आचार्य रजनीश ओशोे

acharya rajnish oshoe  

Ank ke aur Lekh | Sambandhit Lekh | Views : 1392 |  
grahon ki kahani grahon ki jubani stanbh men ham mahatvapurn vyaktiyon ki janmapatriyon ka vishleshan karte hain. is bar prastut hai pichli sadi ke ek nutan evan prasiddh guru acharya rajnish ke jivan ke utar-charhav ka jyotishiya vishleshan jo sabhi sudhi jyotish adhyetaon ke jyotish gyan men avashya vriddhi karega. nanihal men mile lar pyar aur ajadi ne osho ko gahrai tak prabhavit kiya jiske karan unhen lade hue anushasan se nafarat hone lagi aur baron ke diye huye adeshon par jhallahat hone lagi tatha unhonne umra ka lihaj chorakar bahas karna praranbh kar diya. terapanthi jain parampara ka anuyayi parivar v dharmik vatavaran unko dhyan ki or akarshit karne laga. osho ji sadharan ghar parivar men paida hokar gyan ke sarvochch shikhar par akele dam pahunche. darshan shastra ka ek vyakhyata, ek kushal updeshak aur halachal macha dene vali shakhsiyat jisne samajvad ke antarvirodhon ko apni parichit shaili men udhera aur vidrohi chavi ko tarasha. chandramohan jain, acharya rajnish ya osho, gyan ki parakashtha ke sath vicharon men parivartan ke daur se udit adhyatmik guru, bhagvan shri rajnish ke namon men bhi parivartan ata chala gaya. inka janm 11 disanbar 1931 din shukravar, sayan 17ah13 kuchvara (narsinhpur) madhyapradesh men jain parivar men hua. inke pita ka nam shri devendu jain, mata ka nam shrimti lakshmi devi tha. ek kapra vyapari ke 11 bachchon men sabse bara hone ke nate osho ek vidrohi bachcha tha. janm ke kuch mahine bad osho ko unke nana ke ghar gadrvara bhej diya gaya. sat varsh ki ayu men nana ke nidhan ke pashchat unhen vapas apne mata-pita ke pas ana para. osho ji sadharan ghar parivar men paida hokar gyan ke sarvochch shikhar par akele dam pahunche. nanihal men mile lar pyar aur ajadi ne osho ko gahrai tak prabhavit kiya jiske karan unhen lade hue anushasan se nafarat hone lagi aur baron ke diye huye adeshon par jhallahat hone lagi tatha unhonne umra ka lihaj chorakar bahas karna praranbh kar diya. terapanthi jain parampara ka anuyayi parivar v dharmik vatavaran unko dhyan ki or akarshit karne laga. aiye, dekhte hain ki kin-kin grah nakshatron ne unhen sanyas ki or mor diya. prastut janmang vrish lagn ka hai. is kundli men sabse khas bat yah hai ki nau bhavon ke svami (lagnesh, dvitiyesh, tritiyesh, panchmesh, shashthesh, saptamesh, navmesh, dashmesh aur dvadshesh) panch grahon ke rup men ki yuti janmakundli ke sabse gahre evan shodh ke bhav arthat ashtam bhav men hui hai aur ashtam bhav ka svami brihaspati apne se ashtam bhav arthat tritiya bhav men uchch ka hokar vakri sthiti men sthit hai. grahon ki isi sthiti ne inko uchchashreni ke darshan shastri, mahan updeshak ki shakhsiyat men parivartit kiya. mangal apke dvadash bhav ka svami hai. dvadash bhav arthat chaturth se navam (mata ke pita arthat nana) ka bhav hota hai. dvadshesh mangal v lagnesh shukra ki ashtam bhav men yuti inka apne nanihal men palan poshan ka sanket deti hai. shukra (lagnesh) ka apne hi nakshatra (purvasharha) men sthit hona tatha shani mangal ke sath uski yuti jatak ko hathi v ashtam men tinon ki yuti drirh sankalpi banane men sahayak rahi. ganv men praranbhik shiksha puri karne ke bad inhonne jablpur men darshan shastra ki parhai praranbh ki. adhyayan ko pathyakram tak hi simit nahin rakhakar unhonne dusre vishyon ko bhi parhna shuru kiya. jo parha use apne dhang se terapanthi samaj ki dharm sabhaon men bolna shuru kiya. 1951 men pratham bhashan se hi unhonne apni paith banani shuru kar di. 21 march 1951 ki ek adhyatmik anubhuti ne unke atmik star ko to pankh laga diye. 1944- 1954 tak tritiyesh chandrama ki mahadsha rahi. san 1951 men chandrama men budh tatha chandrama men ketu ka antar raha. budh panchmesh hokar ketu ke sath pancham bhav men sthit hai. isi budh ne inko isi samay adhyatmik gyan ki or akarshit kiya. 1957 men unhonne darshan shastra men em. e. kiya aur raypur ke ek sanskrit kalej men parhane lage. agle hi sal ve jablpur vishvavidyalay men vyakhyata ho gaye. 1962 men unhonne jivan jagriti kendra ke nam se ek sanstha banai. ve char din ke shivir ayojit karne lage. pratikon aur vidhiyon ka khandan karte hue unhonne dhyan ki nai taknik viksit ki. inka jivan samaj seva, jan jagaran ko samarpit raha. unhonne vivah ke vishay men socha bhi nahin. uske kuch karan kundli men bhi drishtigochar hote hain. apki kundli men saptam bhav men surya ki upasthiti vaivahik jivan ki alpata darshati hai. tatha dusra karan saptamesh mangal ka ashtam bhav men sthit hona. agar ap gaur se dekhenge to ap payenge ki inki kundli ashtak varg men sabse kam bindu (17 bindu) saptam bhav men hai. 1966 men osho ne pradhyapki chor di aur apna dhyan puri tarah jivan jagrati andolan v prasiddh hastiyon ko apna shishya banane men lagane lage. 1968 men gandhi janm shatabdi varsh aranbh hote hi osho ne gandhivadi darshan, unke arthashastra, ramrajya adi adarshon ko nishana banaya jisse ve prabuddh varg ke bhi akarshan ka kendra ban gae. 1969 men nav sannyas andolan chalaya jisne adhyatm aur anand donon ko ek naye rup men prastut kiya. 1970 men ve munbai a gaye. yahan par film jagat ka ek varg unka anuyayi ho gaya. yuropiya mul ke log bhi inse prabhavit huye aur unhonne pune men rajnish ka ashram viksit kiya jahan mukhyatah videshi bhakton ka jamavra rahta tha. duniya ke har kone se log unse jurne lage. unke pravchnon ko 50 bhashaon men anuvadit kar sarvasulabh banaya gaya. inke janm lagn men mangal v shukra ka guru ki rashi dhanu men ashtam se sanbandh hai tatha ashtamesh uchch hai. mangal aur shukra bhog vilas ko darshate hain aur guru gahre gyan ko darshata hai. shukra, mangal v guru ke is sanbandh se apke bhog v sanbhog ki parakashtha ka pata chalta hai. navam bhav dharm ka bhav hai tatha navmesh shani ka bhi mangal shukra se yut hona unke sabhi gyan ko sthayi rup se age barhata gaya. ekadash bhav men rahu min rashi men sthit hai tatha ekadshesh guru uchch ka hokar tritiya men sthit hai, rahu apni pancham drishti se brihaspati ko dekh raha hai aur brihaspati apni navam drishti se rahu ko dekh raha hai. uchch ka rahu mahatvakanksha darsha raha hai jabki guru gyan ka vistar batata hai tatha tritiya bhav sanchar ko darshata hai. tinon ke mishran se yah spasht hota hai ki osho ki mahatvakanksha gyan ke vistar ko prachar ke madhyam se desh videsh tak failana tha. san 1961 se lekar 1979 tak apki 18 varsh ki rahu dasha chali. is rahu ki mahadsha ne inko desh videsh men uchch stariya khyati pradan ki. 1979 - 1995 tak chalne vali guru ki mahadsha inke jivan ki sabse kashtakari dasha rahi, jabki isi uchch ke guru ne unko athah gyan rup uphar to diya lekin yahi guru unke lie markesh arthat mrityu tulya kasht dene vala bhi sabit hua. guru ashtamesh bhi hai. aur ashtamesh hokar apne se ashtam men sthit bhi hai. yah yog ayu ki kshinta ko darshata hai aur yahi guru chathe se chathe ekadash bhav ka bhi svami hai aur guru ki ekadash bhav men drishti hone se gyan ki badhottari hone ke sath samasyaon ki bhi barhottari hui. osho ne amerika ko apna nivas sthan banaya. osho par apravasi kanun torne ke alava 35 aur arop lagaye gaye. in aropon ki janch aur kanuni karyavahi karte huye ameriki prashasan ne rajnish ko aktubar 1985 men giraftar kar liya. 12 din bad amerika chorne ki shart par inko riha kiya. vivadaspad jivan shaili vaktavya ke chalte kisi bhi desh ne inko sharan nahin di. anttah 29 julai 1986 ko ye bharat vapas a gaye. tatha apna nam bhagvan rajnish se badalakar osho rakh liya. pune men unhonne ek bar fir bolna shuru kiya lekin ab unmen pahle jaisi sfurti nahin thi. amerika men giraftari ke samay unhen theliyam jahar diya gaya tha jo dhire-dhire asar dikha raha tha. 19 janvri 1990 ko sham 5 baje unhonne sharir chor diya. surya inke saptam bhav men (marak sthan men) sthit hai. 19 janvri 1990 ko guru men surya ka antar chal raha tha aur guru us samay gochar men mithun rashi men gochar karke janmakalin ashtam bhav ko dekh raha tha tatha makar rashi men rahu gochar karke janmakalin brihaspati ko dekh raha tha. saptamesh aur vyayesh mangal saptam bhav men apni hi rashi men gochar kar raha tha. aur us samay surya, rahu v guru makar rashi men baithakar janmakalin tritiya bhav ko dekh rahe the. osho ji ki kundli men kuch mahatvapurn yog- graheshchaturbhi sahite tadishai kendratrikonopgtestu muktah .. -jatak parijat, adhyay 15, shlok 25 arthat yadi janmapatrika men dasham bhav ka svami char grahon se yut ho to jatak ko moksh prapt hota hai. apki kundli men dashmesh shani ke sath chandrama, mangal budh, shukra hai. murteshchapi nishapteshch navam bhagyalay kirtit chetanyaivishyante'y shubhdah svochchaditraah sarvada.. -jatkabharanam, navam bhav, tisra shlok yadi janm kundli men lagn ya chandrama se navam bhav men anya shubh grah ka yog v drishti ho to jatak ka bhagyoday apne janm sthan se dur arthat videsh men hota hai. apki kundli men brihaspati shubh grah hokar navam bhav ko dekh raha hai.
Kya aapko lekh pasand aaya? Subscribe
Kya aapko lekh pasand aaya? Subscribe


hast rekhaen aur jyotish  April 2011

jo jyotish men hai vahi hath ki rekhaon men hai donon ek dusre ke purak hai. hath ki vibhinn rekhaen kya falit kathan karti hai iski jankari is visheshank men di gai hai.

Subscribe

Apne vichar vyakt karein

blog comments powered by Disqus
.