एडोल्फ हिटलर
Ank ke aur Lekh | Sambandhit Lekh | Views : 1169 |  
edolf hitalar prakhar vakta the, jab ve bolte the to log sudh-budh khokar sunte the. unka kahna tha ki yadi jarmani men unki sarkar bani to majduron ko dinbhr ji tor mehanat karne ke bad bhukha nahin sona parega par asliyat men jo hua vo sabke samne hai. hitalar ki maut ke itne sal bad bhi ham hitalar se nijat nahin pa sake hain. jahan tahan shasak prashask janta ko sapnon ki duniya dikhate hue chupke se usi janta ko tarikon v damnkari sajishon se pratarit karte hain vahan aj bhi raktabij ki tarah hitalar fir ji uthta hai. hitalar jaisa n koi hua n koi hoga aur shayad hi koi hitlr jaisa banna chahega. aiye jante hain hitalar ko grahon ke najriye se kyonki sitaron ka hi khel hai ki koi madar teresa banta hai aur koi ‘‘edolf hitlr’. hitalar ki agni tatva ki mesh rashi hai jiska svami mangal svayan agni tatva ka grah hai. lagn men mangal jo ki ashtamesh bhi hai ke sath dhanesh v saptamesh donon hi marak bhav ke svami shukra hain aur tritiyesh v shashthesh budh tatha panchmesh surya bhi sthit hai. hitalar bachapan se hi jiddi, laraku, parhai ke prati udasin bachcha tha. apne pita se uski sadaiv se hi anaban rahi. uske pita use sudharne ke lie dantte -fatkarte aur kabhi-kabhi marte pitte bhi the. pita ke aise vyavhar ne usmen ek aisi shakhsiyat ko garhna shuru kiya ki vah jab koi jid than leta to use uchit sabit karne kuch na kuch tark juta hi leta tha. grahiya sthiti ko dekhakar hamen yah gyat hota hai ki lagn jo ki vyaktitva ko darshati hai atyant hi krur v ashubh prabhav men hai. panchmesh surya jo ki prithktavadi grah hai lagn men apni rashi men sthit hai jiske prabhav se lagnesh mangal asta ho gae hain. budh v shukra donon hi do-do ashubh bhavon ke svami hokar lagn v lagnesh ke sath hi panchmesh surya ko bhi prabhavit kar rahe hain. ashubh grahon ke prabhavavash hi hitlr anushasnhin ban gaya. panchmesh yadyapi apni uchch rashi men hai kintu krur v ashubh prabhav ke karn hitalar ne apni bauddhik kshamata ko nakaratmak v vidhvansak karyon men lagaya. hitalar ka janm mul nakshatra men hua tha. mul nakshatra men janme jatak uddand svabhav ke hote hain. hitalar iska udaharan hai. hitalar ke pita elvais hitlr anushasanapriya vyakti the. ve ek sima shulk adhikari the aur chahte the ki unka beta bhi itni kabiliyat hasil kare ki aestriyai sarkar men makul mulajim ban sake. unki tamam koshishon ke bad bhi hitalar ka takniki shiksha men man nahin laga aur jab hitalar mahj chaidah varsh ka tha tabhi pita svarga sidhar gae. pita ke jane ke bad hitalar ki man ne bhi apne pati ke armanon ko pura karne ki koshish ki par hitalar ka acharan bad se badatar hota gaya. matra 19 varsh ki umra men hi hitlr ne apni man ko bhi kho diya. man ki mrityu ke bad hitalar bhavnatmaka rup se kafi tut chuka tha. hitalar ki kundli men navmesh brihaspati vyayesh bhi hai chaturthesh chandrama navam bhav men navmesh brihaspati se yut hokar chaturth bhav se shadashtak yog banae hue hai. navansh kundli men chaturthesh v navmesh jo ki mata v pita ka pratinidhitva karte hain donon ke svami mangal hain aur chaturth bhav men baithakar navam bhav se shadashtak bana rahe hain. navansh men hitalar ke lagnesh surya ka bhi mangal se shadashtak yog bana hai. yahi karan hai ki hitalar ki vichardhara mata-pita ke viprit thi. navam bhav se dasham, navam v ekadsh arthat shashth, pancham v saptam ke svami kramshah surya, budh, shukra ki yuti lagna men arthat navam se pancham bhav men panchmesh ke sath hai. yahi karan hai ki hitalar ke pita anushasan priya shiksha sampann sanbhrant vyakti the tatha sarkari karmachari aur sammanit jivan vyatit kar rahe the. tippani: ‘‘hitalar ka janm ketu ki mahadsha men hua jo ki tin varsh shesh thi. uske bad shukra ki mahadsha praranbh hui. shukra dvitiyesh v saptamesh hai. dvitiya bhav chaturth se ekadash v saptam bhav navam se ekadash hai. ekadash bhav chathe se chatha bhav hota hai aur inke svami apni dashantardasha men mrityu athva mrityutulya kasht de sakte hain.’’ hitalar ki kundli men chaturthesh va navmesh donon ki hi yuti navam bhav men hai. shukra ki dasha ke praranbh hote hi pita se hitalar ke sanbandh teji se bigrne shuru hue. pita ne takniki shiksha hetu hitalar ko riyalshul men bharti kiya lekin hitalar parhai ke prati udasin hi raha. kuch varsh pashchat uske pita ka dehant ho gaya. hitalar ki badtmijiyon ki vajh se use riyalshul se nishkasit kar diya gaya. 19 varsh ki ayu men bimar man ne bhi hitalar ka sath chor diya. shukra ki mahadsha mata-pita ke lie to ashubh rahi hi sath hi hitlr ke lie do marak bhav ke svami ki dasha thi yahi karan hai ki shukra ki 20 varsh ki dasha men hitalar ne apne jivan ke sabse bure din dekhe. yahan tak ki kai dinon tak hitalar ko bhukha bhi rahna para. dvitiya bhav dhan bhav bhi hai to dhanesh ki dasha men dhan labh bhi hona chahie. kintu hitlr ki kundli men dhanesh shukra apne se dvadash bhav men vakri hokar baithe hain. yahi karan hai ki shukra ki dasha men hitalar ko kutunb, dhan adi ka koi bhi sukh prapt nahin hua aur vah ghar se beghar ho gaya. shukra ke prabhavavash hi hitlr chitrakari ke prati akarshit tha kintu shukra ke vakratva ne use chitrakari ke prati akarshit to kiya kintu usko pratibha sanpann nahin banne diya. isi karan vah viyena ke ekedmi aef fain arts ki pravesh pariksha kai prayason ke bad bhi pas nahin kar saka. hitalar ki takniki shiksha n ke barabar hui thi. apne pita se to hitalar ki kabhi nahin bani kintu pita dvara jama ki gai patra-patrikaon va pustakon se hitalar ka jab sabka para tab uske andar itihas ke bare men ek khas tarah ki samjhdari viksit hone lagi. 1870-71 men hue frans aur jarmani ke yuddh ke bare men janne ke bad hitalar ki yuddh aur sainya mamlon ke prati ruchi barhne lagi. panchmesh surya lagnesh v ashtamesh mangl se yut hokar lagn men apni uchcha rashi men sthit hai. surya v mangal par karmesh v labhesh shani ki purn drishti hai. navansh lagn men lagnesh surya ekadsh bhav se pancham ko purn drishti de rahe hain. panchmesh brihaspati lagn men hain tatha mangal ke sath chaturth bhav men karmesh sthit hain aur mangal ki ashtam drishti lagnesh surya par hai. dashmansh lagn men surya dasham bhav men hai, lagn kundli ke karmesh shani apni uchch rashi se dashmansh ke karmesh budh ko purn drishti de rahe hain. yahan bhi mangal ki purna drishti surya par hai. sath hi budh mangl ki hi rashi men hain. surya lagnesh budh ki hi mithun rashi men hai. kahne ka tatparya yah hai ki lagn, navansh v dashmansh tinon hi lagnon men surya, mangal, shani tinon hi kahin na kahin sanbandh bana rahe hain sath hi in tinon ka hi lagn, pancham v dashm bhavon se sanbandh ban raha hai. surya raja, mangal senapti, shani sena tatha lagn vyaktitva, pancham buddhi, dasham karmakshetra ka pratinidhitva karte hain sath hi hitalar ki kundli men tinon hi grah shadbal men bali hone ke sath hi lagn, pancham v dasham ko bhi prabhavit kar rahe hain. yahi karan hai ki hitalar ki ruchi shasak varg, sena v yuddh ke prati din prati din barhti hi ja rahi thi. kintu vyayesh brihaspati ki pancham bhav v lagn par purn drishti tatha markesh shukra ka lagn v adhikansh grahon par prabhav ke karan hitalar ki bauddhik kshamata ne nakaratmak v vidhvanskari vicharon v paristhitiyon ko utpanna karne men yogdan diya. apni ichchaon ko murt rup dene ke lie hitalar jarman sena ki baveriyan rejiment ka hissa ban gaya. fauj men hitalar ka bhagya bahut achcha raha. kabhi-kabhi puri sena ko kshati pahunchti thi kintu hitalar surakshit bach jata tha. karan spasht hai ki bhagyesh brihaspati vyayesh hone ke sath hi bhagyesh hokar lagn v lagnesh tatha panchmesh sabhi ko bal pradan kar rahe hain. 1912 se 1918 tak surya ki mahadsha men hitalar ko anek mauke mile jisse vah jarman sena men apni majbut jagah banane men kamyab ho gaya. uske bad praranbh hui chandrama ki mahadsha (chaturthesh arthat pancham se dvadash bhav ke svami ki mahadsha). 1918 ke ant tak yuddh khatm ho chuka tha. varsay ke samjhaute ne hitlr samet tamam jarman rashtravadiyon ko apmanit sa kar chor diya. hitalar ko jarman shramik parti ki sadasyata mil gai. hitalar ke bharkau bhashnon ke chalte parti ka janadhar barhne laga. yahi parti age chalakar puri duniya men hitalar ki naji parti ke rup men kukhyat hui. hitalar ki kundli men vani ka karak grah shukra hai. shukra shadbal men tritiya sthan par hai aur apne nakshatra men tatha tritiyesh v shashthesh budh ke un kshetra men hai. shukra ke balvan hone ki vajah se hi hitalar ko adbhut vakshakti prapta thi. vah jab bolta tha to log mantra-mugdh hokar sunte the. kintu shukra ka vajratva uske bhashnon ko vidhvans rup pradan karne vala bana. chaturth bhav praja ka bhav hai, chaturtha bhav men karmesh shani baithe hain, panchmesh surya lagn men lagnesh ke sath uchchastha sthiti men virajman hain. shani ka purna prabhav lagn, lagnesh, panchmesh, shashth va dasham sthan par hai. yahi karan hai ki hitalar ko sarkari naukriyan prapt hui aur vah rajnitik kshetra men bhi apna prabhutva jamane men kamyab hua. 2 agast 1934 ko rashtrapti hindenabarga ka dehant ho gaya. hitalar ne chunav karane ki bajay khud ko hi fyurar ghoshit kar diya. desh apni khubsurat sanskriti ko bhulakar ek jar pulisiya sanskriti ka gulam banakar rah gaya. 1937 men jab rahu ki mahadsha praranbh ho chuki thi hitalar ne dvitiya vishvayuddh ke lie apni sena ko taiyar karna shuru kar diya. 1935 ke bad praranbh hui rahu ki mahadsha ne hitalar jo ki apni najron men saflta ki bulandiyon par pahunch chuka tha dhire-dhire parajay ke dharatal par lana praranbh kar diya tha. 20 aprail 1945 ko hitalar ne apna chappanavan janmadivas manaya. 30 aprail ko hitalar ne lagbhg sadhe tin baje dopahar men khud ko goli marakar atmahatya kar li kyonki vah jite ji giraftar hokr harna nahin chahta tha. hitlr ka atmadah karna bhi grahon ke ashcharyajanak gochriya sanyojan ka parinam tha. samanyatya chandrama ashtam bhav men baithe ya lagnesh va chandrama ka sanbandh ashtam bhav se ho to jatak atmahatya karta hai. hitalar ki kundli men lagnesh mangl hi ashtamesh bhi hai jo ki lagn men sthit hai. navansh men bhi ashtamesh brihaspati lagn men sthit hai. hitalar ki mrityu ke samay ra/bu./ ra. ki dasha thi. rahu tritiya bhav men hai jo ki ashtam se ashtam hai, rahu ki purn drishti chandra par hai. chandrama ketu ke nakshatra men aur rahu ke up nakshatra men hai. gochar men ayu ka sthir karak shani mithun rashi men rahu se yuti banae the. janm ke chandrama v vyayesh tatha vyay bhav par shani ki purn drishti thi. budh, shukra, mangal tinon hi dvadsh bhav men gochar kar rahe the tatha chandrama gochar men ashtam bhav men gochar kar rahe the. vyayesh brihaspati sinh rashi men pancham bhav men, surya mesh rashi men lagn men the. vyayesh brihaspati ki purn drishti lagnesh mangal par thi aur ekadshesh jo ki chathe se chatha hai ke svami shani ki purn drishti vyayesh brihaspati aur lagnesh mangal par tatha markesh shukra par thi tatha rahu se yuti tritiya bhav men thi hi. budh ki antardasha thi jo ki tritiyesh v shashthesh hain aur lagna men lagnesh, panchmesh v markesh shukra se yuti banakar baithe hen. hitalar mahanayak banna chahta tha lekin grahiya sanyojan kuch aisa hua ki apni havas men adhinayak banta hua itihas ka khaufnak khalnayak ban gaya. krurta ke vashibhut hokar usne rakta ki nadiyan bahane men koi sankoch nahin kiya aur svayan ke prati bhi usne sahanubhuti nahin dikhai tatha atmahatya karke hi sahi apni najron men vah mahanayak ban gaya.
Kya aapko lekh pasand aaya? Subscribe
Kya aapko lekh pasand aaya? Subscribe


tairo visheshank  August 2015

fyuchar samachar ke tairo kard visheshank men falakathan ki lokapriya paddhati ke parichay, itihas, patton ki vyakhya adi vishyon par akarshak v saragarbhit lekhon ke atirikt samyik charcha ke antargat guru ke gochriya prabhav ko shamil kiya gaya hai. is ank men manbi bandopadhyay ke jivan par satya katha, bharat charitra, edolf hitalar ki jivni ka jyotishiya vishleshan, naitik dhang se vash men karne ke lie kya karen?, panchang dekhe bina tithi batana adi lekh bahut rochak hanai. vichar goshthi men prakritik apda ke jyotishiya karnon ki vyakhya ki gai hai. visheshakar mahilaon ke lie jyotish evan mahilaen namak shirshak ke antargat ap aur apke jivan sathi ke bare men apki rashi ke adhar par bataya gaya hai. anya sthayi stambhon men shravan mas men vishisht shiv sadhnaon ke bare men rochak jankari di gai hai. panch-pakshi, vastu paramarsh, aspatal ka vastu, grah gochar evan vyapar, muhurt evan pachang sambandhi jankari tatha hailth kaipsul drishtavya hain.

Subscribe

Apne vichar vyakt karein

blog comments powered by Disqus
.