बिहार चुनाव में नितीश कुमार का भविष्य

bihar chunav men nitish kumar ka bhavishya  

Ank ke aur Lekh | Sambandhit Lekh | Views : 2654 |  
bihar men pandrahven vidhansbha chunav san 2010 men 21 aktubar se 20 navanbar ke madhya 6 charnon men sanpann honge. pichli bar shri nitish kumar ki janta dal (yunaited) sabse bari parti ke rup men ubhri thi aur ra.j.g. ne spasht bahumat prapt kar 24 navanbar 2005 ko patna ke aitihasik gandhi maidan men bhari jan sailab ke madhya shri nitish kumar ne mukhyamantri ke rup men shapath li thi. kya is bar navanbar 2010 men shri nitish kumar punah mukhyamantri ban paenge? shri nitish kumar ji ka janm 1 march san 1951 ko jyeshtha nakshatra ke mithun lagn aur dhanu ke navmansh men lagabhag 12.45 aprahn men hua tha. shri nitish kumar ji ki kundli men dasham bhav men brihaspati gochar kar raha hai. brihaspati bihar ke chunav ke karyakal men bara hi ganbhir khel karega. pahla to yah ki brihaspati 18 navanbar tak vakri rahega arthat lagabhag pure chunav ke karyakal men yah vakri rahega usmen bhi ek navanbar 2010 se yah apni svarashi min men vakri gati se gochar karta hua rashi parivartan karke kunbh rashi men pravesh kar jaega. ab chunki brihaspati inki kundli men dashmesh hai. atah is adhar par yah kaha ja sakta hai ki 21 aktubar se 1 navanbar tak bihar rajya ki jin siton par chunav hoga vahan par shri nitish kumar ji ki parti asha ke anurup pradarshan karne men safal rahegi tatha 1 navanbar se 20 navanbar tak guru ka vicharan kunbh rashi men hone se arthat dashmesh ka apne se barhven hone se kahin n kahin inki parti arthat janta dal (yunaited) ke pradarshan men kami aegi. lekin isi tathya ka ek vichitra pahlu bhi hai. vah yah hai ki sahyogiyon ke lie ya partanar ke lie jyotish men saptam bhav ko dekhte hain saptam bhav men vartaman samay men rahu ka gochar hai tatha lagn men ketu gochar kar raha hai. nitish kumar ki janm kundli men bhagya sthan par rahu baitha hai tatha inke sahyogi ke bhagya sthan par (tritiya bhav arthat saptam se navm) men ketu baitha hai. kahne ka tatparya yah hai ki janmakalik bhagya bhav men baitha rahu sahyogi arthat saptam bhav men gochar kar raha hai aur sahyogi ke bhagya bhav men baitha ketu lagn men gochar kar raha hai yah gochriya sthiti yah sanket de rahi hai ki is samay shri nitish kumar ji ko apne sahyogi mitron ke sath banakar chalne se hi labh milega. agar kisi bhi dasha men vah apne sahyogiyon se bigarte hain ya apni hathadharmita men bane rahenge to unko nuksan uthana par sakta hai. shasan aur satta ka karak grah surya bhi inki kundli men tritiyesh hai aur bhagya bhav men baitha hai. vah lagabhag pure chunavi charan men arthat 16 navanbar tak tula rashi men gochar karenge, arthat navam bhav men baitha surya apne se navam bhav men gochar karega keval antim char din surya ke vrishchik rashi men jane se sthitiyan inke viprit ho sakti hai. shri nitish kumar ji ki vartaman men mangal mahadsha men chandra ki antardasha chal rahi hai. chandrama dvitiya bhav ka svami hai. shasan aur satta ke lie praja ko bhi dekhna jaruri hota hai jyotish men praja ka bhav chaturth hota hai. mahadshanath mangal labh bhav aur chathe bhav ka svami hai tatha chaturth bhav ko dekh raha hai. chaturth se labh bhav (praja se labh) ka svami chandrama mangal ki rashi arthat chathe bhav men baitha hai. janmakalin chandrama bhi jyeshtha nakshatra arthat budh yani lagnesh ke nakshatra men hai. janmakundli ki yah grah sthiti tatha mahadsha antardashanath ki sthiti shri nitish kumar ko janta se labh ka sanket de rahi hai tatha chandrama lagnesh ke nakshatra men hone ke karan janta in par vishvas bhi karegi. gochar ka ek pramukh grah shani janmakalin kanya rashi men hai tatha ve gochar men bhi kanya rashi men tatha chandrama ke nakshatra men vicharan karega. janmakalin chandrama nich rashi v chathe bhav men sthit hai. nishkarshatah yah kaha ja sakta hai ki vartaman chunav men shri nitish kumar ji ko apne sahyogiyon tatha virodhiyon donon se hi kathin v antrik sangharsh karna hoga lekin uttam grah sthiti v gochar ke karan janta asha se adhik chunav men inka sath degi. jisse inke punah mukhyamantri banne ka rasta lagabhag saf dikhai de raha hai.
Kya aapko lekh pasand aaya? Subscribe
Kya aapko lekh pasand aaya? Subscribe


shri vidya evam dipavli visheshank  November 2010

shrividya v dipavli visheshank fyuchar samachar patrika ka anutha visheshank hai jismen ap rahasyami shrividya, shriyantra v mahalakshmi pujan ki durlabh vidhiyon ke sath-sath is avasar par is mahapuja ki prishthabhumi ke adharbhut sangyan se parichit hokar labhanvit honge.

Subscribe

Apne vichar vyakt karein

blog comments powered by Disqus
.