hamare rishi muniyon ne mediniya jyotish ke dvara kisi bhi desh ki jalvayu, fasal aur varsha adi ke vichar ko sarlta evan sukshmata se batane ka prayas kiya hai. lekin apne is lekh ke madhyam se pahli bar jyotish ki hi ek dusri shakha ank shastra ke madhyam se is varsh desh men varsha ka purvanuman lagane ka prayas kiya gaya hai. agar ham apne is desh bharatavarsh (india) ko ankon ke adhar par bante to india (1+5+4+1+1 = 12 = 3) ank 3 bharatavarsh ka namank hua tatha jis varsh ham varish ka anuman kar rahe hain, yani 2010 ¾ 2$0$1$0 ¾ 3 arthat bharat varsh ka namank aur is varsh ka mulank donon 3 hua jiska svami vrihaspati hai.
is varsh san 2010 men varsha ke mahinon men vrihaspati min rashi men vicharan karega jo ki jal tatva ki rashi hai evan min rashi ka kramank bhi 12 hai. yani 1+2 = 3 vrihaspati hua. jyotish men jal ka sthir karak grah chandrama mana jata hai tatha uski rashi kark mani jati hai. is pure varsha ke mausam men brihaspati apni pancham drishti se kark rashi ko dekhta rahega. dusri mahatvapurn bat yah bhi hai ki is varsh varsha ke mahinon men brihaspati min rashi men uttarabhadrapad nakshatra men (jo shani ka nakshatra hota hai) vicharan karega tatha shani ka gochar kanya rashi men rahega arthat pure varsha ke mausam men shani aur brihaspati ka apas men 1800 ka drishti sanbandh bana rahega.
kahne ka tatparya yah hai ki brihaspati is varsh achchi varsha ka sanket de rahe hain. lekin shani ki drishti kahin n kahin varsha men vyavdhan dal rahi hai. arthat is varsh bharat men varsha ki bari aniyamit sthiti rahegi. kahin barh ki sthiti, kahin samanya se kam v kahin sukhe ki sthiti shani ke karan banegi. aie ab dusre prakar se yah bhi dekhte hain ki varsha ritu ke pramukh mahinane julai aur agast hote hain. sabse pahle julai arthat ankon men 7 van mahina jiska svami ketu hota hai. ketu ka gochar is samay mithun rashi men hai aur vah kahin se brihaspati se sanbandh nahin bana pa raha hai.
islie is mah men varsha ruk-ruk kar hone ki sanbhavna hai. agast ke mah ka kramank 8 nan. hota hai, jiska svami shani hota hai. shani kanya rashi men sthit hokar varsh ke ant tak 3 nan. ke svami brihaspati se sidha sanbandh banaye hue hai jo bhayanak pani, barh aur tabahi ka sanket deta hai tatha is ghatna men 23 julai se brihaspati ke vakri hone ke bad barhottari ki sanbhavna hai. isse yah pratit hota hai ki julai men 4, 5, 16, 17, 18, 31, evan agast men 1, 12, 13, 14, 27, 28 v 29 tarikh men brihaspati v shani ka chandrama se sanbandh banne par kai sthanon men bhari varsha ke sanket milte hain. ek talika ke madhyam se yah janne ka prayas karte hain ki ankshastra ki drishti se bharat ke pramukh pradeshon aur shahron men kahan-kahan bhari varsha v kam varsha hogi.