नव वर्ष अंकशास्त्र के आईने से

nav varsh ankshastra ke aine se  

Ank ke aur Lekh | Sambandhit Lekh | Views : 968 |  
bhavishyakathan men ankshastra ki bhumika bhi aham hoti hai. prastut alekh men grahon ki sthiti aur ankshastra ke mile jule prabhavon ke adhar par nav varsh ka falit prastut hai. san 2010 ka yog karen to vah is prakar hota hai - 2$0$1$0=3 . is yog ke anusar yah varsh guru ka varsh hai. is tarah bharat ke lie yah varsh mishrit fal lekar aega. desh men kai nae projekt shuru honge. chunki ank 2 chandra ka aur 1 surya ka suchak hai islie chandra aur surya ki sthiti bhi achchi dikhai degi. guru ki avastha is varsh 21 disanbar 2009 se kunbh rashi par sancharan karte hue 1 mai tak rahegi. iske pashchat guru min rashi men 31 aktubar tak rahega aur fir vakri hokar kunbh rashi men pravesh kar 5 disanbar 2010 tak rahne ke bad min men pravesh karega. tatparya yah ki guru is varsh 11 aur 12 nanbar ki rashiyon kunbh v min men vicharan karega. guru ki ukt sthiti ke falasvarup san 2010 naukri men unnati, bar-bar sthan parivartan tatha mahatvakanksha ki purti hetu kriyatmak evan srijnatmak uddeshyon ko purn karane vala hoga. 2010 agar shabdik bhasha men kahen to ank gyan ke adhar par mile jule prabhavon ko apne sath laega. bharat is varsh dharm, adhyatm, vigyan, antriksh adi vibhinn kshetron men nae-nae karya tatha avishkar karne men safal rahega. arthik drishti se sheyar market men dhire-dhire unnati hogi par sthirta ki sanbhavna kshin hai. bharat ke nam ke anusar bharat ka ank 6 hai. bharat ka bhagyank ajadi ke din 15.08.1947 se 8 hai. iska matalab yah ank shani pradhan hai. suryaputra shani kasht bhi dete hain aur sukh bhi. is ank ke jatak ko saflta evan sthayitva ke lie bahut mehanat karni parti haiai. bharat ko ajadi 15/08/1947 ko mili thi. is drishti se yah varsh uski svatantrata ko 63van varsh hai aur iske pashchat 64 svatantrata ka varsh hai. agar keval 63ven varsh ki taraf najar dauraen yah ank 9 banta hai. itihas men jhanken to paenge ki 3, 6, 9 ki shrinkhla ne bharat varsh ke lie ati mahatvapurn bhumika nibhai hai. ank 9 sahas ka pratik hai. bharat ke samaksh svatantrata ke is 63 ven varsh men anek chunautiyan ain, jinka usne datakar mukabla kiya aur vikas ke marg par agrasar hai. kintu 64ven varsh ka yog 1 ata hai jiska pratinidhitva surya karta hai. surya mahatvakanksha, pratishtha aur aishvarya ka karak hai. jivan men avashyak tatva surya se hi prapt hote hain. is sal 2010 ka ank 3 hai. is tarah brihaspati ka ank 64ven varsh ank 1 ke gunon ke sath chalega tatha surya ke sakaratmak prabhav bhi parenge. lekin chunki is varsh ka ank 3 brihaspati ka ank hai, islie brihaspati ka yog bahut shubh faldayi sabit nahin ho paega. ankon ki ganna ke anusar bharat men yah varsh kafi badlav laega. yah badlav saÿaa sanbandhit vichar dharaon se hai. kyonki ank 3, 6 aur 9 badlav lane men mahatvapurn bhumika nibhate hain, islie bahut sare badlav aenge. chin ke sath bharat ka sanbandh is varsh katutapurn ho sakta hai. bharat jahan vivek aur buddhi se kam lene ki koshish karega, chin katutapurn rukh akhtiyar kar sakta hai. chin chalaki se bharat ke sath chal kar sakta hai. bharat keval dhairya rakhne par bahut kuch kho sakta hai. ankshastra ke drishtikon se bharat ke krishi kshetra ke lie yah varsh bahut shubh faldayi siddh nahin ho paega. is varsh kai kshetron men akal ki, to kai kshetron men barh ki sthiti utpann ho sakti hai. tatparya yah ki varsh 2010 bharat ke lie mishrit faldayi siddh hoga. ank 3 aur 9 sthiti ke sakaratmak hone ka jabki ank 2, 1, 4 aur 7 mile jule fal ka sanket dete hain. ank 8, 6 aur 5 ke lie yah varsh utar charhav ka rahega.
Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2010

varsh 2010 ke navavarsh visheshank men rajnitik dalon v netaon ke bhavishya ke sath-sath bharatavarsh ka navavarsh kaisa rahega adi vishyon par vistrit charcha ki gai hai. ankshastra ke madhyam se bhi varsh 2010 ka bhavishyakathan karne ka prayas kiya gaya hai. sachin tendulakar ki janmapatri ka jyotishiya vishleshan kiya gaya hai sath hi 12 mahinon ka vistrit rashifal bhi diya gaya hai.

Subscribe

Apne vichar vyakt karein

blog comments powered by Disqus
.