ज्योतिष फलित में निखार लाने के सूत्र

jyotish falit men nikhar lane ke sutra  

Ank ke aur Lekh | Sambandhit Lekh | Views : 2506 |  
jyotish men rashiyon ka apna mahatva hai, parantu hamare vaidik jyotish men rashiyon se kahin adhik mahatta nakshatron ki batai gai hai. purani paripati ke jyotirvid prayah rashiyon tatha grahon ki sthiti ke adhar par hi falit ka vichar karte hain, parantu aisa karne se falit ke keval sthul rup par hi pahuncha ja sakta hai. yadi hamen kisi bhav athva grah vishesh ke vishay men satik bhavishya janne ka prayas karna hai to uske nakshatron se sanbandh ki chan-bin karni hogi tatha aur bhi adhik gahrai men jane ke lie nakshatron ke svamiyon ke sath-sath unke up svamiyon ka vichar karna bhi hoga. yah chinta ka vishay hai ki falit nirdharan men grahon ke nakshatron se sanbandh par vichar kie bina anek jyotirvid falit bata rahe hain aur ismen vyavsayik drishti se safal bhi hain. nakshatron par vichar karne ki pahal jyotish ke mahan vidvan shri ke. krishnamurti ne ki thi aur aj unke nam par ek paddhati prachlit hai jise krishnamurti paddhati kaha jata hai. bahut se jyotirvid ise apna kar jyotish ki seva kar rahe hain. ap bhi nakshatron v unke svami aur up svami ke anusar grahon ki sthiti ko dhyan men rakhte hue falit par vichar kar sakte hain parantu avashyakta hai in sab ko smaran rakhne ki. jyotish men siddhanton, yogon aur grahon ki sthitiyon se sanbandhit anshon ke nakshatron ke sath nakshatron ke svamiyon aur up svamiyon ko ek sath yad rakhna vastav men sadharan pratibha ke logon ke lie kathin avashya hai parantu asanbhav nahin hai. yadi ham is nakshatra pranali se falit karne ka nirantar abhyas karen to kuch samay bad yah sab sahaj hi smaran rahne lagenge. yahan ek sarni prastut hai jiski sahayta se vanchit jankari sekendon men prapt ki ja sakti hai. iske adhar par grah spasht se nakshatra aur uske svami tatha upasvami ko jan sakte hain aur falit ko purnata pradan kar sakte hain. ise aur adhik spasht karne ke lie ek udaharan prastut hai. udahrn: 1. man len ki surya spasht 0t 17° 02sh 03sh hai. atah surya mesh rashi men 17° 02sh 03sh ka hai. ab sarni men mesh rashi ke kaelam men dekhne par surya 26° 40sh 00sh tak shukra ke nakshatra men hai tatha chandrama ka up svamitva hai. mesh lagn men surya panchmesh hokar lagn men uchch rashi men hai. rashi ke falit ke anusar jatak mahan gyani, tejasvi v hathi hoga tatha uski santan bhi uttam hogi. ab nakshatra ke svami aur upasvami par vichar karen. surya, shukra ke nakshatra arthat dvitiyesh aur saptamesh ke nakshatra men tatha chandrama ke up svamitva men hai jo chaturthesh hai. iske anusar jatak men uprokt gunon ke atirikt yah gun bhi hoga ki vah keval apne kutunb aur dhan (dvitiya bhav) tatha patni (saptam bhav) ke sath hi apne ghar tatha vaibhav ke sukh ka apni mata ke sath bhog karega. is sarni ka upyog janm ke chandra spasht se uski mahadsha v antardasha batane ke lie bhi kar sakte hain. yadi uprokt surya spasht ko chandra spasht man len to hamen yah turant gyat ho jaega ki janm ke samay jatak ki shukra ki mahadsha men chandrama ki antardasha chal rahi thi. is tarah grahon ke nakshatron se sanbandh ke adhar par nakshatron ke svamiyon tatha up svamiyon ka vichar kar falit men parishuddhata lai ja sakti hai. isse aur bhi tathya samne aenge jinse falit ki gahrai ka gyan prapt karne men sahayta milegi.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2005

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.