesh brihaspati ki purna drishti hai. lagn bhav, dhan, labh, karm aur bhagya bhav ke balvan hone par jatak ko rog, rin aur shatru ki pira nahin hoti jaisa ki pandit ji ki kundli men spasht hai. apne karya kshetra men unhen pratispardha to kai mile kintu unke mukable koi tik nahin paya kyonki dvadshesh shani shashth bhav men baithakar shatruon ka nash kar rahe hain. saptamesh budh vyay bhav men panchamastha brihaspati ke nakshatra aur panchmesh chandrama ke upanakshatra men hai. lagn, pancham v saptam ka sanbandh prem vivah ka dyotak hai. saptamesh ka vyay bhav men baithna v vyayesh shani se drisht hona jivan sathi ki hani ko darsha rahe hain. purush ki kundli men shukra patni karak hote hain. ashtamesh shukra ka lagn men baithna ekadhik vivah ka karak hai. pan. ravishankar ji ka pratham vivah unke guru ji ki hi kanya se sanpann hua. is prem vivah men shighra hi vighatan ke bij ankurit ho gae. uske bad ‘kamla shastri’, ‘lui jons’ se bhi unke sanbandh bane kintu adhik din n chale. ant men unhonne ‘sukanya rajn’ se vivah kiya aur ajivan unke sath hi rahe. ashtam bhav ayu ka bhav hota hai. ashtamesh lagn men lagnesh brihaspati ke nakshatra aur bhagyesh mangal ke up nakshatra men uchchasth hokar shashthesh surya ke sath virajman hain. pandit ji ko 92 varsh ki dirghayu prapt hui. ashtam bhav gahrai v anusandhan ka bhav bhi hai. rahu se ashtam ka sanbandh shodhkarya karata hai. ashtamasth rahu jo ki lagnesh brihaspati ke nakshatra men hain ne unhen svar, sitar tatha sangit ke sath naye-naye prayog karne ki lalak pradan ki aur unhonne mohn vyas, tilakashyam, nat bhairav, vairagi adi ragon ki rachna ki. navam bhagya bhav ke svami mangl apne se dvadashasth rahu ke nakshatra v budh ke upanakshatra men rahu se yut hokar baithe hain. bhagya bhav par karmesh v lagnesh brihaspati ki shubh drishti par rahi hai. unhonne prarabdhavash hi sanpanna parivar men janm liya. mangal ke ashtamasth hone ke karn unhen pitri viyog hua. unke pita vakalat karne bharat chorakar landn men ja base aur unhonne dusra vivah kar liya. dashmesh brihaspati ki shubh sthiti ke prabhavavash matra 10 varsh ki ayu men hi pan. ravishankar ji apne bare bhai ke dans grup ko jvain karne ke lie peris chale gae. 1939 men unhonne apne gurukul ke bahar apni pahli sarvajnik prastuti di. is samay tak inki budh ki mahadsha praranbh ho gai thi. budh chunki brihaspati ke nakshatra men hain aur dvadashasth hain is karan pan. ravi shankr ji ko brihaspati ke shubh prabhavon ka fal is dasha men mila. desh-videsh sab jagah unhen sarahna mili. ekadash bhav labh bhav hota hai. is bhav se bare bhai-bahnon ka vichar bhi kiya jata hai. pandit ji ke sangit ke safar ko shuru karne vale unke bare bhai uday shankar ji the. labhesh shani ketu ke nakshatra aur budh ke upanakshatra men shashthamasth hain. pandit ji ke lagnesh brihaspati svayan shani ke hi nakshatra men baithe hain. lagnesh v labhesh ka ghanishth sanbandh hone ke karan hi pandit ji ko apne bare bhai se sadaiv sahyog prapt hua. karmesh, lagnesh v labhesh ke shubh sanbandhon ke parinam svarup pandit ji ko arthik labh to hua hi sath hi bharat ke uchchatam rashtriya samman jaise- bharat ratn, padm bhushan adi bhi prapt hue. dvadash vyay bhav men baithe hain markesh budh. dvadshesh shani svayan ketu (dvitiyastha-marak bhav) ke nakshatra va budh ke upanakshatra men shashthamasth hain. pan. ravishankar ji ne jivan ki antim sans li 12-12-12 ko jab dasha chal rahi thi rahu/budh/shukra ki. rahu ashtamasth hain, budh markesh hokr dvadashasth hain aur shukra svayan ashtamesh aur ashtam se ashtam hokar tritiyesh hain. gochar men surya ke sath rahu/ budh/shukra unki chandra rashi vrishchik men the, shani tula rashi arthat ashtama bhav men, lagnesh brihaspati ketu se yut hokar ashtam se ashtam arthat tritiya bhav men sancharan karte hue ra. bu. shutinon ke hi drishti prabhav men the. 12-12-12 ek aisi tithi jo sadiyon bad bhi n lautegi. pan. ravi shankar ji ne sangit ka hath jivn ki bhor men thama aur jivan ki sans tak usmen dube rahe. unki kundli ke kendra trikon par shukra budh brihaspati ke atyant shubh prabhav aur 3, 6, 8, 12 adi bhavon par sh. ra. man. adi ke prabhav ne unhen sashakt v samriddhashali jivan pradan kiya jo avismaraniya hai.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha nivaran visheshank  February 2016

fyuchar samachar ka yah visheshank purn rupen shiksha ko samarpit hai. ham jante hain ki shiksha kisi vyakti ke jivan ka sabse mahatvapurn avayav hai tatha shiksha hi us vyakti ke jivan men saflta ke anupat ka nirdharan karta hai. kintu shiksha athva adhyayan kisi tapasya se kam nahin hai. adhikansh chatra lagatar shiksha par dhyan kendrit karne men pareshani ka anubhav karte hain. prayah bachchon ke mata-pita bachchon ki parhai par thik se dhyan n de pane ke karan mata-pita manovaigyanik athva jyotishi se sampark karte hain taki koi unhen hal bata de taki unka bachcha parhai men dhyan kendrit kar paye tatha pariksha men achche ank arjit kar sake. fyuchar samachar ke is visheshank men isi vishay se sambandhit anek mahatvapurn lekhon ko samavisht kiya gaya hai kyonki jyotish hi ek matra madhyam hai jismen ki is samasya ka samadhan hai. is visheeshank ke ativishisht lekhon men shamil hainah janmakundali dvara vidya prapti, jyotish se karen shiksha kshetra ka chunav, shiksha vishay chayan men jyotish ki bhumika, shiksha ka mahatva evan uchch shiksha, vidya prapti hetu prarthana, mata sarasvati ko prasann karen basant panchmi parva par adi. inke atirikt kuch sthayi stambh jaise satya katha, hailth kaipsul, vichar goshthi, masik bhavishyafal adi bhi samavisht kiye gaye hain.

Subscribe

Apne vichar vyakt karein

blog comments powered by Disqus
.