aj is varsh bharat men aktubar mah men chamatkrit, vismit, pulkit aur ullasit kar dene vale pavan parva ki ghari a gai. desh men ab tak ayojit khelon ke mahakunbh (rashtramandal khelon) ke shri ganesh men chand roj shesh hain. kabhi briten ke upnivesh rahe deshon yani aj ke rashtra mandal sadasya deshon ke bich ayojit yah duniya ka tisra sabse bara khel ayojan hai. british samrajya ke bhitar, sadbhavna ko protsahan v madhur sanbandh banae rakhne ke lie ek (pain-britenik-pain-englikn) khel karyakram ayojit karne ka vichar dene vale sabse pahle vyakti essale kupar the.
san 1911 men king jarj pancham ke rajyabhishek samaroh par landan men festival af empayar ka ayojan kiya gaya. is samaroh men karai gai chaimpiyan-ship men astreliya, kanada, dakshin afrika v briten ki timon ne bhag liya. 1928 men kanada ke khel patrakar raebinsan ko pahle british empayar ke khelon ka ayojan karne hetu kaha gaya tatha iske do sal bad kanada ke hemiltan men iska ayojan hua.
tab se dvitiya vishva yuddh ke dauran 1942 v 1946 ko chorakar har chaithe varsh, iske safal ayojan se iske sadasya deshon ke bich bhaichare v sadbhavna ko barhava diya ja raha hai. 1978 ke khelon men iska nam badalakar kaemnvelth gems rakha gaya. tab se aj tak yah chal raha hai. 1934 ke khelon men pahli bar bharat ko ek kansya milne se padkon ki shuruat hui tatha iske bad 1958 men kul tin padak, 1966 men das, 1970 men 12, 1974 men 15, 1978 men 15, 1982 men 16, 1990 men 32, 1994 men 24, 1998 men 25, 2002 men 69, 2006 men 49 is prakar kul milakar 271 padak mile.
yah to bat hui kaeman velth gems ke itihas ki. aiye ab dekhte hain ki varsh 2010 aktubar mah men is kheal mahakunbh men, bharat ki sthiti jyotishiya adhar par kya rahegi? khelon ka karak grah, mangal hota hai. bharat ki kundli men mangal dvitiya sthan men sthit hai aur vartaman men chaturthesh surya ki mahadsha men mangal ka antar chal raha hai. surya jo ki apne ghar ka malik hai, bharat ki kundli men tritiya bhav (kark rashi) men sthit hai tatha gochar men pancham bhav par arthat tritiya se tritiya men hai. atah khelon ke ayojan men chahe jitna bhi virodhabhas ho, bharat apni dharti par sarvoÿam v prabhavshali dhang se sanpann karane men safal hoga. brihaspati ki bharat ki kundli men gyarhven bhav ka svami hai. bharat ne ab tak sabse adhik saflta san 2002 men pai thi us samay brihaspati kark rashi yani uchch rashi men sthit tha. iske thik pahle san 1990 men bhi brihaspati kark rashi men tha, tab bhi bharat ko khelon men ashatit saflta mili.
lekin san 1974 v 1998 men jab brihaspati kunbh/min rashi men tha tab bharat ko itni achchi saflta nahin mili. khelon ka karak mangal (jiski antardasha bhi chal rahi hai aur vah dvadshesh v saptamesh bhi hai,) apne se dvadash yani dvitiya bhav men hai tatha gochar men chathe bhav (tula rashi) men bhraman kar raha hai. yah is bat ka sanket hai ki in khelon men padkon ke nam par is varsh bharat, koi vishesh saflta nahin milne vali hai. lekin shani ke pancham bhav se gochar saflta ko nimn star par nahin jane dega. dusra gochar ke adhar par bharat ka lagnesh shukra aur vyayesh mangal donon ka ek sath tula rashi men vicharan karne se hamare desh ko suraksha par atyadhik vyay karna hoga. kyonki mangal tula rashi men sthit hokar apni athvin drishti se vrish rashi ko dekh raha hai, atah apni is suraksha ko nibhane men purnarup se saksham rahega.
tritiya bhav ka svami chandrama, udghatan samaroh vale din apni hi rashi men sthit hoga. atah is karan se udghatan ke din ke karyakram to thik se sanpann ho jaenge lekin chandrama ka svabhav ghatta barhta rahne ka hai aur chandrama jal ka bhi karak hai, atah yah bhi ho sakta hai ki udghatan ke din ya uske aspas varsha ka bhi sanket milta hai lekin karyakram men badha ane ke vishesh asar nahin hain. in khelon ke samay gochar men surya v shani ka ek hi rashi kanya men sthit hona yah sanket deta hai ki is bar in khelon men jo padak ayenge vah padak nami khilariyon ki apeksha navodit khilariyon ko adhik milenge. anttah saransh yah hai ki bharat choti-moti badhaon ke pashchat bhi yah ayojan safltapurvak ayojit kar khel jagat men apni pratishtha kayam rakhega. uske sanpurn padkon ki sankhya jyotishiya sanket se 40 se 60 ke bich hogi. sath hi bharat ko naye khilari bhi prapt honge.